رواية عوض من الله الحلقة الثانية 2 بقلم ندى حافظ

رواية عوض من الله الحلقة الثانية 2 بقلم ندى حافظ 

رواية عوض من الله الحلقة الثانية 2 بقلم ندى حافظ

رواية عوض من الله الحلقة الثانية 2 بقلم ندى حافظ 

_ خير يا دكتوره ؟!!

_ اطمنى مفيش حاجه هى جالها برد و لأن جسمها ضعيف مستحملش ، كتابتلها دوا للبرد و دوا لتنزيل حراره جسمها و ده مقوى لأنها ضعيفه جدا 

_شكرا يا دكتوره 

_ العفو ده واجبى 

طلعت من عند الدكتوره وانا مكسوره ، حاسه انى ام فاشله و انى أقل من انى اكون ام ، و مكسوره انى احتاجته ملقتهوش هو فين ؟؟ مش موجود طب بنته و ابن اخوه اللى المفروض هو مسئول عنهم هو فين من اللى حصل هو مش موجوده…

_ ندى انتى صاحيه تصلى الفجر ولا منمتيش 

_ كنت فين ؟

_ مالك 

_ كنت فين جاى الفجر يااحمد طب و العيال اللى انت مسئول عنهم ، انت ابوهم زيى ما انا امهم ، ممكن اعرف كنت فين لما فريده تعبت متتكلمش اه فريده تعبت و روحت لدكتوره و كتبت دوا ليها و بعدين رحت عند بابا و عند حمايا و حماتى و رحت السوبر ماركت وانت فين من كل ده هاا فين ، انا مش بشوفك بنتك مش بتشوفك ابن اخوك مش بيشوفك 

_ عبدالرحمن ابنى زيى فريده يا ندى 

_ مش بنشوفك 

الحمل تقيل اوى عليا يمكن المده اللى كنت لوحدى فيها مكنتش كده كان عبدالرحمن صغير نايم ويصحى ياكل و ينام تانى لكن دلوقت لا ، دلوقت بقا شقى و فريده بتتعلم منه و ضعيفه من اقل حاجه هتتعب وانا مش قد الحمل ده كله علشان كده محتاجه احمد علشان كده قولت افوقه من دور عم المختفى ده  

_ مرحتش شغلك يعنى 

_ اخد اجازه

_ امم 

_ هما نايمين 

_ شويه وعبدالرحمن يصحى و يصحى فريده 

_ هتعملى الفطار 

_ اه 

_هساعدك

_ لا شكرا 

_ خد اعمل السلطه 

ضحك _ طيب 

سمعت صوت عياط دخلت لقيت عبدالرحمن قلق نوم فريده ، المشكله مش أنه قومها لا أنه مستفز هى تعيط و هو يضحك اى مخلفه متخلف !!

_ تعرفى 

_ عرفنى 

_ انا عمرى ما قلبى دق لاميره ، الصراحه مكانش من ناحيتى ليها حب كان عشره و موده ورحمه ، هى مكنتش بتحبنى برده كان نفس الشئ ، هى محاولتش تحبنى غير كااخ و صديق فمحبتهاش غير أخت و صديقه و مكنش مكتوبلى احبها هى كانت بتحب وهى عندها 16 سنه حبت واحد كويس جدا لكن أهله لا مامته أجبرته على الجواز مكنش فى ايدو اى حاجه و هى فضلت عايشه على بواقى الحب اللى لسه بحبهلو ، اتجوزنا علشان مكنش فى حد هيفهمنا اكتر من بعض كانت دايما تقولى أنها مش هتسبنى وحيد و كانت كل ما اقفل عليا تدخل ترخم عليا لكن سبتنى ، سبتنى وحيد ..

مكنتش اعرف انه إلى. بينهم مكنش حب ، طريقتهم كانت جميله جدا مفكرتش أن ممكن العشره تبقى احلى من الحب أو زيى الحب لكن الفرق أن الحب ممكن يموت لكن العشره مبموتش …

_ قول ورايا فـَ رِ دَ ه فريده 

_ فـ رى 

_ فرى اى ف ري ده 

_ ف ري ده 

_ فريده 

_ ف ري ده 

_ كلها على بعض ، حطيت ايدك على كرشك خلاص حاضر هعملك اكل حاضر 

كنت نايمه جنب فريده و عبدالرحمن و مغمضه عيونى و سمعت صوت خطوات احمد ، ماهو اكيد هو يعنى مش حرامى لقيته أعد ناحيتى انا و مسك ايدى ، الحمدالله أن الدنيا ضلمه علشان اكيد هبان انى عامله نفسى نايمه 

_ ندى تعرفى انى بقيت اغير من قاسم انا عمرى ما غرت منه و هو عايش لكن دلوقت بقيت اغير منه ، بغير من كتر حبك لقاسم انا عارف انه كان جوزك و ابو ابنك لكن فى شعور غريب بحسه بحس انى غيران مضايق ، انا مش فاهم انا ليه بعمل كده و ….

نام و هو بيتكلم ، كلامه قلقنى هو ممكن يكون بيحبنى ؟!!

_ صباح الخير 

_ صباح النور 

_ معلش فريده عيطت امبارح فكنت بشوفها فنمت 

_ لا عادى ، هقوم احضر الفطار 

_ تمام 

انا مش عارفه اعمل اى ازاى يحبنى ازاى ، بحبه ليا هيبقى مستنى حب منى وانا مقدرش ، مقدرش انسى قاسم اخوه …

_ ندى 

_ نعم فى حاجه 

_ من اسبوع متغيره مالك ؟

_ مفيش حاجه 

_ طب ما نتكلم شويه 

_ معلش انا هنام تصبح على خير 

بتهرب منه ، انا مش عايزه يحبنى هو فى الاخر اخو جوزى انا مقدرش اخون قاسم مقدرش ..

_ مالك يا بنتى ؟؟

_ مفيش يا بابا 

_ عليا برده 

_ احمد يا بابا 

_ ماله يا حبيبتى 

_ بيحبنى 

_ و اى المشكله 

_ لا فى ده اخوه جوزى يا بابا ده بيخون اخوه و….

_ ده جوزك يا ندى عارف انك بتحبى قاسم بس هو مات و من حقك تعيشى حياتك من حقك تفتحى قلبك تانى و ده جوزك كمان افتحى قلبك تانى يا بنتى 

احب غير قاسم افتح قلبى لغير قاسم ، ازاى ؟؟ 

_ الو يا حماتى لا مفيش حاجه احنا كويسين ، لا خدى كلمى عبدالرحمن يلا يا عبدو 

_ تي تتا 

_ لا انا اللى علمته ههه حاضر يا حماتى سلميلى على حمايا 

_ مشرفنى يالا يا عبدو 

_ تي تتا

_ قفلت خلاص انا ماما 

بحس أن عبدالرحمن بارد فى تعليمه و انا هيجلى الضغط منه والله 

_ السلام عليكم

_ و عليكم السلام ، حمدالله على السلامه 

_ الله يسلمك 

_ هحضرلك العشا 

_ تمام هغير و جاى 

اكل و شيلت الطباق و غسلتهم و كنت داخله الاوضه لكن صوته كان مناعنى 

_ نعم يا احمد 

_ بتهربى منى ليه هو انتى سمعتينى 

_ سمعت ؟؟! سمعت ايه انت قولتلى حاجه و نسيت اعملها يااحمد

اتنهد _ لا خلاص نامى 

_ تصبح على خير

احمد ملهوش ذنب ، انا هفتح قلبى هحاول اتقبل أن حد يدخله غير قاسم ..

_ صباح الورد 

بصلى بتوتر _ صباح الخير 

_ صباح الجمال 

_ فى حاجه

_ بصبح عليك 

_ اه 

دخلت الأوضه بتاعته و طلعت ماسكه قمصين 

_ ابيض ولا ابيض هاا

_ ليه 

_ علشان تلبسهم مش رايح شغلك ولا اى 

_ لا رايح 

_ خلاص ألبس ده و الكوتش البيض و الساعه الجلد السوده تمام 

ابتسم _ تمام 

كنت مستغربه نفسى لكن انا قولت هحاول و انا مبرجعش فى كلامى الا قليل جدا ، مسكت الفون بتردد و جبت رقمه و اتصلت 

_ خير فى حاجه العيال كويسه ؟؟

_كلو تمام فى اى 

_ اصلك عمرك ما تصلتى غير لما فريده تعبت 

_ احم بجد 

_ بجد اه 

_ طب انا كنت بطمن عليك بس 

_ عليا 

_ لا القمر اللى هناك ده 

_ ده انا ، ميرسى جدا يا عثل

قفلت فى وشه مبحبش الغزل ياجماعه ، لا بس كانت حلوه اوى منه عثل دى …

 _ احمد احمد 

  _فى اى 

   _ بص كده كلم عبدالرحمن كده 

    _ عبدالرحمن عبدو

     _ با با 

      _ فريده 

       _ ما ما ما ما 

        _ الله اى العسل ده هاتو بوسه 

حضنهم و اعد يهزر و يبوس فيهم ، فى لحظه اتنمتيت أن يكون قاسم و اميره موجودين لكن عمر ما هيحصل كده …

_ خد شيل شيل فريده كده خلى بالك من عبدالرحمن كده هيضربو بعض كده ، احمد 

_ قلبه ، احم اقصد نعم 

_ شيلهم عدل بالله عقبال ما اشوف انهو رز احلى 

_ طيب 

_ اى رايك فى نوع اللبن ده 

_ اللى هناك ده احلى 

_ امم اى رايك فى الجبنه دى 

_ حلوه 

_ بص العصير ده 

_ حلو 

_ اربعه شيبسى و اربعه شمعدان و اربعه شيتوس و اربعه شيكولاته.. 

_ المرتب خلص يا هانم 

_بطل بخل يالا 

_ السوبر ماركت خلص يا بنتى 

_ يووه بخيل 

فتحت التلفزيون و جبت مسرحيه العيال كبرت ، و عملت سندوتشات شيبسى و جبنه و لانشون و حلاوه و عملت عصير مانجا و اعدت فريده و عبدالرحمن …

_ احمد ، يلا تعالى بسرعه 

_فى اى 

_مبحبش اتكلم كتير ننجز 

طلعت و اعدت جنب العيال و شويه وهو جه و اعد جنبى و شال عبدالرحمن وانا كنت شيله فريده..

_ ندى…

_ نعم 

_ تعرفى إن عيونك حلوين اوى بشوف فيهم طيبه رهيبه و …

_ عبدالرحمن نام 

بهمس _ فصيله اوى 

_ بتقول حاجه 

_ بقول اه فعلا نام 

_ امم 

انا دبوشه يا جماعه ازاى عايزانى اسيبه يتغزل فيا كده يعنى …

كان بيلعب مع عبدالرحمن و فريده ، كان شكله حلو اوى و اكنه طفل صغير برئ و لطيف و …

_ ندى 

_ هاا بتكلمنى 

_ اه من بدرى ، مالك 

بتوهان_ كنت سرحانه فيك 

_ ايه 

مش قادره افهم مالى ، حاسه انى اتغيرت و أن كل حاجه اتغيرت للاحسن ، الشمس اللى بقت بتنور كل ضلمه ، الجو الدافى ، و الهوا اللى بيطبطب على قلبى ، هو فى اى ؟!! 

_ تيشيرت النيتى على البنطلون الكحلى ده احسن 

_ هيبقى شكلى حلو يعنى 

_ هيبقى شكلك حلو جدا 

طريقتى بتتغير من غير ما احس ، انا مش قادره افهم انا فيا اى …

_ احمد 

_ نعم 

_ تعرف قرأت حاجه نهارده يعنى و لأن الجو ملل فقولت اقولها ، هاا اقول 

_ اللى تحبيه قوليه 

_  قرأت أن المدمن ينكر إدمانه والمجنون ينفي جنونه 

_ بتحبى القراءة

_ جدا 

_ طب تعرفى إنى بحب الاغانى و الموسيقى جدا بحب اسمع الاغانى القديمه اوى 

حاسسيت أن عينى لمعت من الفرحه ، انى عرفت شئ عنه جديد اول مره اعرفه فرحنى ، لانى عرفته منه هو هو جه قالى هو بيحب ايه ، 

انا تايهه اوى ..

“شبك حبيبى شبك قلبى و شبك روحى ❤”

كنت واقفه ادندن معه صوت شاديه وانا بعمل الغدا و فجاه حاسسيت بصوت جنبى و كان هو و هيكون مين غير حبيبى ، اى حبيبى ؟؟!!!

_ اى الجمال ده بحب الاغنيه دى 

_ و انا كمان بحبكـ  ككح بحبها انا كمان بحبها 

انا بعمل اى انا بحب احمد انا حبيته طب و قاسم ، انا مكنش ينفع افتح قلبى انا ، انا تعبت من كتر التفكير .

_ قاسم 

كان لابس التيشيرت الزرق الى كنت جيبه له هديه فى عيد ميلاده قرب منى و مسك ايدى فضل ماشى و انا ماشيه معه لحد ما وقف أدام حد مكنش باين ملامحه حط ايدى فى ايدو و بصيت لقيته احمد 

صحيت احمد ؟؟ افهم من كده أن قاسم بيقولى أنه موافق احبه ؟؟

_ ندى ، انا رايح الشغل عايزه حاجه 

_ سلامتك عايزه سلامتك 

ابتسملى و مشى و انا دخلت لبست و لبست عبدالرحمن و فريده و روحت عند حماتى 

_ اى فى اى جايه بدرى يعنى 

_ فى اى يا حماتى زعلانه انى جيت ولا اى والله ازعل 

_ لا يا حبيبتى ما قصدى كده ابدا 

_ عارفه اه خلى بالك من العيال يوم يومين كده 

_ و ده من اى بقا 

_ الله يا حماتى فى اى 

_ فى اى انتى يا روح حماتك 

_  فتحت قلبى تانى ، برضى قاسم و فتحته علشان احمد يستاهل يتحب

_ و انتى تستاهلى كل خير يا حبيبتى 

_ وبعدين فى حماتى القمر دى ، يلا سلام انا بقا

_ ربنا يوفقك و يسعدك يا بنتى 

الشمس منوره الدنيا و العصافير بتغنى حواليا و الدنيا هاديه و الجو ولا احلى ، حاسه انى رجعت بنت صغيره اول مره تحب اول مره تفرح ..

رتبت الشقه و عملت غدا حلو و لبست فستان اسود تحت الركبه بشويه و واسع زيى بتاع الاميرات ، سيبت شعرى على ضهرى حطيت ملمع شفايف و كحل و شغلت أغانى و انا مستنيه طلته اللى خطفت قلبى من غير ما احس …

” ونقول للشمس تعالى تعالى مش بعد سنه مش قبل سنه دي ليلة حب حلوه بألف ليله وليله ألف ليله وليله في كل العمر هو العمر ايه غير ليله زي الليله الليله زي الليله❤ “

_ اى ده ؟؟

_ احمد 

_ انتى  ندى ؟!

برقه _ ايوه ندى هكون مين 

_ اى الجمال ده 

_ هو انا كنت وحشه قبل كده يا احمد 

_ مش القصد لكن النهارده مختلفه اختلاف حلو اوى 

_ احمد انا عايزه اقولك انى 

_ هاا انك اى 

فتكرت حاجه و قولت بابتسامه _ انى لا احبك 

ضحك و حضنى _ وانا لا احبك أيضاً

يتبع..

لقراءة الحلقة الثالثة : اضغط هنا

لقراءة باقي حلقات الرواية : اضغط هنا

نرشح لك أيضاً رواية عشق الروح للكاتبة بنت الصعيد.