رواية يقين جريئه الفصل السابع 7 بقلم منة محمد
رواية يقين جريئه الجزء السابع
رواية يقين جريئه البارت السابع
رواية يقين جريئه الحلقة السابعة
زين بعدها ولفها بايده : هههههههه عارضة نفسك بطريقة جذابة تخلي الواحد ينسى نفسه
يقين حست بالذل من كلامة : انا ماعرضتش نفسي انت اللي شاري البس ده انسب شي لقيته!!!!
زين بسخرية : بصراحة اللبس حلو عليك يعني مش خسارة الفلوس الي اندفعت فيه
وعند فيك مش هتطلعي من الحمام قبل الليل .. وماتنسيش تنضفيه
كمل كلامة وخرج اما هي مضطره انها تكتم غيظها لان البنات وحشينها جدا
بعد ما نضفت الحمام أأعدت وفي المكان المخصص للجاكوزي على طرف الرخام البارد وطلعت القلم والدفتر الي كان معاها وأأعدت تصمم ليلة حالمة رومانسية باللون الليلكي طلبتها واحده من المتابعين للقسم الي بتطرح مواضيع فية
رتبت الافكار لانها هتديها امال تنزلها في المنتدى الليلة البنفسجية…بعد ما خلصت
اتنهدت وحطت الدفتر جنبها الحمد للة ما فضلش كتير على المغرب وينفك الحصار الله يا دنيا كل ده علشان تحديته و الاعشان رفعت ايدي علية ولا علشان مازن
دخل عليها زين وهي قاعده بالحمام
زين بسخرية : ههههه شاطرة نفذتي الكلام بالحرف ودلوقت تعالي عايزك في الصالة
يقين خرجت الصالة : تأمر بحاجه
زين بخبث : انا محتار وعاوزك تساعديني
يقين ببرود ظاهري: انا في الخدمة
زين مثل الحيره : زي مانت شايفة قدامي تلات هدايا ومحتار ازاي اوزعها على مرتاتي
يقين :عادي يعني كل واحده لها استايل معين واهتمامات مختلفة
زين بسخرية وألش : لا والله وايه الجديد الي جبتيه … انا مناديك علشان توزعيها مش علشان تتفلفسي
يقين بصبر: انا مش اعرفهم علشان اوزعهم انت حدد وانا انفذ
زين بوقاحة : لمي نفسك واحترمي الي قدامك
يقين تمتص غضبة تمسك اول صندوق : يازين باشا دي شنطة ومحفظة من ماركه تناسب الي تحب تروح الاسواق مثلا او الخروجات والحفلات!!!
زين : طيب دي اديها لدينادز
يقين تفتح الصندوق التاني في نفسها ( وااااو) عقد الماس على شكل فراشة الماسه دي تناسب الي بتحب الكماليات والاكسسوارات والزينة
زين:دي هديه وداد الي بعده
يقين: تامر بشئ تاني
زين: لسه باقي الهدية التالته
يقين بصبر:يبقي هديه للزوجه التالته
زين بمكر: لأ، لازم تفتحيها علشان اعرف وصفك طلاما صح في اتنين، اكيد بينفع للتالته
يقين فتحت العلبة التالته وانصدمت لما شافت القميص الاسود ولون ووشها جاب الوان : ده اكيد بيكون للعروسة الجديدة لان الاسود يثبت نفسه ..
زين مستمتع باهانتها : هههه والله انت صح اكيد بيناسب رانيا يلا عاوز اشوف مواهبك في التغليف غلفيها
يقين:طيب انا عاوزه اشتري بعض الوازم علشان ازينها
زين:اكتبيها وهبعت السواق يجبهالك
يقين: حاضر بس ممكن اتكلم معاك في موضوع
زين:اخلصي
يقين بتردد: اهلي لي شهر مشعارفه عنهم اي حاجه كنت محتاجه بعد اذنك اكلمهم
زين برفض : لا
يقين بترجي واضح : والله وحشوني قوي انا بس اكلمهم بالتلفون
زين بتهديد مسك ايدها وجرها ناحيته :ما تخلينيش امد ايدي عليك واشلفط ملامح وشك تعرفي اعملها عادي .. ويالا مضيعيش وقت جهزي الهدايا
يقين في سرها (ربنا يحرقك بجاز وسخ عاوزني اشتغل بهدايا حريم السلطان….واهلي رافض اكلمهم )
مشت من غير نفس وكتبت الطلابات وعطتها لزين الي قاعد يشتغل علي اللاب توب
………………………….
ام زين قاعده في الجنيه مع مريم وريهام وتتكلم في الموبيل
ام زين: اهلا بيك يا مديحه
مديحه: اهلا بيك اخبارك ايه يا ثريا
ام زين: بخير الحمد لله
مديحه: الف مبروك يا ثريا
ام زين بارتباك: الله يبارك فيك
مديحه: صح انت ما عزمتينا بس زين يستاهل كل خير مبروك جوازه
بصراحة خيره للجمعية مغرقنا
ام زين ماتت من الاحراج : والله زين عمل فرحه في النمسا
مديحه:وليه في النمسا
ام زين مسكت دماغها: ابدا ده كان شرط العروسة
مديحه: واااااو والله زين مش هين ووافق ينفذ طلباتها ههههه >> فين يا حسره
ام زين من غير نفس:هههههههههه
مديحه: اكيد هنشوفها في الحفلة يوم السبت
ام زين مسكت نفسها من الغضب: اه طبعا اكيد هتكون نجمة الحفله (وعوجت شفايفها)
مديحه: خلاص خلي الدعوة عليا انا عارفة انك مشغولة انا هبلغ الكل وهبعت دعوة خاصة على شرف حرم زين الرفاعي
ام زين بقهر: تسلمي يا روحي
مديحه : مع السلامه
ام زين عارفه مديحه مش بتمسك لسانها ده غير سمعتها المنتشرة في الاوساط الراقية
مريم : ماما لي خمس دقايق بكلمك وانت ولا هنا
ام زين: بموت يا مريم من اخوك قلبي هيقف من الاحراج بين صحابي
مريم : الله يهديك يا امي وليه يحرجك
ام زين : انت ماسمعتيش مديحه بتتكلم ازاي عن حضور حرم زين للحفله وازي انها بتشرفها … ااااااه منها بنت الفقر
مريم : لأ والبرنسيسه ما كلفت نفسها تسأل علينا وتسلم
ريهام بدلع : يمكن زينو مش عاوز يجيبها ياحرام اكيد مكسوف منها
ام زين صوتت بحسره: يا بختي لاسود، دي اشكال حفلات دي تعرف تتصرف في حفله مليانه بسيدات المجتمع الراقي
مريم : مامي لازم تكلمي زين يشوفلو صرفة
ام زين بعصبيه: مافيش صرفة ربنا يستر علي الفضيحه والله لتجيب راسنا الارض
ريهام: ايه رايك يا ماما نطلب من زينو انها تعتذر بشكل رسمي من طنط مديحه نفسها
ام زين ابتسمت: والله جبتيها انا هخلي الاعتذار يجي من مكتبه على الدعوة الرسمية
مريم بانتصار: اكيد زين عارف حجم الي ما تتسمى وهيعتذر
ريهام : الا صحيح هي اسمها ايه
ام زين عضت صوبعها بغل: واحنا هنعمل ايه باسمها كتها القرف
مريم : يعني من باب الفضول احنا ما سألناش وهو مقالش اكيد اسم فلح
دخلت عليهم عبير (عمرها25 طويلة ولونها خمري شعرها اسود قصير عيونها عسلية ) سلمت عليهم
عبير: صباح الخير
ام زين: صباح الخير ببنتي عبير
مريم :اهلا يا قمر فينك مختفيه
عبير بحزن :هكون فين يعني أأعده اندب حظي الفقر
ريهام (احسن شئ عملو زينو انه متجوزهاش )
ام زين بحزن: ااااااه ياعبيرهو انت الي حظك بس الي فقر!!ده انا حتى مش عارفه هعمل ايه في الحفله
مريم : يارب تمرض ولا تيجي بنت الفقر دي تاخد زين
ام زين : اكيد سحرته لان من العادة زين يسافر لوحدة شهر للنمسا
عبير بغيرة : الا شكلها ايه حلوة ولا وحشه
ام زين : ولا شفناها حتى يوم ما جابها متلتمه متعرفيش هربانه ولا وحشه ولا ايه
ريهام بتعجب: تصوري فعلا يا تيته متلتمه ولا شالتها
مريم :ولا المصيبة ما نطقت ولا كلمة
عبيرضحكت: لاتكون خرسا ههههههه
مريم: ياريت انا لحد دلوقت مش مصدقة ان زين اتجوز
عبير:فضلتو تقولولي اصبري والله مش هيلاقي واحده زيك واصلا محدش مالي عينه
ام زين: ان شاء الله مش هيطول معاها اكيد زين بيتسلى شوي ويرميها
نادتهم ريسه الخدم للغدا
ام زين: ربنا يقويني واقدر امسك اعصابي اكيد الهبابه هتتغدي معانا
عبير : ان كان كدا انا مش هستني
مريم : لالالا خليك
قبل ما تدخل يقين للسفره دخل قبلها ريحة البرفيوم القوية الي خلت الكل يعطس من قوتة
يقين بعربجية : سلام عليكم يا بشر
ام زين مطيرة عيونها علي يقين الي لابسة لبس غير متناسق البلوزة خضره باكمام طويلة وجزء داخل بالجيبه وجزء فوقها و الجيبه حمره وعليها رسومات ورود كبيرة و الجيبه طويلة جدا
اما المكياج حاطة اساس غامق وشادو اخضر واصفر و الروج حايس باللون الاحمر والبلاشر مكتراه باللون الاحمر ( شوفتوا لما واحده تحب تطفش عريس )
ام زين : بسم الله الرحمن الرحيم
مريم : ياحفيظ
عبير : ياميري تعالي افتحي الشبابيك انصرعنا من الريحة القوية
ريهام زعلت عليها و على شكلها
يقين بردح :فين الاكل الصحون ليه فاضية
ام زين: الله ينتقم منك يازين جايب الاشكال دي منين
ريهام بطيبة : ياحبيبتي جعانه
عبير بقرف : اكيد بنت الفقرموتها الجوع
وقفت الخدامه وبدأت توزيع الشوربة في الصحون وبدوء في الاكل
يقين اخدت ملعقة الشوربة وهي تقلبها : ايه ده ليه المعلقه دي قصيره كدا ها
وتكلم الخدامه : انتي يا وليه جيبيلي معلقه زي الناس
الخدامه فاتحه عيونها : وات مادام
يقين بصوت عالي : وات وبط ايه البخل ده المفروض تجيبوا معالق كبيره تشيل
وبحركة جريئة بتقهر اهلة رفعت طبق الشربة لبؤها وفضلت تشرب منه بصوت عالي مستفز
عبير: انت ما تعرفيش اصول الاكل
مريم منفجة من الحركة : يارب صبرنا قبل ما ارتكب جريمه
يقين(هههههههههههههه لسه انت شفته حاجه ان ما طلعت عيون الحقير زين واهلة ما اكون يقين)
بدأ السيرفس يقدم ستيك اللحم المشوي و الريش
يقين : عنك انت يا عم انا احط لخالتي ام زين ووقفت ومسكت اللحمه بايدها تحط بطبق ثريا ام زين وترمي بهمجيه
ام زين بقرف : انعمت عيونك ان شاء الله
ورجعت يقين تاكل بصوت وهي تمص الريش و ترمي العضم على التربيزه وتمص صوابعها بصوت ينرفز
اخدت الكاس وقامت تصب لها عصير فراوله وتقعد
عبير بقرف : انت ما تعرفيش الاصول كنت شاورتي لوحدة من السيرفس تناولك العصير
يقين بخبث: ومين السيرفس انت
مريم :هههههههه الاول اعرفي معناها وبعدين قوليها
ام زين: معليش يا عبير امسحيها فيا انا المرة دي
يقين تحرك ايدها بقصد و تكب العصير علي التربيزه: سامحوني
عبير : انت يا غبية انت ما تعرفيش تقعدي عدل
يقين : خلاص ياابله انا قايمة
وبحركة مدروسة داست علي رجل عبير وهي توقف : بجد اسفة
واخدت طبق وحطت فية من كل نوع ومشت لجناحها وسط ذهول ثريا و الي معاها الي متحنطين من هماجيتها
يقين طلعت بعربجية اول ما وصلت الجناح نطت على الحمام تاخد دش سريع تغسل الالوان الي على نفسها وميته من الضحك
وثريا تحت تقريبا ماتت بجلطه حتميه
………………
تاني يوم
يقين تتقلب ببطئ على الكنبة الي نايمة عليها وهي بتفكر بموقف زين لما شاف الهدايا الي غلفتها يقين باتقان مبدع …..يقين ماشافته بعدها ضحكت وهي تتخيل زين كل يوم عند واحده شكل . اتنهدت وقامت رتبت الجناح واتشيكت ولبست بنطلون جنز على بلوزة حرير موف بخيوط ولبست صندل عادي موف وربطت شعرها ديل حصان وقعدت تاكل شاندوش مورتديلا لان الشغالة مش بتجيب الغدا الا الساعة 3 الظهر
………………
زين الي لسه متغدي مع اهلة وسامع من الكلام اشكال و الوان بتحقير يقين …وامه الي قالتلو يعتذر عن الحفلة
دخل مكتبه وبدء يراجع اوراقة مع فهد
فهد : زين باشا دي دعوة خاصة لحرمكم من الجمعية الخيرية
زين ابتسم وهو يفتكر مديحه الي زهقته من كتر ما رنت عليه مش علشان تباركلو لا هو فاهم قصدها (والله جه دورك يا يقين)
يالله انا هخليها مفاجاة ومش هبلغ ماما الا في الحفله نفسي اشوفك مذلولة يا يقين هههههههههههههه
فهد طلع من عند زين الي نادا يقين عندة في المكتب
زين بقرف : انت مدعوة لحضور حفلة خيرية يوم السبت .وبصراحة انت ما تشرفيني بالحضور حتى امي اكيد مش عاوزاك تحضري
يقين بهدوء: مايهمنيش حفلاتك واذا حضوري ما يشرفكش دورعلي واحده من حريمك تروح بدالي
زين بعصبية مسك دراعها ونزلها لمستواه وقرب وشه من وشها : في الاول كنت مخطط انك متروحيش بس دلوقت ..
يقين قاطعته وبعيونها لمعة تحدي تأسر زين وتجذبة ليها: طلاما انا مش قد المقام مش حاضرة
زين اللي دايب بعيونها الرمادي: اظن بينا اتفاق ولازم تلتزمي بيه
يقين بقرف : والله الالتزام بيقول حريمك وبنت عمك ايه دخل الحفلات
زين ضحك ضحكة اربكت يقين لما استوعبت قرب زين منها وحاولت ترجع
زين : مديحه منظمه الحفله زهقتني باتصالاتها واصدقاء ثريا هانم الوالده بيحضروا الحفله عشاني و انت لازم تروحي
يقين بارتباك واضح عجب زين : اسمع انا حفلات مش بحب احضر خليني اروحلها المكتب وصدقيني مش هتفكر فيك
زين بستغراب : ليه يعني
يقين بدلع وثقة : انا يقين الي ماحدش يقدر يقاوم جذبيتي
زين ضحك بخبث : بس هي مش من زباينك الرجاله
يقين بقهر شدت ايدها منه بقوة : اسمع انا وافقت على شروطك بس ما كانش من ضمنها التجريح
زين بهدوء : بدون أي مناقشة يوم السبت هتروحي الحفلة لوحدك
يقين بدلع غير مقصود : بس انا معرفش حد لية مش اروح مع مامتك
زين عجبة نطق مامتك : هههههه ياريت امي تسمعك وانت بتقوليها.
ما اظنش ان مامتي بتاخدك معاها وهتروحي لوحدك
يقين تستغلل الفرصة بمياعة واستعطاف ودموعها نزلت: تأمر امر يا باشا بس كنت عاوزك تتكرم عليا اكلم اهلي والله مش هطول وانت احسب لي عشر دقايق وان طولت اقفل انت السماعة وبكت من غير شعور
عيون يقين نقطة ضعف زين
وهي تدمع ومن غير شعور قربها منه وهو نفسة يبوس عيونها ويمسح دموعها بشفايفة ويلف ايده حواليها ويضمها في حضن دافي بس ازاي و الحواجز بينهم كبيرة (فوق يا زين اياك تضعف انت عارف انها دموع تماسيح وبعدين تبان على حقيقتها الي انت شفتها بعينك)
يقين زادت دموعها وهي تفكر في حالها لو كانت الظروف غير ياتري كان هيكون ازاي تعامل زين ليها.
يقين سمعته كم مرة يكلم مرتاته بحنيه وكريم ومتفاهم
زين رفع وشها بقرف : متعيطيش برضو مش هتكلميهم بس هتشوفيهم مش رحمة بيك بس رحمة في اخوك المسكين المخدوع فيك
يقين الي صدمها كلامه حتى الصميم : شكرا
وطلعت من الغرفة بفرحة مقتولة وكبرياء جريح نفسها تشوف اهلها بس كلام زين وجعها جدا جدا
الاول كانت تتحمل تجريحة وظلمة وسوء نيتة فيها .
لكن قربها من حياة زين وطريقته في التعامل مع كل الي حواليه ومميزاته يخليها تموت بدل المرة الف على كل لحظة ظلم او نظرة سخرية او سوء ظن منه
يمكن قبل مشاعرها لزين بغض وكره لكن حاليا يقين وقعت في حيرة مشاعر متلخبطة و امال ضايعة
زين شاف الفرحة الطفولية بعيونها البريئة واحمرار خدودها وحز في نفسة الي بيعملو فيها من عذاب …عيون زيها ما يليق عليها الدموع
( مالك يا زين اصحي فوق ماتخليش واحدة رخيصة زيها تاثر عليك انت عارف ماضيها ) واتنهد بالم
…………………..
يقين لبست بسرعة وقعدت تنتظر جاتلها رئيسة الخدم
ماريا : مستر زين بيقول لجنابك انزلي تحت العربيه في انتظارك
يقين اول مرة جات مع زين تخرج من البيت
طارت من الفرحة وهي ماشيه مع ماريا ووقفت عند المدخل بعد كدا مشي معاها الحارس للعربيه المرسيدس وفتح لها الباب ودخلت .
مشت العربيه ويقين مشاعرها مختلطة لها شهرين متعرفش اي حاجه عن اهلها. زين اشترى هدايا لاهلها وحلويات وورد
السواق : وصلنا ياهانم والساعة 9 هكون عند الباب
يقين نزلت بفرحة ده وهو مستحقرني امال لو اهمه كنت هتعمل ايه يا زين
…………….
دقت الجرس وفتحت لها الشغاله وسلمت عليها وطلعت تجري فوق لبنات عمها اول ما فتحت الباب سمعت امال ومنى كالعادة خناق
امال:كم مرة وانا اقولك النت ليا
منى : لا والله لسه ما خلص وقتي
يقين تجري وترمي نفسها عليهم : هااااااااااااااااااي
منى وامال صرخوا بفرحة وحضنوها وهما بيصرخوا
امال: فينك يا دبدوبتي يا قاطعة شهرين ما شفناك
منى: اتكبرت علينا من يوم ما اتجوزت ابن الرفاعي
يقين تبتسم بألم: ولا اتكبرت ولا حاجه بس تعرفي السفر متعب
امال : اه والله كل ما تامر يكلم زين يقولو يقين في المول او نايمه
يقين ( الحقير حابسني وبيكدب على اهلي ااه يارب امتى تخلصني منه او تحننه علي ا.. لا شكلي اتجننت)
منى :الا يا يقين ايه شكل النمسا وفين الصور عاوزين نشوفها مفيش عندنا وقت
يقين تضحك : هههه لاوالله الصور ما جبتها لكن جبت لكم هدايا بيحبها قلبكم
منى وامال جريوا على الصندوق الي جابته يقين
منى : انا الي هفتح الاول
امال : لا والله انا الكبيرة انا افتح قبلك
منى: وااااااااااااااااو يقين احلى لاب توب ابل
امال: ياااااااي ياجمالو يا يقين تسلمي ياعمري
يقين : بصراحة وحشني سريري واتمددت على سرير امال
امال: اخبار زينو معاك ايه عاوزين تقرير مفصل
منى :بيعاملك ازاي وانتي بتتعاملي معاه ووووو احكي
يقين : بس واحد واحده بمناسبه الكلام بكرة عندي حفلة للجمعية الخيرية
امال تقاطعها: حفلة واااو اكيد هتكون على مستوى
منى: اكيد يقين بنت عمي الجميله هتغطي على الكل
يقين بحزن : ده كان الاول انما دلوقت غير
امال: لا والله انت تغطي على الكل بس ناقصك شوية ريفريش
منى: صح السفر والتعب ماثر على وشك ايه رايك نروح بيوتي سنتر دلوقت
يقين خايفة : اخاف ان الوقت ميكفيش و السواق يجي الساعة9
منى :لسه الساعة 6 يعني باقي 3 ساعات نجهز
راحو لبيوتي سنترعملت عناية للبشرة وبدي كيرو منكير وزادت من خصلاتها الثلجية
على شعرها وقصت اطرافة وجعدت شعرها بشكل رهيب و هما راجعين للبيت ..
في العربيه..
آمال : بقولك ايه يا يقين شوفي دي دعاية عن عيادة اسنان ايه رايك نعدي ..
يقين : ليه ؟؟
آمال : ايه رايك نركب لك فص ألماس على سنانك ..
و دخلت عند الاستقبال و سألت عن تركيب الفص و قالوا لها يا خد 10 دقايق ..
دخلت للدكتوره..
يقين : السلام عليكم
الدكتوره : و عليكم السلام
يقين : حابه اركب فص الماس لو سمحت
الدكتوره : اتفضلي على كرسي الكشف .. انشا الله الموضوع مش بياخد وقت .. و ده الكاتالوج نقي منو الفص المناسب ..
يقين : ايه رايك آمال اخد الدهب و لا الالماس
آمال : حطي الالماس الساده احلى ..
الكتوره : ما شاء الله سنانك جميله ومنظمه و الفص يليق عليها كتييير
و خرجوا من العياده على البيت ..
لمت يقين بعض لوازم الي محتاجها من البيت بشنطة
امال : ماشاء الله تجننيي
منى : ايه الحلاوه دي كلها شكل زين مش نايم الليلة
امال تقلد صوت زين : الليلة صباحي يازوجتي العزيزة
يقين بحزن مخفي : ههههههههه
شوي سمعوا صوت أبرار و تامر طالعين السلم
امال : أبرارتامر تعالوا شوفو مين عندنا
أبرار : يقيين وتسلم عليها وتحضنها
تامر بزعل : اهلا بأختي الي قطعتنا سلمت علية وضمته
قعدوا يتكلموا لحد ما جه السواق وراحت يقين للقصر
دخلت الجناح ولقت ورقة من زين
(سافرت برا مصر ويمكن ارجع بكرة . اوعي تنسي الحفله . وياويلك لو ما نفذتيش الي طلبته بالحرف الواحد)
زين سافر من غير ما يعرف يقين ولا قالها اي شئ عن طبع الحفلات اوحتى يديها مجوهرات
يقين ( حتى ما كلف نفسه يهتم بمظهري قدام الناس. بس على مين يازين انا يقين )
ميري : مدام يقين العربيه جاهزة
يقين : ok
وقفت قدام المراية تعدل اللمسات الاخيرة على نفسها اختارت شادو احمر ودمجتة بالاسود وكحلت عيونها مع خط اخضر تحت العين والمسكارا خضرا علشان تبرز لون عيونها حطت روج احمر صريح وبلاشر وردي وختمت اللمعة الذهبية الفاتنة
لبست عقد بشريطة سوداء على الرقبة وياقوته على شكل فراشه حمره و لبست الدبلة الالماس والساعة بجلد اسود (طبعا دي هدايا ابوها لامها الي طلبت من يقين تحتفظ بيهم )
ضحكت وهي تفك الرولات عن شعرها الحرير لينساب بحريه على كتافها
لبست فستانها الاحمر من الشيفون و الحرير وعاري الصدر و الضهر وطويل بديل وله فتحة من الجنب لحد نص الفخد
و الفستان ده اللي لبسته بحفلة نجاح البنات ..
وربطت الجلد الاسود لصندلها العالي حوالين الكعب وتتامل جمال المانكير الفرنسي فراشات حمراء صغيرة على ضوافرها
في قاعة الاحلام الي يتم الاحتفال من قبل الجمعية الخيرية
وعلى تربيزه عايله زين
ولا اقولكم اكمل في البارت الجاي .. ايه الي هيحصل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يقين جريئه)
