رواية متملك الفيروز الفصل الثاني 2 بقلم جودي عماد
 |
| رواية متملك الفيروز الفصل الثاني 2 بقلم جودي عماد |
رواية متملك الفيروز الفصل الثاني 2 بقلم جودي عماد
_انت بتقول ايه يا دكتور مستحيل.
قالها مالك و هو واقف قدام الدكتور مصدوم معقوله يكون هو السبب فى اللى حصلها لاء اكيد لاء نفى مالك فى سيرة و هو بيحمل لنفسه كل الذنب فقال له الطبيب:-
_صدقني يا استاذ مالك الانسه فيروز فقدت النطق.
رجع مالك للخلف عدة خطوات و هو بيردد من غير وعي:-
_يعنى ايه يعنى فيروز مش هتكلمني..مش هسمع صوتها اكيد مستحيل.
دخل مالك الاوضه بعصبيه و هو بيقول للدكتور بزعيق:-
_انا هدخل اوعي من وشي.
دخل مالك الاوضه و اتصدم بشده لما شاف فيروز نايمه على السرير و موصل فيها الاسلاك فالف للدكتور و قال بزعيق:-
_ليه الاسلاك دى متوصله فيها.
قاله الدكتور بخوف من حالة هذا المجنون نعم فالدكتور قد اطلق على مالك انه مجنون:-
_لازم دى محاليل تغذيه عشان الع*ن*ف اللى اتعرضت ليه.
قعد مالك جنبها على السرير و هو بيقول للدكتور:-
_اطلع برا.
خرج الدكتور من الاوضه و هو بيشفق على هذه الفيروز الفتاه التى تعاني و هذا واضح من اثر وشها عند مالك بص لفيروز بغيظ شديد و هو بيقول بصوت عالى:-
_عايزة تفقدي النطق بمزاجك لاء ده بعدك يا فيروز انتى هنا هتعملي كل حاجه على مزاجي فاهمه على مزاجي.
قام مالك من جنبها و خرج من الاوضه و لقي ممرضه ماشيه فى طرقة المستشفى قالها بغرورة:-
_لما تفوق جهزيها عشان هنخرج و اه قبل ما انسي ادخلي اقعدي جنبها و خليكي معاها و اياك ارجع ألاقيها اشتكت منك فاهمه.
هزت الممرضه رأسها بخوف و دخلت الاوضه و قعدت جنب فيروز اللى نايمه بعمق و كأنها لقت حاجه تاخدها من واقعها المؤلم و المرير.
????????????????????
خرج مالك من المستشفى و راح بيت مي خبط على الباب فتحت ليه مي اللى عيناها بقت تطلع قلوب اول ما شافته و مالك لاحظ ده بس اتجاهلها و قالها بغرور:-
_امك فين يا مي .
مي مسكت إيده و قالتله:-
_ماما فى المطبخ يا مالك…
مكملتش كلامها لان مالك زق إيديها ب*ع*ن*ف و سابها و راح يدخل المطبخ امها خرجت و اول ما شافته قالتله بطمع:-
_جبت الفلوس.
بص ليها مالك بأستنكار و هو بيردد كلمتها اللى مش مصدقها:-
_فلوس.. فلوس ايه اللى بتسألي عليها و بنتك فى المستشفى.
الام بخضه و قالتله:-
_ليه فى المستشفى يا مالك انت عملت فيها ايه.
مالك ببرود و هو بيخرج من البيت:-
_ملكيش دعوة انتى بعتيها ليا و قبضتي التمن.
سابهم و خرج فبصت مي لامها و قالتلها بتفكير:-
_تفكتري فى المستشفى ليه يا ماما أكيد مالك عمل فيها حاجه و بعدين انتى مأخدتيش منه الفلوس ليه.
بصت امها ليها و قالتلها:-
_يا غبيه بيقولك فى المستشفى لازم امثل عليه و اعمل نفسي زعلانه عشانها .
????????????????????
فى البيت عند مالك دخل بيته و هو شايل فيروز اللى بتبص ليه بنظرات هو مقدرش يفسر معناها ابدا بص ليها و هو سرحان فى ملامحها البريئه قعدها على السرير و قرب منها و هو بيقولها:-
_انتى مش هتفضلي كده كتير يا فيروز انتى هتتكلمي فاهمه هتتكلمي و تقولي الحقيقه و الا العواقب مش هتكون سليمه.
باسها فى رأسها و كان هيخرج من الاوضه و لكن جت رساله على تليفونه و اول ما فتحها عينه أتحولت لشرار من النار و بص لفيروز بغضب شديد و قرب منها و هنا حصلت اخر حاجه كانت تتوقعها فيروز..
