رواية حكاية ورد الفصل الثاني 2 بقلم سارة محمد
 |
| رواية حكاية ورد الفصل الثاني 2 بقلم سارة محمد |
رواية حكاية ورد الفصل الثاني 2 بقلم سارة محمد
وصلت قدام باب ڤيله..لقيت حرس..
انتي عاوزه مين ؟!
انا : انا عاوزه عصام الصاوى..
واخده معاد ؟!
انا : انا بنته قوله كدا…
بس عصام بيه معندوش بنات..
قالى كدا ودخل كلمه وبعدين دخلونى ليه..
هو : انتى مين ؟!
انا : انا بنتك انا ورد..
كنت فكراه هياخدنى بالحضن..حضن يغنينى عن كل الى شوفته حضن يعوضنى..
هو : انا مبخلفش..
ف اللحظه دى الدنيا كلها اسودت فى وشى ومحستش بحاجه ووقعت على الأرض. ..
فتحت عينى بعدها لقيتنى فى اوضه كبيره جدا وجنبى بنت فى سنى كدا.
انا : انتى مين ؟!
هى : انتى الى مين …؟!
عمى عاوز يعرف انتى مين ؟!
انا : انا ورد..بنت عصام الصاوى…
يعنى انتى بنت عمى؟!
هى : لسا مبقتش؟!
لسا لما نتأكد …
الدكتور لما جه كشف عليكى اخد عينه دم وبكره هتطلع النتيجه …
انا : فين بابا..؟!
هى : انتى ورد ؟!
انا :اه ..بس هو فين؟!
انا : عمى تعبان شويا..هو قالك انه مبيخلفش لانه من 20 سنه عمل حادثه وفقد القدره على الإنجاب..
وقعدت جنبى وقالتلى احكيلي حكايتك يورد انا اسمى ملك..
فضلت اعيط واحكيلها…
لقيتها قامت وقفت وقالتلى قولتيلى اسمه ادهم ايه؟!
انا : اسمه ادهم الشرقاوي…
لقيتها بصيتلى بصدمه وقالتلى قومى البسى اللبس ده وتعالى معايا …
قومت لبست الفستان وركبت معاها العربيه…
انا : انتى واخدانى على فين؟!
هى : هتعرفى دالوقت..
ودخلنا مطعم فخم جدا..لقيتها بتقولى هو ده ؟!
بصيتله وفضلت اعيط …
انا : مش لازم يشوفنى…
مين الى قاعده معاه ديه؟!.
هى :خطيبته ..البنت دى ممرمطها معاه بمعنى الكلمه…كل يوم تقفشه مع بنت شكل…مطلع عينها وهى مجنونه بحبه…
عارفه يورد انتى لو طلعتى بنت عمى بجد …اقسملك بالله لأخدلك حقك منه تالت ومتلت..
تانى يوم لقيت الباب بيخبط…
انا : ادخل …
لقيت ملك واقفه قصادى وماسكه ورقه وببتسم وتقولى باباكى عاوز يدخل يورد…
انا فى اللحظه دى قومت من على السرير وطلعت اجرى حضنته..
هو : والله لعوضك يبنتى عن ال 20 سنه دول…
وخالتلك الى خبتك عنى والله لوريها..
انا : لو سمحت يا بابا متجبش سيره لحد عن وجودى.
ملك : مش انا حكيتلك يعمى على كل حاجه…
هو : انتى بنتى بنت عصام الصاوى…جوز خالتك ده ميقدرش يمس شعره واحده منك ..
ملك : انتى هتمسكى الشركات وكل حاجه وهنعلن اننا لقيناكى كمان..
قولها يعمى على شريكك…
بابا : الشرقاوى …
انا بعياط : يا بابا ..
بابا : متعيطيش يورد …مش عاوز اشوف دمعه واحده على خدك…
ملك : من النهارده انتى اسمك ايلن…
ومش هنعلن عن زجود ورد احنا هنعلن عن وجود ايلن …
بابا وقتها خرج..
ملك قعدت جنبى وقالتلى…
هتتغيرى 180 درجه يست ورد علشان تبقى ايلن الصاوى…
وهتقعدى بكره على نفس الترابيزه مع ادهم الشرقاوى…
انا بخوف: ايه الى بتقوليه ده ..مهو هيعرفنى..
ملك قامت ومسكت ايدى وقعدتنى قدام المرايه وقالتلى مش هيعرفك…وهتشوفى بنفسك دالوقت ..وبعدين هو مش ورد ماتت واندفنت خلاص..
بصيت لقيتها بتقولهم ادخلو…
الدريسات اشكال والوان…والشوزات…والكوافير…وكل حاجه…
هنختار.. النهارده ونعمل بروڤا علشان بكره…
قومت واتشجعت وقتها…وقررت انى مش هعيط تانى وقومت ابنى فى ايلن..ايلن الى هتاخد حق ورد …اخترت اجمل فستان واحنل تسريحه…وكل حاجه…
تانى يوم : ملك…صباح الخير يالا نبداء علشان منتأخرش على الشركه..
انا : يالا…
كل متحطلى ميكب اعيط…
ملك : متعيطيش بقا يحبيبتى..انتى اقوى من كدا…
ولازم تبقى قدامه قويه ومتبينيش اى حاجه…
احنا لسا فى البدايه…اجمدى كدا…
انا : تمام…واخدت نفس وابتسمت..
اول منزلت..
بابا بعياط : مش معقول القمر ديه بنتى…
احمدك واشكر فضلك يا رب علسان حفظتهالى…
ملك : احنا ماشين بقا يعنى علشان منتأخرش..
بابا : خلى بالك عليها يملك..
ملك بأبتسامه : دى فى عيونى يعمى…
اول مطلعنا من باب الڤيله…
لقيت واحد نازل من عربيه فخمه جدا وراح قالع النضاره وواقف قدامى وقال لملك…
مين البرنسيس ديه يملك ؟!
ملك : سلم على بنت عمك..
حسيته اتصدم بس قولت دا الطبيعى : هو…بنت عمى بتهزرى؟!
بنت عمى مين ؟!
ملك : هو انت ليك غير عم واحد ييوسف..
لقيته سحب ملك من ايديها بسرعه واخدها على جنب..
وبعها ملك جات…
انا : فى ايه يملك..
ملك : مفيش ..دا يوسف اخويا…لسا جاى من فرنسا كان ماسك الفرع الى هناك..ولعلمك هو وادهم مبيتفقوش خالص..
ركبنا العربيه …
ملك : من النهارده هتتعلمى السواقه..
وصلنا قدام باب شركه كبيره جدا…
ملك بصيتلى وبكل قوه قالت : رحبوا بالبشمهندسه ايلا…بنت عصام بيه…
ودخلنا على الأجتماع…
وقعدت على الكرسى..وفضلت مستنياه يخبط على الباب..
ووالده كان قاعد معانا…
ملك : ايه يعمو اومال ادهم فين ؟!
هو : على وصول..
وانا مش قادره اتحكم فى نبضات قلبى…
حاسا الناس هتسمعه..
وف اقل من لحظه دخل ادهم..
ملك بصوت واطى : ابتسمى ابتسامه بسيطه…
رفعت راسى وابتسمت ابتسامه بسيطه وبصيتله..
لقيته راح راجع لورا..وساند على الحيطه ولاحظت انه كان لابس اسود…
ملك : انت كويس يا ادهم ؟!
انا : اتفضل اشرب ميا…
وقربت منه ومديت ايدى واديتله كبايه الميا…
مسك كبايه الميا منى وراحت واقعه من ايده على الأرض…
ادهم بصيلى وعينه محبوس فيها دموع وقالى انتى مين ؟!
باباه : دى ايلا بنت عصام الصاوى..تبقا بنت عم ملك .. كانت بتدرس فى سويسرا ولسا راجعه..
سيبته وروحت قعدت على الكرسى وحطيت رجل على رجل ومسكت القلم…
وبنبره حاده :الإجتماع مش هيبداء بقا ولا ايه ؟!
يتبع….
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
