رواية عشقته صدفة الفصل الثاني 2 بقلم ريما

هنروح فين ي باشا دى شكلها تعبان اوى…

**احمد قلع چاكيت البدلة ولفه على وسطها لانه شايف انها محجبة وخاف حاجة من جسمها تبان وهو بيشلها… حس ب احساس غريب هو ليه خايف حد يشوفها ولى بيغطيها ما عادى هيا متهموش وهو بيكره البنات اشمعنا هيا الى خايف عليها بس طبعا مظهرش على وشه الى البرود انما من جواه مستغرب نفسه

– احمد

اطلع على المستشفى بسرعة…. 

** ريما فتحت عيونها ف العربية لقت نفسها فى ايد قوية محوطاها وحسة بدفا رفعت وشها لقت نفسها ف حضن راجل غريب حاولت تقوم بس كانت ضعيفة اوى.. احمد حس بيها انها فاقت ف بص ليها… 

شاف اجمل عيون ممكن تشوفها عيون بلون السما والبحر ولما قرب منها لقى ملامحها هادية وجميلة وطفولية جدا فضل مركز فيها شوية وهيا بصلت كتير.. وفجاة لقى عيونها بتدمع تانى و هتعيط محسش ب نفسه غير وهو بيمسح دموعها وبيشدها لحضنه اكتر…. 

لما لقته بيحضنها زيادة اتنفضت من حضنه واعدت تصرخ وتعيط وتضربه ب ايدها حتى انها بدأت تزقه ب رجليها وخربشته ف وشه.. طبعا هو استغرب الى عمله ازاى ضعف كدا ادام دموعها ومستحملش يشوفها بتعيط وهو يادوب لسة عارفها من نص ساعة بس.. 

– ريما

الحقووونى يا جدعان حرامى وخطفنى انا خسارة اتخطف دلؤتى لسة معشتش حياتى ي ناااس اععععع

نزلوووونى والا هموتكوا 

(بطلتنا اتجننت رسمى???????? هيخطفها على اى ي حسرة دى مفلسة) 

**طبعا ريما من خوفها مهدتش وفضلت تصرخ و تعيط وتضرب احمد الى صبره خلاص قرب ينفذ منها ومن جنانها… حتى ان السواق استغربه ازاى سكتلها كدا وسايبها تعمل الى عيزااه لو واحدة تانية كان فتح باب العربية ورماها منها وهيا ماشية

– عند لينا

اى دا الساعة كام شكلى نمت كتير بصت ف الساعة لقتها بقت 9.30 ياااه دا ريما مصحيانى من بدرى وانا راحت عليا نومة كالعادة يادى النيلة مش هخلص من لسانها طول النهار.. 

**صحيت لينا ودخلت الحمام اغتسلت واخد. شاور وخرجت عشان تلبس بس لينا اوضتها نضيفة ومترتبة مش زى ريما و اسيا.. الاتنين اوضهم اضرب من بعض

**لبست لينا وكلمت اسيا…… 

– عند اسيا

ايوا صحيت اهو صحيت…. خخخخ تش خخ تش????

**اسيا نامت على السماعة ولينا بتكلمها ????

– لينا

اسياااااااا يا بومة اصحى دا انتى لو دب مش هتنامى كدا اصحى ي حيوانة احنا نمنا وسبنا ريما تنزل لوحدها

– اسيا

اعععععع اهو فوقت وربنا اهوو????

بس ريما مالها مكنتش مركزة معاكى

– لينا

يابنتى ابوس دماغ امك صحصحى اول وبعدين كلمينى مش. نقصة عبط ع الصبح 

– اسيا

طيب طيب هلبس وانزلك اهو استنينى بس 10 دقايق

– لينا 

يا مسهل…. متاكدة انهم 10 دقايق يعنى مش هتاخدى دورة نوم تانية ف الحمام…. عليا النعمة ي اسيا لو نمتى ل اطلع اشد عليكى السيفون…(لينا بصريخ ونرفزة) اسيااااااا اوعى تنامى يلا مستنية.. 

**عند اسيا

صحت اسيا وهيا بتركز ف كلام لينا ان ريما نزلت لوحدها.. صحيت بسرعة وكالعادة عملت الروتين اليومي ليها اخدت شاور ودخلت تدور ف الزريبة الى اسمها دولاب…. ????

لبست ونزلت اسيا عند لينا وراحوا الجامعة عشان عارفين اكيد ان ريما وقعت ف اكتر من مصيبة لوحدها او عاملة مشكلة مع حد او اكيد انها معصبة منهم جدا لان دى اول مرة تمشى لوحدها…. 

**عند احمد

– احمد

اهدى باه وبطلى تتحركى رغم ان حجمك صغير الا انك بتتحركى كتير اى متعبتيش اتهدى باه ي شيخة فرهدتى امى 

**طبعا ريما ولا هيا سمعاها وعمالة تعافر وتقوم وتعد وتخبط هنا و هنا وتضربه وتشد شعر السواق وتعض ايد احمد وتصرخ و تعيط حرفيا اتجننت

– احمد 

يعنى مش هتهدى صح…. 

**فجاة احمد شد ريما من طرحتها من ورا وقربها عليه اوى لحد ما بقى سامع نفسها وحرفيا بيتنفس من نفسها هيا.. سرحت ريما ف احمد وادد اى ملامحه رجولية ويبان عليه انه قوى سرحت ف عيون عسلية وشعره الى متصفف بطريقة تهبل ومن قربها شمت ريحة برفانه و فى ثانية غمضت عيونها تشم ريحته من غير ما تحس هيا بتعمل اى.. حست ب قلبها هيطلع من مكانه لمجرد بس قربه و رحته و عيونه الى تاهت فيهم

احمد قربها منه اكتر… فسندت ب ايدها على صدره عشان ترجع بعيد عنه شوية لانهم قربوا اوى بس هيا وشها قلب احمر لون الطماطم لانها حست ب ايدها عضلات صدره وان جسمه قوى بس احمد قبل ما تحاول تبعد شدها ليه.. كل دا وريما مفكرة ان الشاطر حسن وقع ف حبها… اتارى الشاطر حسن كان ف دماغه حاجة تانية خالص

– احمد

باه انا تضربينى وتبهدلينى كدا طب انا هعرفك ازاى تمدى ايدك دى على احمد السكرى 

**ف ثانية احمد كان قلع حزامه وربط ايدها وقلع الجرافته بتاعته وربط بؤها لانها فعلا مبطلتش كلام ولا حركة ولا ضرب فيه لا هو ولا السواق…السواق المسكين الى مبقاش فيه شعراية توحد الله بسبب ريما????

**ريما اتصدمت منه ومن الى عمله وبعد ما كانت مركزة وسرحانه فيه وهو طبعا استغل سرحنها دا وربطها اعدت تحاول تفك نفسها وترغى و تصرخ بس هو طبعا مش فاهم حرف منها 

كان شكلها يضحك جدا وهيا عمالة تتوعدله انها هتعرفه وعمالة تبصله بصات زى كدا???? الى هو وربنا ما هسيبك ????

احمد غصب عنه ضحك على منظرها..هيا ف ثانية راحت عالم تانى بسبب الضحكة دى.. ضحكة رجولية بس طلعة من القلب 

السواق استغرب اكتر واكتر لانه اول مرة يشوف الباشا بيضحك كدا ومن لبخته بسبب ضحكة احمد.. المسكين كان هيلبس ف الرصيف ???? بس لحق نفسه وفرمل العربية بسرعة وبسبب الفرملة دى ريما اترمت ف حضن احمد تانى……