Uncategorized

رواية ملكي أنا (رهف 3) الفصل الأول 1 بقلم الكاتبة ندى رأفت

 رواية ملكي أنا (رهف 3) الفصل الأول 1 بقلم الكاتبة ندى رأفت

رواية ملكي أنا (رهف 3) الفصل الأول 1 بقلم الكاتبة ندى رأفت

رواية ملكي أنا (رهف 3) الفصل الأول 1 بقلم الكاتبة ندى رأفت

رد يا ابني رد ارجوك .. 
وفجأه صوت باب الفلا بيتقفل …..
نزلت  بسرعه …
رهف : كنت فين يا إياد ..   
إياد بتوهان : سبيني ..في.. حالي.. يا ماما .. عايز ارتاح ..
رهف بعصبيه: بردوا رحت المكان دا تاني مش انا قولتلك ..بلاش تروحه ..صدقني لو ابوك عرف مش هيحصل كويس ..
إياد  وهو قاعد بيميل شمال ويمين: خليه يعرف ..مش فارق معايا .. طلما هي مشيت  يبقى مش فارق معايا حاجه .. وكان هيمشي ..
وقفت رهف قدامه وقالت : أستنى هنا أنا بكلمك ..
إياد : مش فايق دلوقتي ..يا ماما .. 
رهف : متتعبش قلبي يا ابني انا مش قادره اشوفك بالمنظر دا …وبدأت تعيط ..
إياد بتوهان : لا ..يا ..ماما ..دموع ….لا 
ومسح إياد دموع رهف وقال : الا دموعك مستحملهاش ..يا امي …
رهف : خلاص بطل الي انت بتشربه دا ..وارجع زي الاول .. واهتم بشغلك 
إياد : انا اسف يا ماما بس مش هقدر سامحيني ..انا لازم انسى ..وبعدين ..متقلقيش من الشغل… انا قايم بكل حاجه….
رهف : وحياه غلوتي عندك ..بطل الي انت بتشربه  …ابوك جي من السفر بكره ..لو عرف حاجه ..قطعها إياد وباس رسها وقال : تصبحي على خير يا ماما…..ومشي ..
رهف بعصبيه ودموع : إياد… إياد …
قعدت ..رهف على الكنبه ..وقعدت تعيط ..
الصبح …..على الساعه ٩ 
صحي إياد من نومه ..ودخل خد شاور ..وطلع لبس قميص اسود انيق ..وبنطلون اسود ..وجزمه سوده ..وحط البرفيم بتاعه المميز …ونزل 
لقى امه قاعده على السفره وبتفكر ..رحلها إياد ومسك إيدها وباسها وقال : صباح الخير يا ماما …
شالت رهف إيدها ..وقالت بحزم : صباح الخير ..اقعد افطر ..
إياد : لا يا ماما معلش انا ورايا شغل ..
رهف: ابوك جاي الساعه خمسه  …هتيجي ..تستقبله..معانا ..من المطار 
إياد بحزن : هشوف يا ماما .. مع السلامه.. 
وراح شغله….
الساعه خمسه في المطار …
رهف واقفه هي ورحمه لوحدهم ..
رحمه : هو إياد فين يا ماما… انا بقالي فتره مش بشوفه كتير ..
رهف بحزن : شويه وجي يا حبيبتي …
ونزلت رهف راسها لتحت ..بتحاول تكتم الدموع…فجأه رفع حد وشها لفوق وقال : زعلانه ليه …
رهف بصدمه: ياسين …
رحمه بفرحه  : بابا …. حضن ياسين رهف ..وبعدها حضن رحمه بنته …
ياسين : اومال إياد فين …
رهف اتوترت ومش عارفه تقول إيه …
وفجأه ..
إياد : حمد لله على السلامه ..يا ياسين باشا ..
رهف بفرحه : إياد ..
حضن إياد ياسين …
ياسين :  كبرنا وبقنا رجاله …
إياد بسخريه : انا طول عمري راجل يا باشا ..
رحمه : علفكره بقا انا عندي ١٦ سنه يعني المفروض اتعامل أني كبيره بردوا ..يا بابي 
ياسين : طبعا يا روح بابي .. يلا بقا نروح علشان انا عايز ارتاح ..
خد إياد شنط السفر بتاعه ياسين ..ومشي بيهم ..وقبل ما يخرج من المطار سمع
حد بيقول : تعالي يا ملك يا حبيتي يلا علشان نروح الطياره …
مجرد سمع إياد الاسم دا …وقف مكانه …وافتكر (انا مسافره يا أياد ..واحتمال مرجعش تاني ….
إياد : ازاي يعني مترجعيش ..انتي راحه فين ..
ملك بدموع : مش عارفه .. ) فجأه..
ياسين: إياد إياد ..ما تمشي يا ابني انت واقف ليه ..
إياد : معلش يا بابا انا مضطر استأذن ..
ياسين : ليه يا ابني في إيه ..
إياد : عندي شغل مهم ..وسابهم ومشي ..
رهف : طيب تعالوا احنا نروح ..وهو لما يخلص شغله هيرجعلنا …
ياسين بشك : ماشي ..يلا..
الكاتبه: Miyano shiho ( ندى رافت ) 
ركب إياد عربيته ..ومشي بيها ..
إياد : رغم  إن انا عندي ثلاثه وعشرين سنه و  الموضوع دا عدا عليه اكتر من عشر سنين الا اني عمري ما نسيته ..ولا هقدر انساكي ..يا ملك ….انا لسه لغايه دلوقتي ..فاكر عيونك الي كانت بتنزل دموع ..وانا مش عارف اعمل حاجه…كله بسبب اهلك الي كانوا عايزين بيعدوكي عني …بأي طريقه ….وبعدها وقف إياد جنب ..بار ..ودخل فيه ..أول ما دخل ..وقعد يشرب …وفجأه جه جنبه صاحبه سيف وقال : إيه يا عم تيجي ومتقولش كدا ..
إياد : انا مش طايق نفسي ..يا سيف ..
سيف بسخريه : ومن امتى وانت بتيجي ..رايق يا إياد ……..وبعد فتره رن تليفون أياد ..بص إياد وقال : دي ..ماما …
سيف : ما ترد يا ابني …
إياد : هي عايزني ارجع بدري علشان بابا ..ميشكش في حاجه…وقام أياد ..وقال : هتيجي معايا ….
سيف : يلا يا عم بالمره اسلم على بابك ..
إياد : انا مش رايح البيت انا مسافر ..
سيف : مسافر ..مسافر فين …
إياد : هروح اقعد يومين في الشاليه بتاعي اغير جو ..
سيف : طب ومامتك ..مش هتقولها ..
إياد : هبقى اقولها ..اضطريت اسافر علشان الشغل ..يلا بقا هتيجي ولا لا ..
سيف : هاجي يا عم اصل مش هينفع اسيبك لوحدك …وانت كدا  …
وركب إياد عربيته وركب سيف جنبه ..ومشيوا …
وهما في الطريق …
رهف شغاله اتصال ….
سيف : رد عليها يا إياد حرام عليك دي والدتك …
مسك إياد الموبيل وقال : الو يا ماما ..
رهف: انت فين يا إياد مبتردش ليه …
إياد : معلش يا ماما كان عندي ..شغل ..
رهف : طب انت فين ابوك بيسأل عليك …
إياد : معلش يا ماما مش هينفع اجي انهارده ..عندي شغل ضروري وهضطر اسافر ..
رهف : شغل إيه ..دا ..وهتسافر فين وتقعد قد إيه …
إياد : بعدين يا ماما ..سلام …وبعد ما قفل علطول ..حس انه قلقان …وفجأه سمع صويت ..راح بص لقى بنتين بيجروا ..ووراهم شباب …
وقف إياد  عربيته بسرعه .. ونزل هو وسيف ..
عند البنتين …
تعبت واحده من الجري …فقالت : لا مش هقدر امشي ..اكتر من كدا…
البنت التانيه : لازم تتحملي يلا بسرعه…
وفجأه مسك واحد من الشباب شعر البنت 
قال : مسكتكوا …..
البنت بدموع  : سيب شعري … سيبه ..وفجأه مسك أياد إيد الراجل الي كان ماسك بيها شعر البنت وقال : سيبها …
الراجل : لا مش هسيبها ….
راح لوح إياد إيده بسرعه وخد البنت منه ..
وحطها وراه ..
الراجل بعصبيه :   انت أزاي تعمل كدا ..وكان هيروح يضربه راح ادخل سيف ..وضرب الراجل ….. وبعدها بدء إياد يضرب في الرجاله هو وسيف …..والبنت راحت لصاحبتها…ووقفت جنبها …
وفجأه .. طلع واحد من الرجاله مطوه …واتجه لأياد بكل قوته …
البنت بسرعه : خلي بالك …
وفجأه جرح الراجل أياد بالسكينه في صدره ..
سيف اتعصب ..وفضل يضرب ..في الرجاله لغايه ما وقعوا كلهم على الأرض…..
سيف : إياد انت كويس ..
إياد بينهج : متقلقش ….جرح سطحي ….وفجأه حس إياد بالالم ..ونزل على ركبته …
جت البنت جنبه بسرعه ..وحطت إيدها على كتفه وقالت وهي في عنيها الدموع من الخوف : انت كويس …بصلها إياد بصدمه وقال بينه وبين نفسه: عنيها …نفس العين …وكان هيرفع إيده يمسح دموعها لكن ما قدرش وفقد وعيه ………..
يتبع……
لقراءة الفصل الثاني : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى