رواية ملكي أنا (رهف 3) الفصل السادس 6 بقلم الكاتبة ندى رأفت
 |
| رواية ملكي أنا (رهف 3) الفصل السادس 6 بقلم الكاتبة ندى رأفت |
رواية ملكي أنا (رهف 3) الفصل السادس 6 بقلم الكاتبة ندى رأفت
ياسين : وانت تعمل كدا ليه ..
بعد إياد عن ياسين وقال بعصبيه : علشان لمس حاجه بتعتي ..ولو جرب يعملها تاني ..هقتله ….
لطش ياسين إياد بالقلم جامد لدرجه انه كان هيقع ..
رهف بخوف : إياد ..
رحتله رهف بسرعه وحطت إيدها على كتفه وقالت: إياد حبيبي انت كويس ..
بص إياد لياسين بعصبيه ومسح الدم الي على بوقه وقال : انا مش عيل صغير علشان تمد إيدك عليا ..انت فاهم ..
ياسين بزعيق : طول ما انت مش متربي يبقى همد إيدي عليك وهربيك …
رهف : أهدى يا أياد يا ابني ..اهدى يا ياسين ..
إياد بزعيق : انا اعمل الي انا عايزه ..متفتكرش إن القلم دا هيمنعني ..
ياسين بعصبيه: انت بتعلي صوتك عليا يا إياد ..وكان هيرحله ..راحت وقفت رهف قدام إياد وحطت إيدها على كتف ياسين وقالت : علشان خاطري يا حبيبي ..أهدى صلى على النبي …
ياسين : عليه الصلاه والسلام
رهف : اطلع اوضتك يا إياد ..
إياد كان هيعترض ..
رهف : علشان خاطري يا ابني ..
طلع إياد اوضته ..
رهف بدأت تعيط وقالت : كدا يا ياسين ..
ياسين : ابنك تصرفاته مش عجباني يا رهف ..
رهف بتعيط : بس مش كدا …
يعني بالي انت عملته غيرت تصرفاته ..
ياسين : انتي مشوفتيش ..ابنك عايز يقتل مصطفى بكر علشانها..
رهف : هي مين البنت دي ..
ياسين : ملك عزام السيد ..
الي ابنك ..كان بيحبها في طفولته ..
رهف : هي رجعت من السفر ..
ياسين : اه رجعت ..والي كنت بتكلم معاه دا كان ابوها ..
رهف : طب ما نروح نطلبها لابنك يا ياسين ..ابنك بيحبها ..وهي بتحبه ..
ياسين : وهو بعد الي عمله ابنك ..ابوها هيوافق ..ثانيا: لو هي بتحبه ايه الي دخل مصطفى في الموضوع ..
رهف : يمكن كان بيعاكسها ..وإياد ادخل ..
ياسين : انتي مشوفتيش عين أبنك ..وهو بيقول هقتله …الموضوع اكبر من كدا ……..
الظهر على الساعه ١
في المستشفى ..
في اوضه مصطفى ..
مصطفى : بقا انا مصطفى بكر واحد زي دا يعمل فيا كدا ….
رد واحد من حراسه كان معاه في الاوضه : شكله ميعرفكش يا باشا ..بس متقلقش يا باشا احنا هنعرفه مين هو مصطفى بكر ..
مصطفى بخبث : لأ ما هو انا مش عايزه يلحق يعرف …
الحارس بخبث: فهمت يا باشا ..
في الجامعه …
على الكافتيريا ..
ساره : دا انا كنت خايفه عليكي اوي يا ملك ..
ملك بسخريه : خافي عليا وانا مع مصطفى مش مع إياد ..
ساره : ثواني ..هو دا إياد الي حكتيلي..عنه ..
ملك : ايوه ..
ساره : طب هو خدك فين امبارح..
ملك : هحكيلك بعدين …يلا بقا علشان نلحق المحاضره…..
في الفلا عند رهف …
حطت داده منال كوبايه مانجا قدام رهف وقالت : جبتلك عصير ..ينعنشك كدا ..
رهف : شكرا يا داده ..
الداده : مالك يا بنتي ..
رهف : قلقانه ..حسه ان قلبي مقبوض جامد ..
داده منال : من إيه يا بنتي ..
رهف : مش عارفه ..مش مطمنه ..وبتصل بياسين ..قافل تليفونه ..وإياد مابيردش ..
داده منال : متقلقيش يا حبيتي ..كلها ساعتين ..ويبقوا عندك ….متقلقيش ..أن شاء الله خير ..
رهف بقلق : إن شاء الله ..
الكاتبه :Miyano shiho (ندى رأفت )
وبعد فتره ….
على الساعه ٣ العصر ..
خرجت ملك هي وساره من الجامعه ..
ساره : انا تعبت اوي ..
ملك بصدمه : إياد…
بصت ساره لقت إياد واقف قدام الجامعه ..ومستنيهم …قدام عربيته ..
ساره : ودا ايه الي جابه ..هنا دا ..
شاور إياد لملك إنها تيجي ..
وملك متوتره ..ومش عارفه تعمل إيه ..
ساره : بصي خلينا نمشي …ولا اكنه موجود ..يلا يا ملك ..مشيت ساره شويه ..راحت لقت ملك صحبتها لسه واقفه مكانها …
رجعتلها تاني وقالت : ملك انتي واقفه ليه ..تعالي بقا ..فجأه سابت ملك ساره واتجهت لأياد ..
ساره : انتي راحه فين ..
عند إياد …
رهف شغاله رن عليه …
راح رد إياد بعصبيه …
وقال : يوه يا ماما في إيه مالك بترني بيا كتير كدا ليه ..
رهف: انا قلقانه يا إياد قلبي مقبوض ..انت فين تعالى ابوك رجع ..وبيسأل عليك ..
إياد : شويه وراجع يا ماما..شويه وراجع ..
رهف : لا تعالى دلوقتي ..مفيش شويه…بقولك انا قلقانه قلبي مقبوض ..
إياد : متقلقيش يا ماما ..شويه وا ……فجأه صوت طلق نار ………..
رهف بصدمه وصريخ : إيااااااد ………
