رواية اخت في الزنزانه الفصل الأول 1 بقلم هويدا زغلول

رواية اخت في الزنزانه البارت الأول

رواية اخت في الزنزانه الجزء الأول

رواية اخت في الزنزانه الحلقة الأولى

حلوتهم _ يلا يا سجن مفيهوش حد جدع
فيه بقي اروح اشوف الزياره ارجع القيكم مقلبين
حلوتهم انتو شكلكم متعرفوش مين
حلوتهم
ودي المعلمه حلوتهم اكبر مسجونه
في سجن النسا السجن كله بيحبها
لانها جدعه وفي يوم
كانت قاعده في الزنانه بتاعتها ودخلت ماجي
ماجي _ لوسمحت حضرتك هو انا المفروض
السرير بتاعي رقم كام
حلوتهم _ هههه حلوه رقم كام دي
المفروض يعملوا سجن للناس اللي جايه من
جاردن سيتي
ماجي _ لا انا من المعادي والله
حلوتهم _ بقولك اي تعالي اقعدي
جمبي هنا احسن بدل ما حد يعمل معاكي
الغلط وانتي فافي اوي كده
ماجي _ شكرا لحضرتك والله بجد انا خايفه من المكان ده اوي
حلوتهم _ الا قوليلي يا حلوه انتي
جيتي فيه اي ، وفي الوقت ده دخلت
البت نرجس وقالت
نرجس _ الحقي يا معلمه العيال ولاد باعته
ملومين علي بنت غلبانه وعايزين
يروقوا عليها
حلوتهم _ مش عايزين يجبوها لبر بقولك اي
خليكي مع الحلوه دي لحد ما اروح
اشوفهم واجي
حلوتهم راحت ليهم وهما وقفين قدام البنت والبنت واقفه
حلوتهم بصوت عالي _ جرا ايه يا عالم يا خجر متلمين علي البنت في وجودي دنا هخلي نهار إللي جابوكو اسود
كلهم بصو ليها وواحدة منهم قالت _ عايزه ايه يا حلوتهم متلمي الدور البت دي إحنا هنتسلي عليها انهارده ليه رأيك بقي
حلوتهم بصت ليهم بهدوء وبعد كده مسكت الست إللي كانت بتكلمها من أيدها _ آنتي يا بت آنتي مش هتجيبها لبر يا عجله يا فشله آنتي عايزاني أروق عليكى وحياه أمي اوريكي تعالي بقى ومسكت الست وفضلت تضرب فيها بعد شويه خلص
حلوتهم _ ها مين عايز يبقي التاني
كلهم خافو منها وبقو يقولو _ إحنا اسفين يا ست حلوتهم حقك علينا غلطه ومش هتتكرر
حلوتهم _ إما نشوف يا شوية عرر وبعدين بصت
للبنت وقالت _ تعالي معايا يا حبيبتي تعالي
البنت ملك _ إنا مش عارفه أشكرك إزاي يا طنط
حلوتهم _ طنط طنط مين يا أختي طب دنا
أجدعها راجل مش بيقولي غير يا ست حلوتهم أنا مش بطنطن أنا قولي يا ست حلوتهم
ملك _ اسمك حلوياتهم
حلوتهم في نفسها _ آه البنت دي شكلها غبيه وهتتعبني وبعدين قالت حلوتهم يا حبيبتي حل و تهم اظن مفيش أسهل من كده
ملك _ ماشي يا طن قصدى ياست حل وتهم
حلوتهم _ هو أنا إسمي صعب آوي كده تعالي يا ما تعالي وخدتها وراحت ناحية السرير بتاعها لاقت نرجس واقفه مع ماجي وماجي متعصبه
حلوتهم بضيق_ يادي ام اليوم إللي مش هيعدي في إيه تآني
نرجس بصت ليها _ يا معلمه البت دي هتجنني
حلوتهم_ ليه إللي حصل
نرجس _ بتقولي فين الحمام اللي هنا شاورت عليه وقولتها أهو قالت يااي إزاي هاخد شاور هنا قولتها لو عايز تستحمي في مكان مخصوص بيودي السجنا يستحمو غلط أنا كده
حلوتهم _ لا
نرجس _ طيب دلوقتي هي
بتقولي انا هتشتكي لمدير بتاع السجن ده ده تسيب مينفعش كده وكلام أهبل كده مش فهمتو ودلوقتي بتقولي السرير رقمو كام وبتقول روحي هاتيلي كوفي بلاك هي فاكره نفسها فين
حلوتهم خدت نفسها وقالت _ بصي يا اخت انتي قولتيلي اسمك ايه
ماجي _ ماجي
حلوتهم بتكمله _ ماشي يا ماجد قاطعتها ماجي
_ لا اسمي ماجي مش ماجد كده هتبوظي إسمي
حلوتهم _ يعني غلطنا في البخاري ياختي ده إيه النيله السودا دي بصي يا حاجه آنتى هنا غير الاماكن إللي آنتي كنتي قاعده فيها هنا كل حاجه بنظام وتعليمات دلوقتي آنتي هتنامي علي السرير ده وشاورت علي السرير إللي جمبها وانتى شاورت علي ملك هتنامي علي السرير إللي فوقي تمام كده ولا في لت تآني
ماجي _ اوكي متعملوش دوشه بقي علشان تعبانه جدا وعايزه انام
حلوتهم بصدمه _ إيه ده انشالله ايه البت دي كتك نيله في هبلك ماشي أم افوقلك بكره وانتو كل واحد علي سريرو يلاااااااا نرجس وملك اتخضو وراحة نامو بسرعه
حلوتهم_ ناس مش بتيجي غير بالسك وراحت نامت علي سريرها وقالت_ مسيطره نامو يا جزم وبعدين راحت في النوم
وتاني يوم المفروض ماجي كانت تقف
في المطبخ ودخلت عليها حلوتهم
حلوتهم _ مالك يا سنيوره هو واقفه كده ليه الغداء الساعه 3:00 بالظبط
ماجي _ هو حضرتك لازم انا اللي اعمل الاكل انا مش بعرف اطبخ
حلوتهم _ صبرني يا رب بتعرفي تمرشي ياما
وكانت ماجي ساكته ايه مش عارفاه ده كمان تمروشي الغسيل هخليكي تقفي على الغساله
ماجي _ لا لا انا برده مانيش في الكلام ده خالص شوفي ليا حاجه سهله اقدر اعملها
حلوتهم _ بنت يا نرجس خلي حد يقف على الطبيخ تعاليلي حلوه كده انا عايزه اتكلم معاكي شويه ، وبعدها راحت وراها ماجي
ماجي _ خير يا طنط في ايه
حلوتهم _ يا بنت ما تبطلي قله قيمه بقى بطلي كلمه طنط اللي انتي عماله تقوليهالي دي
اسمعي يا حلوه هو انتي جايه في اي
ماجي _جايه عربيه بصي مفتوحه من ورا كده وهما صمموا ان انا اجي فيها مش راضيه ان انا اجيب عربيتي
حلوتهم _ عين امك يا اختي لا غلطانين يا بنت جايه في ايه تهمه ايه
ماجي _ بيقولوا نصب بس انا مش فاهمه
ليه والله مش عملت حاجه
حلوتهم _ طيب احكي ليا حكايتك كده يمكن اقدر اساعدك يا بنتي
ماجي_ ما فيش بابي راح من كام شهر وعمي اللي هو اخوه مسك الشركه مكانه بعدها طلب مني ان انا امضي على ورق علشان لازم يخلص حاجات في الشركه بعد كده بيقولوا ان انا نصبت على الناس
حلوتهم _ قسما بالله هو ليه حق ليه عيله هبله كان لازم يعمل معاكي كده يابت لازم
الناس كلها تهيب منك مينفعش
اللي انتي بتعملي ده
ماجي _ ارجوكي انا مليش اي حد خالص حتى المحامي بتاعي بقى مع عمي خليكي واقفه جنبي
حلوتهم _ والله يا حبيبتي كان نفسي اقف جنبك على طول بس انا كلها شهرين وخارجه من هنا
بس اقولك انا هقوم ليكي محامي كبير
ماجي _ بجد مش عارفه اقولك ايه ميرسي ليكي جدا بس انا كنت عايزه اسالك سؤال هو انتي فعلا معاكي فلوس
حلوتهم _ اه يا قلبي معايا فلوس عايزاني احط لك فلوس في الكانتين عشان لو حبيتي تشربي شاي
ماجي _ لا انا مش عايزه اشرب شاي بس انا عايزه اكل سوشي ممكن بس تخلي حد من اللي واقفين بره يجيبوا ليا سوشي او يطلبوا دليفري هو بيجي في اي مكان
حلوتهم _ اسمها بنتي كلمتين دول مني عشان انا خلاص مررتي على تكه منك عايزه تروحي يا حبيبتي تاكلي سوشي عليك وعلى المامور قولي له ولو وافق تعالي خدي الفلوس اللي انتي عايزاها عنيا ليكي ، وبعدها مشيت صبرني
يارب وعدا شهرين وفعلا قومت
حلوتهم محامي ل ماجي واليوم اللي كانت
هتخرج فيه راحت ليها
حلوتهم _ اسمعي يا بنت يا ماجي انتي مش هتطولي هنا كتير المحامي قالي خلاص ان هو يقدر يثبت براءتك عايزك اي حد يفكر يكلمك تجري وراه
ماجي _ تمام اوكي ما عنديش مشكله بس الظابطه قايله ان احنا ممنوع نجري انا كنت سالتها عشان انا كنت عايزه الف التراك 50 لفه بس هي قالتلي ما فيش الكلام ده هنا
حلوتهم _عارفه لما اجي انا ايه اللي مصبرني عليك ان حاسه ان انت بنت غلبانه انت عارفه غير كده انا كنت عملت فيكي ايه يا بنت هو أنا أقصد
كده. اللي اقصدو ام مافيش حد يجي
علي سكتك
ماجي _ هو مش انتي قولتي برده هتخلي نرجس تحطي عينيها عليا
حلوتهم _ اه بس في الزمن ده خدي حقك بدراعك المهم فين عنوان الفيلا اللي قولنا
عليه
ماجي _ اهو اتفضلي هو عايزاك تقعدي في الفيلا ما تمشيش منها خالص
حلوتهم _ اكيد يا عنيا خدي بالك انتي من
نفسك بس وبعدها خرجت حلوتهم
وراحت الفيلا وكانت في حفله هناك
حلوتهم _ الله الله عاملين ليا فرح في قلب الفيلا وصاحبتها مش موجوده ده انتوا ناس بجحه
اشرف عم ماجي _ هو انتي مين يا ست انتي وانتي ازاي تدخلي هنا
حلوتهم _ انا اضيفها عند ماجي هي قايله ليا روحي الفيلا وعيشي فيها وبرطعي براحتك
اشرف _ اسمعي يا ستي انتي اخرجي دلوقتي حالا بدل ما اجيب السكيورتي يخرجك ويرميكي في الشارع
حلوتهم _ لا يا عين امك ده الشارع ده اللي حضرتك هتشرف فيه انت مين عشان تكلمني بالطريقه دي اصلا ده المعلمه حلاواتهم
يعني لا أهل تلم ولا بلطجيه تهم
انت سامع ولا لا وبعدها الناي بدأت تخرج
من الفيلا
اشرف _ عجبك اللي انتي عملتي ده انا هطلب
ليكي البوليس وفعلا طلبوا
حلوتهم _ اعمل حسابك انا ماشيه بس رجعلك تاني والمره الجايه انت اللي هتخرج منها
وبعدها خرجت راحت ل ماجي
حلوتهم _ اسمها يا بنت يا ماجي مش انتي بتقوليلي ان الفيلا مكتوبه باسمك احنا عايزين نعمل عقد وتخليها باسمي
ماجي _ سمعتي فيا روحتي شوفتي الفيلا انها تجنن عايزه تاخديها لنفسك كنت فاكراكي طيبه
حلوتهم _ اخرسي يا بنت بدل ما تيجي كشاف على عينك فيلا اي يا عين امك ان انا هطمع فيها ده انا عندي بنت يرمح في الخير ايه
ماجي _ امال انتي عايزه تاخذي الفيلا ليه مش فاهمه يعني
حلوتهم _ عمك الندل طلب ليا البوليس وخلينا نخرج منها والموضوع بالنسبه لي دلوقتي بقى طار انا هاخد حقي منه
ماجي _ بس انا محامي قايل ليا ان انا ما ينفعش ابيع ولا اشتري وانا موجوده هنا في السجن
حلوتهم _ ما هو انتي يا بنت تكتبي ليا حد التاريخ قديم
ماجي _ مش انتي فاهمه ماشي هعملك اللي انتي عايزاه
حلوتهم _ والله لوريك با اشرف هعمل فيك
اي وفعلا حلوتهم عملت كده
وأشرف كان قاعد ما مراته نانسي وقالت
نانسي _ هو انت يا حبيبي اخذت الشركه وكل حاجه مش عارف تاخد الفيلا دي من ماجي
اشرف _ وحده وحده يا حبيبتي وهعمل
كده اكيد بس اصبري عليا انتي بس وبعدها
دخلت حلوتهم وورها الولد حماصه كان شايل
الشيشه
حلوتهم _جدع يا واد يا حماصه حطيلي الشيشه هنا علشان اعرف اشربها بمزاج ، اشرف قام وقف وقال
اشرف _ هو انت تاني يا ست انتي انتي ايه مش بتحرمي
حلوتهم _ بالراحه على نفسك يابا لاحسن يطق ليك عرق ولا حاجه انا المره دي جايه في ملكي واطلع انت والسنيوره اللي معاك دي بره البيت بقى
اشرف _ ايه الكلام الاهبل اللي انت بتقوليه ده ملك ايه يا ام ملك
حلوتهم _ بتعرف تقرا يابا ولا بصمجي زيي خد شوفي العقد ده وبعدها شاف العقد وقال
اشرف _ العقد ده مزور
حلوتهم _ بقولك اي انا لسه ورايا شغل كتير في الفيلا دي خد العقد بقي واطلع برا
وشوفوا هو مزور ولا لا يلا وبعدها خرج
وبعدها حلوتهم عملت صلح مع الناي وردت
لكل لواحد حقه وخرجت ماجي وراحت
الفيلا وكانت وافقه في الجنينه
ماجي _انا مش قادره اصدق انتي عملت كده ازاي بجد انتي كويسه جدا
حلوتهم _بقولك يا حبيبتي مش وقته خالص الكلام اللي انتي عماله تقوليه ده عايزين نرجع شركه ابوك من عمك
ماجي _وتفتكري انا هعرف اخذ منه الشركه تاني بعد ما اخذها مني
حلوتهم اكيد طبعا هتعرفي سيبي كل
حاجه علي ربنا ثم عليا بقولك اي
ادخلي شوفي الفيلا بقي وقولي رايك
بصراحه ، ودخلت ماجي الفيلا
لقت العفش كله متغير
ماجي _ ايه العفش المقرف ده ازاي عمي ياخد عفشانه ويجيب العفش ده
حلوتهم _ عمك اي يا امو عمك وعمك يعرف يجيب الحاجات دي دي حاجات غاليه جدا انا جايباها من دمياط
ماجي _ هو انت اللي عملت كده عملت كده ليه هو انا طلبت منك تغيري العفش ده العفش بتاعي كله كان غالي اوي
حلوتهم _ غالي اه بس قديم كان شكله وحش قوي انا جبتلك عفش جديد ده لسه موضه السنه دي
ماجي _ تمام ماشي اللي انتي عايزه
كفايه انك خرجتني من السجن
حلوتهم _ لو لسه هو انتي شوفتي حاجه ده انا عملتلك مفاجات حلوه قوي عارفه الترعه اللي كانت عندك بره دي فضيتها ليكي كلها
اه يا اما الترعه بتجيب بليهارسيا
ماجي _ اعمل معاكي اي حرام عليكي
عالعموم فداكي وطلعت الاوضه
ولقت عامله سرير تاني فوق السرير
حلوتهم _ ربنا ما يطعقها ليا عدا
اعمل اي متعوده انام وفي سرير فوقيا
ماجي _ هههههه وربنا انتي عسل اوي ربنا
يخليكي ليا وعدا شهر وفضلت قاعده حلوتهم
مع ماجي وفي يوم دخل الظابط وقال
الظابط _ فين حلوتهم السيد محمد
حلوتهم _ مش موجوده يا حضرت الظابط
حضرتك عايزها ليه