رواية الساحر الفصل الحادي والثلاثون 31 بقلم ياسمينا

????في صباح يوم جديد ????

اريان اتحرك بالعربيه وكانت ياسمين نايمه ووسام كان معه

وسام : نيمتها 

اريان : اه

وسام : طب ماتروحها البيت احسن 

اريان : مفيش وقت 

وسام : طيب 

وسام بص علي ياسمين الي نايمه ومسك أيدها بهدوء وباسها 

وسام : الي هنعملو ده صعب 

اريان بهدوء : بس ده صح

وسام بضيق : بس انا مش عايزها في طريق ده 

اريان : احنا قررنا خلاص 

وسام.بصلو بحزن وبعدين قرب من بنتو وباسها بهدوء وفضل ماسك إيدها 

وبعد ربع ساعه اريان وصل لي حاره شعبيه دخل بعربيتو بثقه ووقف قدام بيت مجتمع فيه ناس كتير

اريان : جاهز 

وسام بغضب : لا مش جاهز يلا بينا نمشي 

اريان بصلو وقالو : هو انت مفكر اني مش خايف عليها انا خايف.عليها جدا بس ده الاحسن ليها 

وسام بضيق : طيب 

اريان : يلا انزل

اريان نزل من العربيه ووسام بص لي ياسمين بخوف ومسك أيدها وبأسها وبعدين نزل من العربيه ودخلو البيت كان بيت قديم شويه وكان فيه ناس كتير اوي 

اريان بصوت عالي : فين عااااابد 

واحد من ناس : وطي صوتك ليطلعك 

وسام بسخرية : ليه هيعملنا ايه 

شخص برعب : يعمل كتير 

اريان بصلو بقرف ومشي من قدامو وكان في اوضه في اخر الطرقه اريان ووسام دخلو الاوضه دي بسهوله لقو عابد قاعد معا بنت 

اريان بسخرية : جينا في وقت مش مناسب ولا ايه 

وسام بص حواليه لقه تماثيل كتير اوي شكلها مخيف 

وسام بسخرية : بتخوفهم بتماثيل وشويه نار ياراجل يااهبل

عابد : تقدري تطلعي دلوقتي 

البنت طلعت واريان قرب منو وقعد جمبو وقال : يلا بقا نتكلم بصراحه وتحكيلي كل حاجه

وسام : اكيد تعرفنا 

عابد بصلهم بهدوء وقال : مش لما يجي الفرض التالت بتاعكم 

وسام بسخرية : هاتو

عابد : تمام انا هحكلكم علشان تعرفوا ايه الي هيحصلكم الحكايه بدأت لما جالي موت وقالي انو عايز يبقا اقوه انسان وانا ليا في السحر وتلاسم وكلام ده 

وسام : اوع تقول إن تعويذه هي الي عملت كل ده علشان مش هصدق

عابد : لا  موت جن لبسو 

وسام بصدمه : نعم 

عابد : موت لما جالي وطلب كدا اتفقت معاه علي كذا حاجه 

اريان : وهي ايه 

عابد : الجن الي لابس موت ده مش سهل جن خبيث وبيحب الأذكياء جدااا وده جن عاشق حب بنت موت 

اريان بصدمه : بنتو 

عابد : اه وطلب منو لو عايز القوه دي ف تسلملي بنتك وبنتو كانت عندها 20 سنه انا فاكر اليوم ده كويس يوم ما جاب بنتو هنا 

اريان : يعني ضحه بيبنتو علشان السحر 

عابد : اه بنتو كانت جايه مرعوبه ولما شافت الجن اترعبت اكتر وموت مكنش حاسس بأي ذنب مش هكدب عليك انا حسيت بذنب انا اه دجال واه كمان بعشق الفلوس بس الطريق ده دخلت فيه بسرعه وده الي خوفني ونصدمت اني قدرت بشويه تلاسم طلعت جن زاي ده 

وسام : وبعدين 

عابد : الجن قالو علشان تبقا قوي واقوه انسان انا هقسملك القوه دي علي اربع اشخاص الي قلبو مات وذكي والي عندو بنت وذكي والي جميله وفوق 20 سنه وذكيه ولي قلبو اسود وذكي 

اريان : وايه كمان 

عابد : موت قالو طب اجمعهم ازاي الجن قالو لا دي مشكلتك انت وحلها انت بس هديك شويه قوه تبهر بيها الناس وتخليهم يطلبو يتعلمو سحرك وموت ووافق 

اريان : وبعد ما يجمع هيعمل ايه 

عابد : هياخد قوتهم وبعدين يموتو علشان اصلا القوه لما تروح منكم هتموتو تلقائيا 

اريان ووسام بصو لبعض بصدمه وقالو : ازاي 

عابد بسخريه : مهو موت عمل كل ده ليه علشان ياخد القوه بتعتكم دي كلها

وسام بغضب : ويدهلنا ليه طلاما هو هيخدها

عابد : لأن الجن قسم عليكم انتو الاربعه القوه دي ومفروض موت يجمعكم وبعدين ياخد قوتكم وانتو هتموتو كدا كدا بس بعد ماياخد قوتكم 

اريان بص لي وسام بصدمه وجريو برا البيت بسرعه ووقفو قدام العربيه وفتحو باب العربيه بصدمه 

وسام بغضب : خدها يااريان خدهاااااا

اريان : اهده

وسام بغضب : قولتلك لاااا لااااا ياسمين لااااا

اريان بغضب : قولت اهده بقااااااااا

وسام : انت بتزعقلي 

اريان بغضب : انت مش واثق فيا ليه 

وسام بغضب : الا ياسمين يااريان شوف قالك ان هي لو خدت القوه دي هتموت لما موت ياخد مننا القوه 

اريان بص حواليه وبعدين اختفا ووسام بص في الارض بحزن وبعدين اختفا…

__________________________________________

????عند موت ????

موت اتشكل علي شكل اريان وياسمين كانت نايمه علي سرير وبعدين فاقت بهدوء وبصت لي موت 

ياسمين : اريان 

موت : روحو

ياسمين بصت حواليها وقالت : هو احنا فين 

موت : دي فيلا بتعتي بحب اقعد فيها دائما 

ياسمين : اه

موت قرب منها وقعد جمبها علي سرير وقال : تحبي تتعلمي سحري

ياسمين بسرعه : ياريت 

موت بخبث : طب قوليها 

ياسمين : إشمعنا

موت حط ايدو علي شعرها بهدوء وقال : عايز اسمعها 

ياسمين : بس وسام قالي مقولش كدا 

موت بأبتسامه : إذ كان وسام هو الي قالي اعلمك 

ياسمين بسعاده : بجد 

موت : بجد قولي بقا 

ياسمين : اريان انا عايزه اتعلم سحرك 

موت ابتسم وقال : عنيا 

موت بدأت يغير شكلو ويظهر شكلو الحقيقي ياسمين انصدمت لما شافت قدامها شخص كبير في سن شعرو كلو ابيض بس مش باين عليه السن اوي شكلو كان مخيف حتي ابتسمتو ياسمين بصت علي ايديه الي بتلعب في شعرها جت تتحرك بس موت مسكها من شعرها جامد وقربها منو اوي وهي شافت عينو الحمره

ياسمين برعب : انت مين 

موت تجاهلها ومسك أيدها الاتنين وربطهم بلحديد وياسمين بدأت تعيط 

ياسمين بدموع : انت مين 

موت : مش عايزه تتعلمي السحر

موت ربط رجليها جامد وهي صرخت من الوجع

موت : بعد شويه الوجع ده مش هتحسي بيه 

ياسمين بدموع : انت عايز مني ايه 

موت غمض عينو وياسمين بصتلو برعب وفاجاه سمعتو بيقول كلام غريب وهو بيقرب منها ياسمين حست ان روحها بتروح منها وأن جسمها كلو بيوجعها وبدأت تصرخ وموت يعلي صووووتو اكتر  

موت : حاولي تفكي نفسك 

ياسمين حاولت تفك نفسها ونصدمت لما لقت الحديد اتفك 

موت ضحك ضحكه خلت ياسمين تترعب

موت : كدا مش فاضل غير شمس 

ياسمين بصدمه : شمس 

موت قرب من ياسمين وهي بعدت عنو بس هو مسك أيدها واختفووو… وبعدين ياسمين لقت نفسها في مكان تاني في اوضه ضلمها

موت بسعاده : انا جيت ياشمس 

موت بص حواليه بصدمه 

موت : شمس فين 

فاجأه سمع صوت اريان وبص وراه وياسمين جريت علي اريان 

اريان حضنها بهدوء وقال : اهدي ياحبيبتي اهدي 

ياسمين بدموع : اريان انا مش عارفه في ايه 

موت بغضب : فين شمس 

اريان بسخرية : ماتت 

موت بصدمه : ايه 

اريان بضحك : ايه اتفاجأت 

موت بغضب : انت بتكدب 

اريان : اظن انك مش هتعرف تقرأ افكاري ولا حتي تعرف اني بكدب او لا صح 

موت بغضب : ليه عملت كدا 

اريان : علشان الي في دماغك مش هيحصل فااااااهم وصحيح انت مش عملت لي ياسمين حاجه 

ياسمين ضحكت جامد وقالت : كل شويه تتخدع 

ياسمين اتغير شكلها وكان وسام 

موت بصدمه : ازاي

وسام : المشكله انك اختارتنا اذكياء 

اريان : يعني مش هتقدر علينا يااستاذ ايوا وسام كان معايا عند دجال وايوا انت خطفت ياسمين بس وسام قدر يوصلها وانا بقا كنت بشوف شغلي 

وسام : ياسمين بنتي مش هتقربلها علشان انا اب مش برمي بناتي واظن انك فاهم انا قصدي ايه

اريان : وشمس الي انت كنت فرحان بيها اوي دي خلاص ماتت دورلك علي غيرها 

موت شكلو اتغير وعينو بقت حمره وصوتو تخن وقال : مش هرحمكم

اريان طلع تلفونو وشغل ايات من القرأن الكريم وموت فضل حاطت ايدو علي ودانو وبيصرخ 

اريان : احنا مش هنحاربك بسحرك 

وسام : احنا هنحاربك بلقرأن الكريم

موت بصلهم بغضب وبعدين اختفا واريان ووسام بصو لبعض وابتسمو وافتكرو الي حصل 

فلاش باك…????

اريان كان نايم في العربيه وبعدين تلفونو رن اريان صحي ومسك تلفون ورد 

سهام : اريان 

اريان بصدمه : نعم 

سهام : بص يااريان شمس بقت حالتها مش طبيعيه علطول قافله علي نفسها وكمان سعات كتير بلاحظ أن عنيها لونها احمر 

اريان بصدمه : ايه ازاي 

سهام : مش عارفه بجد 

اريان : طيب اقفلي وانا هشوف الموضوع ده 

اريان قفل التلفون وبص علي ياسمين لقاها نايمه قرب منها بهدوء وقال : الخطر حوالينا في كل مكان وانا مش هسمحلو يقرب منك 

اريان فكر في شمس وبعدين اختفا ولقه نفسه في مكان ضلمه فتح كشاف تلفونو ولقه شمس نايمه علي كرسي ومربوطه فهم أن موت واخد دور شمس اريان اتصل علي وسام وقالو ووسام جالو 

وسام : وهنعمل ايه 

اريان : هنموت شمس 

وسام بضيق : كل حاجه عندك موت 

اريان بضحك : موت كدا وكدا ياعمي 

وسام : طيب وياسمين 

اريان : هنخليه يخدها

وسام قطعو بغضب : نعم 

اريان : هنخليه يحس انو فاز علينا وانو خلاص كسب وبعدين نديلو علي قفاه 

وسام : امتا نخلص منو

اريان : هنروح لدجال ونعرف اخرت ده كلو ايه 

وسام : انا خايف عليكم 

اريان بأبتسامه : وانا مش خايف غير عليك…

انتهاء فلاش باك ????

وسام : طب شمس فين 

اريان : تؤ سر وياسمين فين 

وسام بأبتسامه : سر 

وسام مشي من قدامو 

اريان بغضب : نعم 

وسام بضحك : خطفتها مش هتوصلها

اريان : علفكره خطوبتنا انهارده 

وسام : اممم هفكر 

اريان بغضب : وسام 

وسام بضحك : نعم  

اريان : متعصبنيش 

وسام طلع من المكان وركب عربيتو وقال : لازم تعمل المستحيل علشانها

اريان : اعمل ايه يعني 

وسام بتفكير : امم تنط من طياره مثلا 

اريان بسخرية : لا خليها عندك 

وسام : طب يلا نروح لدجال 

اريان : ايوا انا عايز اخلص كل حاجه عشان اتجوز ياسمين بقا 

وسام : طب اركب 

اريان ركب العربيه وتحركو……

__________________________________________

????عند ياسمين ????

كانت واقفه قدام مرايتها وكانت لبسه فستان لونو احمر وقصير ده فستان وسام الي جبهولها 

شهد : قمر 

ياسمين بصتلها وقالتلها : عايزه وسام يهتم بيكي زياده 

شهد بضيق : ياريت 

ياسمين قربت من دولابها وطلعت منو فستان قصير جدا 

شهد : احم 

ياسمين بضحك : حلو صح 

شهد : هو حلو بس ابوكي هيقتلني 

ياسمين بضحك : لا هيغير 

شهد مسكت الفستان وقالت : اممم ماشي 

شهد دخلت الحمام تقيسو وياسمين بصت علي الجزمه الكعب الي وسام جبهالها ولبستها وجت تمشي بيها وقعت 

ياسمين بضيق : بلا كعب بلا قرف مفيش احلا من الكتشي 

ياسمين لبست كتشي ابيض وشهد طلعت من الحمام 

ياسمين : واووو دانتي احلا مني 

شهد بصت علي نفسها في مرايا : هو حلو بس قصير هيقتلني 

ياسمين بضحك : هو انتي مفكره أن الفستان بتاعي كدا لا دانا قصرتو

شهد بصدمه : نعم

ياسمين بضحك : احنا انهارده هنخليهم يولعو

شهد بخوف : استرها يارب 

ياسمين بخبث : ياااارب..

_________________________________________

????في اوضه ميرا ????

ميرا كانت بتلبس ورامي كان شايل ياسمين 

ميرا بأبتسامه : بتحبها اوي كدا 

رامي : اوووي اوووي

ميرا قربت منو وقالت : انا مبسوطه

رامي : يارب دايما 

ميرا : انت قدرت تعوضني عن كل الناس دي 

رامي بأبتسامه : وانتي وياسمين مليتو حياتي وفرحتوني 

ميرا حضنت رامي بحب ورامي شال ياسمين وقال : يلا ناخد صوره كلنا سوا 

ميرا : يلا 

رامي خد صوره سلفي ليهم….

_________________________________________

عند اريان رجع تاني لي دجال 

اريان : كل ده هيخلص ازي

عابد : هقولك لو رجعت بنت موت تاني من الجن ده هتقدرو تخلصو من شر موت 

وسام : طب هنعمل كدا ازاي

عابد : ده شغلي انا 

وسام بضيق : عايز اعرف 

عابد : قولت شغلي 

اريان بصلو اوي وقالو : مش ناوي تبطل الطريق ده 

عابد بصلو بصدمه وقالو : نعم

اريان : حركاتك طريقتك مساعدتك ليا بدل انك ندمان 

عابد بحزن : من ساعت ما مشيت في الطريق ده وانا بخسر اعز ناس 

وسام : طب ماتحكلنا حكايتك 

عابد : اسمي عابد عندي 35 سنه علفكره انا حالتي الماديه كويسه جدااا وده الي شجعني اجيب كتب في سحر وأروح لي دجالين   حبيت الشغل ده اوي ومشيت في طريق ده معا دجال اسمو يونس كان هنا قاعد مكاني كان بيعمل عمولات وكان بيتفق معا الجن 

وسام : هو في حد بيتفق معا الجن 

عابد : بص الجن موجود في كل مكان الكويس والحلو ولما تشوف واحد ملبوس ابقا صدق لأن ده حقيقه مش هنهرب منها 

اريان : طب كمل

عابد : سبت اهلي وبيتي ودنيتي وجيت عند يونس وبقيت تحت رجلو كنت لسا صغير جدا وبعدين مات وانا اخدت شهرتو وبقيت اعمل الي كان بيعملو لغيت لما جالي موت كان تحدي لنفسي قبل اي حاجه وقولت لازم انجح فيه وقدرت فعلا أحضر جن وكنت مصدوم بجد معقول شويه كتب علي شويه تلاسم يطلع جن موت كان انسان من غير قلب اول ما الجن طلب بنتو وافق بسرعه وشرط عليه انو يجمع 4 أشخاص اول شخص يكون مخلف بنت وذكي وتاني شخص يكون قلبو ميت وشكلو حلو وذكي وتالت واحده بنت تكون جميله وذكيه رابع شخص مش مهم ولد ولا بنت المهم يكون جواه كره كبير 

وسام : ليه صفات دي 

عابد : موت لما يجمعكم هياخد منكم القوه ومش بس كدا هياخد منك شبابك وهياخد من اريان جمالو وهياخد الكره من شخص رابع  وطبعا الذكاء منكم كلكم

اريان : طب ومن البنت 

عابد : هيتجوزها علشان يخلف منها فصيله كلهم اذكياء وحلوين وطبعا طالعين زاي ابوهم وأمهم 

وسام : هيسفيد ايه لما بعمل كدا 

عابد : هبقا اقوه واغنه شخص في العالم 

اريان : يعني نرجع بنتو من جن وهنخلص من كل ده 

عابد : بس القوه هتروح منكم وهتموتو

اريان بص لي وسام بحزن وقال : مش مهم المهم منخليش حد ياخد قوه دي غيرنا 

عابد : انا معاكم للأخر حتي لو هموت معاكم المهم اني عايز اطلع من طريق ده 

وسام : هنصدقك لان باين الصدق في عينك 

عابد : شكرا تعالو بكرا انهارده الفجر

وسام : بسرعه دي 

عابد : للاسف مفيش وقت 

اريان بص لي وسام بحزن وخرج من البيت كلو

وسام : هنجيلك 

وسام خرج برا البيت لقه اريان واقف قدام العربيه قرب منو وقالو : مالك خايف 

اريان : مبخفش 

وسام : ولا انا

اريان بصلو وقالو : وسام انا معشتش حياتي 

وسام بحزن : ولا انا مش هشوف بنتي عروسه ولا هربي ولادي 

اريان بحزن : هنسيب ياسمين 

وسام : هي اكتر حد انا خايف عليه بس علشان ننقذها.لازم نعمل كدا 

اريان : وسام 

وسام بصلو بحزن وقالو : ايه 

اريان حضنو وقالو : انا مبسوط انك هتبقا معايا انت عمرك ماسبتني ابدا 

وسام حضنو اووي وقالو : انا اسف انا سبب 

اريان : لا متقولش كدا 

وسام : فاضل يوم واحد بس في حياتنا 

اريان : هنعمل ايه

وسام بهدوء : اكيد هنروح الجامع 

اريان طلع من حضن وسام وقال : فاكر لما بابا كان بيخدنا كلنا ونروح نصلي في جامع 

وسام : فاكر 

اريان : كنا بنصلي صلاة الجمعه في جامع وكنت بشوفهم كلهم لابسين ابيض علشان كدا انا عشقت لون الابيض وكمان لما روحنا نحج كلنا الكل كان لابس ابيض حتي بعد ماشوفت ابويا بيلفوه بلابيض لما مات مقدرتش اكره الون ده 

وسام : لانو لون قلبك يااريان اريان انت مش وحش زاي ناس مفكرينك انت قلبك ابيض بس مجروح 

اريان حط ايدو علي قلبو وقال : مش قادر اقولك انا كنت بحس بأيه وجع ياوسام وجع تخيل ابوك يموت قدامك وبعدين اهلك كلهم وانت طفل مش قادر تعمل حاجه بس من ساعت ما ياسمين جت وانا حسيت انها علجت وجع قلبي ده

وسام بحزن : كنت لوحدي مكنش فاهم اعمل ايه في حياتي كنت تايه بس لما شوفت ياسمين اول مره حبتها اوووي حبيت ضحكتها حتي خوفها تعرف اني كنت بحسب اني معجب بيها انا مكنتش فاهم احساسي ده كنت حاسس انها حته مني ولما عرفت انها بنتي طلع ده احساس وحب الاب الاحساس ده جميل اوي يااريان لما تحس انك شايف قدامك حته منك عشت سنتين دول وانا معاها بس مشبعتش منها 

اريان بحزن : كنت نفسي اعملها فرح واعيشها ايام كلها سعاده 

وسام : وانا كنت نفسي افضل معاها 

اريان ركب العربيه بسرعه كان حاسس انو عايز يعيط وسام ركب معه 

وسام : عايز تعيط

اريان : انا مش خايف انا بس خايف عليها من ساعت مادخلت حياتها وانا بجرح فيها لو انا موت وانت موت هي هتنهار ومحدش جمبها 

وسام بص من شباك وسند راسو علي شباك واريان اتحرك بالعربيه بسرعه وبعد 5 دقائق وصلو للمسجد اريان ووسام نزلو من العربيه بهدوء ودخلو معا بعض المسجد وحسو براحه غريبه وراحو حمام المسجد وبدأو يتوضو بهدوء وبعدين دخلو المسجد وبدأو يصلو وهما حاسين براحه غريبه اريان سجد وقال : انا عارف اني قتلت كتير اوي وعارف أن أخري اموت مقتول بس انا مش خايف علي نفسي انا خايف علي ياسمين يارب ابعتلها الي يحبها بجد ويعوضها عني وهي تحبو وتنسااني  يارب سامحني عن اي غلط عملتو …

أما وسام سجد وقال :  يارب سامحني عن اي ذنب عملتو ويارب احمي بنتي وولادي ومراتي يارب قوي بنتي وخليها تعدي المرحله دي ..

اريان ووسام خلصو صلاه وبصو لبعض بهدوء وبعدين قامو وطلعو برا المسجد وركبو العربيه وتحركو ….

__________________________________________

عند ياسمين نزلت من الاوضه بسرعه ولقتهم كلهم جاهزين 

ياسمين : اممم كلكم جاهزين والعريس مش هنا هو محدش قالو أن خطوبتنا انهارده 

عاصم بضيق : برن عليه مش بيرد حمار

ريم بضحك : اكيد بيظبط نفسو

ياسمين : يسلام اذ كان انا العروسه وخلصت

فاجأه سمعو صوت موسيقي وصوت اريان وهو بيغني  

ياسمين بسعاده : اريان 

ياسمين جريت ونزلت من علي سلم ونصدمت انو مليان ورد ابيض طلعت الجنينه بسرعه لقت اريان ماسك جتار وبيعزف ووسام جمبو ومعه جتار 

اريان بدأ يغني ويقول : عشنا وشوفنا  اليوم الي اشتقنالو احضني قدام ناس ياحبيبي ومالو مابقنا لبعض خلاص زاد العشاق اتنين اكتب اسمينا كان حلم سنين  وسنين نبقا لبعض الله علي دا احساس ….. ليله وانت جمبي ليله تسوه عمري ليله بألف ليله معاك 

ياسمين عنيها دمعت وجريت علي اريان وحضنتو وهو حضنها بحب 

ياسمين بهمس : انا قلبي خلاص هتنام علي صوت دقاتو  هعيش وياك علطول أجمل اوقاتو  حبك ولا يوم هنسه

ياسمين خرجت من حضن اريان وفضلت تبصلو بحب وهي ماسكه ايدو وفاجاه سمعت صوت وسام وهو بيغني 

وسام بدأت يغني : بنتي وحبيبتي وكل حاجه في دنيا ليا معقول كبرتي والعمر عده بسرعه ديا انا لسا شايفك بطفاير  بتجري  جمبي بتلعبي انده عليكي بسرعه تجري في حضني وتهربي 

ياسمين جريت علي وسام وحصنتو وهي بتعيط 

وسام بحزن : واهو انهارده بقتي احلا عروسه ممكن تشوفها عيني واليوم ده اجمل يوم في عمري وحلمت بيه انا طول سنين ولو لقيتي دموع في عيني ف علشان هتمشي وتسبيني 

ياسمين بدموع : مش هسيبك 

وسام بحزن : ان شاء الله 

اريان : نعم ايه الي انتي لابسه ده 

وسام بص علي هدوم ياسمين 

ياسمين : احم مش انا لوحدي كمان شهد 

وسام بص لي شهد بغضب 

شهد : اه ياواطيه 

اريان قرب منها ومسك شعرها وقال : ده تلبسهولنا واحنا لوحدنا إنما قدام  ناس هلبسك عبايه ونقااااب 

ياسمين بصتلو بتحدي وقالت : يعني هتخبيني من عين ناس صح علشان أنا قمر ومزه

اريان : اه 

ياسمين حطت أيدها علي وشو وقالت : انت كمان لازم تلبس نقااب علشان عيون البنات خلصانه البس نقاب وانا هليس 

اريان بص لي وسام وقال : لم لحمك ياعم 

وسام وهو بيخلع حزام بنطلونو : ايوا مانا هلمهم اهو

شهد : نهار اسود انا ماليش دعوه 

ياسمين زقت اريان وبعدت عنهم وقالت : اهده ياويسو ناس هتتلم علينا كدا

وسام : يتحرقو ايه الي انتي لابسه ده مفكرني اريل 

ياسمين بعتتلو بوسه في الهوا وقالتلو : بحبك 

وسام : احم  ياسمين مينفعش الي انتي لابسه ده

اريان بسخرية : فعلا أريل

وسام بضيق : اخرس 

اريان : سبلي انا البيت دي انت روح شوف خبتك تانيه 

اريان مشي من قدامو ووسام بص لي شهد 

شهد : هتضرب هضرب هتهزق ههزق ف خد بالك 

وسام قرب منها وقال : انتي مبتتعلميش حاجه من ياسمين البت ثبتتني بكلمه 

شهد ضحكت جامد 

وسام بضيق : صوتك ياماما الناس حوالينا

شهد بخبث : ايه بتغير عليا 

وسام بحب : اكيد بس ده مش هيمنع انك تغيري زفت ده 

شهد : اممم في احلامك انا هفضل كدا مانت اهو قمور وكل ناس هتاكلك بعنيهم

وسام بغضب  : شهد متعصبنيش 

شهد : اتعصب وده المطلوب 

وسام قلع الجاكت بتاعو 

وسام : امسكي ازفتي البسيه

شهد : لا هيبوظ فستان 

وسام بزعيق : شهد

شهد خدت منو الجاكت ولبستو 

شهد بأبتسامه : بحبك 

وسام بأبتسامه : وانا بحبك …

__________________________________________

عند اريان ياسمين فضلت تجري وهو يجري وراها وبعدين مسكها من أيدها وقربها منو وقال : خلاص مش هضربك والله 

ياسمين بضحك : هو انت تقدر 

اريان : ياسمينتي حبيبتي الحلوه 

ياسمين بستغراب : انت تعبان 

اريان بحب : لا بس بحبك 

ياسمين حطت أيدها علي راس اريان وقالت : لا مش سخن 

اريان بضحك : مالك كل ده علشان بقولك بحبك 

ياسمين : طيب ياسيدي عايز ايه اكيد بعد دلع ده كلو في حاجه 

اريان : ياسمين عايزك دايما كدا تضحكي 

ياسمين : اكيد طبعا مش انت معايا احلا رجلين في دنيا 

اريان بصلها بحزن : ولو احنا مش معاكي كمان 

ياسمين حطت أيدها علي بوق وقالت : هششش متقولش كدا فاهم 

اريان شال أيدها وقال : ماتجيبي بوسه 

ياسمين بضحك : ده عند كنده 

اريان بضحك : لا والله 

ياسمين مسكت ايدو وقالت : انهارده خطوبتي ياجدع عايزين نفرح ونرقص وننسا اي حاجه واي حزن 

اريان بأبتسامه : طيب 

ياسمين واريان قربو من وسام 

ياسمين : فين دبلتي هو انتو نستو تجيبو دبله ولا ايه 

وسام بضحك : تصدقي صح 

ياسمين : متهزرش 

ياسمين بصت لي اريان 

اريان : مش هعمل زاي باقي ناس وانزل علي ركبي وكلام ده 

ياسمين : اومال ايه 

اريان : شوفتي الهنود بيحطو الخواتم كدا في 

ياسمين قطعتو بسعاده : ايوا عارفه عارفه انا بحب الحاجات دي

وسام : انا الي غششتو علفكره 

اريان : اسكت انت 

ياسمين بحماس : طب يلا لو انا كسبت هتفضل تسمع كلامي 

اريان بضبق : لا انشاء الله انا الي هكسب 

اريان مسك ايد ياسمين وخدها ووقفها قدام ترابيزه والكل اتجمع حواليهم وكان علي ترابيزه مكعب زجاجي في ميه وجواه ورد كتيررر

اريان : جاهزه

ياسمين بحماس : يلا

ياسمين واريان نزلو ايدهم في مكعب الميه وياسمين حاولت تدور علي الخاتم بس اريان مسك ايدها

ياسمين بهمس : سيب ايدي 

اريان : نؤتؤ 

وسام : ماتنجزو كل ده 

ياسمين بهمس : اريان سيب 

اريان  : نووو

وسام بصلهم وبعدين حط ايدو في الميه 

اريان بضيق : ياغراب البيت يامفرق الحبايب 

وسام شال ايد اريان وقال : انت بتجيب دبله ولا نازل تمسك أيدها ماتلم نفسك احنا لسا جاين من جامع 

اريان بضيق : دي مراتي علفكره 

وسام : لا ده عند كنده حبيبي احنا لسا في الخطوبه 

اريان قرب منو وقال بهمس : هو انا هلحق اتجوز مااحنا هنتصفه بكرا ياشيخ ارحمني 

وسام بضحك : اهو ده الي عندي 

ياسمين لقت الخاتم وقالت بسعاده : لقتوووووو لقتوووووو

اريان : شوفت اهو كسبت عليا ياغراب البيت 

اريان قرب من ياسمين ولبسها الخاتم بهدوء وهي لبستلو دبله بتعتو والكل سقفلهم والاغاني اشتغلت وياسمين فضلت ترقص معا اريان ووسام والكل كان سعيد ….

________________________________________

الحفله خلصت واريان دخلت اوضتو ومسكت كشكول وبدأ يكتب فيه وبعد ربع ساعه قام وراح اوضه ياسمين لقها نايمه قرب منها وباسها من راسي وحط الجواب تحت مخده وهي صحيت في لحظه دي 

ياسمين : ايه ده في ايه

اريان : متخافيش حبيت اجي اشوفك 

ياسمين بضحك : لا انا شكلي عملتلك هوس 

اريان بحب : اه والله 

ياسمين قربت منو وحضنتو وقالت : حساك مخنوق 

اريان : لا 

ياسمين بنوم : هنااااام 

اريان : في حضني 

ياسمين بضحك : ماشي 

ياسمين نامت في حضن اريان اما وسام كان في اوضتو وقرب من توأمو وفضل يبصلهم بحزن وبعدين مسك ايد ياسين وباسها وبعدين ايد اريان وبعدين قرب من شهد وبصلها بحب وباسها وبعدين طلع من الاوضه بحزن ودخل اوضه بنتو وقرب من علي سرير 

وسام : يلا فاضل ربع ساعه والفجر يأذن 

اريان بص لي ياسمين بحزن وقال : طيب 

اريان طلع ياسمين من حضنو ووسام قرب من ياسمين وباس أيدها وقال : هتوحشيني اوي 

اريان : يلا 

وسام : يلا 

اريان وسام طلعو من الاوضه بهدوء وبعدين نزلو من الاقصر وركبو عربيتهم …….هنعرف بعدين بقا هيحصل ايه ????????????❤️