رواية المؤامرة الحلقة الحادية والثلاثون 31 بقلم منة محسن

فى الوقت ده اختفت صور الفرح من على الشاشه والكل باصص للشاشه ومستنيين اللى هيظهر عليها..

اتعرضت مقطع من اول ماتقدم كرم للشغل مع عزام..كانت بتعرض مقاطع مختلفه من حياتهم فى القصر .

الكل بيتفرج ومستمتعين وهما بيشوفوا التطور فى علاقتهم.

روسندا:فى البدايه مكناش طايقين بعض بس بعد كده اتطورت علاقتنا بشكل سريع و…وصلت بينا للجواز.

كرم بيدعى ماتعرضش المقطع اللى فى دماغه..وبالفعل عرضته وهو بيهتم بيها فى اليوم اللى اتخانقت فيه مع عزام وكان يوم خطوبتها على كريم.

الكل ابتسم على لطفه وطيبته معاها:اووووووه..

كرم حط ايده على جبينه بكسوف.

روسندا ابتسمت وعرضت كل لحظه اتطورت فيها حياتهم ..وكأنه فلم مختصر ليهم..اتعرضت لحظاتهم وكان من ضمنهم لحظاتهم مع عزام.

رحيم ابتسم بحزن وهو باصص لعزام فى الصور…

كرم شاف صور هو مايعرفش عنها حاجه صور كانت بتصورهاله وهو سرحان ومش واخد باله.

روسندا بصت لكرم بأبتسامه:كل لحظه كان بيبقى قاعد فيها لوحده مكنش ينفع افوتها ..لانها بالنسبالى لحظات بتمر من حياتى وماينفعش افوتها.

الصقف وهو ابتسم وحضنها .

روسندا همستله بغرام: بحبك..

كرم ابتسم وقرب باس جبينها :وانا بموت فيكى..

شاهيناز مبتسمه وبصالهم بتمسح دموعها وكارم بصلها وادى منير لشمس..قرب مسك ايد شاهيناز وراح بيها للحمام.

شاهيناز بتمسح دموعها :كارم فى ايه مالك؟..ليه مشتنى من الفرح؟

كارم ملك وشها بين ايده وبيمسحلها دموعها بأسف:سامحينى..

شاهيناز: على ايه يا كارم؟؟

كارم: انا اتجوزتك غصب عنى و…و..

شاهيناز قاطعته بحضنها ليه وغمضت عيونها :ماتتأسفش على حاجه انا مش زعلانه منك فيها…انا حبيتك ويمكن ده كله حصل عشان ابقى معاك ..

كارم غمض عيونه بدموع:انتى بتقولى كده وبس عشان تصبرى نفسك…بس انا اجبرتك تتجوزى واحد زباله سكرى وبتاع نسوان و…وايه اخرتها هو اتغير وانتى ضاع عمرك ايه الفايده ليكى؟

شاهيناز بعدت وملكت وشه بين ايدها:الفايده انى معايا سيد الرجاله كلهم…معايا واحد لما ببكى بس مبيستحملش يشوف دموعى..مستعد يجيبلى النجوم عشان يسعدنى…واحد خاد قلبى واقسم يحافظ عليه..واحد بيحب زوجته وابنه ومع انه كان فى وراه بنات كتير ولحد قريب كانت عايزه ترجعله بس هو كان مخلص لزوجته .

كارم غمض عيونه وحضنها والدموع فى عيونه:اسف يا عمرى..انا اسف.

شاهيناز بعدت وملكت وشه بين ايده وقربت باسته وبصتله بأبتسامه:انا كنت بعيط بس عشان هى هتبعد…بس مبعيطش لانى نظمانه على الجواز بيك.

كارم باصصلها وقرب باس خدها:ربنا يخليكى ليا ومايحرمنيش منك لانى ولا ابنك.

شاهيناز ابتسمت.

بعد مالفرح خلص.

سميره:ماينفعش تسافروا معايا وانتوا لسه مداول ليله ليكوا.

روسندا: خلاص يبقى تقعدى معانا.

سميره بضيق:يوووووه انتوا مش مريحين خالص انا هقعد فى الفله يا كرم يا بنى مع اخوك وبكره بأذن الله هسافر ممكن تروحوا على بيتكوا بقى.

روسندا بصت لكرم بتفكير وهو هز راسه بإيجاب:طيب بس اياك تسافرى لوحدك والا هنجيلك على هناك.

سميره ابتسمت وحضنته:مبروك يا حبيبى وربنا يهنيك بعروستك.

كرم ابتسم وهى بعدت حضنت روسندا: مبروك يا نور عيونى ربنا يهديكى ويخليكوا لبعض.

روسندا ابتسمت وحضنتها.

بعد مراحوا للقصر وفاطمه معاهم دخلوا القصر وهى وراهم وبتزغرط.

روسندا ابتسمت لفت وبصتلها حدفتلها بوسه وكرم ضحك انجى وعايده راحولهم وكان باين عليهم الغل وبالذات انجى اللى عيونها قربت تطلع على كرم.

روسندا بصتلهم بدلع وهى بتاكل اللبانه بدلع وكلمت فاطمه وهى بتغيظهم وعيونها عليهم رفعت ايدها اللى فيها الدبل :فطومى دبلت جوازنا دى ولا ايه؟

كرم ابتسم ورفع ايده اللى فيها الدبله هو كمان وفاطمه مبتسمه:ربنا يحميكوا من العين يا عيونى يلا يا عمى اطلعوا على اوضتكوا قبل متاخدوا عين.

روسندا ابتسمت وبصت لانجى بكيد:بصى قدامك.

انجى بعدت نظرها عنها بغيظ وغضب مخفى.

روسندا مدت دراعها لكرم وبدلع :حبيبى شيلنى

كرم ابتسم وشالها:هووووبا..

فاطمه ابتسمت وكرم طلع بيها لئوضتهم.

انجى بصت لعايده بدموع وغيظ:بكرهها.

فاطمه بصتلهم ورفعت حواجبها :يلا على المطبخ وبطلوا كلام كتير عشان النهارده عندنا عرسان جداد ومش عايزين نزعجهم.

عايده بصتلها بغضب:قال على اخر الزمن تبقى انتى هانم واحنا…خدامين عندك.

فاطمه ضحكت وبتغيظها:اسمها سخريه القدر ومش عايزه كلام كتير ولو طلعتوا من المطبخ هتتعاقبوا…مفهوم؟

بصت للحراس وهما دخلوهم للمطبخ تانى.

كرم نزل روسندا على السرير وهى لسه مشعلقه ايدها فى رقبته وهو ضحك وبصلها  بأبتسامه وهى بصاله بلؤم ومبتسمه قربت جات تبوسه بعد وشه بكسوف:احم..روسى هغير هدومى 

روسندا ضحكت اوى انه مكسوف منها :لا…بوسه الاول..

كرم: روسندا..

روسندا هزت راسها بنفى وقربت من شفايفه باسته وهو حاسس ان قلبه بيولع..

كرم غمض عيونه وفى حراره غريبه بتخرج من جسمه بعد بسرعه بيشد كرفته بدلته بتنهيد وتوتر وهى بتضحك:لا انت بجد مش طبيعى ..يعنى انت المكسوف منى؟؟؟!

كرم بيتجاهل يبصلها وهو مبتسم وبخجل:انا..هغير هدومى فى الحمام.

روسندا بضحك:المفروض انا اللى اغير فى الحمام.

كرم بضحك:روسندا بطلى لؤم..

خاد هدومه وراح للحمام وهى قعدت على السرير ومميته نفسها من الضحك..قامت غيرت هدومها هى كمان ووثفت فى البلاكونه بسعاده وكأن نفسيتها مرتاحه ولاول مره من فتره.

كرم حضنها من ضهرها وهى ابتسمت ولفت وبصتله.

كرم بيبعد شعرها من على وشها وهى ضحكت:لتهزر صح؟…ايه اللى اختلف فى الحبه دول؟..ولا انت بقى بتتبدل حسب اللبس اللى لابسه؟

كرم ضحك وحضنها وغمض عيونه:قال مشافوهمش وهما بيسرقوا شفوهم وهما بيتأسموا.

روسندا: مين دول؟

كرم: الجيران يا روحى..

روسندا ضحكت وحضنته وهو شالها ودخل بيها الاوضه .

فى اليوم التالى .

روسندا فاقت من نومها فتحت عيونها بصت حواليها ملقتش كرم ..قعدت على السرير وكرم خرج من الحمام وهو بينشف شعره بالفوطه ابتسم وقرب باس خدها: صباح الخير يا عمرى.

روسندا ابتسمت: صباح النور حبيبى..

كرم :حبيبتى ماما جات تحت وجايبالنا اكل قومى فوقى وانا هنزل اقعد معاها.

روسندا هزت راسها بإيجاب وقامت من على السرير:طيب حبيبى.

كرم نزل من الاوضه وهى قامت غسلت وشها واسنانها. غيرت هدومها ونزلت من الاوضه..راحت حضنت سميره وهى ابتسمت: صباحيه مباركه يا عروسه.

روسندا ابتسمت: الله يبارك فيكى.

قعدت معاهم وسميره وقفت:يلا اسيبكوا بقى تفطروا.

روسندا بصتلها:انتى مسافره؟

سميره هزت راسها بإيجاب روسندا اتكلمت بأصرار :استنى احنا هنيجى معاكى.

سميره هزت راسها بنفى: ماينعش انتوا وراكوا شغلكوا وحياتكوا هنا بأذن الله بعد كده تبقوا تجولى بأحفادى.

روسندا: مش مهم نأجل الشغل.

سميره: حبيبتى لو اجلتيه شهر هتيحى تقضيه معايا ولا هتسافروا تقضوا شهر العسل؟..كرم عنده اشغاله هنا وانتى كمان وانا رحيم معايا ومش هسافر لوحدى واحتمال كبير خديجه ومؤمن يسافروا معانا كمان.

روسندا بصالها بتفكير وكرم اتكلم :هى عندها حق..احنا هنبقى نجيلك بس لما حياتنا فىالشغل تستقر.

سميره هزت راسها بإيجاب وبأبتسامه:وانا مستنياكوا يا حبايبى قربت باست خد روسندا وهى ابتسمت وسلمت على كرم ومشيت.

روسندا بوعل:كان نفسى اروح معاها.

كرم ابتسم ومسك ايدها:بوعدك انىهوديكى ليها بس الاول نتفسح وبعدين نظبط الشغل ونروح نعيش معاها فتره هناك.

روسندا ابتسمت: صح يا كروم هنسافر نقضى شهر العسل فين؟؟

كرم قرب قعد جنبها وحط ايده على شعرها:تحبى تروحى فين؟

روسندا اتعدلت فى قعدتها وبصتله بأبتسامه واتكلمت بتحمش:جزيره الباهاما انا نفسى ازورها اوى ونركب مركب ونغوص فى البحر كرم ارجوووووك انا نفسى اوى اروح هناك ارجوووووك.

كرم هز راسه بإيجاب وملك وشها بين ايده:من عيونى حبيبه قلبى يلا دلوقت ناكل وبعدها نجهز هدومنا وناخد الطياره ونطير.

روسندا ابتسمت وحضنته:كروووم انا بموووت فيك.

كرم ابتسم وباس خدها بعد وفتح الاكل وجى يأكلها بعدت ايده بتكشير وهزت راسها بنفى: لا انا مش بحب الحمام.

كرم: تحبى تكل. ايه طيب يا عمرى؟

روسندا :امم..مبسوسه.

كرم ضحك:بس هى مش جايبه مبسوسه .

روسندا بتكشير وزعل:ليه بقى ازاى طنط ام كرم متجيبش مبسوسه وتجيب كل الاكل ده.

كرم :ولا تزعلى نفسك يا روحى نبقى نروحلها مخصوص عشان تأكلك مبسوسه.

روسندا: وعد؟

كرم ابتسم وباس راسها:وعد

بعد مافطروا ورتبوا هدومهم.

فاطمه: ترجعوا بالسلامه هتوحشونى اوى.

روسندا ابتسمت وحضنتها: وانتى كمان خلى بالك من نفسك ومن قصر عزام .

فاطمه ابتسمت وهزت راسها بإيجاب: ماتقاقيش يا عمرى ربنا يحميكوا ويحفظكوا ابقوا طمنونى عليكوا .

روسندا هزت راسها بإيجاب رجبوا الطياره وبعد مراحوا لهناك وروسندا كانت هتطير من السعاده :واااو المكان رائع.

كرم حضنها من ضهرها وغمض عيونه:انتى اللى محليه المكان.

روسندا ابتسمت ولفت وحضنته جامد:الصبح هننزل البحر صح؟

كرم ابتسم وهز راسه بإيجاب:من عيونى يا جميلتى.

للكاتبه/منه محسن[Milly]

محمود بيأكل لينا:مين بيحب بابا؟

لينا رفعت ايديها الاتنين وهى بتاكل.

محمود ابتسم وباس خدها:مين بيحب ماما؟

لينا رفعت ايد واحده وشاورت على اسلام.

محمود :امم..مين بيحب اسلام؟

لينا رفعت ايديها الاتنين

محمود ضحك:مييين بيحب ستو؟

لينا جات ترفع ايدها نزلتها تانى وهزت راسها بنفى.

محمود بصلها هفهم ان مامته مبتعاملهاش كويس ابدا وده لان لينا قلبها كبير ومع تجاهل ماجده ليها إلا انها بتحبها وكل ده يبين طيبه قلبها بس انها تقول لا على ستها معنى كده انها مش بس بتتجاهلها دى اكيد بتكرهها فيها .

لينا مسكت المعلقه ومحمود بصلها بأنتباه وفاق من شروده.

لينا ملت المعلقه اكل وبتقربها من بؤه عقبال ماوصلتله كانت نص اللى فى المعلقه وقع.

محمود ابتسم مسك ايدها وكال منها وهى ابتسمت.

محمود: مين بيحب امينه؟

لينا بصتله ومستغربه الاسم .

محمود ابتسم بحزن وقرب باس خدها:اكيد كنتى هتحبيها.

لينا ساكته وهو بعد ومسك ايدها باسها:بحبك.

لينا ابتسمت وباست ايده هى كمان.

مامت محمود بصوت عالى:اسلام…اسلاااام..

لينا بصتلها وشاورتلها على الاوضه اللى فيها ماجده واسلام..

مامت محمود بصتلها بقرف وبعظت نظرها عنها ودخلت الاوضه.

لينا بصت لمحمود وابتسمت ومسكت ايده باستها وكأنها بتكلم اللى كانوا بيعملوه 

محمود ابتسم وحضنها جامد:انتى اغلى شئ فى حياتى.

لينا ابتسمت .

للكاتبه/منه محسن[Milly]

شاهيناز بتتفرج على شريط الفرح

شاهيناز: وااااو روسى كانت جميله جدا فى الفرح..وفى العاده كمان.

منير نايم وكارم قاعد باصص للتليفزيون وسرحان.

شاهيناز لفت وبصتله بأبتسامه:كارم تعالى شوف الشريط معايا.

كارم بصلها بأنتباه وهز راسه بنفى:مليش مزاج.

شاهيناز لاحظت عليه التغيير قفلت الفيديوا وقامت راحت قعدت جانبه:مالك فى ايه؟؟؟

كارم بصلها وهز راسه بنفى: مفيش.

شاهيناز مسكت وشه وهزت راسها بنفى: انت مش طبيعى النهارده…فى ايه قولى؟

كارم بصلها والضيق باين على ملامحه:مش مرتاح.

شاهيناز بصتله بأستغراب:ليه مالك؟؟؟

كارم: عيشتنا مش مريحانى..

شاهيناز: وايه الغلط يا كارم؟؟؟؟!…احنا الحمدالله عيشتنا احسن بكتييير من غيرنا..طلبت طفل وجبتهولك وربنا يقدرنى واعملك كل اللى نفسك فيه ايه الغلط بقى؟…انت بتشتغل وبتجيب فلوس تمشى البيت وحياتنا انت مالك بقى؟

كارم: فين الحب!…فين القصه اللى عيشناها؟

شاهيناز بصاله وبتحاول تفهمه:قصدك شهر العسل والخطوبه وكل ده؟؟؟!

كارم بعد نظره عنها وسكت وده اللى اكدلها كلامها.

شاهيناز:كارم انا رضيت وقولتلك كفايه انك معايا..انا مش عايزه حاجه يا كارم.

كارم بعد نظره عنها بضيق وجى يقوم مسكت ايده:طب انا مطلوب منى اعمل ايه؟

كارم بصلها وهز راسه بنفى: ولا حاجه.

شاهيناز: اعمل ايه طيب؟..انا مش عايزه اشوفك مضايق ..

كارم اتنهد بعمق وهز راسه بنفى :الغلط مش منك…انا اللى غلطان…انا عايز انام .

شاهيناز: لا مش هسيبك تنام وانت زعلان..انت قولتلى انك عايز الطفل ودلوقت كلامك بيبين انك ندمان انك ضيعت من عمرك معايا.

كارم ملك وشها بين ايده وهز راسه بنفى: مش ده قصدى ابدا…انا بس مضايق عشانك انا غلط فى حقك.

شاهيناز هزت راسها بنفى ومسكت ايده: واللهى انا مزعلانه ولا حطه فى دماغى ابدا انا بحبك وعشان كده عمرى مهندم يا كارم.

كارم باصصلها ابتسم وحضنها وهى حضنته:يلا نطلع ننام.

كارم هز راسه بإيجاب: امم.

فى اليوم التالى..

كرم وروسندا راكبين مركب فى البحر وكرم بيسوق ومقعد روسندا قدامه وهى بتصرخ من السعاده وهو بيضحك على جنونها.

روسندا بصوت عالى :اووووووه…

كرم بصوت عالى عشان تسمعه:مبسوطه يا عمرى؟

روسندا ابتسمت وهزت راسها بإيجاب: اوووى…ilove you by by.

بعد مانزلوا من المركب روسندا ماسكه ايد كرم وماشيين.

روسندا بأبتسامه:الجو هنا تحفه.

كرم: بتمنى افضل اسعدك لحد اخر يوم فى عمرى.

روسندا ابتسمت ومسكت ايده باستها فى الوقت ده شافت بنت بتغمزله وهو دور وشد للجهه التانيه بكسوف:احم.

روسندا بصتلها بغل وبصت لكرم وقفت وهو استغرب وهى راحت جابت البنت من شعرها.

كرم برق بصدمه وهى ماشكه شعر البنت اللى بتحاول تبعدها عنها:Aaah, are you crazy?

(ااااااه .انتى مجنونه ؟)

كرم راح وبيحاول يبعد روسندا عنها:روسندا حبيبتى خلااص..

كل اللى رايح واللى جاى بيبوصلهم وكرم اضايق :روسندا خلااااص بقى الناس بتبص علينا.

روسندا سابتها بعنف بعد ماقطعت شعرها فى ايدها..مشيت مع كرم وهى متعصبه:عشان تحرم تبص لواحد ماشى مع مراته بعد كده.

كرم :انتى اللى عملتيه ده ملوش لازمه 

روسندا: واللهى؟ …لا كنت اسيبها تسبلك..اقولك تعالى انا هروح اجيبهالك.

كرم شدها وبصلها بضيق:انتى بتقولى ايه انتى تعرفى عنى كده؟!

روسندا: عارفه يا كرم بس انا شيفاك مضايق عشانها عايزنى اقولك ايه يعنى؟؟

كرم هز راسه بنفى: انا مش مضايق عشانها انا بس بتكلم ان ده شهر عسلنا وانتى دلوقت متعصبه كنتى المفروض تتجاهليها.

روسندا دورت وشها للجهه التانيه بضيق.

كرم ملك وشها بين ايده :خلاص بقى انتى جايه هنا تتفسحى مش تعكرى دمك..وبعدين مين قالك انها بتبصلى يمكن بتبصلك انتى.

روسندا بصتله ورفعت حاجب واحد:لا واللهى اصلها هتسيب الهضبه اللى معايا وتبصلى انا.

كرم ضحك:حلوه الهضبه اللى معايا دى..طب وحيات كرم لاتضحكى وتبطلى تكشير.

روسندا بصتله وضربته على كتفه:ماتحلفنيش بحياتك تانى.

كرم ضحك:حاااضر ..اسف يا جميلتى.

روسندا ابتسمت ومسكت ايده: عايزه اكل.

كرم هز راسه بإيجاب وبأبتسامه: من عيونى..هوديكى عند احلى مطعم ..

بعد مراحوا لمطعم راقى ..

الجارسون :What do I bring to you?

(ماذا احضر لكم؟)

كرم بص فى القايمه وبص لروسندا:تحبى تاكلى ايه يا روحى؟

روسندا بصت للقايمه وابتسمت وشاورت على طبق:انا بحب الاسماك ممكن ده.

كرم بص للجارسون:

We want two plates of conch.

(نريد طبقين من الكونش)

الجارسون مشى وروسندا بصت للقايمه وبصت لكرم بترجى:اطلب طلب؟

كرم بصلها وابتسم:ائمرى ياروحى.

روسندا: عايزه كاس واحد بس كاس ومش هطلب تانى.

كرم بصلها ورفع حواجبه وكشر:كاس؟..طيب انا موافق فى حاله واحده بس..

روسندا بصتله بأنبهار وبتحمس:ايه هو؟

كرم: لو دينا اتغير وبقت حلال.

روسندا بصتله وكشرت:انت لئيم.

كرم ضحك وهى ابتسمت: على فكره انا مكنتش عايزه كنت بشوف بس رده فعلك …لانى فعلا مش عايزه ارجعلها انت لوحدك تنسينى الدنيا وكل همومى.

كرم ابتسم ومسك ايدها باسها.

الجارسون جى وحط قدامهم الطبقين :Any other request?

(اى طلب اخر ؟)

كرم هز راسه بنفى:Thank you

(شكرا لك)

مشى وهما بدئوا ياكلوا بعد ماخلصوا اكل واتصوروا وكانوا مبسوطين جدا قضوا يومهم واتفسحوا ولما رجعوا للشاليه.

روسندا قاعده على الكنبه وكرم قاعد جانبها وحاضنها وهى بتبعت لشاهيناز صور اليوم كله.

شاهيناز بتتفرج عليهم وبتضحك على جنون روسندا مع كرم فى الصور ..منير بيلعبلها فى التليفون وهى بتبعد ايده:حبيبى بس ماينفعش كده بكلم طنط..ياااا كاااارم تعالى شوف ابنك.

شاهيناز اتنهدت بضيق واتصلت بيها.

كرم: بتكلمى مين؟

روسندا بصتله بأبتسامه: شاهى. 

كرم ابتسم وباس جبينها وهى ابتسمت وبصت للتليفون :اهى بتتصل ردت وضحكت لما سمعت صوت شاهيناز بتصرخ فى منير:يا منيييير بس يا فروله بس يا حبيبى ..الو يا روسى معلش معرفتش اكلمك نت لان استأذ منير مبهدلنى.

روسندا بتضحك:ربنا يخليهولكوا …ايه رأيك فى الصور؟

شاهيناز: جميله يا عمرى عجبنى الشاليه اللى قاعدين فيه كمان شكل الهضبه واخد باله منك يا جميل مفيش صوره الا وهو حاضنك فيها.

كرم رد :وبموووت فيها كمان.

شاهيناز ضحكت:هو جانبك؟

روسندا بتضحك:امال..

شاهيناز بزعيق من منير اللى بيضربها:منييير بس بقى يا اخى زهقتنى كاارم تعالى شوف ابنك.

روسندا بتضحك عليها:طب روحى شوفى ابنك ونتكلم بعدين.

شاهيناز: طيب هكلمك شويه كده.

روسندا: امم..

قفلت الخط وحضنت كرم وهو ابتسم .

فى اليوم التالى..

روسندا راحت قعدت جانب كرم اللى نايم على السرير وبتقلقه :كروووم…كرووم كفايه نوم قوم اقعد معايا يلا..

كرم :امم شويه با روحى..

روسندا: لااا يلا..

بتشد من عليه الغطا :يلاااا قووم.

كرم بيفتح عيونه بالعافيه وشدها عليه:تعالى نامى انتى كمان.

حضنها وغمض عيونه وهى بتضحك:كرم بقى انا عايزه اقعد معاك.

كرم بصوت ضعيف من نعاسه:حاضر يا روحى خمس عشر دقايق كده وهقوم.

روسندا ابتسمت وباسته وهو فتح عيونه وبصلها بأبتسامه :بتغرينى يعنى؟

روسندا ابتسمت وحضنته وغمضت عيونها :كرم..

كرم وهو مغمض عيونه وبنعاس:نعم يا روحى.

روسندا :بحبك.

كرم ابتسم وقرب باس خدها:وانا بموت فيكى..

روسندا ابتسمت وحضنته جامد ..عدت الايام وهما رجعوا من شهى العسل ..

روسندا دخلت القصر وهى بتدور من السعاده وبتنادى:فطوووم فطووم..

فاطمه راحتلها وابتسمت لما شافتها راحت حضنتها وروسندا حضنتها جامد.

فاطمه: حمدالله على السلامه يا روحى ايه الحلاوه دى كلها؟

روسندا ابتسمت وبعدت بصتلها بسعاده:مش هتتخيلى احنا لفينا الجزيره كلها وجبتلك حاجات كتيير من هناك انتى والقمر الصغير.

فاطمه ابتسمت :كفايه انك رجعتلنا بالسلامه.

كرم دخل القصر بعد ماركن عربيته :السلام عليكم .

ابتسم وراح حضن فاطمه:حمدالله على السلامه يا حبيبى نورتوا الدنيا كلها.

عايده وانجى بيبصوا عليهم ومتغاظين:شكلها مبسوطه اوى…ربنا ينكد عليهم .

فاطمه: انا مستنيه اسمع الاخبار الحلوه.

روسندا ابتسمت وبصت لكرم وهو ابتسم ومسك ايدها:احنا هنطلع نستريح فوق.

فاطمه: طيب يا حبيبى انا هقول للطباخ يحضرلكوا لقمه تسندكوا انتوا اكيد جايين من السفر جاعنين.

كرم: احنا جاعنين نوم ..هنطلع نستريح الاول.

ويطلعوا على الاوضه فى اليوم التالى ولما راحوا الشركه.

………..:روسندا هانم فى واحد عايز يقابل حضرتك بيقول انكوا معرفه قديمه.

روسندا بصالها بتفكير:مين؟

……….:اسمه ساهر بيه.

روسندا بصتلها بتفكير وتعجب:ساهر!!!…. طيب دخليه.

……….خرجت وبصتله:اتفضل يا بيه.

ساهر دخل المكتب وروسندا بصتله ومستغربه اول مره تشوفه شاب طوله متوسط ولابس بادله شكله زى رجال الاعمال وعنده ذقن خفيفه وشعره كثيف:اا..اتفضل اقعد 

ساهر راح قعد وبصلها بأبتسامه لئيمه:انا عارف انك ماتعرفنيش وانك مشوفتنيش قبل كده…بس انا عارفك كويس.. مش مهم الحقيقه انا مش جاي هنا عشان شغل..انا جاى اقولك كلمتين..اعتبرينى المستقبل اللى هتعيشيه انتى متجوزه ..صح؟

روسندا بصتله:مفيش حد فى مصر مش عارف انى متجوزه.

ساهر :امممم…ويا ترى هما بردو يعرفوا انك هتطلعى حامل؟…وانك هتخلفى ولد وبنت..

روسندا بصاله:ده طبيعى ايه الجديد فى اللى بتقوله!

ساهر:صبرا بس يا مدام روسندا.. انتى هتولدى طفلين بنت وولد…وبعد خمس سنين من ولادتهم هتعملى حادثه..هتدخلى فى غيبوبه وهتقعدى فيها فتره …وبنتك هتكرهكوا وهتبقى فى طريق شمال …وعيالك الاتنين هيبقوا مرضى نفسيين …

روسندا قاطعته بغضب والتوتر انتابها:اسكت انت بتقول ايه وهو انت كنت ربنا عشان تعرف كل ده؟؟؟

ساهر ضحك بهدوء:الايام هتبين بس مش عايزه تعرفى ايه مصيرك فى النهايه؟

روسندا وقفت بغضب:اطلع برا حالا وإلا انا هناديلك الحراس يطردوك.

ساهر وقف وبصلها بأبتسامه هاديه:مفيش داعى يا مدام روسندا… انتى حره…والايام هتبين كل حاجه…افتكرى انى قولتلك انتى هتدورى عليا فى يوم بس مش هتلاقينى..

مشى وهى بصاله وهو ماشى وقلبها اتملكه الرعب بتفكر فى كلامه وقعدت ملكت راسها بين ايدها بضيق من نفسها:انا ليه بفكر فى الهبل ده!..ده اكيد واحد مجنون وعايز يخوفنى وخلاص..

فى الليل .

روسندا بتعب:طمنى يا دكتور ليه بحس بحاجات غريبه بتحصلى الفتره دى ؟؟!

الدكتور بصلها بأبتسامه: مبروك يا مدام انتى حامل..

روسندا بصتله بصدمه كانت صدمتها مش عشان هى زعلانه بلكنها افتكرت كلام ساهر وده اللى رعبها اكتر معقول هو يكون عنده حق؟؟!…بس ده عادى اى واحده بتحمل وبتجيب ولد وبنت..انا مش المفروض احط الحاجات دى فى دماغى اكيد صدفه..

كرم:هى روسندا فين؟

فاطمه:تعبت شويه وراحت المستشفى الكلام ده من الصبح قولتلها هاجى معاكى مارضيتش.

كرم بصلها بقلق وضيق:وليه مكلمتنيش؟؟!!

فى الوقت ده روسندا دخلت من باب القصر وكرم بصلها وراحلها بسرعه:حبيبتى كنتى فين كل ده قلقتينى عليها.

روسندا بصتله بسرحان وابتسمت قربت حطت ايدها حوالين رقبته وبصتله بأبتسامه:روسى هتجيبلك نونو جديد.

كرم بصلها بصدمه وسعاده :انتى..بتتكلمى جد؟

روسندا هزت راسها بإيجاب وبأبتسامه:هجيبلك نونو.

كرم ابتسم بسعاده مش سيعاه شالها واتدوخ بيها وهى بتضحك وفاطمه مبتسمه بسعاده وراحت حضنتها:مبروك يا عمرى مبروك انا قلبى كان حاسس انك هتطلعى حامل.

روسندا ابتسمت وكرم شالها:انتى مش لازم توقفى انا ههتم بيكى واى حاجه عيزاها تطلبيها وهتلاقيها جاتلك لحد عندك امم.

روسندا ابتسمت وحضنته جامد:ربنا يخليك ليا.

كرم ابتسم وباس جبينها وهو طالع على السلم.

عايده:حامل!…يعنى هتجيبلنا مصيبه على البيت هو احنا نقصين؟

انجى :انسى…مسيرها تسعدنا بموتها..

عدت خمس سنين كاملين وحال كل واحد زى ماهو بس اللى بيفرق تعلق الام والاب بطفلهم اللى بيكبر يوم بعد يوم …روسندا فعلا خلفت ولد وبنت ورد و..كبروا وبقى عمر  خمس سنين وورد تلاته ونص..لينا كبرت وبقت تنطق بعض الحروف بالعافيه وبتقطع فى كلامها بسبب نطقها الغير سليم..منير كبر هو كمان وبقى فى كتير من شاهيناز واخد منها الشعر الاحمار والبياض والنمش الخفيف وعيونه الزرق..واسلام كمان كبر بقى اد لينا بس الفرق بينهم شهور قصيره بيحب لينا جدا ودايمآ يلعب معاها ومايحبهاش تزعل ابدا وكأنه هو اللى اخوها الكبير..صح نسيت اقولكوا كريم هو كمان سافر وبعد عن مصر خالص استقر فى امريكا وعايش وحيد هناك عايش حياه منعزله وكأن الوحده متقمسه فى صورته.

كريم ساند ضاهره على الكنبه وهو قاعد وسا

رحان بيفتكر نظرات ابوه ليه فى اليوم ده بيفتكر نظرات الخوف اللى كانت فى عيون شاهيناز وهى هتموت من الرعب عشان ابنها بيفتكر عالم كامل عاشه وفى النهايه انعزل عنه..

كريم مسك تليفونه اتصل بكارم وهو بيأنب ضميره ..

كارم مسك تليفونه انتابته دهشه لما شاف رقم كريم قفل التليفون وسابه وهو بيتعجب ليه بيتصل بيه بعد كل الفتره دى؟؟!

للكاتبه/منه محسن[Milly]

روسندا وكرم عاملين حافله ومظبطين القصر بمناسبه عيد جوازهم وعازمين صحابهم كمان..

اضائه القصر اتبدلت للون الاحمر وبقى فى ضوء متسلط على روسندا وكرم اللى واقفين هما الاتنين قدام بعض ول

بيغنوا..

روسندا: كل عام وانت حبيبى..

كرم: كل عام وانتى بخير..

روسندا: كل عام وانت حبيبى كل عام وانت بخير..كل عام وانت نصيبى مهما فى الدنيااا يصير..

كرم:كل عام وانتى حياتى..كل عام وانتى هواى احساسى انتى وزاتى دايم ياعمرى معاي..

روسندا ابتسمت وشبكت ايدها فى ايده :انت السنه اللى عشتها بعمرى انا..انت السنه اللى فيها حسيت بهنا..

كرم ماسك ايدها وهو باصصلها بأبتسامه والكل بيصور :يومى انا فى غيبتك عنى سنه..انتى انا وانا بدونك مين انا!

روسندا:كل اللى راح من غيرك وكل السنين كانت جراح واليوم افراح وحنيين..

كرم:ااااه انتى الحياه وانتى السنين كلها والامنيات اللى عشت انا عمرى لها..

فى الوقت ده ورد و جريوا مسكوا ايدهم وهما غنوا مع بعض وفى نفس واحد:يلا نطفى النور يلا ندخل فى عام جديد..يا عسى هالعمر كله للفرح والحب عيد…يلا نطفى النور يلا ندخل فى عام جديد..يا عسى هالعمر كله للفرح والحب عيد…

الكل باصصلهم ومبتسم من الرومانسيه المتبادله بينهم..

روسندا: بسم الهوا والعمر والحب الاكيد..خليك معى نفرح بكل عام جديد..

كرم:مهما يكون شايل غرامك بالعيون.. عنك انا مستغنى يا القلب الحنون..

روسندا: احلى الليالى تجمعنا فى الفرحه سوا..لو فى الخيال احيا معاك لحظه هواااا..

كرم :اااه حبك خيال يكبر ويكبر كل عام..اول غرام فى العمر هو مسك الختام..

كرم وروسندا فى نفسك واحد وهما ماسكين بأيد اولادهم:يلا نطفى النور يلا ندخل فى عام جديد..يا عسى هالعمر كله للفرح والحب عيد…يلا نطفى النور يلا ندخل فى عام جديد..يا عسى هالعمر كله للفرح والحب عيد…

روسندا وهى باصه لكرم بأبتسامه:انت السنه اللى عشتها بعمرى انا .

كرم حط ايده على خدها وابتسم:وانتى حياتى كلها وانتى الهنا..

روسندا: انت السنه اللىعشتها بعمرى ..

كرم: وانتى حياتى كلها وانتى الهنا..

روسندا ابتسمت وحضنته والكل صقف جامد والاضائه رجعت لطبيعتها تانى.

كرم رفعها من على الارض وهو حاضنها جامد وهى بتدفن راسها فيه.

فاطمه مبتسمه وبيسقفوا.

كرم نزلها وبصلها بأبتسامه قرب باس جبينها وهى غمضت عيونها بأبتسامه.

كرم: بحبك..

روسندا :وانا بموت فيك.

شاهيناز راحتلهم وحضنت روسندا جامد:مبروووك يا روح قلبى وربنا يديم سعادتكوا .

روسندا ابتسمت وحضنتها:ربنا يخليكى ليا يا شاهى..

شمس راحتلهم:طب ايه انا عايزه اشوف انتوا جيبتوا لبعض ايه ..

روسندا ضحكت:انا الهدايه بتاعتى مش متوقعه الدور والباقى على واحد صاحبنا.

وليد:اووووه بترمى بالكلام عليك يا معلم.

كرم ضحك :طب انا مشموريهالك الا لما تورينى هديتك انتى.

روسندا هزت راسها بنفى:لا انا الهديه بتاعتى بتبقى فى الاخر.

كرم: واشمعنى انتى؟

روسندا: هو كده.

كرم بخبث:امم..طيب انا مجبتش حاجه.

روسندا بصتله ورفعت حواجبها ومسكت ايده عضتها وهو بعدها وبيضحك:مفترسه بهزر..

روسندا ابتسمت :طيب يلا هى فين؟

كرم بصلها بأبتسامه ولؤم:طيب ..انتى اول ماتقولى بحبك هى هتجيلك.

روسندا ابتسمت والكل كان بيضحك:طيب انا مستنيه…بحبك.

فى الوقت ده نزل عليهم مجموعه كبيره من البلالين الحمره والكل صقف بتشجيع وسعاده:اوووه..

كرم ابتسم وهى كانت السعاده مش سيعاها:قوليها كده تانى..

روسندا ضحكت وبصتله:بحبك.

كرم ابتسم وفى واحد من الحراس جابله علبه عمره كبيره زى علب السلاسل.

روسندا ابتسمت ومتشجعه تشوف ايه الموجود فى العقد.

عايده وانجى بيبصوا عليهم من المطبخ وكرم فتح العلبه وهى برقت بدهشه وسعاده .

كرم ابتسم وخرج السلسله من العلي

به وقرب وقف وراها وبيلبسهالها .

روسندا مسكاها بدهشه من جمالها وكل الموجودين بيتكلموا:دى الماس!

عايده مبرقه بدهشه:الماس؟

كرم قرب باس رقبه روسندا بلطف:احسن الماسه لاحسن واحده فى حياتى كلها.

روسندا ابتسمت لفت وحضنته جامد والكل صقف وكانوا سعداء ليهم ولسعادتهم.

روسندا بعدت وبصتله بأبتسامه: هديتى ..بص اول اختبار عشان اعرف انت تستحقها ولا لا انت لو لمستنى هتتكهرب وانا بطلب منك تمسكت ايدى ..هتمسكها؟؟؟

كرم باصصلها بأبتسامه وهز راسه بنفى وكلهم اندهشوا من رده فعله.

روسندا بصتله وهو قرب باسها والكل اتصدم وبيضحكوا ودوروا وشهم للجهه التانيه.

كرم بعد وبصلها بأبتسامه وهى دورت وشها للجهه التانيه وبتضحك :طيب..

سقفت وحارس جى ومعاه علبه كبيره وكلهم مستنيين يشوفوا فيها ايه.

روسندا خادت العلبه مدتهاله بأبتسامه:كل سنه وانت طيب يا عمرى.

كرم ابتسم وخادها فتحها والكل مركذ اوى مع العلبه .

كرم خرج برواز كبير ليه هو وليها وورد و..ابتسم وقرب حضنها جامد .

الكل صقف بأبتسامه وهى شاوتله على العلبه بعيةنها.

كرم بصلها:فى تانى؟

مد ايده فى العلبه اللى مليانه باوراق الورود الحمراء ..خرج علبه صغيره لخواتم ابتسم وفتحها شاف فيها خاتمين فضيين واحد عليه حرف ال k والتانى حرف الR ..

كرم ابتسم وخرج الخاتم مسك ايدها لبسهولها والكل صقف :واااااو ..

روسندا ابتسمت ومسكت الخاتم التانى بصتله بتفكير وهو ضحك وشاورلها بعيونه على صباعه.

روسندا لبستهوله بأبتسامه وهو شالها واتدوخ بيها وكلهم مبتسمين وبيصقفوا .

للكاتبه/منه محسن[Milly]

مامت محمود سامعه دوشه برا البيت:ايه الصوت ده؟!

ماجده بأستغراب: مش عارفه ..

لينا جريت دخلت البيت ومامت محمود مسكتها وهى بتجرى:فى ايه يا بت برا؟

لينا بصتلها وهى بتتنهد بعمق من كتر الجرى:اا…اا..س..لام..ض..رب..

مامت محمود قاطعتها بضيق:بس بس اسكتى انا مش فاهمه منك حاجه عماله تتهتهى وانتى بتتكلمى.

محمود بصلها بضيق وغضب وشد لينا من ايدها بلطف:تعالى يا ؤوحى احكيلى انا ايه اللى حصل؟

لينا :اا …س…لام…ض..رب…ال…و..اد..اللى ..هن..اك..

محمود:انهى واد يا روحى؟

اسلام دخل البيت وباين عليه علامات الغضب.

محمود بصله:ضربت مين يا اسلام!؟

اسلام بعصبيه:الواد اللى ساكن قدامنا جاى يقولها تعالى نلعب عريس وعروسه ..مسكته اديته علقه حلوه واهلو جايينلكوا دلوقت.

محمود: جدع يله يا اسلام ايه قله الادب دى.

مامت محمود: جدع!…عمله البلطجه ده صغير ومش فاهم وبعدين يا سبحان الله وكأن الواحد بيعرف اللى قدامه من شكله بنت..

محمود قاطعها بعصبيه:ملوش لازمه الكلام ده.

مامت محمود بعدت نظرها عنه بقرف.

……..:ياللى هنا..

ماجده بأستغراب:مين اللى بينادى؟؟!

اسلام: اكييد اهل الواد جايين يتخانقوا معاكوا..

ام الولد دخلت البيت ومعاها الولد.

محمود وقف هو وماجده وراحولها:ازيك يا ام محمد اتفضلى..

ام محمد بزعيق:انا مش جايه اقعد يا ام اسلام انا جى اوريكوا ابنكوا عمل ايه فى ابنى بصوا عين الولد اتصفت ازاى!

اسلام: هو اللى قليل الادب بيقول لاختى تعالى نلعب عريس وعروسه..

ام محمد:انت يله تسكت خالص..

محمود: ام محمد خلاص انا بعتذرلك بالنيابه عنه بس بردو انتى لازم تضغطى على ابنك ايه نلعب عريس وعروسه دى؟!

ماجده: احنا اسفين اوى يا ام محمد انا هضغط عليه وهاخد حق محمد متزعلش يا بنى احنا اسفين.

مامت محمود: كلوا من تحت راس العاهره دى.

لينا بصتلها بأستغراب من كلمتها وبصت لمحمود اللى مملى على اخره وهينفجر فيها:ب…ا..با…يع..نى..ا..ى..عا..ه..ره؟؟

محمود بصلها ..

يتبع..