رواية حب وعذاب البارت الحادي والثلاثون 31 بقلم آية السيد
 |
| رواية حب وعذاب البارت الحادي والثلاثون 31 بقلم آية السيد |
رواية حب وعذاب البارت الحادي والثلاثون 31 بقلم آية السيد
في اسكندريه
يزيد قال لعلا ان مي اتصلت عليها وعلا كلمت أهلها طمنتهم عليها وبعدين قفلت وكلمت مي مكالمه فيديو
علا /مسا مسا يا حلو
مي بضحك/وحشتي الحلو يا قلب الحلو
علا /يبنتي دايما كده مثبتاني
مي /عيب عليك يا زميلي
علا /اخبارك ايه يا اسطي
مي /الحمد لله يا روحي بخير طول ما انتي بخير
علا /قلبي امال البت ريم فين
مي /هي روحت من شويه زمانها وصلت و….
وبعدين مي صرخت فجأه
علا بفزع /ميييييي!!!!!!!!!
يزيد بصراخ /مييي
علا بصت بصدمه لقت يزيد واقف وراها وباين عليه القلق
مي التليفون وقع منها وهي بتصوت اول لما شافت يزيد
يزيد اتصدم من رده فعلها
علا رجعت بصت علي الشاشه تاني وهي بتنده علي مي بخوف وخصوصا انها عارفه ان مي بتتجعز من أقل حاجه
علا بخوف /مي يا مي انتي يا بنتي انتي كويسه
مي مسكت التليفون تاني وضربات قلبها بتزيد اكتر وبتاخد نفسها بالعافيه ومره واحد عيطت
علا ويزيد كانوا سامعين صوت عياط مي ويزيد قلبه وجعه لما سمع صوت عياطها وواقف زعلان عليها ولغايه دلوقتي مش فاهم هي ليه صوتت او عيطت حتي
مي بدأت تهدي شويه ومسكت التليفون وبتحاول ترد علي علا اللي لسه بتنده عليها والخوف باين من نبره صوتها
مي بصوت يكاد يكون مسموع بسبب عياطها /ع.. علا
علا بلهفه /مي انتي كويسه يا قلبي
مي /اه يا حبيبتي
علا /مي فيه ايه وليه صرختي كده وعيطي
مي ودموعها نزلت /بصي علي اللي وراكي
علا بصت ولقت يزيد اللي لسه واقف
علا بعدم فهم /فيه ايه
مي بتلقائيه /كنت بكلمك وفجأه زيزو طلع وراكي وانا اتخضيت جامد
يزيد مقدرشي يمسك نفسه من الضحك وفضل يضحك عليها بصوت عالي لغايه ما علا خبطته انه يسكت
علا /زيزو بس بق….
وقاطعها صوت عمتها وهي بتنده عليها
علا /ثواني يا مي ورجالك وادت الفون لزيزو وبصت له بمعني اعتذر
يزيد اخد التليفون من علا وبيحاول يمسك نفسه وبص علي مي لقاها بتعيط تاني
يزيد بطل ضحك واتكلم بصوت حنين
يزيد /مي
مي بصت ولسه بتعيط
يزيد /طب ممكن تبطلي عياط والله اسف مكنش قصدي كل ده يحصل والله
مي كانت بتعيط اكتر
يزيد /طاب خلاص والله اسف طب انتي بتعيطي تاني ليه
مي بعياط /ع.. عشان ان.. انت ب.. بتضحك… ع.. عليا
يزيد ابتسم من تصرفاتها اللي شبه الأطفال
يزيد /طاب خلاص والله اسف مش هتتكرر تاني والله وبعدين انا بس استغربت تصرفك دا وحسيت انك طفله اوي
مي /انا مش ذنبي اني بتجعز بسرعه دا غظبا عني وبعدين انا مش طفله
يزيد بابتسامه /خلاص يا طفلتي متزعليش بقا
مي /خلاص مش زعلانه يا زيزو بس معدتش تقولي يا طفله
يزيد /خلاص انتي طفلتي انا بس
مي استغربت كلامه بس ابتسمت
يزيد /وبعدين ما انتي لسه قايلالي زيزو دلوقتي
مي وخدت بالها وخدودها احمرت لأنها قالتها بتلقائيه
مي بتلعثم /ا.. انا…
يزيد بابتسامه /خلاص عادي
وبعدين علا جت
علا بمرح /ايه يا جدعان انا هنا
وبعدين راحت وقفت جنب يزيد
يزيد بص لمي وابتسم /انا اسف مره تانيه وبجد مكنش قصدي
مي بابتسامه /خلاص عادي ولا يهمك
وبعدين يزيد ادا لعلا الموبايل ودخل
علا بمرح /خلاص يا صديق بقا قلبك ابيض
مي /خلاص يا باشا ولا يهمك
علا بخبث /بس ايه يعني هديتي بسرعه
مي بصوت عالي نسبيا /بس بقا يا علا الكلب انتي كمان قاعده في الضلمه ويادوبك نور بسيط بس هو اللي مخليني اشوفك ومخليني اشوف الناس اللي وراكي كأنهم أشباح ومناظرهم تخوف
علا بضحك /ههههه يخربيتك يا شيخه…. يبنتي بطلي جبن بقا
مي /تصدقي انك صاحبه مهزئه ويلا بقا ومن غير سلام وبعدين مي قفلت التليفون
وابتسمت لما افتكرت كلام يزيد وكانت مبسوطه انها شافته
و علا فضلت تضحك علي صاحبتها المجنونه وتصرفاتها
________________
في منزل حسن خليفه
زين ومحمد كانوا خلاص هيمشوا
محمد /اوبس ثواني يا زين غالبا محفظتي جوة
زين بضحك /يبني انت هتبطل العاده دي أمته بقا
محمد /بطل لماضه ويا دوبك هتفتح الباب اكون جبت المحفظه
زين /ماشي يا سيدي اخلص بقا
محمد /ماشي
ومحمد دخل يجيب المحفظه وزين فتح الباب ولقي ريم في وشه
ريم اتصدمت لما شافته
زين فضل واقف وباصص ليها وهي كمان وعيونهم هي اللي بتتكلم
وبعدين سمعوا صوت محمد
محمد بضحك /ايه يبني واقف كده ليه
زين وريم بعدوا عيونهم عن بعض وريم خدودها احمرت ومحمد وصل عند الباب وشاف ريم
محمد بابتسامه /ريمو وحشتيني
ريم بابتسامه وهي بتبص لمحمد /وانت اكتر ازيك يا استاذ زين
زين /الحمد لله انتي عامله ايه
ريم /الحمد لله… وانت يا حلو
محمد /الحمد لله يا بكاشه يلا مش عاوزة حاجه
ريم /سلامتك يا حبيبي
وبعدين محمد وزين نزلوا وريم دخلت البيت
ريم بزعيق /يا ماما انتي يا ست الحاجه
هيام بضحك /فيه ايه يبنت المجنونه
ريم /جعانه يا حاجه
هيام /طاب غيري لغايه ما احط الاكل
ريم /حبيبتي يا غاليه
وبعدين دخلت وغيرت وقررت ترن علي علا
ريم بضحك /الو يا لولو وحشتيني يا قمر
علا /واضح يا بكاشه
ريم بضحك ونست موضوع علا /هو ايه حكايه بكاشه هو كلكوا اتفقوا عليا ولا ايه
علا /ليه بس
ريم /انتي ومحمد بتفضلوا تقولوا ليا يا بكاشه
علا اسم محمد نزل عليها زي الصاعقه هي بعدت عشان تنساه وبردوا بيحصل حاجه تفكرها بيه
ريم اخدت بالها وأنها قالت اسم محمد
ريم باسف /اسفه يا علا والله مكنش قصدي انا اسفه والله وكانت خلاص هتعيط
علا وهي بتحاول تغير الموضوع لأنها عارفه ان ريم مش قصدها
علا بمرح /خلاص يا صديق وبعدين انتي اصلا بكاشه بقا ايه رائيك بقا
ريم /خلاص يا ستي بكاشه بكاشه تشكري
وفضلوا يتكلموا شويه وبعدين قفلوا وريم تانب نفسه وبعدين سمعت صوت والدتها و راحت اكلت
_______________
عند علا في اسكندريه
علا قفلت مع ريم وفضلت تفكر في محمد وفي حياتها اللي اتشقلبت وقررت انها لازم تنسي وان هي غلطتها من الاول
*للأسف الحب من طرف واحد دا بيبقا أصعب عذاب ممكن اي حد يمر بيه… فكره انك بتحب حد وشايفه الدنيا كلها وهو مش واخد باله منك اصلا ولا من قلبك بتوجع
فكره انك تفضل تبني احلام وأماني علي ناس مش ملكك صعبه ومع الأسف مش بنقدر نلومهم علي الوجع دا… اصل الحب مش إجبار.. مش هقول لقلبي حب دا فيروح يحبه
الحب مش بأيدينا… احنا في ثانيه بلاقي قلبنا بيدق من غير حتي ما نعرف فجأه بنلاقينا حبينا حد واعتبرناه الحياه…… *
وقطع تفكيرها صوت يزيد
يزيد بمرح /اللي واخد عقلك يتهنى به
علا /مفيش حد يا باشا
يزيد /عليا انا بردوا
علا الدموع ملت عيونها
يزيد لاحظ دا ورفع وشها
يزيد بحنيه وخوف علي اخته /فيه ايه يا حبيبتي مالك يا علا
علا عيطت وحضنته ويزيد حضنها
يزيد /هششششش اهدي يا حبيبتي بس وفهميني
علا بعدت عنه وهو مسح دموعها
يزيد /طاب ايه رايك ننزل نتمشي شويه وتحكيلي وياستي هعزمك علي آيس كريم عشان تعرفي بس اني كريم
علا ضحكت غظبا عنها وهزت راسها وبعدين غيرت هدومها هي ويزيد ونزلوا
_____________________
في شرم
رحيم راح اوضه وعد وخبط وفيه بنت فتحت ليه
رحيم دخل الاوضه واول لما شاف وعد فضل واقف متنح كانت شبه الملايكه بفستانها البسيط
وعد اول لما شافت رحيم كانت واقفه مبتسمه
رحيم راح عندها وباس راسها وحضنها
رحيم بحب /ايه القمر دا يا روحي
وعد بضحك/والله انت اللي قمر ببدلتك دي
رحيم بضحك /خلاص تيجي نسيب الواد ياسين ونخلع
وعد بتلقائيه /لا يا عم روح انت
رحيم فضل يضحك عليها وعلي كلامها
رحيم بحنيه /مبارك يا وعد كبرتي وبقيتي عروسه قمر
وعد /الله يبارك فيك يا قلبي… وكملت بمرح /بس بردوا هفضل بنوتك يا رحيم باشا
رحيم / طبعا يا قلب رحيم…. يلا بقا بدل ما ياسين ياجي يضربني
وضحكوا هما الاتنين وبعدين وعد مسكت ايد رحيم ونزلوا تحت
__________________
في القاعه
ياسين كان واقف مستني وعد وماسك بوكيه ورد شكله جميله اوي
وبعدين باب القاعه اتفتح ودخلت وعد اللي كانت ماسكه ايد ياسين واتصدمت من جمال القاعه واد ايه شكلها حلو وانبسطت لما لقت القاعه موجوده علي البحر وشافت ياسين اللي واقف ولابس بدله وانصدمت من شكله واد ايه كان شكله حلو ويخطف القلب وبعدين فضلت ماشيه مع رحيم لغايه اما وصلت قدام ياسين
ياسين اول لما شاف وعد فضل واقف متنح وفضل يبص عليها واد ايه هي جميله وخدودها اللي بقا حمرا من كتر الكسوف والميك اللي زادها جمال
ياسين فاق من شروده لما لقي وعد قدامه
رحيم /ايه يا عم هتفضل متنح كده كتير
ياسين وهو لسه بيبص علي وعد /هاا
رحيم /ها ايه يا عم فوق
ياسين /يا اخي دا انت فصيل ويلا بقا اتكل من هنا
رحيم /ماشي يا اخويا
رحيم بعد وياسين طلع علبه من جيبه وقعد علي ركبته قدام وعد
ياسين بعيون عاشقه /تقبلي تكوني معايا… تقبلي تكوني بنتي واختي ومراتي وحبيبتي وكل حاجه ليا….. تقبلي تكون سندي واكون عكازك في الحياه… تقبلي تفضلي معايا طول العمر….. تقبلي تكون ام لولادي… تقبلي تتجوزيني يا وعدي
وعد كانت بتسمع كلام ياسين ودموعها بتنزل
وعد هزت راسها بايوه
ياسين لبسها الخاتم ومسح دموعها وباس ايدها وكل اللي كان في القاعه فضلوا يسقفوا
ياسين قرب منها وهمس عارفه دلوقتي عاوز احضنك بس ماسك نفسي بالعافيه لغايه ما نكتب الكتاب ودلوقتي هتكوني حرم ياسين الألفي يا وعدي
وعد اتكسفت اوي لما سمعت كلامه
ياسين راح لرحيم وكانت وعد معاه وراحوا وقعدوا علي تربيزه والماذون جه
وتم عقد قران وعد وياسين وبقت زوجته رسمي أمام الله وأمام الناس وكل دا ووعد مش مصدقه نفسها وحاسه انها بتحلم
الماذون /بارك الله لكما وبارك عليكما وجمع بينكما في خير
اول لما الماذون خلص كلامه ياسين قام وقف وزعق /اخيراااااا وفضل يضحك
وراح بسرعه ناحيه وعد وقومها وحضنها وكأنه كان عاوز يخليها ضلع من ضلوعه وبعدين شالها ولف بيه ووعد اتمسكت بيه اكتر
ياسين بهمس /بحبك يا وعدي
وعد بعمس هي الأخري /وانا كمان يا ياسين
ياسين بعد وشها عنه /قولتي ايه!!!
وعد بكسوف /ب… ح… ب… ك
ياسين زعق بصوت عالي /بتحبنييييييييي
وكل اللي كانوا في القاعه فضلوا يضحكوا عليها وعلي جنانه
رحيم راح ناحيه وعد وحضنها وباس راسها
رحيم بحينه /مبارك يا روحي
وعد /الله يبارك فيكي يا حبيبي
ياسين /خلاص بقا يا عم انت هتفضل تبوس مراتي وتحضنها كده كتير انا بغيى
رحيم بضحك /دي اختي يا بن المجنونه
ياسين مسك ايد وعد وقربها ليه /دي حرم ياسين الألفي يا باشا
رحيم /طاب ممكن ابوس العريس ولا ايه
ياسين بضحك /اذا كان كده ماشي
وحضنوا بعض
رحيم بحب /مبروووك يا باشا بس عارف لو زعلتها هنفخك
ياسين /يا باشا ازعل مين دا الدنيا كلها تزعل ووعدي لا
وفضلوا يضحكوا
وبعد كده الاغاني اشتغلت وياسين مسك وعد وبداوا يرقصوا سوا
رحيم كان متابعهم بحب وكان بيتخيل نفسه هو وحنان مكانهم
رحيم لنفسه /أمته بقا يا حنان… اول ما ارجع لازم اجي واتقدم بقي وتبقي ليا وابتسم
______________
في الكباريه
فارس دخل الكباريه وكالعاده سهر راحت ليه
سهر بمياعه /فارس بيه… لا دا شكل فيه حاجات بسطاك علي الاخر بقا الفتره دي
فارس /انا بردوا بقول عليكي طول عمرك لماحه يا سهر
سهر بضحكه /ههيهسهيهيهي طول عمري يا باشا
فارس /طاب ايه بقا ماتيجي نمشي من هنا
سهر /بس كده عيوني اخلص نمرتي ونمشي
فارس /لا تعالي وعاوزك ترقصيلي انا بس
سهر بمياعه /ههييهيهي بس كده اوامرك يا باشا
وخرجت هي وفارس وراحوا شقته
وكل دا وفارس غافل عن العيون اللي بتراقبه…..
______________________
في الكافيه
يجلس محمد وزين وشريف
شريف /ها أنا مش فاهم انت مش عاوزنا نخلص من اللي اسمه فارس دا بقا ليه يا زين وبعد كده نفوق للزعيم ونعرفه
زين بتفكير /احنا معانا ادله تدين فارس بس كلها ادله بسيطه واي محامي هيقدر يخرجه
ثانيا بقا حتي لو الادله كبيرة اللي يهمنا الزعيم مش فارس لان فارس مجرد لعبه صغيره في ايده
محمد /زين معاه حق احنا لازن نهدا عشان نعرف الخطوه الجايه هتتم ازاي
شريف /يعني انت تفتكر ان واحد زي فارس دا هتدخل عليه لعبه زي دي
زين بابتسامه ثقه /انا عارف كويس انها مش هتخيل عليه بس هيعمل حركه وهيتصرف باستهتار وهو دا اللي انا عاوزة
محمد /احبك وانت بتفكر يا زوز
زين /طاب بطل لماضه بقا وخلينا نشوف هنعمل ايه
محمد /ماشي بس….
وقطع كلامه صوت رنه موبايله
محمد رد علي الموبايل
محمد /الو
الشخص /……..
محمد قفل المكالمه و فضل يضحك جامد
زين وشريف استغربوا
شريف /فيه ايه يابني
محمد /اللي مستنينه حصل
شريف بعدم فهم /قصدك ايه
محمد /……..
يتبع..
لقراءة البارت الثاني والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
