رواية مصيبة حياتي الفصل الثاني 2 بقلم مي أبومسلم
رواية مصيبة حياتي الجزء الثاني
رواية مصيبة حياتي البارت الثاني
رواية مصيبة حياتي الحلقة الثانية
“وما ذنبي ان غرقت فيگي وانتي عيناگي گالبحر….”
قلتلها مشكلة اي؟؟!
لقيتها اتخضت ورمت الفون من ايديها وقالت…
-أنتي واقفه هنا من امتاا ؟!!
=من ساعة مش هنعرف نحل المشكله دي بقا..
-اه ماشي..(بنبره ارتياح….).. تعالي افطري.
-هو في اي مشاكل…
= لا ي حبيبتي متقلقيش..
قعدنا نفطر بس كنت حاسه انها متوتره…؛ لما بتكلمني مش بتبصلي وعامله نفسها مشغوله بالفون… طنشت وقمت اللس علشان الكليه وكالعاده كان يوم ممل جدا ديما لوحدي في السكاشن مليش صحاب اقعد معاهم…
قعدت في الكاڤيتريا العب ف الفون شويه لقيت رساله من رقم مش متسجل عندي
“الوحده مش معناها انك وحشه… دي معناها ان مفيش حد في نفس مستوي جمالك علشان يقعد معاكي… وده هيزيدني جمال لما ابقي معاكي ♥😅”
استغربت جدا اي الهبل ده مين دي /او ده اتلفتت حواليا اكيد الي باعت كده حد شايفني دلوقت ومركز معايا..
بصيت علي كل الوشوش ملقتش حد باصص ناحيتي اصلا😅
(وهنا تستوقفني جمله..هم يضحك وهم يبكي 😹)
روحت البيت..
-السلام عليكم ي اهل البيت..
=وعليكم السلام.. تعالي ي حبيبة بابا ❤
سلمت علي بابا.. باسني من راسي وخلاني اقعد جنبه وقال.
=طبعا انتي عارفه ان انا عمري ما غصبت عليكي حاجه وعمري مخليتك تعملي حاجه بدون ارادتك..(بهدوء شديد وبحنيه ديما شيفاها من بابا )
-ايوا ي حبيبي عارفه.. ❤
=طيب…..دلوقتي مامتك قالتلي ان ابن وحده صحبتها عايز يتقدملك
(دلوقتي فهمت ماما كانت متوتره ليه الصبح علشان كل مره نفتح الموضوع ده نقفل متخاصمين من بعض ومش بنتكلم ايام بعدها)
-بابا نا.. كنت لسه هتكلم بابا قاطعني
=قبل ما تقاطعيني.. اسمعي للاخر..الحبيقه نا كنت رافض الموضوع بس لما لقيت مامتك مصره علي الولد ده قلت نشوفه وتقوليلي رايك انتي وبعدين ترفضي او توافقي براحتك مش هجبرك علي حاجه طبعا..
-طيب ي حبيبي اللي تشوفه..
=طيب نا هكلمه اقوله ييجي بكره….روحي ارتاحي انتي شويه بقا
-حاضر…
روحت اوضتي مش مهتمه بالموضوع اطلاقا ولا في بالي حوار العريس ده اصلا
فتحت فيس اتصفح شويه بدل الملل ده لقيت الزهراء اللي معرفش اسمها اي لغايه دلوقت بعتالي مسج بتقول..
-عامله اي..🖤
=الحمد لله ي جميله انتي اي اخبارك..؟!
(ردت عليا ف نفس الدقيقه ويكاها مستنيه اني ارد )
= الحمد لله.. هو ممكن ابقا اكلمك وقت مني عاوزه علشان نا معنديش صحاب ومعنديش حد اتكلم معاه…
-طبعا ي قمر..
=طيب نا اسمي علياء..
-علياء؟؟؟ نا فكرت ان اسمك زهراء او حاجه قريبه من كده …
=لا لا نا بحب الاسم بس…اسمك اي بقا ؟؟.
-اسمي ميرال..
(وهنا احب اعرفكو بنفسي انا ميرال عبد الله مليش صحاب غير بنت خالي هيا اقرب حد ليا مع اني ف تالته تمريض..يعني المفروض اني ف مجال بيخليني اعرف اتعامل مع الناس وكده واكون علاقات بس نا مش كده خالص حقيقي مش عارفه السبب مني ولا من الناس…)
=اسمك جميل اوي ي ميرال…
-تسلمي ي قمر …
(قفلت علطول مكنش عندي حيل اتكلم تاني مع اي حد بحس نفسي استنزفت تفكيري وجهدي لما بكلم حد)
غمضت عيني وفجاه….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مصيبة حياتي)
تعليق واحد