رواية الكابوس الفصل الحادي عشر 11 بقلم إسراء القاضي

إسراء _ادهم خطيبي فيين هو كماان طالما ماما وبابا هنا يبقي ادهم كمان موجود.. 

اوليفيا بخضه_ادهم ادهم لا لا مش هنا 

إسراء _متكدبيش عليا ادهم فين طريقه فين؟؟ 

محستش إسراء غير باللي بيضم ايديها في ايده وبصوت هادئ مطمئن بيقول =انا هنا انا معاكي دايما وموجود حواليكي يا إسراء انا معاكي.. 

بِعدت عنه بصدمه وغضب شالت ايديها من ايده بسرعه  

إسراء _انت بتعمل ايه ابعد عني.. 

قَرب ادهم منها اكتر وهيا بتبعد كل ما بيقرب_إسراء اسمعيني انا اهو قصادك انا ادهم! 

اوليفيا بغضب_متسمعهوش ي إسررراء ده بيضحك عليكي متصدقهوووش.. 

 رزان_ اللي قصادك يبقي ادهم خطيبك ي إسراء.. 

ادهم_ اسراء حبيب….. 

قاطعته إسراء بإشاره منها_شششش إياك تكملها انا مش هبله ولا غبيه علشان اصدقك للدرجادي انت مش هووو انت مجرد شبيه بالإسم لكن انت مش هوووو فااااهم مش هتضحكو عليااا.. 

مهند _احنا مبنهزرش انتي لازم تصدقي لأن دي الحقيقه.. 

إسراء بصوت عالي_لا ليه لازم اصدقكم هااا لييييه!!!؟ خلاص علي كده اي حاجه هتقولوها ليا اصدقكم فيها واقول آااامين!!! انا ممكن اصدقكم في اي حاجه إلا دي انا اكتر واحده عارفه ادهم كويس واللي قصادي ده استحاله يكون هوو انتو فاهميين مش هتضحكو عليا وكأني عَيله صغيره !؟؟؟ 

ادهم بغضب_انتي اللي غبيه ومش فاهمه حاجه اناااا ادددهم اناا حبيبك وخطيبك لو انا مش هو هقول لييه إني ادهم هقوول ليييه؟!!! 

قبل ما إسراء تتكلم كان دانيال ابتداا يفوق ويقوم من مكانه هو والزومبي اللي معاه..بَص الكل في اتجاهم بخوف وصدمه كبيره.. 

رهف بخوف _ههنعمل ايييه؟ 

مهند _لازم نمشي بسرعه وإلا هنموت 

اوليفيا_انتو السبب انتوو السبب ايه اللي يخلينا نيجي للموت برجلينا احنا لو مطلعناش من هنا هنموووووت انتو فاهمين!! 

رزان بغضب_محدش قالك تعالي علفكره انتي اللي جيتي معانا 

جاك_باااس بسسس ده وقته خناق يعني انتو مقدرين الموقف اللي بقينا في ولا لاء.. الناس دي لو طِلعت بره ولو زومبي واحد من دول طِلع من المختبر يبقي الحياه انتهت حقيقي هتبقي عباره بره عن خرررراب.. 

بصو كلهم لبعض بخوف وقلق واضح وفجأه ابتدا الجميع يتحرك ناحية الباب الرئيسي للمختبر وكانت في  بدايتهم اوليفيا اللي اول ما وصلت للباب شافت قصادها دانيال وعلي وشه ابتسامه كبيره!! 

اوليفيا_داانياال!! 

مهند بخوف_اوليفيا ده مش دانياال!! 

=نعممممممم 

ادهم_دانيال بقي زومبي اجرووو بسرعه… 

وفعلا ابتدا الكُل يجرو في المختبر ورا بعض بخوف لحد ما وقِفت رهف وقالت… 

رهف بغضب _ اوليفيا اتحركي من مكانك مستنيه ايييه!!! 

اوليفيا بعياط _ما ماسكني مش عارفه اتحرررك الحقيني يارهف انا مش عايزه اكون زومبي الحقوووني.. 

ادهم_ اضربيه اضربيه بسرعه بأي حاجه حواليكي ولا اخبطيه برجلك قبل ما يعمل فيكي حاجه.. 

اوليفيا _مش عارفه اعمل حاجه اتصرفو انتو بسرررعه و.. 

قبل ما تكمل اوليفيا جُملتها بصت لإسراء بصدمه ولقت اللي كان واقف وراها وبيضحك وجسمه مَحني و

=إسرررررررراء حاااااااسبي 

بَصت إسراء بسرعه وراها شافت ابوها بيبصلها بغموض وهو بيضحك.. 

مهند_لا متهزروش بقي انا تعبت 

رهف بجديه _خليك انت وجاك ورزان مع واوليفيا. وانا وادهم هنكون مع إسراء هنطلع من هنا كُلنا تمام مش هينقص مِنا واحد هنطلع من مُختبر الموت ماسكين ايد بعض فاااهمين!!؟ 

جاك بتحدي_مش هنسمحلهم يدمرو العالم بره تاني احنا قدهااا are you ready؟؟؟ 

إسراء بتحدي هيا كمان_اول مره في حياتي اكون جاهزه.. 

ادهم بخوف_إسراااء قصدك ايه؟؟؟ 

بَصت إسراء لأبوها بدموع وبعدين رجعت بَصت لأدهم تاني=متخفش انا فعلا قد التحدي المرادي.. 

ومره واحده من دون سابق إنذار بَصت إسراء لأبوها وهيا مجهزه نفسها وقالت بدموع=سامحني ي يابابا عُمري ما كنت اتخيل اني اعمل كده بس انت مش بابايا.. و ضربته إسراء بالبوكس في وشه وقبل مايفوق من الصدمه ضربته بوكس كمان في بطنه جاامد وخبطته علي دماغه لحد ما مات وسط ذهول الجميع من ردة فعلها المفاجأة والغير متوقعه..  

اوليفيا _اززاي عَملتي كده؟؟؟ 

رهف _خَلينا نفوق من الصدمه دي بعدين واضربي انتي دانيال زيها كده بسرررعه!!؟ 

اوليفيا بدموع _ماسكني جاامد مش عارفه اتحررك.. انا عايزه اقولك حاجه يا ادهم.. 

ادهم بغضب_مش وقته يا اوليفيا.. 

اوليفيا _لا وقته علشان انا
السبب في اللي حصل ده كله انا االي قولت لدانيال يجي هنا ويفتح للزومبي ع علشان علشان… 

رهف _انطققي علشان ايه.. ايه اللي يخليكي تعملي فينا كده!!؟؟ 

اوليفيا _علشان يقتل إسراء.. 

_يقتلني!! لييييه عملتلك ايه اناا علشان تكوني عايزه تعملي فيا كده!!؟ 

=كنت فاكره انك هتاخدي ادهم مني!!انا آسفه 

إسراء بغضب _ياشيخه حرام عليكي انا مالي ومال ادهم بتاعك ده خديه اشبعي بيه اناا مالي وماله! ده مش ادهم خطييبي ده مش ادهم انا لو انتي جيتي وقولتيلي كنت قولتلك اشبعي بيه ولا اولعو في بعض لكن ليه تعملي فيا كده حرام عليكي بسبب غبائك ده ودتينا كُلنا في داهيه!! 

كادت ان تَرد اوليفيا ولكن مِسكها دانيال من شعرها وبعد كده فِضل يرميها يمين وشمال وهو بيضحك مِسكها من رقبتها جامد وبعدين عَضها تحت ذهول الجميع.. 

رهف بعياط_او او اوليفيااااااااا 

رزان_دا داا بيقطع فيهاااا متستهلش كده متستهلش اللي بيحصل فيها ده ابداااا 

جاك _احنا السبب احنا اللي مأنقذنهاش سيبناها لوحدها علشان تقتله.. لحد ما ماتت في ايديه.. 

ادهم _الغُرف التانيه بتتهز كلها احنا لازم نخرج من هنا بأسرع ما يمكن وإلا هنتقطع كلنا هناا 

=………… 

ادهم بغضب وصوت عالي_اييييه انطقو واتحركو كلكم مفيش وقت للصدمه دلوقتي لازم نمشي.. 

ليساء بإنهيار_اوليفيا مااتت احنا بننقص واحد ورا التاني. 

رزان بدموع_احنا السبب احناا السبب ياريتنا ما جينا هناا.ياااريت 

إنهارت ليساء  علي الأرض وهيا بتعيط بصوتها كله =انا مش قادره اتحرك بجد كفايه كل ده كفااايه احنا بِندفع تمن كل حاجه في الماضي والحاضر بالوجع ليه كده!! نورسين ماتت بسبب التجارب بسبب الحرب مااتت وانتحرت بسبب انها تعبت من الوحده من الإشتياق لأهلها واصحابها ودانيال اللي خان الثقه واوليفيا اللي ماتت دلوقتي بِسبب تفكيرنا بالتجربه بردو بإننا نجرب ندخل مختبر المووت مع اننا كنا متأكدين انو مش هنطلع من هنا كاملين زي ماداخلنا وهنطلع ناقصين حد كفاااايه بقي كفااااايه انا تعبتتتت… 

مَيلت إسراء عليها وخدتها في حُضنها =يلا ياليساء قومي وفوقي من مكانك انا اللي بقولهالك اهوو علشان فعلا لازم نطلع من هنا لو قعدنا هنا تاني يبقي هننقص واحد ورا التاني.. 

مَدتلها رهف ايديها_هاتي ايدك وقومي يلاااا 

وفعلاً خدتها رهف وإسراء وطلعو من المخُتبر جَري  كلهم عكس ما دخلوه خالص طالعين منه  بملامح حزينه جدااا ورجعو مكانهم من تاني في وسط صَمت وحُزن من الجميع…. و

((بعد مرور اسبوع)) 

صباح يوم جَديد للجميع عَدي أسبوع اتغير في حجات كتيير عن الأول كل واحد منهم بقي في حاله غير الأول حتي إسراء مبقتش تتكلم عن ادهم خطيبها تاني قصادهم ومبقاش في اي نقاش بينهم هيا وادهم اللي هو كمان ماحاولش يقولها ويفهمها الحقيقه.. 

مهند_انا زهقت 

رزان=من ايه؟ 

مهند_زهقت من القعده دي احنا بقالنا اسبوع ولا كأننا عايشين مع بعض كل واحد في حاله ومبنتكلمش طيب راعو ان مفيش غيرنا في العالم ف نِسلي بعض ع الأقل 

جاك_اممم معاك حق.. طيب ما تيجو نطلع.. 

ليساء بملل_هنروح فين.. 

ادهم _نروح نِدور علي اي حاجه او نركب خيل بقالنا كتير ماروحناش هناك.. 

رهف بحماس _يلا انا جاهزه ونطلع دلوقتي هدخل انادي إسراء ونطلع كُلنا مع بعض.. 

ادهم_تمام يلا واهوو بالمره واحنا بره افهمها الحقيقه بقي.. 

رزان_بس هيا قالت انك مش خطيبها؟ 

ادهم_ما هيا مش فاهمه حاجه لسه هيا حَكمت بالمنظر. 

مهند _معتقدش يا ادهم لو انت خطيبها فعلا هيا كانت صدقتك بس دي كانت بتتكلم وهيا متأكده انك مش هوو.. 

ادهم بغضب_قصدك اني كدااااب؟؟ 

كاد ان يتكلم مهند ولكن قاطعه صوت رهف… 

_بااااااس باااس انا هدخل انادمها وهناك نِعرف الحقيقه بقي.. 

=تمام ماشي  

دَخلت رهف لإسراء مكملتش دقايق وطِلعت تجري عليهم بقلق واضح وخضه.. 

_إس اسرااااء مش موجوده؟؟؟؟ 

ادهم بخضه_انتي بتقولي ايه ازاي دَورتي عليها؟؟ 

رهف_ااه دورت عليها في كل حته مش لاقياها 

رزان_يعني ايه اكيد مش هتهرب هتروح فين يعني 

 ليساء بقلق_هتكون راحت فين علي الصبح كده ولا احسن يكون جرالها حاجه؟؟؟ 

بص ادهم ليهم بغموض وبعدين اتكلم بتنهيده =محصلش ليها حاجه انا عارف هنلاقيها فين و..