Uncategorized

رواية العشق لا يعرف وطن الفصل الثانى والثلاثون 32 بقلم أية إنسان

 رواية العشق لا يعرف وطن الفصل الثانى والثلاثون 32 بقلم أية إنسان
رواية العشق لا يعرف وطن الفصل الثانى والثلاثون 32 بقلم أية إنسان

رواية العشق لا يعرف وطن الفصل الثانى والثلاثون 32 بقلم أية إنسان

 في فيلا العامري صباحاً :
_وعد :  ماما انتي واخده شنطه الهدوم وراحه فين .
_رانيا :  خلاص يا وعد كل حاجه إنتهت في يوم وليله كله إنتهى .
_ تقصدي اي .
_ اقصد إن انا مش هقدر أقعد هنا تاني بعد الفضيحة دي .
_ انتي عاوزه تمشي وتسيبينا في الظروف دي .
_ لازم امشى مش هقدر أواجه الناس كده .
_ طب وانا وميرا وبابا .
_ ابوكي في غيبوبه ويا عالم هيطلع منها ولا لا واختك هربت سرقت الفلوس والمجوهرات بتاعتي وهربت أما انتي عاوزه تيجي معايا تعالي مش عاوزه خليكي هنا .
_ يااااا بالبساطة دي .
_ وعد انا اخدت القرار وخلاص هتيجي معايا ولا لأ .
_ امشي يا رانيا هانم انتي من امتى وانتي معايا أصلاً وجودك من عدمه مش فارق كتير امشي .
_ وبالفعل خرجت رانيا وسافرت إلى لندن علشان تبعد وتهرب من الفضيحة بعد ما أصحابها كلهم إتخلوا عنها وفضحوها وهي مش هتتحمل كده .
☆ —————- بقلم الكاتبة/ آية إنسان ————–☆
 في فيلا جيسيكا : 
_  الباب بيخبط جامد  فنزلت جيسيكا تشوف في اي وفتحت وكانت ميرا .
_ جيسيكا : اي دة مين عمل فيكي كده يا ميرا .
_ميرا :  بابا عرف كل حاجه وإتفضحت الندل الجبان كان بيصورني بس انا هقتله وهخلص منه .
_ طب إهدي بس كده الأول تعالي إرتاحي ونشوف حل في منظرك دة وبعدين نشوف هنعمل اي .
_ معلش هتقل عليكي شويه بس لحد ما اشوف هعمل اي .
_ لا لا ازعل منك يا ميرا انتي زي اختي ثم كده كده بابا وماما مسافرين وانا هنا لوحدي فالبيت بيتك اتفضلي .
☆ —————- بقلم الكاتبة/ آية إنسان ————–☆
 في المستشفى عند عاصم : 
_وعد :  قوم يا بابا بقى كلهم مشيوا وسابوني مفيش حد معايا ولا جنبي .
_ بس انا موجودة .
_ بصت وعد للصوت وكانت هاجر فقامت وجريت عليها وحضنتها وقالت :  انا انا اسفة يا هاجر حقك عليا .
_هاجر  : شششش مفيش حاجه حصلت متقلقيش بإذن الله هيكون كويس .
_ ماما سافرت وميرا هربت انا بقيت لوحدي .
_ وانا روحت فين يا وعد .
_ بس انا ……
_ قاطعتها هاجر وقالت :  مفيش بس انا جنبك ومعاكي في اي وقت يا وعد انا دلوقتي مضطرة امشي علشان عندي شغل وهكلمك اطمن عليكي بالليل سلام .
☆ ————— بقلم الكاتبة/ آية إنسان —————☆
_ أسر في المستشفى بيمر على المرضى وبيطمن عليهم ومشغول في شغله ولكن خرج رن على هاجر يطمن عليها فرن مره واتنين ولكن مفيش رد فقال  : مفيش فايده فيكي .
☆ ————— بقلم الكاتبة/ آية إنسان ————– ☆
_ دخلت هاجر المكتب عند مدام جيجي صاحبه الفندق فقالت جيجى  :  إتفضلي يا هاجر .
_هاجر  : اقدر أبدأ الشغل إمتى .
_ من دلوقتى لو تحبي .
_ ممكن أسألك سؤال .
_ ابتسمت جيجي وقالت : أنا ميهمنيش انتي اي بره ولا انتي بنت مين ولا مرات مين انا ليا شغلي وبس ويوم ما أحس انك مقصره في شغلي مش هتردد اقولك باي غير كده مليش حاجه عندك .
_ لا ما شاء الله لماحة يا فندم .
_ انا علشان أوصل للمكانه دي تعبت اوي جبتها من تحت الصفر خدي بالك .
_ أكيد يا فندم .
_ إتفضلي ممدوح مدير أعمالي هيفهمك كل حاجه .
_ بعد إذنك .
_ خرجت هاجر مع ممدوح وخدها جولة في الفندق وفرجها القاعات اللي في الأوتيل واتعرفت على كل حاجه وبدأت تشوف الديكورات مع منظم الحفلات هناك .
☆ ————— بقلم الكاتبة/ آية إنسان —————☆
 في بيت أسماء جلها فون من رقم غريب : 
_اسماء :  الو .
_ أنسه أسماء البكري .
_ ايوه يا فندم .
_ انا لؤي من شركه إنتاج وكنت إتفرجت على محتوي حضرتك وعجبني وعاوز نشتغل سوى .
_ ردت أسماء بفرحة :  بجد.
_ ممكن حضرتك تشرفينا في مقر شركتنا بكره الساعه 2 الضهر .
_ طبعاً .
_ هبعت لحضرتك التفاصيل في رساله سلام .
☆ ————— بقلم الكاتبة/ آية إنسان —————☆
_ عند وعد اللي فضلت واقفه في الشركة اللي بتتهد ونظرات العمال كلها سخريه وإستهزاء وهي حاسه بالضياع فدخل عليها مدير أعمال أبوها محمود فقالت : اي العمل يا أونكل محمود.
_محمود :  انا شايف اننا بنخسر كتير والحل اننا نلاقي حد يدخل معانا شريك علشان يقدر يرفع الشركه دي قبل فوات الاوان أو إننا نصفيها خالص .
_ في الوقت دة دخلت سكرتيره وعد وتدعى هيام وقالت : عمرو بيه الصاوي بره يا فندم .
_ بصت وعد لمحمود وقالت :  دة جاي ليه دة .
_ مش عارف يا بنتي بس اسمعي منه عاوز اي بعد اذنك .
_ خليه يتفضل يا هيام .
_ دخل عمرو وقعد وحط رجل على رجل وقال :  قهوتي سادة يا آنسة وعد مش آنسة بردو .
_ حست وعد بالإهانة من كلامه ولكن تمالكت نفسها وقالت بهدوء : عاوز اي .
_ بصراحة شوفت إن شركتكم بتنهار فقلت اعمل فيكم ثواب وألحقها قبل ما تبقى مفيش حاجه خالص .
_ لا كتر خيرك روح طلع صدقتك على حد محتاج .
_ مفيش حد محتاج أكتر منك انتي وابوكي صحيح سمعت إنه مقدرش يتحمل الفضيحة فدخل في غيبوبة .
_ وقفت وعد بعصبية وقالت : اطلع بره .
_ تؤ تؤ هتحتاجيني يا وعد ومش هتلاقي غيري .
_ أنت لو اخر واحد في العالم مش هتذل ليك .
_ بكرة نشوف سلام .
_ خرج عمرو وإتكلم في الفون وقال : مش عاوز حد يدخل شريك في شركه العامري انت فاهم .
_ أمرك يا عمرو بيه .
_ هههههه بكرة نشوف يا وعد .
☆ ————— بقلم الكاتبة/ آية إنسان ————–☆
 في فيلا السمري :
_ دخلت هاجر الفيلا وطلعت إطمنت على أكمل وإتاكدت أنه خد العلاج ونزلت تحضر العشاء وفضلت قاعده شويه في الجنينه تفكر في الشغل وشويه على الساعه ٨ دخل أسر الفيلا فوقفت ليه فبص عليها وطلع فوق من غير كلام .
_هاجر  : اي دة ماله دة وطلعت وراه الأوضه .
_هاجر  : مالك يا أسر في اي .
_ بص ليها وسكت ودخل الحمام غير وخرج قعد على السرير ونام .
_ الله هو أنا مش بتكلم ما ترد عليا في اي مالك .
_ رد أسر بعصبيه :  انتي عاوزه اي دلوقتي يا هاجر .
_ عاوزه اعرف في اي قالب وشك كده ليه .
_ هاجر انتي فين تليفونك .
_ في الشنطه .
_  قومي شوفيه كده .
_ قامت هاجر شافته وكان أسر رن ١٥ مره فقالت :  احم انا مسمعتش الفون معلش .
_ كام مره قولتلك متعمليش الزفت صامت علشان لما أكلمك تردي .
_ خلاص يا أسر بقى قولتلك مسمعتهوش الله .
_ ماشي يا هاجر براحتك وسحب الغطى عليه وكان هينام .
_ يووووو بقى وخدت نفس وقربت منه وشالت الغطى وقالت  : متزعلش بقى خلاص والله انا بس مش متعودة أن حد يرن عليا كتير .
_ يا سلام يا هاجر مش متعودة ولا بتعملي كده أصلاً علشان مترديش عليا .
_ صدقني أبداً من كتر ما هو مش بيطلعله صوت مش بركز هو صامت ولا لا يا أسر مين هيرن يطمن عليا مثلاً  أسر انت من يوم ما شوفتني أو قابلتني شوفتني بتكلم في الفون كام مره .
_ فكر أسر شويه وقال :  مره او اتنين .
_ وهتلاقيهم أسماء مهو مفيش غيرها بيكلمني وطبعاً بتشوف بتفضل تزعق على طول إني مش برد عليها بس خلاص مفيش صامت تاني وعد .
_ بجد يا رمضان .
_ يعني هو مش اوي بس هحاول والله .
_ هههههه طيب ماشي .
_ طيب يلا ناكل علشان جعانه .
_ انتي مستنياني .
_ لا عادي انت جيت وانا هحط اكل .
_ كذابه انا جيت وانتي في الجنينه .
_ خلاص خليك هاكل لوحدي .
_ لا يا رمضان متبقاش قفوش كده .
_ حطت هاجر الاكل وكانوا بيكلوا سوى وقالت :  أسر ممكن اطلب منك طلب .
_ إتفضلي عاوزه حاجه محتاجه فلوس .
_ لا الحمد لله ثم اصلاً الفيزا اللي انت مدهاني تكفيني سنه يا راجل .
_ دة بإعتبار انك خدتي منها حاجه .
_ أسر انت بتخرجني من الموضوع الأساسي .
_ إهربي إهربي بس قولي في اي .
_ بصراحة كنت عاوزه أستاذنك اني اطلب من وعد تقعد معانا هنا كام يوم لحد ما الأمور تتحل .
_ انتي بتهزري .
_ أنا عارفة اني بتقل عليك بس انا …..
_ قاطعها أسر وقال :  انتي مجنونه بقى وقام قرب منها ومسك إيديها وقال :  هاجر من وقت ما دخلتي البيت دة وهو بقى بيتك يعني تعملي اللي انتي عايزاه من غير إستئذان .
_ بصت هاجر ليه وإبتسمت وقالت  : شكراً يا أسر .
_ مش محتاجه تشكريني يا هاجر دة حقك وبعدين  تسلم ايدك الاكل تحفه .
_ ابتسمت وقالت : عرفت منين ان انا  اللي عملاه.
_ قلبي قالي .
_ ههههه يا جامد انت .
_ هههههه انا هطلع انام بقى .
_ أسر انت كويس .
_ ليه بتقولي كده .
_ مش عارفه حاسه انك فيك حاجة .
_ لا أبداً مصدع شويه هطلع أرتاح .
_ بعد شويه طلعت هاجر وماسكه علبة زيت وقربت من دماغه وحطتها على رجليها وفضلت تعمله مساج لدماغه وهو مستمتع جداً بيه ومبسوط اكتر إنها بتهتم بيه ولكن نام بسرعه كبيرة فعدلته وراحت لأخر السرير فسحبها لحضنه وقال : مكانك على طول في حضني ونام تاني .
_ ابتسمت هاجر بسعادة إحساس جميل اوي انك تحس ان في حد هامه أمرك وخائف عليك حنين في زعله منك بس خايفه اتعلق بيك مش هقدر استحمل جرح تاني ولا هقدر اخليك مجروح يا أسر ولكن قررت تنام وتستمتع باللحظة اللي هي بتكون فيها معاه .
☆ —————- بقلم الكاتبة/ آية إنسان ————–☆
 في صباح يوم جديد على الكل :
_هاجر  : أسر أسر .
_آسر  : اممممم .
_ قوم الساعه ٦ .
_ حاضر يا حبيبتي قايم اهو .
_ طب يلا .
_ فتح أسر عينه وقال : صباح الخير وطبع قبله على خدها .
_ أسر بطل الحركة دي .
_ في اي يا رمضان على الصبح .
_ ما تحترم نفسك مش هصحيك تاني .
_ يا رمضان روق كده هو أنا عملت اي .
_ قوم يا أسر قوم .
_ حاضر وقام دخل الحمام وهي وقفت طلعت بدله كحلي والساعه السيلفر وخرج أسر قالتله:   البس الهدوم دي .
_ ليه انا مش عاوز البس بدل .
_ وانت مش هتنزل الشغل كده .
_ خلاص وانتي كمان مش هتنزلي باللبس دة .
_ أسر وبعدين متقارنش نفسك بيا .
_ خلاص انتي كمان ملكيش دعوة بيا .
_ خلاص البس دة واختار انت ليا لبس .
_ فتح أسر دولابها ووقف متنح وقال :  لا متقوليش انتي هدومك كلها لون واحد ونفس اللبس لا انتي بتهزري صح .
_ خلاص إختار وانا هلبس على زوقك .
_ يا سلام هو فين الإختيار دة لبس البيت زي لبس بره كلهم شبه بعض وكلهم يا اسود يا بني لا الكلام دة مش هينفع .
_ طب ممكن نتكلم بالليل .
_ ماشي يا هاجر .
☆ ————— بقلم الكاتبة/ آية إنسان ————– ☆
_ صحيت أسماء الصبح ورنت على هاجر والغريبه إنها ردت على طول .
_اسماء :  انا مش مصدقه نفسي هاجر هانم ردت كده مستحيل .
_ هو لا كده عاجب ولا كده عاجب .
_ لا يا ستي دة فل اوي .
_ بس صاحيه بدري ليه .
_ عندي نشاط مبسوطة علشان عندي مقابلة شغل .
_ بجد ازاي .
_بصي يا ستي …………. وحكت ليها علي الموضوع .
_هاجر  : طب كويس روحي شوفي الدنيا اي ولو مستريحتيش متكمليش وامشي .
_ اكيد انا هروح واشوف الدنيا فيها أي وهكلمك اقولك عملت اي .
_ خلاص هستناكي تكلميني .
_ اشطا سلام بقى .
_ وقفلت هاجر ونزلت تروح شغلها .
☆ ————— بقلم الكاتبة/ آية إنسان —————☆
_ في المستشفى عند وعد اللي واقفه وطلعت ليها الممرضه وقالت : عاوزين حضرتك في الحسابات تحت يا فندم .
_ نزلت وعد ودفعت الفلوس واللي هي كتير عليها بس هتعمل اي وخرجت على الشركة .
_وعد :  ها عملت اي يا أونكل محمود شوفت شريك لينا ولا لا .
_ للأسف يا وعد مفيش حد عاوز يدخل معانا وكل لما نتأخر الخساير بتزيد ومفيش غير عمرو الصاوي اللي موافق .
_ مستحيل كله إلا الشخص دة .
_ دة طوق النجاة لينا ميعاد قبض المواظفين بكرة ومفيش ميزانيه تكفي كل دول الشركة بتقع يا وعد انتي لازم تتنزلي علشان الشركة دي يا أما تصفيها وفي كلا الحالتين عمرو الصاوي هو اللي هيكسب لان مفيش حد عاوز يشتري غيره قرري هتعملي اي وعرفيني .
☆ ————- بقلم الكاتبة/ آية إنسان ————–☆
_ دخلت هاجر الاوتيل وفضلت تشوف تصاميم صور وحاجات وتستعد للفرح اللي كمان يومين وفجأة افتكرت الفون وطلعته وكان أسر رن مرتين فقالت في نفسها :  غبيه انا عارفه وخرجت رنت عليه .
_ فرد وقال :  دة بجد دة .
_ انا بعتذر كتير كتير كتير .
_ انا مش مصدق انك رنيتي عليا كنت فقدت الأمل .
_ لا عيب عليك يا أسر .
_ هههه المهم طمنيني انتي كويسه .
_ بخير الحمد لله .
_ هتخلصي امتى .
_ يعني زي كل يوم على خمسه هكون في البيت .
_ تمام ماشي خلى بالك من نفسك .
_ ابتسمت وقالت :  وانت كمان وقفلت السكه وكملت شغل .
☆ ————— بقلم الكاتبة/ آية إنسان —————☆
_ وعد قاعدة تفكر وبعدين قامت ركبت عربيتها ووصلت الشركه عند عمرو وشويه ودخلت .
_عمرو  :  أهلاً يا وعد خير جايه ليه .
_ سكتت وعد وفضلت تفرك في إيديها قلبها مش مطاوعها تذل نفسها ليه ولكن مفيش حل تاني .
_ لو جايه تسمعيني سكوتك للأسف معنديش وقت .
_ انا موافقه علي انك تشاركني في الشركة .
_ لا للأسف كان عرض وخلص انا جيت لحد عندك وعرضت عليكي اشاركك وانتي رفضتي فاكرة قولتي اي ولا لا .
_ غمضت وعد عيونها وقالت :  انت عاوز اي يا عمرو .
_ بيه ، عمرو بيه يا وعد متنسيش .
_ وحضرتك عاوز اي يا عمرو بيه .
_ انتي اللي عاوزه مش انا وانتي اللي جايه عندي اسمع منك عاوزه اي .
_ غمضت عيونها وقالت بصوت مخنوق  : عاوز منك يا عمرو بيه تقبل تشاركني .
_ أنا موافق بس بشروط .
_ اللي هو .
_ نسبه الشراكه هتكون ٧٠ ليا و ٣٠ ليكي .
_ نعم بس انت كده عاوز تتحكم في الشركه كلها لوحدك ودة مش عدل .
_ ودة اللي عندي انتي شركتكم خرابه يا وعد وانا اللي هرفعها وانتي ممكن ترفضي عادي وبردو هخدها فشوفي انتي عاوزه اي .
_ سكتت وعد شويه وقالت :  موافقه ممكن نمضي العقود امتى .
_ دلوقتي لو تحبي الاوراق جاهزة .
_ يااا دة انت مجهز كل حاجه بقى .
_ علشان متأكد انك هتجيلي اصل مفيش حد هيجرأ يعمل الخطوة دي غيري يا وعد .
_ خبط الباب ودخلت السكرتيرة بالاوراق ومضت وعد عليها هي كده كده خربت من كل حته وقامت مشيت ولكن وقفها صوت عمرو اللي قال: انا بحب الانضباط في المواعيد يا وعد الساعه ٨ تكوني في الشركه .
_ بصت ليه بغيظ وخرجت من المكتب بكل غضب .
☆ —————- بقلم الكاتبة/ آية إنسان ————–☆
 في فيلا السمري:
_ رجعت هاجر للفيلا وكالعادة راحت تشوف أكمل وتطمن عليه ونزلت شافت أسر وليل في وشها .
_هاجر  : اي دة انت جيت بدري ليه يا أسر حصل حاجه .
_آسر  : لا مفيش حبيت اجى بدري فيها حاجه .
_ لا مقصدش بطمن بس .
_ لا متقلقيش قولي لعم حسين يعمل اتنين قهوة يا هاجر .
_ ماشي .
_ دخل أسر وليل المكتب .
_ليل :  مالك يا أسر في حاجه .
_ لا عادي مفيش .
_ طيب طمني عامل معاها اي .
_ مع مين .
_ مع أمي يا أسر ما تركز بتكلم عن هاجر .
_ عادي كويس مشوفتش منها حاجة وحشه .
_ بس حرس منها انا مش عارف أي لازمه الشغل مادام هي مش محتاجة حاجه .
_ سيبها براحتها يا ليل .
_ انا بس قلقان لتكون بتقابل إياد دة بحجه الشغل ومغفلاك .
_ ليللللل .
_ انا مش قصدي انا بس مش عاوزك تنجرح تاني يا أسر .
_ باب المكتب خبط ودخلت هاجر بالقهوة وقالت :  عم حسين مش هنا اتفضل .
_ شكراً .
_ أسر كنت عاوزة أروح مشوار ساعة وهرجع .
_ راحه فين يا هاجر انتي لسه راجعه من بره .
_ انا كنت هخرج تاني بس انت جيت .
_ نعم تخرجي تاني تروحي فين .
_ بصت هاجر لليل وبصت لأسر تاني وقالت : المشوار مهم وهرجع .
_ ممكن الهانم تقولي راحة فين .
_ راحه عند اسماء .
_ اشمعنا .
_ هو في اي يا أسر هروح اطمن عليها بكلمها من بدري مش بترد .
_ هنا ركز ليل في الموضوع وإنتبه ليه .
_ رد أسر :  وانتي هتروحي فين بقى ليها بيتها ؟؟
_ لا انا معرفش بيتها فين بس هروح الجريدة أسأل على عنوانها .
_ لا يا هاجر بكرة .
_ لا يا أسر مش هينفع بكرة انا بكلمها من الساعه ٤ وهي الفون مقفول ودة  قلقني .
_ يا سلام طب ما انا برن عليكي بميه مرة وانتي مش بتردي .
_ يا أسر هي عمرها ما قفلت الموبايل وكمان مفروض كان عندها مقابله شغل تخلص الساعه ٣ ودلوقتي الساعه ٧ فقلقانه عليها .
_ قال ليل :  هي قالتلك مكان المقابلة فين .
_ شارع ٧ في الزمالك .
_ طيب جربي تكلميها تاني يمكن ترد ولا حاجه .
_ تجاهلت هاجر كلام ليل وبصت لأسر : بعد اذنك ممكن أخرج بقى .
_ هاجي معاكي .
_ خليك هروح وهاجي على طول .
_ وفيها اي يعني لما اجي معاكي قلقانه من أي .
_ وهقلق من اي يا أسر اتفضل قوم .
_ استأذن ليل وخرج وبعديه بشويه خرج أسر وهاجر وراحوا الجريده وجابوا العنوان في نفس الوقت اللي طلع ليل فيه على العنوان اللي خده من هاجر وطلع عليه بس كانت فيلا وإستغرب وقال :  إزاي مقابلة في فيلا اكيد قالت العنوان غلط بس شعور ملح عليه أنه يدخل وبعدين طلع ليه واحد كده وقاله : عاوز مين يا جدع انت .
_ انا كنت عاوز أقابل صحاب الفيلا .
_ مفيش حد هنا صاحبها مسافرين من شهرين .
_ سمع ليل صوت في الفيلا وقاله  : بس في صوت جوه فطلع الراجل مسدس وقاله  : امشي من هنا والإ هصفيك .
_ طب وعلى اي يا صاحبى ولف يمشي ولكن بحركة سريعه لف خد المسدس وخبته على دماغه فوقع على الأرض ودخل ليل الفيلا وشاف بنت مربوطه في كرسي وشعرها البني الحرير نازل على وشها وغالباً فاقده الوعي قرب منها وهو خايف ورفع وشها وللأسف كانت أسماء وإتفزع لما شاف بتنزف من بوقها ووشها كله احمر وفي صوابع حمره معلمه على خدها فقرب منها وحاول يفكها :  اسماء اسماء ولكن بتحاول ترفع عينيها ليه بتشويش فجه الشاب اللي ليل ضربه بره ودارت خناقه بين الاتنين وفضلوا يضربوا في بعض  وأسماء إبتدت تفوق وفضلت تعيط من كتر ما هما هيموتوا بعض فرفع الشاب المسدس وضرب نار في كتف ليل وهنا صرخت اسماء بأسمه فمسك ليل ألفاظه وكسرها على دماغه فوقع على الأرض وجري فك أسماء اللي فاقدة الوعى وشالها وخرج بيها بره ورن على أسر اللي كان واقف تحت بيت أسماء ولسه هيطلع .
_هاجر  : خير وقفت ليه يا أسر .
_ ليل بيقول هو في المستشفى ومعاه اسماء .
_ اي ليه حصل اي .
_ مش عارف لما نعرف هنوصل .
_ في نفس الوقت وصل ليل ودخل بأسماء المستشفي ودخل حد خرج ليه الرصاصه وطلع يطمن عليها .
_ليل :  خير يا دكتور طمني مالها .
_ واضح أن هي متعرضه لضرب جامد شويه هي دلوقتي شويه وهتفوق وانت حاول ترتاح شويه .
_ دخل ليل وقرب منها وشاف وشها التعبان قلبه واجعه عليها إحساس بالخوف مسيطر عليه ومش عارف سببه .
_ شويه وصحيت اسماء وفضلت تعيط جامد .
_ قرب منها : بس بس متعيطيش ومش عارف عملها ازاي وخدها في حضنه وهي حضنته جامد وفضلت تعيط كتير وبعدين فاقت لنفسها فبعدت عنه وقالت :  انا انا اسفه انا بس …
_ شششششش إهدي إهدي متخافيش انا جنبك .
_ الباب خبط ودخل الدكتور يطمن عليها ولكن ليل مش مستريح لنظراته وبص عليه شافه مركز مع أسماء بشعرها اللي سايح على ضهرها ووشها الاحمر من كتر الضرب رغم من كل دة بس شكلها جميل اوي .
_ قرب ليل من الدكتور وقاله :  أخرج بره .
_ نعم .
_ سمعت ولا اسمعك انا .
_ لا لا ماشي .
_ فقلع ليل الجاكت وقال لأسماء  : البسيه .
_ مش عاوزه .
_ اخلصي البسي الزفت .
_ انت كمان بتزعقلي كل دة بسببك انت .
_ أخلصي ولا انتي فرحانه بشعرك وهو كده .
_ شعري وحطت أسماء إيديها على دماغها وملقتش الطرحه بتاعتها فصرخت :  اعاااااا .
_ بطلي صريخ والبسي الزفت وحطي الزعبوط عليكي عقبال ما اشوف ليكي طرحه .
_ فخدت الجاكت منه لبسته وحطت الزعبوط عليها .
_ اي اللي حصل يا اسماء انتي ازاي يا هانم تروحي المكان دة .
_ كان يوم منيل يوم ما شوفتك يا ليل كل دة بسببك انت .
_ ليه انا اللي قولتلك تروحي .
_ لا بس الست زفته بتاعتك هي اللي عملت فيا كده .
_ زفته مين لا سوزي هي اللي عملت فيكي كده. 
_ ايوه هي خلت واحد يكلمني على أساس أنه منتج وأنه عاوزني في شغل ولما روحت محستش بحاجه غير حد مخدرني وبعدها بشويه شرفت الهانم وقالتلي انا بقى هعرفك تتكلمي مع أسيادك ازاي وفضلت تضرب فيا وفضلت تعيط كتير .
_ اتعصب ليل اوي واتوعد لسوزي وقرب منها وقال :  خلاص بقى متعيطيش طيب .
_ ابعد عني بقى وإطلع بره .
_ خبطت هاجر ودخلت عند اسماء اللي اول ما شافتها إترمت في حضنها وفضلت تعيط .
_هاجر  : بس بس أهدي يا حبيبتي بس مين عمل فيكي كده .
_ انا ……. وحكت ليها حصل معاها اي .
_ بره عند ليل وأسر حكي ليل ليه كل حاجه من يوم الحفلة لحد دلوقتي .
_آسر  : انت انقذتها ليه .
_ علشان اللي حصل ليها دة بسببي يا أسر .
_ انت روحت دورت عليها وانقذتها من قبل ما تعرف كل دة انت حبيتها ولا اي يا ليل .
_ حبيتها اي بس اللي زيي قلبه مش هيحب علشان مينفعش .
_ واي اللي يمنع .
_ اللي منع الأولي يمنع التانيه .
_ ادي نفسك فرصه تانيه .
_ أسر انت ممكن تحب هاجر .
_ اي دخل هاجر في الموضوع دة .
_ رد عليا .
_ لا يا ليل انا مش هينفع احبها انا بحاول أسعدها لان انا اللي بوظت حياتها .
_ بالظبط وانا انقذتها علشان بردو انا السبب ، وقطع كلامهم خروج هاجر مع اسماء وقالت :  يلا بينا .
_ خرج وركبوا عربيه أسر وليل جنبه واسماء وهاجر ورا ووصلوا بيت اسماء وطلعت هاجر معاها واللي اول ما دخلت امها صوتت من منظر بنتها .
_هاجر  : اهدي يا طنط مفيش حاجه .
_ اي اللي عمل فيها كده .
_ احنا كنا ماشين وهي ازحلقت وقعت من على السلم .
_ سلم اي اللي يعمل فيها كده .
_ حصل خير خليها ترتاح وهي هتكون كويسه .
_ ماشي يا بنتي كتر خيرك .
_ نزلت هاجر وركبت العربيه وطلع أسر الفيلا وقال لليل : انزل .
_ لا انا هروح ارتاح .
_ قولت انزل خلص يا ليل مش هسيبك لوحدك كده يلا .
_ بس يا أسر ..
_ ولا كلمه انزل .
_ وبالفعل نزل ليل مع أسر ودخله اوضه الضيوف وطلعت هاجر على المطبخ تحضر اكل علشان ليل ودخل أسر المطبخ معاها .
_هاجر  : عاوز حاجه .
_آسر  : انتي مضايقه مني .
_ ليه هو انت بتعمل حاجه تضايق .
_ اتنهد أسر وقال :  أنا عارف إني زوتها معاكي انا بس كنت مضايق شويه .
_ اه وانا مضطره استحملك مش كده ، لا والانيل من كده أنه مش فكره مضايق لا دي فكره قله الثقه أسر انا لو عاوزه اعمل حاجه من وراك حتي لو حبستني في اوضه هعملها .
_ هاجر انتي بتقولي اي .
_ بقول اللي عيونك بتقوله يا أسر انت خايف اكون خارجه اقابل إياد انت ليه مصمم تحطه عقبه في طريقي حاول بس تثق فيا شويه وخد بالك يا أسر من كلامك معايا قدام اي حد انا مش هقبل انك تكلمني كده أبداً قدام حد علشان انا مش خدامه عندك ماشي .
_ نزل أكمل على الصوت وقال :  في اي يا ولاد بتزعقوا ليه .
_ رد أسر : لا أبداً يا بابا مفيش حاجه .
_ في اي يا هاجر عملك اي الواد دة .
_ إبتسمت هاجر بود على ذلك الحمى الحنون  وقالت :  لا أبداً يا بابا بس أسر كان وعدني بحاجه وخلف وعده معايا .
_ احترم نفسك وخليك اد كلمتك وعدت يبقى لازم تنفذ وعدك .
_ ابتسم أسر وقال :  حاضر يا بابا .
_ رجعت هاجر وقالت :  خد اكل صاحبك اهو وعلاجه كمان وسابته وطلعت تنام .
_ بعد شويه طلع أسر وكانت هاجر نايمه على الكنبه فقرب منها وقال : عارف انك صاحيه وطلع من جيبه عقد فل ولبسه ليها وطبع قبله على دماغها وسابها وخرج الجنينه .
_ قامت هاجر ووقفت بعيد تشوفه فين وبعدين رجعت تحاول تنام بس مش عارفه واضح انها خدت على حضنه وبعد وقت طويل طلع أسر الاوضه وحاول ينام بس مش عارف فقام شالها من على الكنبه وحطها على السرير وخدها في حضنه ونام وبعد كام ساعه صحيت هاجر ولقت نفسها في حضنه فقامت بغيظ وحطت المنبه جنب ودنه ورن فقام أسر مخضوض :  اي في اي .
_ قالت بغضب بس مكتوم : فيه أن الساعه ٦ قوم .
_ مسك أسر إيديها وقال : ممكن طلب .
_ اخلص .
_ بس مش عاوزك تفهمي غلط .
_ هتقول ولا انزل .
_ ممكن تحضنيني.
_ بصتله بغضب وقامت خرجت ونزلت تحضر الفطار ودخلت عند أكمل وقالت :  صباح الخير.
_ مسح اكمل دموعه وقال :  صباح النور يا حبيبتي .
_ اي دة مالك يا بابا انت بتعيط .
_ لا أبداً يا حبيبتي مفيش حاجه .
_ فقربت شافته ماسك صوره لست جميله وقالت :  مين دي ماما هاجر .
_ النهاردة ذكرى وفاتها وحشتني اوي .
_ ربنا يرحمها .
_ بس حضرتك لابس ورايح فين .
_ مسافر يومين .
_ بس حضرتك تعبان .
_ معلش لازم أسافر خلي بالك من أسر سلام .
_ دخلت عملت فطار وخلت دادة ندي تدخله لليل وهي حطت فطار على السفرة ونزل أسر اطمن على صاحبه وخرج قعد شرب قهوة وقام مشي .
_هاجر  : أسر .
_ وقف وبص ليها فقامت وقربت عليه وحضنته بهدوء فلف أسر إيده حوالين هاجر وحضنها جامد وكأنه عاوز يدخلها حضنه فهمس جنب ودنها :  وحشتني اوي ونزلت دمعه منه غصب عنه حست بيها هاجر وبعدين مسح دمعته وباس دماغها وقال  : شكراً وخرج راح شغله .
☆ ————— بقلم الكاتبة/ آية إنسان —————☆
_ في شركه العامري دخل عمرو مكتب عاصم وقعد على كرسيه مستني الأنسه وعد لما تدخل .
_ وعد راحه الاول تطمن على ابوها ووصلت الشركة الساعه ٩ ودخلت كان عمرو موجود .
_عمرو  :  اظن يا أنسه وعد انا قولتلك انا بحب الدقه في المواعيد مش كده .
_ كان عندي مشوار .
_ ودة ميخصنيش انا اللي بيغلط عندي بعاقبه .
_ يعني اي .
_ قام عمرو وقرب منها وهي فضلت ترجع لورا لحد ما خبطت في الحيطه وقالت بصوت مرتعش :  انت بتقرب كده ليه لو سمحت ابعد عني .
_ تؤ تؤ تؤ انتي لازم تتعاقبي على تأخيرك دة 
وفجأة ……
يتبع ……
لقراءة الفصل الثالث والثلاثون : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى