Uncategorized

رواية العشق لا يعرف وطن الفصل الثالث والثلاثون 33 بقلم أية إنسان

 رواية العشق لا يعرف وطن الفصل الثالث والثلاثون 33 بقلم أية إنسان
رواية العشق لا يعرف وطن الفصل الثالث والثلاثون 33 بقلم أية إنسان

رواية العشق لا يعرف وطن الفصل الثالث والثلاثون 33 بقلم أية إنسان

_ دخل أسر المستشفى يتابع شغله بكل إجتهاد وقدر يكسب احترام كل الدكاتره وحب المرضى .
☆ ————— بقلم الكاتبة/ آية إنسان —————☆
 في شركة العامري :
_ عمرو : انتي لازم تتعاقبي على تأخيرك دة وفجأة لف دراعها ورا ضهرها وقرب منها وقال :  مش انا قولتلك متتأخريش على ميعاد الشغل .
_ ردت وعد بغضب : انت مجنون ابعد عني انت ناسي أن دي شركتي .
_ تؤ تؤ واضح انك بتنسى كانت شركتك ، دلوقتي دي شركتي وانتي بس مجرد ليكي نسبه لو عاوز ارميكي بره هرميكي .
_ عمرو سيب دراعي ثم انا مش خدامه عندك علشان تتعامل معايا كده .
_ ههههه لا يا حلوة انتي خدامة عندي ومن هنا ورايح هتعملى كل اللي اقولك عليه علشان تقدري تحافظي على اللي باقي ليكي في الشركه وبعدين زقها بعيد وقال :  يلا بقى عاوزك تجيبي كل الحسابات وأوراق الصفقات وتيجي هنا .
_ خرجت وعد بغضب كبير ودخلت المكتب بتاعها .
☆ ————– بقلم الكاتبة / آية إنسان ————– ☆
في فيلا السمري :
_ خبطت هاجر على ليل .
_ ليل : إتفضل .
_هاجر  : عامل اي دلوقتي .
_ كويس الحمد لله .
_ طيب إتفضل ميعاد العلاج ودة  عصير برتقال .
_ شكراً تعبتك معايا .
_ الشكر لله معملتش حاجه ، لو احتجت حاجه عم حسين بره .
_ خرجت هاجر وراحت الاوتيل وكان في حفلة على أتم الاستعداد علشان الفرح اللي هيتم بالليل فهي حفله خطوبه ابنه وزير البيئة والكل على قدم وساق .
_ دخلت هاجر وقالت : صباح الخير ازيك يا ممدوح .
_ ممدوح : أهلاً يا مدام هاجر .
_ مين غير أماكن التصوير السيشن من هنا .
_ أنسه يسرا  غيرت الأماكن إمبارح .
_ طيب يا ممدوح شيل كل دة ورجع أماكن السيشن تاني .
_ بس حضرتك أنسة يسرا هتضايق .
_ وانا بقول لحضرتك رجع الديكور اللي عملته .
_ حاضر وفعلاً بدأ يغيروا ديكور السيشن زي ما هاجر عاوزه .
_ دخلت يسرا وفضلت تزعق : اي القرف دة  انتو يا بهايم هو أنا مش قولت القرف دة يتغير .
_ دخل ممدوح وقال : آنسة يسرا دة طلب مدام هاجر .
_ نعم واي مدام هاجر دي كمان انا لما اقول دة يتغير يبقى يتغير .
_ دخلت هاجر في الموضوع وقالت : انا حددت أماكن التصوير بناءً على تصاميم حضرتك مش ذنبي انك غيرتي التصميم إمبارح .
_ نعم ! انتي مين انتي علشان تعدلي عليا وتقوليلي اعمل اي ومعملش اي .
_ اولاً : اتكلمي كويس ، ثانياً : انا هاجر العامري المصور الفوتوغرافر الجديد .
_ وأنتي بقى يا حته مصورة هتمشي الحفلة على كيفك .
_ هههههه اه يا اسمك اي .
_ ردت يسرا بغضب : حلو يا انا يا انتي النهاردة في المكان دة يا مدام هاجر ودخلت عند مداد جيجي المكتب وهي في قمة الغضب وقالت : انا عاوزة اعرف إزاي اوتيل محترم زي دة تشغل الأشكال دي هنا .
_مدام جيجى :  اولاً : دي مش زريبه علشان تدخلي عليا المكتب كده او تتكلمي عن حد بيشتغل معايا كده .
_ مدام جيجي دي هتبوظ الحفلة كده وانا مش هتحمل خساير الغبية دي .
_ يسرا اتكلمي كويس عن هاجر واحترمي الفريق اللي بيشتغل معاكي انتو كلكوا بتكملوا بعض هنا اتعاونوا مع بعض. 
_ انتي هتقارني دي بيا مستحيل ودلوقتي يا انا يا هي في المكان .
_ انا محدش يلوى دراعي يا يسرا وانتي ملتزمه بعقد عمل لما ينتهى امشى براحتك لو عاوزة لكن دلوقتى مش هسمح بده.
_ وانا مش هشتغل معاها .
_ تمام انا بتليفون هجيب اكبر مصمم حفلات دلوقتي بس خليكي عارفة انك كده بتلعبي غلط .
_ حضرتك كده بتكبريها عليا .
_ انا مش محتاجة اكبر حد كل واحد هو اللي بيكبر أو بيصغر نفسه يا يسرا .
_ ماشي يا فندم بعد إذنك .
☆ ————— بقلم الكاتبة/ آية إنسان ————–☆
_ طلع ليل الفون بيرن على اسماء ولكن مفيش رد ودة مضايقه جداً .
☆ ————– بقلم الكاتبة/ آية إنسان —————-☆
 في شركة العامري:
_وعد :  ريم يا ريم .
_ نعم يا أنسه وعد .
_ دخلي الملفات دي لعمرو بيه وخلى أونكل محمود يقعد يفهمه الدنيا فيها أي .
_ امرك يا فندم .
_ دخلت ريم بالملفات عند عمرو .
_ عمرو : اي دة .
_ دي ملفات بعتتها انسه وعد لحضرتك وأستاذ محمود هيجي يعرف حضرتك كل حاجه .
_ تمام اتفضلي انتي وابعتيلي انسه وعد .
_ راحت ريم ورجعت بلغت عمرو أن وعد بتقوله انها  مشغولة ومش عارفة تيجي .
_ قام عمرو بغضب واقتحم المكتب بتاع وعد اللي كانت قاعدة مع محمود بتتكلم معاه .
_ محمود : احم طب هستأذن انا يا انسه وعد .
_ اتفضل يا استاذ محمود .
_عمرو :  هو أنا مش قولتلك تجيبي الملفات وتيجي .
_وعد :  بعتهم ليك مع السكرتيرة بتاعتي .
_ وانا قولت انتي اللي تيجي .
_ قامت وعد وإتكلمت وقالت : وانا هفكرك تاني يا عمرو بيه انا مش شغالة عندك .
_ هههههههه حلو يا وعد بس متزعليش من اللي جاي بقى .
_ انت بتهددني يا عمرو .
_ تؤ أنا هوريكي فعل مش كلام .
☆ —————- بقلم الكاتبة/ آية إنسان ————–☆
 في الاوتيل : 
_ إتصلت هاجر على اسماء : عاملة اي .
_اسماء :  كويسه يا هاجر .
_ مالك .
_ مفيش .
_ مضايقه علشان اللي عملته سوزي دي .
_ بنيت احلام على مجرد كلام في الهوا ومش تعبني غير أن الزفته دي قلت مني .
_ ولا عاش ولا كان اللي يقدر يقل منك يا أسماء انا عاوزاكي تخفي بس كده ووعد مبقاش انا هاجر العامري لو مجبتش حقك وبإيدك انتي .
_ لا خلاص مش عاوزه مشاكل .
_ بس يا بت اسكتي خالص وبلاش ترجعي لنقطه الصفر الموضوع لو كان خير كان جالك متزعليش .
_ هههههه ماشي يا مهون عليا انت .
_ ماشي يختي هخلص شغل وهكلمك سلام .
_ سلام .
_ مسكت هاجر الفون وفضلت مترددة هل ترن عليه ولا لا بس قررت ترن علية .
_هاجر  : الو .
_آسر  : ازيك يا هاجر عامله اي .
_ الحمد لله بخير انت كويس .
_ اه كويس .
_ طيب ماشي عاوز حاجه .
_ انا مش هاجي النهاردة البيت خلي بالك من نفسك .
_ ليه في حاجه .
_ لا بس عندي شغل كتير .
_ ربنا يقويك سلام .
☆ —————- بقلم الكاتبة/ آية إنسان ————–☆
في شركة العامري : 
_ دخلت وعد  المكتب عند عمرو بكل غضب وقالت : انت فاكر كده بتلوى دراعي يا عمرو .
_ هههههههه تؤ تؤ العصبية غلط على صحتك .
_ عمرو بلاش شغل العيال دة.
_ قام عمرو وقف ومسك دراعها جامد وقال : خدي بالك من كلامك معايا يا وعد .
_ تقدر تقولي انت وقفت الشيك بتاع رواتب الموظفين ليه .
_ براحتي فلوسي انا حر .
_ انت أكيد مريض ومحتاج تتعالج انت بتتغذا على وجع الناس .
_ رفع عمرو إيده وضربها بالقلم وقال :  اوعي تنسى نفسك يا وعد علشان انتي حشرة افعصها تحت رجلي .
_ رفعت وعد عيونها اللي مليانه دموع بتحاول تخبيها وقالت  : شكراً يا عمرو بيه وسابته وخرجت .
_ حدف عمرو الطفاية في الدولاب كسره .
☆ ————– بقلم الكاتبة/ آية إنسان —————-☆
_ في الاوتيل طلعت الحفله اكتر من رائعة تكامل الفريق مع بعضه طلع الحفلة جميله جداً والصور كانت في مواقع احلى من التانيه وخلصت هاجر ودخلت عند مدام جيجي واللي كان عندها عدد كبير من السيدات وفتيات كلهم واضح عليهم إنهم مستوى عالي وقالت : انا بعتذر بس كنت عاوزه اخد رأي حضرتك في الصور لكن واضح أن حضرتك مشغولة .
_ ردت جيجي قالت : تعالى يا هاجر اعرضي الصور علشان تاخدى رأي السيدات .
_ تمام حطت هاجر الفون على الترابيزه ووصلته باللاب واتعرض الصور وكانت اكتر من رائعه وعجبت السيدات دي كلها وكانت يسرا قاعدة هتفرقع وقبل ما هاجر تشيل الفون من اللاب ظهرت صورة أسر على الشاشه فقالت يسرا بسخرية :  هههه اي يا مدام حاطة صورة الدكتور أسر السمري على الخلفيه ليه اي معجبه بأعماله ولا اي فضحكت البنات اللي قاعدة وقالت واحدة منهم : سيبيها حتي دكتور أسر شاب وسيم واي بنت تتمناه .
_ قالت جيجي : بنات عيب تعاكسوا الدكتور ومراته موجودة .
_ ردت يسرا : هي فين مراته دي يا مدام انهي واحدة في دول .
_ لا هي مش واحده في دول مراته بتكون هاجر .
_ ردت يسرا بذهول : بتهزري صح .
_ لا مبهزرش دي مدام أسر السمري .
_ بقى دي مرات دكتور أسر .
_ ردت جيجي بغضب : يسرا خدي بالك من كلامك .
_ احم انا مقصدش بس استغربت بس .
_ ردت هاجر اللي بتابع في صمت :  هستأذن انا بقى علشان اتأخرت وخرجت هاجر وقفت تاكسي وركبت وفضلت تفكر انها لازم تغير من لبسها على الاقل مش علشان نفسها علشان خاطر أسر ووقفت قدام مول ونزلت لفت نظرها فستان سيلفر طويل مرسوم زي عروسه البحر ضيق من الوسط وواسع من تحت ضهره مفتوح شويه واكمامه طويله مش عارفه اي السبب بس اشترته بكل مستلزماته وروحت البيت .
☆ —————- بقلم الكاتبة/ آية إنسان ————–☆
_ قام أسر الساعه ١٢ بالليل خرج من المستشفى وركب العربية وبعدين دخل تاني علشان نسي الفون جوة وجابة ونزل ولكن وهو نازل شاف زميله شريف في مخزن الادويه ويدور الحوار التالي :
_ دكتور حسن : شريف انا قلقان من الموضوع دة انت كده ممكن تقطع عيشنا من هنا.
_  شريف : مالك يا دكتور حسن خف شويه متقلقش مفيش حد هيعرف حاجه .
_ شريف بلاش أسر دة شكلة مش سهل .
_ والله انت ولا فاهم حاجه دة مخه على قده .
_ بطل هزار بقى يا شريف .
_ والله بكلمك جد دة كان بيتعالج هنا في المستشفي دي بس قسم الامراض العقليه وانا كنت بشوفه وحتي لو حد إكتشف أن في ادويه مغشوشه هو مش دكتور أسر مضي عليها يبقى يتحمل هو النتيجه ونشكك وقتها فيه ونقول أنه مجنون وبكده ولا حد هيعرف حاجه .
_ اه يا ابن اللعيبه دماغ سم .
_ اخلص بقى خلينا نمشي قبل ما حد ياخد باله .
_ واقف أسر بعيد وصور كل حاجه فيديو من غير ما حد يشوفه ووقف يفكر طب هو عمل ليهم اي علشان يورطوه كده وإفتكر كلام هاجر وقرر إنه هيكلم ليل علشان يبدأ في المستشفى الخاصه ليه وبعدين خرج يلف في الشوارع وشاف ولد نايم في الشارع معاه فل فخد منه الفل وساب فلوس كتير ليه .
☆ —————- بقلم الكاتبة/ آية إنسان ————-☆ 
 في فيلا السمري :
_هاجر  : طب وبعدين بقى في الليله دي مش فاهمه هو أنا مش عارفه انام ليه بقى معقوله انا مش عارفه انام علشان هو مش هنا لا لأ مش حقيقي الكلام دة وقامت وقفت في البلكونة وجابت الفون وفضلت مترددة ترن ولا لا بس الساعه كانت ٤ الفجر وبعدين قررت أنه لا وقعدت تاني على السرير شويه ودخل أسر الاوضه وقال :  لسه صاحية ليه .
_هاجر  : احم لا عادي مجاش ليا نوم .
_ ابتسم أسر بحزن وقال :  ماشي يا هاجر ودخل غير وخرج لبسها عقد الفل وقعد جنبها .
_ رفعت هاجر وشه وقالت  : مالك .
_ لا أبداً بس عاوز انام .
_ اه طب نام وقامت تروح على الكنبة مسك إيديها وقال : خليكي جنبي .
_ لمحت هاجر نظره إحتياج وحزن في عيونه فقربت منه ووقفته وفتحت دراعها وخدته في حضنها فحضنها جامد .
_ إحساس غريب في قربك يا أسر قلبي بيدق جامد كأنه هيخرج من مكانه بس حضنك دافئ حاسة بالأمان يمكن انا اللي محتاجة الحضن دة مش انت .
_ خرج أسر من حضنها وقال :  شكراً انك جنبي .
_ إتحرجت هاجر ولكن دارت كسوفها وقالت :  عيب عليك يا أسر دة انا اخوك رمضان بردو .
_ ابتسم أسر غصب عنه وقال :  ماشي يا رمضان بس مالك بقيت فراولة كده ليه دة حضن إخوي .
_ أأأسر وبعدين معاك.
_ هههه بهزر يا رمضان .
_ صحيح اي حكاية الفل دة يا عم كل شويه تجيب فل فل جرب تجيب ليا أكل مثلاً .
_ ههههه قلبوظتي انتي تأمري .
_ بصت ليه بغضب :  أأأسر اي قلبوظتي دي تقصد اني تخينه .
_ بصراحة محتاج اقيم علشان احكم وفضل يبص عليها من فوق لتحت .
_ بتبص على اي يا قليل الأدب انت وحدفته بالمخدة .
_ ههههه مش بقيم علشان اقول يا رمضان .
_ انا غلطانة اني بكلمك اصلاً .
_ تعالي يا قلبوظتي هنا متتعصبيش .
_ قامت هاجر بكل غضب ونامت على الكنبة وغطت وشها فقام أسر وهو بيضحك شالها فإتخضت وقالت : أسر انت بتعمل اي وسع انا مش عاوزه انام جنبك وسع بقى روح دور على السنبتيك تنام جنبك وسع .
_ حطها أسر على السرير وطفئ النور ونام جنبها وشدها لحضنه ولف أيده حوالين وسطها .
_ قالت بصوت متحشرج : أسر ممكن توسع بتعمل اي .
_ فقربها منه جامد وشال توكة شعرها فإتفك ودفن وشه في شعرها وقال : زمان كنت لما اكون مخنوق اروح عند امي واحضنها ولو مبسوط احضنها ولو خايف احضنها كنت بحس اني في أمان ومن وقت لما ماتت وانا مش عارف احضنها بس كانت بتحب صلاح شاهين اوي وفي اخر أيامها قالتلي تعالي يا أسر لما اقولك أوصيك يا ولدي بالقمر والزهور أوصيك بليل القاهرة المسحور وان جيت يوم في بالك فإشتري عقد فل وأديه لأي سمرة وقبري اوعاك تزور امي مكنتش بتحب تروح المقابر ووصتني انا وبابا منروحش ليها فكل لما توحشني اجيب فل ولما دخلتي حياتي ادتهولك انتي بس لو بتضايقي اديه لحد تاني .
_ ابتسمت هاجر وقالت : لا أشتريه ليا انا أصلاً بحب الفل انا كنت بهزر معاك .
_ هههه انا عارف انك بتحبي الأكل كمان .
_ اومال يبني الاكل دة حياة .
_ مش بقولك قلبوظتي .
_ هزعل منك يا أسر يعني انت شايفني تخينه اوي كده .
_ ههههه انتي جميله في كل حالاتك ثم انتي مش تخينه مين قال كده دة انتي كيرفي في نفسك كده بطايه .
_ لا لا لا ابعد عني انا مش مرتاحه ليك وسع .
_ تؤ تؤ يا قلبوظتي وطبع قبله على خدها وضمها لحضنه جامد وقبل ما تتكلم سبقها وقال :  لو منمتيش يا هاجر هثبتلك مش بس إني قليل الأدب لا هأكدلك اني متربتش من الأساس فنامي يا حبيبتي .
_ هاجر قالت في نفسها :  واضح أنه مجنون بلاش يا هاجر تتكلمي احسن انتي مش حملة لو قام عليكي هيعملك إستيكر على الأرض وغمضت عيونها ونامت .
☆ ————– بقلم الكاتبة  / آية إنسان ————–☆
 في فيلا جيسيكا : 
_ كانت جيسيكا بتتكلم في الفون :  الو ايوه يا بيبي وحشتني .
_ ……………
_ يا عم أهي قاعدة جوه والبرشام اللي معاها قرب يخلص وهترجع تتذل ليك تاني هتعمل اي يعني بس انت فضحتها جامد اوي دة ناس كتير طالبين يقضوا يوم معاها ويدفعوا بالدولار .
_ ……………
_ ويا تري بقى البيه مصورني انا كمان ولا لا اصل بصراحة بعد اللي عملته الواحد مش يثق فيك أبداً .
_ ………….
_ اجي فين دلوقتي يا مصطفي الساعه ٤ انت مجنون .
_ …………
_ هههههه خلاص هعدي عليك بكره نقضي اليوم سوى يلا باي .
_ وراحت تنام وهي مش حاسه باللي سمعت كل حاجه وبتتوعد ليهم .
☆ ————— بقلم الكاتبة/ آية إنسان ————– ☆
 صباحاً في فيلا السمري على الفطار :
_ آسر  : هو انتي مقولتيش لوعد تيجي ليه .
_هاجر   : كلمتها وهي مش عاوزه تيجي هنا عاوزه تكون في الفيلا بتاعتهم .
_ براحتها اللي يريحها .
_ بقولك اي صحيح انا هروح اطمن على عمي وبعدين هخرج ازور اسماء وبعدين اعدي على وعد .
_ نفسي مره تجيبي اسمي ولو بالغلط يا هاجر نفسي .
_ مش فاهمه .
_ يعني تقولي هخرج معاك يا أسر هقعد معاك يا أسر اي حاجه.
_ قوم روح شغلك يا أسر .
_ هي بقت كده ماشي هقوم اطمن على ليل وهمشي .
_ ماشي خلى بالك من نفسك .
_ نفسي معاكي خلى بالك منها انتي .
_ اي دة في اي مالك كده على الصبح .
_ بس بس ابو ام اللي يقولك حاجه حلوة على الصبح بت تسدي النفس جتك قرف وقام مشي .
_ حاسه اني اتهزقت سيكا بس مش مهم انا ماشيه وخرجت تزور عمها وبعدين طلعت عند اسماء تطمن عليها .
☆ ————— بقلم الكاتبة  / آية إنسان ————-☆
_ دخل عمرو الشركه الساعه ٨ بالظبط وقال لريم سكرتيرة وعد :  لما الانسة تيجي خليها تعدي عليا .
_ ريم : آنسة وعد منتظرة حضرتك جوه يا فندم .
_ إستغرب عمرو ودخل المكتب وشافها وهي قاعدة وقال : خير في حاجه .
_ ردت وعد بجمود : دي كل الملفات اللي حضرتك طلبتها إمبارح .
_ بس انا مش بعرف اشتغل من غير قهوة وعقبال ما السكرتيرة بتاعتي تيجي انزلي هاتيلي واحد قهوة سادة من تحت .
_ رفعت وعد السماعه وطلبت السكرتيره بتاعتها وطلبت منها واحد قهوة سادة وقفلت معاها وقالت لعمرو : لما تحب تطفح حاجه اطلب البوفيه تحت وسابته وخرجت من المكتب فإبتسم على تلك العنيدة التي تحب أن تتحداه وهي لا تعرف من عمرو الصاوي بعد .
☆ —————- بقلم الكاتبة/ آية إنسان ————☆
 في المستشفي عند أسر :
_آسر دخل عند المدير وفرجه الفيديو واللي فوراً وقف شريف وحسن عن العمل وحبسهم ودة كان جزائهم .
_المدير :  متشكر جداً يا أسر لولاك كنت فضلت مخدوع فيهم كتير .
_ لا أبداً مفيش شكر دة واجبي .
_ صحيح في مؤتمر صحفي بكرة لازم تحضره لان في ندوة عن آخر البحوث والدراسات اللي اتعملت في بلاد بره عن مشكلات القلب ودة هيفيدنا كتير وانا عارف ان انت بتعمل دراسات وأبحاث عن الموضوع دة .
_ حلو المكان فين .
_ في فندق ٧ نجوم هبعتلك العنوان والتفاصيل في رساله .
_ تمام يا دكتور بعد إذنك .
☆ ————– بقلم الكاتبة/ آية إنسان ————-☆
_ نزلت هاجر من عند أسماء وكانت هتروح لوعد ولكن جالها فون من مدام جيجي واللي طلبت منها الحضور حالاً .
☆ ————
يتبع ……
يتبع ……
لقراءة الفصل الرابع والثلاثون : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى