رواية لنرقص تحت المطر الفصل السادس 6 بقلم نورهان حلمي
رواية لنرقص تحت المطر الجزء السادس
رواية لنرقص تحت المطر البارت السادس
رواية لنرقص تحت المطر الحلقة السادسة
الاخيرة
قربتها مني وانا بحاوطها وبعدين ميلت براسي جنب ودنها
عز بهمس
لو كنتي استنيتي ثواني بس كان زماني عندك!!!
ابتسمتلي وبعدين نزلت سوسته الفستان بتاعها
في اللحظه دي حسيت ان ماشي عكس الجاذبيه كل حاجه في الكون بتجذبني عكسها بس قلبي كان جررني ليها
نور
عز انت كويس!!
عز
متأكدة..متأكدة انك مش هتندمي!
نور
انت اللي اوعي تندمني!
بصلى باقتناع وبعدين حسيت انه بيبعد عني حطيت ايدي حوالين رقبته وانا بقربه مني
نور بهمس
انا واثقة فيك
ابتسمت لها وانا بعلن استسلامي
في صباح اليوم التاني
صحيت من النوم وانا ببص عليها وهي حاطه راسها على صدري مشيت ايدي على شعرها وبعدين افتكرت كل الايام اللي عشناها سوا عمري في حياتي ما كنت اتخيل ان ممكن لحظه زي دي تجمعنا بس فعلا اقدار الناس ممكن تتغير في ثواني كنت هبقى مجنون لو ضيعتها من ايدي او ما شفتهاش زوجه جميلة مجمعه كل نغاشه الدنيا
ضغطت على كتفها وانا ببصلها من راسها وبعدين هي بدات تفتح عينيها بالتدريج ورفعت راسها وهي بتبصلي… بصيت لي الاول باستغراب وبعدين رفعت الغطاء وبصت على نفسها وبعديها بعدت عني شويه
عز مبتسم
صباح الخير..
نور بإحراج
صباح النور
عز
لسه فيك العاده دي اول ما بتصحي من النوم بتقي شبه فقدة الذاكره
نور بإرهاق
بحتاج وقت بس اني استوعب انا عملت ايه قبل ما انام
قرب على وشي وهو بيبص في عيني بطريقه وترتني
عز بغمزه
عملتي ايه!!!
نور
ءءء لسه مش فكرة
عز
تحبي افكرك!!
بدا يشد الغطاء بقوه وبعدين انا لفيت نفسي كويس وقبل ما يقرب ناحيتي الباب خبط
صفاء
عز….
نور بخوف
يا نهااار اسود!!!
عز بهمس
هشش…اي يا خالتو
صفاء
انا هدخل
عز
لا لا…انا قالع
صفاء
نور مش في اوضتها ولا حتى في الحمام راحت فين بدري كده
عز
ءء هتلاقيها رااحت الكلية
صفاء
بدري كدا!!!
عز
تلاقي عندها محاضرات بدري!!
صفاء
طب اطلع يلا عشان تفطر
عز
حاضر
نور بهمس
منك لله ضيعت عليا وجبه الفطار!!
عز
خلاص اطلعي دلوقتي قولي لها انك كنتي بايته في حضني طول الليل !!
نور
لاحظ انك بقيت وقح!!!
عز
يا خسارة انت ضاع عليكى وجبه الفطار وانا ضاع عليا وجبه اهم
بصيت له وانا حاسه اني فقدت النطق وبعدين هو ابتسم ابتسامه شريره وبعدين قام من على السرير وهو بيلبس هدومه قدامي بكل بجاحه
عز
خليكي مكانك هروح اجيب لبس من اوضتك تروحي بيه الجامعه وهحاول اخلي خالتي صفاء تروح عند طنط منى جارتنا لحد ما تنزلي
هزيت راسي باه وبعدين هو طلع فعلا انا قومت من على السرير وانا حاسه بسعاده كبيره بسبب تطور علاقتي بيه كنت مبتسمه ابتسامه عريضه لحد ما بصيت على الدبله بتاعته اللي كانت على الكومدينو!!!
نور
طب وبعدين ايه اللي هيحصل بعد كده!!!
لبست هدومي اللي هو جابهالي وبعدين خالتي صفاء راحت فعلا لشقة طنط منى وانا قمت من مكانى بسرعه بعد ما اداني الشنطه اللي هروح بيها و بعدين نزل معايا و ركبنا العربية
عز
عملتلك سندوتشات فى الشنطه عشان تفطري في الكليه
نور
تمام
عز
مالك !!
بصيت على الدبله اللي في ايديه اللي لبسها قبل ما ننزل وبعدين بصيت على الشباك
عز
كان لازم البسها عشان لما اروح المستشفى ريم ما تحسش بحاجه
نور
وانت مش عايزاها تحس بحاجه ليه خايف تخسرها !!!
عز
ايه اللي انتى بتقوليه ده يا نور انا بس في خطه في دماغي بحاول ارتبلها وبعدين هبقى اجيبهالها بالتدريج ما تنسيش ان الشبكه كانت لسه امبارح
نور
كل ده بسببك انت.. انت اللي عملت كل ده فينا كنت اديتني فرصه من اول مره جيت لك فيها مكانش كل ده حصل!!
عز
مشاعر ناس مش بتتغير من يوم وليله يا نور بالذات وضعنا احنا كان محتاج شويه وقت…
نور
هو انت ندمان علي اللي حصل بينا امبارح!
عز
انتي بتقولي ايه!! انا مش ندمان
ابتسم ابتسامه عريضه خلت عيني تلمع
عز
انا مبسوط…انا كنت هندم فعلا لو كنت تراجعت
نور
هو ايه اللي غير مشاعرك فجأة كده يا عز
عز
من واحنا صغيرين وانا بتمنى ان زوجك المستقبلي يكون احسن شخص في الدنيا بس امبارح وبالرغم من اعجابي بمعتز الا ان انا كنت هتجنن عليكى كنت على وشك ان انا اخدك واسيب القاعه كنت حاسه اني عايز انزل اخبيكي جوايا ماكنتش مستحمل نظرات الناس ليكي
نور
تعرف ان انت اناني يا عز… لانك صرحت الغيره دي لنفسك بس لكن انا ما حسيتش بمشاعري هبقى حاسه بايه وانا واقفه قدامك وببص عليك وانت بتلبسها الدبله وانت حاطط ايدك عليها
عز
انا اسف… وعد اني هعوضك عن كل ده قريب
نور
هتسيبها امتى!!
عز
فتره بس من الوقت لاني ما يصحش ان انا اعمل كده الشبكه كانت لسه امبارح..
قطعوا تليفونه اللي كان بيرن وكانت مكالمه من ريم بصلي شويه وبعدين رد على التليفون
ريم بغضب
امبارح رنيت عليك اكتر من 10 مرات وانت ماردتش ممكن اعرف انت كنت بتعمل ايه
عز
انا بسوق دلوقتي يا ريم.. اول ما اوصل المستشفى نبقى نتكلم
قفلت الخط في وشي وبعدين قربت نور عليا وهي بتبوسني من خدي بعد ما وصلنا للجامعه بتاعتها
نور
اشوفك علي الغدا
عز مبتسم
خدي بالك علي نفسك
هزيت راسي وانا ببتسم له وبعدين دخلت الجامعه كنت حاسه ان الوان الدنيا كلها واضحه وان الشمس مشرقه جوايا
غادة
انا مستغربه بجد ابتسمتك الغريبه دي لسه الشاب اللي انت بتحبيه واللي هو في الاصل جوزك اصلا كان بيخطب امبارح يعني فرحتك المبالغ فيها دي تدل على انك مجنونه
نور مبتسمه
شفت الشاب اللي كان واقف جنبي امبارح وعز خدني من جنبه اول ما روحنا اكتشفت ان عز كان هيموت من الغيره عليا وده خلاني احس بالرضا وكمان حسيت اني مش انا لوحدي اللي كنت حاسه بالشعور الصعب ده
غادة
انا مش مقتنعه لان مهما كان هو لسه خاطب البنت دي وممكن يتجوزوا كمان
نور
انتي مجنونه مستحيل يتجوزها هتتظبط بس بعد وقت
غادة
اتمني!!
نورهان_حلمي
******************
عز
انا اسف بجد بس جيت من الشبكه تعبان وبعدين رحت في النوم
ريم
تعبان من ايه ده انت ما قمتش حتى من على الكوشه وكنت بترقص معايا بالعافيه الناس كلها لاحظت حتى اهلى لاحظوا انك ما كنتش مبسوط اما انت مش طايقني كده يبقى بتخطبني ليه
عز
ممكن تهدي يا ريم انا اسف بجد عارف اني امبارح ضايقتك جدا بس اخوكي كمان كان مزودها قوي
ريم
اه.. قول كده بقى انك كنت بتعمل كل ده عشان غيران على نور
عز
نور متجوزه يا ريم اخوكي كان عمال يقرب عليها لا امك كمان بتطلب ايديها مني يبقي مش عايزاني احس بالجنان!!!
ريم
يا سيدي ما يعرفوش يعني مش مبرر خالص طريقه كلامك مع مامتي امبارح
عز
تمام انا هرن عليها النهارده واعتذر لها راضيه كده
ريم
طيب ممكن نتكلم شويه بقى عن مستقبلنا اكيد مش هنتجوز في نفس المكان اللي نور فيه
عز
انا هعمل الشقه بتاعت بابا وماما عياده بدل ما هي مقفوله وهبدا في الموضوع ده من بكره ان شاء الله
ريم
كويس جدا يعني ده معناه ان احنا هنشتري شقه لينا في عماره ثانيه بعيد عن بيت خالتك ونور
بصيت لها وهي بتتكلم عن مستقبلنا وبعدين بصيت الناحيه التانيه من غير ما ارد عليها
كنت عماله ابص في الساعه وانا بتمنى ان الوقت يفوت بسرعه علشان اروح البيت وبعد ما اخيرا خلصنا الشغل طلعنا من المستشفى انا وريم
ريم
اي رأيك نطلع نتغدا مع بعض النهارده
عز
ءء معلش يا ريم خليها مره تانيه لانهم مستنينى في البيت انا هوصلك وبعدين ارجع البيت على طول
ريم
لا بما انك مش طالع معايا هطلع مع اصحابي
عز
خلاص اللي يريحك
حسيت من ملامحها انها مش حاسه بارتياح بس تجاهلت نظرتها وبعدين ركبت العربيه وروحت البيت كنت واقف قدام باب الشقه وانا سامع صوت نور بتحكي موقف حصل معاها في الجامعه وبتضحك بصوت عالي جدا ابتسمت على ضحكتها وعلى الفرحه اللي كانت حاسه بيها لاني كنت مفتقد نبره صوتها دي وبعدين فتحت الباب اول ما شافتني ابتسمت ابتسامه عريضه وكانى كنت واحشها انا كمان زي ما كانت وحشاني
عز مبتسم
صوتكم جايب اخر الدنيا ليه كده
صفاء
الست نور جايه فرحانه قوي علشان في رحله في الجامعه عندهم
عز
و انتي عايزه تطلعيها
نور
ايوه انا اصلا حطيت اسمي
عز
طب روحي امسحي اسمك عشان انا اصلا مش موافق
ابتسامتها اختفت وبعدين انا دخلت اوضتي عشان اغير هدومي وبعدين هي جات ورايا ابتسمت بمكر اول ما دخلت الاوضه وبعدين قفلت الباب وانا بسندها عليه وحوطتها بايدي
نور
واضح اني وقعت في الفخ
عز
استنتاجك جه متأخر!!!
نور
افهم من كده ان انت موافق
عز
لأ..
نور
يعني انت فعلا مش موافق!!
عز
امممم
نور
ليه!!!
بدا يلعب في شعري وهو بيبص على وش بطريقه عشوائيه وبعدين اتكلم بصوت شاعري
عز
عشان هكون قلقان عليكي…
بدا يحرك وشه علي خدي وبعدين زقيته بعيد عني
نور
من امتى وانت بترفض اني اطلع رحلات
عز
عشان كنت ببقى معاكي في كل رحله لكن المره دي…
نور مقطعه
تعالى معايا المره دي برده مع ان زمايلي هيتريقوا عليا لان حتى بعد ما بقيت قد الحيطه لسه بجيب اخويا معايا…
قطعت كلامي وبعدين هو ابتسم بثقه
عز
عرفت ما ينفعش اروح ليه لان ما حدش يعرف فيهم ان احنا اتجوزنا فوجودنا مع بعض هيبقى غريب
نور
بس انا كان نفسي اطلع مع غاده!!
عز
ايه رايك في رحله انا اللي هعملها لك ونبقى فيها انا وانت بس
سقفت بحماس وانا بتنطط قدامه
نور
بجد هنطلع مع بعض!!!
عز
اممم بس بعد ما ارتب المليون حاجه اللي في دماغي الاول يعني عايز اظبط موضوع العياده اللي انا عايز افتحها دي واشوف هعمل ايه في موضوع ريم وكمان محتاج اجهز لفرحنا عشان نعمل اشهار واصحابك والناس كلها تعرف ان احنا اتجوزنا
ابتسمت لانه بيفكر فعلا ان يشهر جوازنا وان علاقتنا جديه جدا بالنسبه له
نور
يعني انت مش بتتسلى بيا
وانا حاسه ان في جلطه هتنزل على دماغه وبعدين قربت عليه وانا بحضنه اتنهد بقوه وبعدين بدا يمشي ايديه على ظهري
عز بهمس
هي خالتك صفاء هتنام امتى!!
نور
الساعه لسه 5:00 المغرب يا عز!!
عز
اوووف لسه هتنسي لبليل!!
صفاء
انا حضرت الغدا
طلعنا قعدنا على السفره وبعدين بدانا ناكل
عز
الشقه اللي تحت عايز اعملها عياده
صفاء
ولما تعملها عياده هتتجوز ريم فين!!
رفعت عيني وانا ببص له وبعدين هو بص لي ورجع اتكلم مع خالتي
عز
انا محتاج الاول انظم مستقبلي
صفاء
اعمل اللي يريحك يا عز!
نور
اي دا…مالك يا خالتو
صفاء
مفيش!!
عز
هو ايه اللي مفيش!!
صفاء
جدك رن عليا من شويه وبيقول ان جايلي عريس و عايزني انزل البلد
عز
عريييس!!! هو اتجنن و لا ايه
نور
فين الجنان يا عز هي مش من حقها تتجوز هي كمان ولا ايه
عز
تتجوز ايه بعد العمر ده انتى مجنونه انت كمان
برقت عيني ليه وبعدين هو اتنحنح عشان حسيت انه جرحها
نور
خالتي صفاء لسه صغيره وكمان من حقها تعيش حياتها مش هتفضل طول عمرها لوحدها محتاجه راجل في حياتها هي كمان
صفاء
لا يا نور انا مش محتاجه راجل في حياتي!!!
من بعد ما جوزي مات وانا مش متخيله نفسي مع راجل تاني غيره…
عز
برافو عليكي يا خالتو
نور
تعرف تسكت!!! اسمعي يا خالتي انت عندك 34 سنه في ناس في سنك لسه ما اتجوزتش حرام تضيعي شبابك كده… واكيد هو مش هيكون مبسوط وهو شايفك تعيسه لوحدك صدقيني هو هيفرح لفرحتك
عز
والله يعني انا لو مت هتتجوزي بعدي!!!
بص لخالتي اللي بصيت له باستغراب وبعدين قربت منه
صفاء
يعني لو انت لا قدر الله مت وبنت اختي كده لسه في عز شبابها ما ينفعش تتجوز
يا رب يفهم ان خالتي بتجرجره في الكلام…احيه مفهمش!!!
عز بنفعال
لااا طبعا عمري ما هوافق ده انا مش هكون مرتاح في قبري لو حسيت ان هي ممكن تحب حد بعدي مش بس تتجوز!!!
نور يهمس
ابوس ايدك سد بوزك!!
صفاء
انا كان قلبي حاسس ان في حاجه غريبه ايه الجديد بقى!!!
بصيت انا وهو لبعض وبعدين ضغطت على اسناني بغيظ
عز
ءءء ايه الجديد في ايه!!
صفاء
يوم ما كنت بقنعك انك تتجوز نور وقلت ان شرطك ان بعد مده من الجواز تطلقوا بس الغريبه بقى ان حتى بعد ما عرفنا انه نور الحمد لله ما فيهاش حاجه ما طلبتش حتى انك تفصل الجواز ده ده غير بوزك اللي كان قدامك مترين طول الشبكه امبارح حتى ما نزلتش عينك من علي معتز
عز بتنهيدة
انا غيرت رايي عايزه اعيش مع نور كأي زوجين
صفاء
واما انت حاسس بمشاعر ليه بتدبسنا في شبكه امبارح!!!
عز
ما كنتش لسه متأكد
صفاء
وناوي على ايه بقى!!
عز
شويه وقت بس وبعدين هفاتح ريم في الموضوع
صفاء
لأ… طالما انت عايز تعيش مع بنت اختي كزوج يبقى تنهي علاقتك بريم حالا
نور
بس يا خالتو…
صفاء بصرامه
الكبار لسه مخلصوش كلامهم!!
عز
هو انتي مفكره اني بستغل نور
صفاء
لأ… بس عايزه اعرف مستعد تعمل ايه عشانها
عز
بكره هشتغل في الشقه اللي تحت عشان قالبها عياده وبعدين
صفاء مقطعه
وانا مش موافقه الشقه اللي تحت هتتعمل بيت عريس وعروسه لبنت اختي
نور
طيب وعز هيعمل العياده بتاعته فين يا خالتو
صفاء
هبقى اتكلم مع صاحب العماره على شقه فاضيه
بصينا لبعض واحنا بنبتسم وبعدين هي ابتسمت لنا احنا الاثنين
صفاء مبتسمه
قرارك كان صح يا عز بس يا ريت لو كان جه بدري شويه!!!
قومنا من مكاننا وبعدين اتفرجنا على التلفزيون لحد الدنيا بقت ليل وبعدين خالتي صفاء دخلت تنام وانا دخلت اوضتي وبدات ان انا اذاكر الباب اتفتح عليا بهدوء وبعدين لقيت عز داخل الاوضه
قومت من على الكرسي و بعدين وقفت
نور
انا بذاكر دلوقت
عز
ايه المشكله اذاكرلك انا!!!
نور
هتذاكر لي بس صح!!
عز
عيب عليكي!!
بصيت له بعدم ارتياح وبعدين راح قاعد على المكتب بتاعي
نور
واما انت تقعد على الكرسي بتاعي انا اقعد فين!!!
مسكني من ايدي وبعدين قربني عليه وهو بيقعدني على رجله
نور
من كل عقلك متصور ان انا ممكن اركز كده!!
عز بغمزه
للدرجه دي وجودي مشتت انتباهك
شلت نظري من عليه وبعدين بصيت غلى الكتاب اللي قدامنا
عز
واقفه فين بقا!!
كنت بحاول اركز انا كنت واقفه عند انهي نقطه وبعدين حط ايديه على وسطي وهو بيحوطني اكتر وركن راسه على كتفي حبست انفاسي بسبب قربه مني وبعدين شورتله علي المكان اللي كنت واقفه فيه
بدا يقرا وانا كنت حاسه اني دقات قلبي متسارعه ما كنتش سامعه صوته من كتر ما كنت مركزه في ايديه اللي محوطانه وبعدين هو حط ايديه على وشي وهو بيخليني ابص له و بيخليني اقفل الكتاب
عز بهمس
اعتقد انك محتاجه تأجلي ده لبكره
ابتسمت بهدوء وانا بغمض عيني وبهز راسي وبعدين هو ابتسم بمكر
#نورهان_حلمي
********************
عز
الو يا نور…خلصي محاضرتك و تعالي علي البيت علي طول
نور
ليه في ايه!!!
عز
ابقي تعالي بس على طول على الدور الثاني
نور
متقولش!!!!صاحب العمارة اجرها ليك عيادة
عز
ايوه تعالي بسرعه عشان نخطط مع بعض هنحضرها ازاي
قفلت معاه وبعدين طلعت من الجامعه اخذت تاكسي على طول ورحت للشقه العزال فيها اول ما دخلت كانت فاضيه ولكن كل حاجه فيها متجهزه مش ناقص غير ان عز يحضرها كعياده وبعدين يرخصها جه من ورايا وهو بيحضني
نور
تعرف ان اوقات باندم اني شجعتك انك تدخل طب وتبقى دكتور امراض نسا؟!
عز
تعرفي ان دي احلى حاجه عملتها في حياتي علي الاقل هكشف عليكي واولدك يعني ما حدش هيشوفك غيري!!!
نور
بس انت هتشوف غيري كتير
عز
المهم ان قلبي هيبقى معاكي انتى بس
باسني على كتفي وهو بيحرك ايديه على ذراعي بحنان
ريم
عز!!!!
اتصدمنا من الصوت اللي سمعناه وبعدين بصينا ورانا لقينا ريم واقفه!!
ريم
هي دي الحاجه اللي كنت مشغول فيها طول الفتره اللي فاتت!!!
فك ايديه من عليا وبعدين انا اتعدلت وانا ببص لنظراته اللي مليانه صدمه
قلعت ريم الدبله وهي بتحدفها على عز وبعدين نزلت وعز نزل وراها رحت ميلت على الدبله اللي حدفتها وبعدين بصيت عليها شويه سمعت صوت برق جاي من بره وبعدين بدات الدنيا تشتي وكانت برده بتمطر جوايا كان المفروض ما يجريش وراها كان المفروض يفضل جنبي
بس هيسيبها ازاي ويجيلي اذا كان انا فضلت قدامه طول السنين دي وهو برده ما كانش بيبص غير عليها هي
طلعت على السطح والمكان اللي طول الوقت كنت براقب منه انا وعز المطر كنا دايما نرقص تحته وهدومنا تتبل ونسمع توبيخ طول الوقت بسبب الموضوع ده من ماما
ربعت ايدي حوالين هدومي اللي كلها اتبلت وفجاه حسيت بإيد بتتحط على كتفي
عز مبتسم
كنت عارف ان اول ما الدنيا هتشتي هتيجي هنا!!!
مديت له الدبله اللي هي رمتها وبعدين هو مسكها من ايدي وحطها في جيبه بعد ما قلع دبلته هو كمان
وبعدين طلع من جيبه التاني علبه قطيفه عارفه شكلها كويس كنت دايما بشوفها في دولاب ماما واول ما فتح العلبه اتاكدت ان انا شوفت العلبه دي فين قبل كده كان خاتم ماما
عز
في يوم قالت لي ان ده للبنت اللي هتخطف قلبك…
نور
ليه ما اديتهوش لريم!!
عز
صحيح حبيتها بس انتي اللي خطفتي قلبي انت اللي سحرتيني يا نور.. خليتيني امشي عكس المنطق والمبادئ خليتيني اكسر كل الخطوط وارسم خطوط تانيه مخصوصه لكي انتي بس!!
نور
عز….
عز
انا بحبك
بصيت على شعره المبلول وعلى عينيه اللي كانت بتلمع وبعدين طلع تليفونه وشغل اغنيه كنا دايما بنرقص عليها تحت المطر
_شو كانت حلوة الليالي و الهوى يبقى ناطرنا وتجي تلاقيني وياخذنا بعيد هدير المي والليل…
مسك ايدي وبعدين انا بدات اتنطط قدامه بعد ما شعري اتبل وبقيت بحرك شعري بعشوائيه على الاغنيه وهو كان بيرقص قدامي
_كان عنّدنا طاحونة ع نبع الميّ قدامه ساحات مزروعة فيّ
وجدي كان يطحن للحي، قمح وسهريات
ويبقوا الناس بها الساحات
شي معهن أكياس، شي عربيات
رايحين جايين ع طول الطريق تهدر غنيات
نور و عز بصوت عالي
آه يا سهر الليالي آه يا حلو على بالي
غني آه، غني آه، غني على الطرقات
ياي، ياي، ياي يا سهر الليالي
ياي، ياي، ياي يا حلو على بالي
غني (آه) غني (آه) غني على الطرقات
مسكنا ايدينا واحنا بنلف اللفه بتاعتنا واحنا صغيرين والمطر كان لسه بينزل علينا
وبعدين قرب من راسي وهو بيهمس في ودني
عز
المره الجايه خلينا نبقى نرقصها مع ولادنا♥️
النهاية
لقراءة الرواية كاملة اضغط على : (رواية لنرقص تحت المطر)
