رواية نعم احببت حياتي البارت الرابع والثلاثون 34 بقلم جهاد عبدالرحمن
 |
| رواية نعم احببت حياتي البارت الرابع والثلاثون 34 بقلم جهاد عبدالرحمن |
رواية نعم احببت حياتي البارت الرابع والثلاثون 34 بقلم جهاد عبدالرحمن
دكتوره : تمام تعال معايا أعالج جرحك ده أدم راح مع الدكتوره وحياه كانت في دنيا تانيه اما كمال كان في المستشفي وكان حالته متاخره جدا وكان بيموت وأسر جاب تقي زي مقلتلو وراح المستشفي عند حياه تطمن عليها….
أسر وتقي وصلو المستشفي
تقي : هيا كويسه ياأسر ..
أسر: مش عارف هنشوف
دلوقتي …..
أسر وتقي سألو عن أدم وحياه
الاستقبال : أدم بيه متصاب وبيعالجو جرحه في غرفه ## وحياه في غرفه ####
أسر: تمام شكرا
الاستقبال : العفو
أسر: تقي انا هروح لاأدم وانتي روحي لحياه ..
تقي : ماشي …
تقي راحت لحياه ودخلت لما شافت حياه نايمه ووشها شاحب اصفر زي الي مفهاش روح مليانه بالجروح والكدمات وملمحها البريئه مجهده
تقي قربت من حياه وبستها من جبنها…
تقي بعياط : وحشتيني يقلبي كنت هموت عليكي
حياه فتحت عنيها…
حياه بتعب : تقي وحشتيني اوي انا كنت حاسه اني مش هشفكو تاني …
تقي حضنت حياه براحه
تقي بعياط : كنا هنموت عليكي حتي مش عارفه احضنك علشان تعبانه يبت وربنا كنت حاسه ان روحي مش معايا….
حياه بابتسامه : وانا روحي رجعتلي لما شوفت أدم ..
تقي بمشاكسه : شوفي البت ده انتي وطيه طول عمرك …
حياه بضحك: امال مش جوزي حبيبي …
تقي : هوا كمان طلع صراحه بيحبك اوي ربنا يخلهولك….
تقي بتردد : حياه هوا كمال عملك حاجه..
حياه باستيعاب: كمال يلهوي… أدم
حياه باانتباه وبتفتكر الاحداث : يلهوي تقي أدم عرف موضوع كمال ….
حياه اتعدلت
حياه برعب: اعمل ايه دلوقتي …
تقي باسف : انا الي قولتله كل حاجه يحياه ولو مكنش عرف مكنتش اعرف كان كمال هيعمل ايه يحياه انا اسفه بس كنت متلغبطه وكنت شاكه فيه…. انو هوا الي خطفك وكان لاازم اقوله ….
حياه بعياط : قولتيلو كل حاجه يتقي …
تقي : ايوه
حياه بعياط : أدم مش هيسمحني انا كذبت عليه كتيرر وكل مره كان بيسالني وكنت بكذب لأني كنت بكون خايفه وآخره كذبي اهوه كنت هضيع وكنت هضيعه معايا ….
تقي بخوف : طب كمال في حاجه حصلت بنكو …
حياه بعياط : لا يتقي مفيش حاجه حصلت الحمد الله ربنا وقف جمبي كان حاسس بضعفي ….
تقي حضنت حياه بارتياح وحنان ..
تقي : انا قولتلك كتير احكيله لاكن انتي كنتي دايما بترفضي …
حياه بعياط : كنت خايفه عليه ممكن كان يموت كمال كنت خايفه يلعن ابو الخوف انا مش عارفه هبوص في وشه تاني ازاي انا كذبت كتير وكنت هضيع شرفه يتقي ….
تقي : يحببتي انتي مكنتيش تعرفي ان كل ده هيحصل
حياه بعياط : طب هوا هيسمحني ولا ايه…
تقي : هوا بيحبك وانشاء الله خير…
حياه برعب علي انها تفقد أدم: انشاء الله…
/////////////////
عند ادم
أسر: عامل ايه دلوقتي
أدم: كويس
أسر: امممم عليا انا.. بس لاازم تسمعها الاول ياأدم هيا كان عندها أسباب اكيد ..
أدم بضيق ونفاذ صبر : أسباب ايه دي الي تخليها تكذب عليا كل ده ياأسر من ساعت مجوزنا كانت مخبيه حاجه زي دي ليه وغير كده انا سألتها كتير وبردو.. بوص اقفل الموضوع ده ياأسر ….
أسر: طيب ياأدم
أدم : انتا جيت ازاي انتا والبوليس…
أسر: علشان عارفك كويس وعارف انك مش هتسكت لما طلعنا من قسم الشرطه وانتا مشيت انا كمان مشيت بس وانا راكب العربيه فكرت وقولت أدم سكت بالسهولة دي ازاي وكنت خايف عليك خصوصا اني عارفك كويس ورجعت تاني القسم …
###فلاش باك ##
أسر: أدم لازم يتراقب هوا كمان ..
الظابط : ليه هنراقب أدم انا لسه هطلع تصريح بمراقبه كمال …
أسر: لسه هيكون أدم نيل الدنيا أدم صحبي وانا عارفه كويس لازم نراقبه لانو مش هيسكت وهيئزي نفسه ….
الظابط : بس ده عايز تصريح واجرآت وكده ….
أسر بتفكير : طيب هنعمل ايه ….
الظابط : طيب عندي فكره انتا راقب أدم وانا هكون في انتظار تلفون منك لو في حاجه هكون عندك علطول ….
أسر: تمام
العوده الي الحاضر او الوقت الحالي …
وبعدين انا بقا مكنتش عارف انتا فين فقولت اكيد روحت عند كمال ولما روحت هناك وشوفت عربيتك فضلت ماشي وراك انتا وكمال ولما نزلت انتا وراه انا اتصلت علي الظابط علطول وهما جم والباقي انتا عارفه ….
أدم حضن صحبه الي علطول جمبه والي عمره مخزله ابدا ….
أدم بحب وشكر : شكرا ياأسر ربنا يخليك ليا
أسر: يارب يحبيبي انتا بقا شد حيلك كده …
أدم: انا كويس اهوه ..
الدكتوره دخلت تشوف جرح أدم ..
الدكتوره : انتا اكتر مريض متعب شوفته ده خلانا نعالج جرحه بالعافيه ….
أسر: انتي هتقوليلي ده صحبي وانا عارفه دماغه دي ناشفه ومش بيعمل غير الي في دماغه ومبيسمعش كلام حد ….
الدكتوره بضحك : شكلو مبهدلك….
أسر: ههههههه
أدم : دايما ظلمني ياأسر ….
أسر: طيب يسيدي انا ظالم ودايما ظالمك ..
أدم بيقوم من مكانه
الدكتوره : رايح فين …
أدم: هشوف حياه هيا عامله ايه …
الدكتوره : هيا فاقت وانا اطمنت عليها وهيا كويسه كمان ….
أدم نزل من علي السرير
أدم: طيب انا هروح اشوفها واطمن عليها…
الدكتوره : طيب بس براحه علي جرحك لأني عارفه لو قلتلك لازم ترتاح هتقولي لا….
أدم بابتسامه : ماشي
الدكتوره : شكلك بتحبها اوي ربنا يخليهالك …
أدم بحزن : يارب
أدم طلع من الاوضه وراح عند حياه ولقي تقي عندها وطبعا أسر مدخلش لان حياه محجبه ومينفعش يدخل فضل بره …
تقي اول مشافت أدم ..
تقي : عامل ايه دلوقتي ياأدم ..
أدم: الحمد الله كويس ..
تقي : دايما انا هطلع بره عن أسر يحياه…
حياه : طيب…
تقي طلعت عندأسر وأدم راح قعد علي كرسي قدام حياه …
حياه بلهفه : أدم انتا كويس ..
أدم: ايوه انتي عامله ايه…
حياه : انا كويسه
أدم بيبوص لحياه لملامحها الي اشتقلها اشتاق لكل تفصيله فيها لاكن زعله منها مانعه انو يخدها في حضنه ويروي اشتياقه ليها نظراته بتلومها ازاي قدرت تعمل فيه كده مجرد فكره ان حد تاني يلمسها دي بتجننه لو كان حصلها حاجه مكنش هيعرف يعيش ولا يسامح نفسه ولا يسمحها سكوتها كان هيوديها في داهيه وخصوصا انو كان شاكك وسأل كتير وكانت دايما بتنفي وده بيضايقه اكتر ….
حياه باسف : أدم انا اسفه …
أدم بحده : اقفلي الموضوع ده دلوقتي مش عايز اتكلم فيه علشان كلامي هيزعلك المهم انك كويسه..
حياه بعياط: أدم انا محصلش حاجه كمال محصلش بيني وبينه أدم سكتها بجنون مش قادر يستوعب انها كان ممكن يحصل كده بنها وبين حد تاني غيره ……
أدم: حياه خلاص اقفلي الموضوع مجرد الكلام في الحاجه دي بتعصبني وضيقني اكتر ….
حياه بعياط : ياأدم انا زي منا محصليش حاجه متخفش ….
أدم بعصبيه : حياه قولت خلاص اقفلي الموضوع ده بقا وانا عارف انك زي منتي بقولك لما بفتكر بتجنن اكتر المهم انك كويسه…
أدم ساب حياه وطلع من الاوضه
وحياه فضلت تعيط
_________
أدم طلع عند تقي وأسر
أدم : أسر هنطلع من هنا امتا
أسر: حيلك يعم لسه لما تفوق كده وتبقو كويسين
أدم: طيب ….
أدم راح هوا وأسر اوضه أدم وتقي دخلت لحياه الي كانت بتعيط وفضلت قاعده معاها تخفف عنها شويه …..
بعد مرور ٣ايام علي الأحداث دي وحياه بدأت تخف وأدم جرحه بيخف هوا كمان …
أدم وأسر واقفين قدام باب اوضه حياه ومستنينها تطلع كانت تقي بتسعدها تلبس هدمها علشان…. يخرجو من المستشفي …
تقي وحياه طلعو من الاوضه
أسر: عامله ايه يحياه دلوقتي….
حياه : كويسه الحمد الله …
أسر: دايما ..
أدم: يلا نمشي بقا ..
أدم وحياه وأسر وتقي طلعو علي القصر وهما داخلين حياه مكنتش عارفه تمشي كانت تعبانه أدم شلها….
حياه : لا ياأدم انتا ايدك متعوره هتتعب اكتر….
أدم بلا مبالاه: لا عادي….
حياه بحرج من أسر وتقي : لالا نزلني انا هعرف امشي لوحدي ….
أدم: اااششش اسكتي
أدم دخل بحياه وتقي وأسر دخلو معاه دارين وسهام كانو قاعدين بيشربو قهوه ودارين اول مشافت أدم شايل حياه قامت وهيا مصدومه…..
دارين بصدمه : حياه …
سهام بفرحه راحت عند ادم وحياه ..
سهام : حياه انتي عامله ايه …
حياه بحرج من منظرها : انا انا كويسه ..
أسر: أدم طلع حياه ترتاح وانا هحكلهم الي حصل
أدم: تمام …..
أدم طلع بحياه فوق …
دارين : انتو لقيتو حياه ازاي …
تقي: ايه يحببتي مكنتيش عيزانا نلقيها ولا ايه…
دارين: لا طبعا بس بسأل …
أسر حكلهم الي حصل ..
سهام بصت لدارين بشك
أسر: الغريب اننا مش عارفين كمال عرف ان حياه في المطعم ازاي وكمان عارف انها في الحمام يعني حاجه غريبه ….
دارين بتبلع رقها بخوف….
تقي : اممممم انتي ايه رايك يدارين تفتكري عرف ازاي ….
دارين: يعني انا هعرف منين يعني اه ..ممكن يكون كان بيراقب حياه ….
تقي وهيا بتبص لدارين بنصر : بس متخفوش علي حياه الحمد الله محصلهاش حاجه وربنا حماها وأدم لحقها في الوقت المناسب ….
سهام بفرح : طب الحمد الله …
تقي : ااه يطنط الحمد الله …
دارين كانت متغاظه وهتتجنن طلعت اوضتها …
دارين لنفسها : الغبي علشان كده مكنش بيرد عليا كل مره يغلط كده ياربي ممكن يقول للبوليس اني كنت معاه والي ينرفز اكتر ان حياه محصلهاش حاجه زي مراحت زي مجت والي انا عايزاه محصلش كل الي نبها شويه كدمات الله يخربيت غبائك يكمال الكلب ربنا يستر علي الي هيحصل بقا ….
عند ادم وحياه
حياه بتبوص علي جرح أدم…
حياه : نزف حاجه بسيطه انا هغيرلك عليه …
أدم ببرود : لا عادي مش عايز اغير عليه…
حياه بحزن : أدم انا اسفه عارفه اني غلط بس متكلمنش كده انا مقدرش استحمل انك تعملني كده ….
أدم: وانا بعاملك ازاي منا حلو اهوه….
حياه بعياط : حتي في المستشفي كنت بتطمن عليا وبس ومكنتش بتقعد معايا والله مقلتلكش كنت خايفه عليك ….
أدم بعصبيه : خايفه عليا من ايه عايز افهم وانتي لو كان حصلك حاجه مفكرتيش انا هكون عامل ايه سعتها كان بيكلمك في التلفون قبل كده اكيد كان بيهددك الكلب …وانتي تقوليلي بيطمن… اي الجبن الي كنتي فيه ده …حياه انا الايام الي كنتي بعيده عندي فيها كنت كل يوم بموت من القلق عليكي انتي… متعرفيش الايام دول عدو عليا زي السنين لما شوفت الحيوان الي خطفك في المطعم في الكاميرا.. كنت هتجنن كنت خايف حد يئذيكي ولا لما شوفت… الصور ولا لما شوفت الكلب كمال وهوا… وبعدين أدم سكت… وكمل كنت سعتها حسيت ان قلبي وقف…. مكنش كل ده هيحصل ولا كنا هنعيش القرف ده لو كنتي قلتيلي.. انتي شيفاني مش هقدر احميكي من الحيوان ده …خايفه عليا ايه بس انا مجرد الفكره انك ممكن راجل تاني يقرب منك …انا حتي مش عارف اوصفلك شعور العجز الي كنت فيه… انتي حطتينا في حجات انا مش عارف اقولك ايه…
حياه بتعيط وهيا عارفه انو مش هيسمحها بالسهولة دي ….
أدم مش عايز يشوفها بتعيط ..
أدم بعصبيه : قولتلك متتكلمش في الموضوع ده معايا انا مش عايز اتكلم فيه وامسحي دموعك دي وبطلي عياط …
حياه بعياط : طيب مش هنتكلم ازاي وهتفضل تعملني كده كتير انتا حتي مش راضي تقرب مني وتحضني زي الاول ….
أدم بزهق: انا طالع يحياه بره وانتي حاولي ترتاحي وبطلي تفكير في ام الموضوع ده انا مش عايز حد يكلمني فيه علشان انا مش بعرف اتحكم في اعصابي ….
أدم طلع من الاوضه……
حياه بعياط: ارتاح ازاي بس انا غبيه اوي كان لازم اقوله من الاول محدش جرء كمال كده عليا …غير خوفي منه حتي بعد ماادم دخل حياتي كنت لسه بخاف منه انا مش عارفه اعمل ايه دلوقتي …
عند أسر وتقي
أسر: انا همشي بقا هوصل تقي هبقا اكلمك…
أدم: ماشي ..
أسر وتقي مشيو وأدم طلع الجنينه وقعد قدام البسين عايز ينزل يطلع عصبيه في المايه بس مش عارف من الجرح الي في أيده …..
أدم طلب من فاطمه قهوه وقعد يشربها قدام البسين وحياه فوق بتبوص عليه وهوا قاعد…..
حياه : طيب اخليه يسامحني ازاي اعمل ايه بس ياأدم
بعد مرور اليوم بسلام وأدم طول الوقت متجنب حياه ومش بيكلمها بيطمن عليها بس ….
أدم طلع من تحت علشان ينام ودخل عند حياه لاقاها نايمه علي السرير راح أقدامها وحط ايده علي شعرها وبعدين بعد عنها تاني وجواه مشاعر كتير مش عارف يفهمها وقطع التفكير بانو راح ينام ….
في صباح يوم جديد ….
أدم صحي علي رن الفون بتاعه
وكان الظابط ..
أدم رد عليه
أدم بصوت نايم : الو
الظابط : أدم بيه لازم تجي القسم انتا ومدام حياه لان كمال توفي …
أدم بانتباه : تمام ..
أدم بيصحي حياه
أدم: حياه قومي ..
حياه اتعدلت : نعم
أدم: لازم نروح القسم لان كمال مات ….
حياه بخضه : يلهوي أدم ممكن يحبسوك
أدم: قومي بس البسي …
حياه بخوف : انتا مش خايف لو حبسوك انا مش هسامح نفسي انا مقدرش اعيش من غيرك …
أدم: اخاف ليه الي زي ده ملوش غير الموت وانا مش زعلان الي يفكر يمس شعره منك انا مش هتردد.. ثانيه اني اقتله وكمال الوسخ ده احسن انو مات وانا لو مكنش مات كنت هضربه تاني لحد ميموت….
حياه بخوف علي أدم قامت لبست وأدم نزل هوا وهيا …
وادم اتصل علي أسر وأسر جاب محامي وراح ليهم القسم …
في القسم
الظابط كان مع حياه وحياه حكت ليه كل حاجه حصلت معاها …
المحامي : زي محضرتك سمعت يحضرته الظابط هوا موته بدافع قوي وهوا الدفاع عن الشرف وانتا من اول ممدام حياه اتخطفت وانتا عارف وحاضر كل حاجه …
الظابط : ايوه ….
بعد وقت من التحقيق اخد ايام وبعد شهاده عفاف واكدت ان واحد من الشباب الي كانو مع كمال هوا نفسه الي خطفها في المطعم والمحكمه حكمت لاأدم بالبرائه مع كفاله اخيراا…. اما ناديه لما عرفت تعبت وودوها المستشفي وحياه كانت هتتجن عليها…
في المستشفي عند ناديه حياه قاعده مع ناديه ..
ناديه: مقولتليش ليه يحياه
حياه بعياط : كنت خايفه عليكي يخلتو انتي كنتي كل حاجه ليا بعد وفاه اهلي ….
ناديه بعياط : يحببتي استحملتي القرف ده ليه بس انا كنت مستغربه ليه كنتي مصره علي الشغل كل حاجه دلوقتي وضحت أقدامي انا اسفه علي كل الي حصلك يبنتي ….
حياه بعياط : لا يخلتو انتي ايه زنبك انتي قومي ليا بالسلامه بس مش عايزه غير كده …..
ناديه: الله يسامحك يكمال علي الي عملته اااه انا مش عارفه احط عيني في عين جوزك ازاي …..
حياه: يخلتو انتي ملكيش زنب متحمليش نفسك حاجه انتي ملكيش زنب فيها ….
ناديه حضنت حياه وقعده تعيط علي بنتها الي اتبهدلت علي كمال الي انصدمت فيه والي كانت اكتر صدمه وجعتها كانت بتدعيله دايما ربنا يسامحه…. ويغفرله وهيا قررت ترجع بلدها تاني تعيش فيها الي باقي من عمرها وحياه كانت رافضه لاكن تحت… إصرار ناديه وافقت بشرط انها تجلها علطول تقعد معاها كل فتره علشان تبقي مرتاحه….
ومر ٣ ايام علي الأحداث الي فاتت وأدم علي نفس معاملته لحياه الي مش عارفه تراضيه ازاي وبتموت كل يوم من معامله والبرود الي ظاهر عليه ….
أدم كان تحت قاعد قدام البسين وبيتفرج علي النجوم وبيشرب قهوه ….
حياه نزلت لعنده تحاول معاه يمكن يسمحها ….
حياه راحت قدام ادم
حياه: هتفضل مقطعني كده كتير …
أدم: هوا انا مقاطعك …
حياه : ايوه انا زهقت بقا قولتلك ميت مره اسفه مش عارفه اعمل ايه تاني ….
أدم: متعمليش حاجه وتسبيني دلوقتي وتطلعي فوق …..
حياه : لا بقا مش سيباك الا لما تقولي اخره الي احنا فيه ده ايه….
أدم: امشي يحياه من قدامي دلوقتي.. ومتعصبنيش ..
حياه قربت من أدم وحضنته …
حياه : مش كفايه كده ياأدم انا اسفه خلاص بقا سامحني والنبي …
أدم الي مدايقه اكتر انها بتستغل حبه ليها وضعفه قدامها علشان يسمحها….
أدم شال ايد حياه من حوليه وهوا نفسه يفضل حضنها بس الي حصل مانعه ….
أدم بجديه : متستغليش حبي ليكلي يحياه …اطلعي دلوقتي وسبيني ….
حياه بزهق : ماشي
حياه طلعت فوق وهيا مدايقه ومش عارفه تعمل ايه
اما ادم
أدم:######
يتبع..
لقراءة البارت الخامس والثلاثون والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد
