رواية حب الهلال الفصل الخامس عشر 15 بقلم سما الحملاوي
رواية حب الهلال البارت الخامس عشر
رواية حب الهلال الجزء الخامس عشر
رواية حب الهلال الحلقة الخامسة عشر
بعد ما نجمه خلصت مكالمتها مع هلال قفلت ورمت الفون على السرير وفضلت قاعده دموعها نازلة…
عند هلال…
هبه بضيق…انت ليه قولتلها كدا
هلال…ماما انتي هنا من امتى
هبه…من اول الكلام الي يسم البدن الي قولتلوا ما دام انت مش عاوزها معلقها بيك ليه
هلال بضحك…اهدي بس ياحجه اهدي واسمعي ايه هيحصل دلوقتي
هلال جاب رقم محمد ورن عليه…
هلال بهدوء…محمد بيه اخبارك حضرتك
محمد…اهلا بيك ياهلال الحمدلله بخير
هلال…حضرتك مسجل رقمي
محمد…اه من اليوم الي كلمتني في
هلال…تمام
محمد…خير اؤمر
هلال…الامر لله بص حضرتك انا كنت حابب اجي بكره واتقدم لنجمه بنت حضرتك
محمد…بص يابني انا مش ضد الحب ابدااا وشوفتك اخر مرا وانت موصلها ووقفت معاها ياهلال يابني انا الي مربيك
هلال بفرحه…يعني حضرتك عارفني
محمد بضحك…اكيد عارفك نجمه قالتلنا
هلال…يعني قالت اننا مرتبطين
محمد…انا كنت حاسس بل متأكد بس انا مش هعاتب دلوقتي ولا اقول انه غلط لأن انتو عارفين كدا كويس لكن انا بحترم الحب جدا
هلال…طب حضرتك موافق اجي انا وولدتي بكره نتقدم
محمد…موافق يابني
هلال…طيب طلب اخير ممكن حضرتك متقولش لنجمه
محمد…مفاجأة يعني طيب ياسيدي موافق
هلال…ماشي ياعمي تسلملي يارب
قفلوا سوا وهبه قالت…اه ياوااااد بتعمل في البت مقلب
هلال بضحك…فهمتي ياستي
هبه ضربتوا على ايدو…عمرك ما هتكبر
هلال باس راسها…يعني اكبر واكبرك ياست الكل ينفع
༺༺༺༺༺༻༻༻༻༻
عند نجمه…
قاعده دماغها تجيب وتودي…اااه طيب ياهلال اما وريتك مبقاش انا نجمه المالكي
قطع تفكيرها دخول نورسين بحرج…احم نجمه ممكن اتكلم معاكي
نجمه بأنتباه…اتفضلي يانورسين
نورسين قربت باست راسها…حقك عليا مكنتش اقصد والله ازعلك
نجمه بأستغراب…مزعلتش منك هو انا من امتى بزعل منك يانورسينتي
نورسين بفرحه…يعني بجد مزعلتيش
نجمه حضنتها…مقدرش ازعل منك انتي اختي الكبيرة وامي التاني يا حبيبي
نورسين حضنتها بفرحه…
هاجر دخلت بسرعه…خيااااانه حضن منغيري
نورسين فتحت دراعها…تعالي ياجوجو تعالي
جريت عليهم حضنتهم…
نجمه بضحك…حاسبي يابت هقع جيتي امتى يادوشه
هاجر بضحك…لسه جاية اهو
نورسين بضحك…وسعوا بئا هتفطسووووني
بعدو عنها بضحك وفضلوا قاعدين سوا يتكلموا…
༺༺༺༺༺༻༻༻༻༻༻
جماعه بعتذر عن المقاطعه حابه اقول حاجه…
كان فين كومنت اتكتب عن قبله باطن الايد وانهم في شهر كريم وحر*ام كدا والكلام دا طبعا الكومنت على راسي من فوق لكن انا حابه اقول ان احداث الرواية لاتمت للواقع ب صله واتمنى مافيش بنت تعمل كدا وتكون واعيه لتصروفاتها كويس تحافظ على نفسها وتحافظ على دينها وربنا يحفظنا ويحفظكم جميعا..♥
༺༺༺༺༺༻༻༻༻༻༻
تاني يوم نجمه راحت الشركة…
هلال كان داخل مكتبه…تعالي على مكتبي
نجمه دخلت وراه…ايوه يا هلال بيه
هلال بأستغراب…هلال بيه!!
نجمه ببرود…حضرتك طلبتني
هلال…انتي بتتكلمي كدا ليه انا سيبتك تهدـ
نجمه بمقاطعه…هلال بيه لو عاوزني في حاجه تبع الشغل انا تحت امرك غير كدا ف انا مش هقبل بأي كلام
هلال بصلها بغيظ…
نجمه…اذا كان هيبئا في سكوت ف انا هستأذن
وخرجت من المكتب وهي مبسوطعه انها قدرت تستفزه…
هلال لنفسه بغيظ…وربنا لعلمك الادب
خلصت شغل ودخلت مكتبه…
نجمه…هلال بيه انا هستأذن انا خلصت شغلي
هلال…استني اوصلك
نجمه بمقاطعه…مافيش حاجه تربطنا عشان حضرتك توصلني سلام عليكم
خرجت من المكتب وخدت شنطتها ومشيت وسابت هلال شايط من الغضب…
راحت دار الايتام قابلها زين…
زين راح عليها بسرعه…نجمهههههه
نجمه بخضه وفرحه…زين حبيبي عامل ايه
زين…انااا بخير جدااا انا فرحان اوي
نجمه…يارب ديما بس ليه
زين…الدكتور قالي اني مش هحتاج اعمل عملية واني اتحسنت على العلاج
نجمه حضنتوا بدموع وحنيه…ياقلبي انت الف حمدلله على سلامتك ياعمري الف حمدلله على سلامتك ياحبيبي انت بطل ياحبيبي وهتقدر تخف تماماً
زين بفرحه…فين اونكل هلال انا عاوز اقولوا
نجمه كانت هترد لكن قاطعها صوت هلال الي جه وشاف الموقف من الاول…انا هنا يابطل الفف حمدلله على سلامتك ياحبيبي
زين حضنوا وهلال شالوا…انا فرحان اوييي
هلال…ربنا يديم عليك الفرحه ياحبيبي يارب
نجمه خدتوا ودخلوا ل بقيت الاطفال…
بنت…ابله نجمه عاوزين نسمع قصة من القصص بتاعتك
نجمه بأبتسامه…هكلمكم عن اشرف الخلق سيدنا محمد
وُلد في مكة في شهر ربيع الأول من عام الفيل، قبل ثلاث وخمسين سنة من الهجرة (هجرته من مكة إلى المدينة)، ما يوافق سنة 570 أو 571 ميلادياً و52 ق هـ.ولد يتيم الأب، وفقد أمه في سنّ مبكرة فتربى في كنف جده عبد المطلب، ثم من بعده عمه أبي طالب حيث ترعرع، وكان في تلك الفترة يعمل بالرعي ثم بالتجارة. تزوج في سنِّ الخامسة والعشرين من خديجة بنت خويلد وأنجب منها كل أولاده باستثناء إبراهيم. كان قبل الإسلام يرفض عبادة الأوثان والممارسات الوثنية التي كانت منتشرة في مكة، وكان ينعزل ويتعبد في غار حراء لعدة ليالٍ.وعندما كان محمد في الأربعين من عمره، حوالي عام 610م، ذكر أنه تم زيارته من قبل جبريل في الغار، وتلقى أول وحي من الله. أول ما بدأ به رسول الله ﷺ من الوحي الرؤيا الصالحة في النوم، فكان لا يرى رؤيا إلا جاءت مثل فلق الصبح، ثم حُبب إليه الخلاء، وكان يخلو بغار حراء، فيتحنّث فيه الليالي ذوات العدد قبل أن ينزع إلى أهله، ويتزوّد لذلك، ثم يرجع إلى خديجة فيتزود لمثلها، حتى جاءه الحقّ وهو في غار حراء، فجاءه المَلك فقال: اقرأ، قال: ما أنا بقاريء. قال: فأخذني فغطّني حتى بلغ مني الجهد، ثم أرسلني فقال: اقرأ، قلت: ما أنا بقاريء،
فأخذني فغطني الثانية حتى بلغ مني الجهد، ثم أرسلني فقال: اقرأ، فقلت: ما أنا بقاريء، فأخذني فغطني الثالثة، ثم أرسلني فقال:  اقْرَأْ بِاسْمِ رَبِّكَ الَّذِي خَلَقَ  خَلَقَ الْإِنْسَانَ مِنْ عَلَقٍ  اقْرَأْ وَرَبُّكَ الْأَكْرَمُ  الَّذِي عَلَّمَ بِالْقَلَمِ  عَلَّمَ الْإِنْسَانَ مَا لَمْ يَعْلَمْ   فرجع بها رسول الله ﷺ
وكُلّف بالرسالة وهو ذو أربعين سنة، أمر بالدعوة سرًا لثلاث سنوات، قضى بعدهنّ عشر سنوات أُخَر في مكة مجاهرًا بدعوة أهلها، وكل من يرد إليها من التجار والحجيج وغيرهم، مُعلنًا أن “الله واحد” ، وأن “الخضوع” الكامل (الإسلام) لله هو الطريق الصحيح، وأنه كان نبيًا ورسولًا لله على غرار الأنبياء الآخرين في الإسلام.هاجر إلى المدينة المنورة والمسماة يثرب آنذاك عام 622م وهو في الثالثة والخمسين من عمره بعد أن تآمر عليه سادات قريش ممن عارضوا دعوته وسعوا إلى قتله، فعاش فيها عشر سنين أُخَر داعيًا إلى الإسلام، وأسس بها نواة الحضارة الإسلامية،
نجمه…وب كدا اكون خلصت جزء صغير اوي من حياة سيدنا محمد هو اشرف الخلق شفيعنا يوم القيامه ف صلوا عليه وسلموا تسليماً
الكل…عليه افضل الصلاة والسلام
نجمه حضنتهم وهلال كمان الي كان متابع كل حاجه وبيستمع ليها…
خرجوا من الدار…
نجمه…شكرا لحضرتك لعلاج زين
هلال بهدوء…العفو علي ايه دا واجبي بردو
نجمه ابتسمت وسابتو ومشيت وهيا جواها وجع وحزن انه مكلمهاش بخصوص الموضوع…
༺༺༺༺༺༻༻༻༻༻༻
بعد الفطار فطروا وكانو بيجهزوا على اساس في ضيوف جاين…
نجمه…هدخل اجهز
سمعت جرس الباب قالت…تلاقي دا ماجد هفتحلوا
فتحت الباب بسرعه بعد ما لبست الحجاب على اساس انه نادر لكن كان هلال ووالدته تنحت بصدمه وجريت…عااااا بابا في ناس غرب براااا
وجريت على جوا وهلال وهبه واقفين فطسانين ضحك…
نجمه دخلت وبصت في المرايا…يلاااهوي انا فتحتلوا كداااا
كانت لابسه بيجامه بكم عليها ميكي ماوس لونها بينك ولابسه عليها الطرحه وكان شكلها طفله خالص…
نجمه بأستغراب…وهو جه يعمل ايه
نجمه لنفسها بصدمه…يكووزنش هما الضيووووف
نورسين قطعت تفكيرها بضحك…اللبسي وتعالي بسرعه يلا
نحمه لبست دريس بينك ولفت طرحه بيضا وحطت مرطب شفايف وخرجت…
هبه بأبتسامه…عروستنا نورت
نجمه بصتلها بعدم فهم…
محمد بهدوء…هلال ومدام هبه طلبوا ايدك وانا وافقت انتي ايه رأيك
نجمه بصت في الارض بكسوف…الي حضرتك تشوفوا
محمد…الي اشوفوا اننا نقرأ الفاتحه
قرأوا الفاتحه كلهم ونور وهاجر زغرطوا…
محمد…نسيب العرسان لوحدهم بئا
خرجوا كلهم وسابو هلال معاها…
هلال بضحك…زي القمر
نجمه…تسلملي انت كنت بتعمل فيا مقلب
هلال بضحك…انا اقدر اعيش من غيرك يومين عشان اجل سنه بحالها
نجمه بغيظ…ليه تعمل كدا يعني
هلال بضحك وحب…كان لازم تقديمي ليكي يكون مختلف عن اي حد
قعدوا شوية وهلال خرج قالهم ان عاوز فرحوا بعد نادر وعلا ويبئا بعد العيد ومحمد وافق…
༺༺༺༺༻༻༻༻༻༻༻
قبل الوقفه بيوم…
بعد الفطار…
في بيت محمد والد نجمه…
قاعدين العيله كلها بما فيهم هلال ووالدته وادم واخوه وعلا واهلها..
نور…صفيه وهبه وعايدة يقوموا معايا كدا نجهز حاجة الكحك
نجمه…واحنا هنعمل ايه ياماما
نور…انتي وهاجر وعلا ونورسين هتقعدوا تعملوا معانا
صفيه…ادم وهلال ونادر وماجد هتاخدوا الصاجاط بتاعت الكحك والبسكويت والبيتفور والغريبه للفرن
هلال بصدمه…انا!
نجمه ضحكت…يلا ياهلال بيه الخولي جهز نفسك
مشيت وسابته بيبص عليها بغيظ…
عند نجمه والبنات…
نجمه…هاجر بطلي تلعبي بالعجين انتي اصغر من روئه
هاجر بضحك…عادتي ولا هشتريها
علا بضحك…انا مش مصدقة ان دي السنه ال ١٢ليا معاكو وكل سنه من واحنا اطفال كنا بنعمل الكحك وكمان يومين هكون مرات اخوكم وهعمل بردو الكحك
نجمه بضحك…فعلا والله ربنا يديمنا لبعض
هاجر بأبتسامه…ياااارب
نورسين جت وهي شايلة عجين البسكوت…انا جيت انا جيتتتت
نجمه بضحك…نورتي ياختي
صفيه…الله ما تشغلولنا ياولاد اغاني العيد
عايدة…صح والله ياصفيه
نجمه بضحك…ايوه صح ياخالتي ياهلااااال ياناااادر اي حد يجي
هلال جه…نعم
نجمه…شغل اغنيه ليلة العيد على الشاشة وعلي الصوت
راح يشغلها…
ياليلة العيددد انستيناا…
خلصوا الكحك وادو الصاجاط للشباب يودوها…
نور بسرعه…ياربي هما مشيوا يا محمد
محمد…اه لسه نازلين
وائل…في حاجه يا ام نادر
نور…كان باقي صاجين كحك
ادهم اخو ادم…انا اخدهم عادي ياطنط
نور…خلاص خد معاك روئه بالصاج التاني
ادهم…ماشي
روئه راحت معاه بالصاج التاني…
*ادهم ١٨سنه في تالته ثانوي وسيم جدا*
وهما في الشارع…
ادهم بأستفزاز…شيلي الصاج عدل
روئه بغيظ…ادهم بطل بئا انت لسه زي ما انت
مشيت قدامه بسرعه وادهم ابتسم انها لسه فكراه…
هلال والشباب قابلوهم…رايحين فين
ادهم…كان باقي صاجين
خلصوا ورجعوا تاني…
وبعد ٣ساعات خلصوا كل الصاجات…
نجمه بتعب…ااااه ياضهرااااي
هاجر…رجلي اتخدلت
علا بصداع…دمااااغي نفوخااااي ياعالم
نور بضحك…قومي انتي وهيا نضفوا
نورسين بصدمه…نعممم
صفيه…اومال انتي فاكره ايه
علا بتمثيل العياط…ونبي ياحماتي كفااايا
عايده…قومي ياقلب امك نضفي معانا
قعدوا يضحكوا كلهم…
عند الشباب…
هلال بوجع…اااه دراااعي
نادر…حاسس ان جالي الغضروففف
ماجد…اااه ياعضمييي
ادم…ياصغير على البهدلة يا ادمممم
༺༺༺༺༻༻༻༻༻༻༻
خلصوا تنضيف وبدلوا هدومهم..
نجمه…لولي انت بخير
هلال بسرعه…اشوفك بكره ياحبيبتي يلا ياماماااا
نجمه بصدمه…شوف الواد سابني ازاي
هبه بضحك…سلام ياجماعه الواد اتهبل
عند هاجر…
راحت لأدم…دومي قوم فوق كدا
ادم…اشوفك بعد الفرح ياجوجو يلا ياادهم
هاجر بصدمه…هو ايه العيال دي
عند علا…حد يشيلنيييي يوديني البيتتتت
وائل…يلا يابت قومي
علا بسرعه…حاضر ياحاج سلام يانادر سلام ياجماعه
كلهم ضحكوا…
༺༺༺༺༻༺༺༻༻༻
اخر يوم رمضان…
كلهم متجمعين في بيت محمد المالكي والد نجمه…
عايدة ووائل وعلا..هلال وهبه…ادم واسرته وهاجر ومحسن وروئه وصفيه ونادر ونورسين وماجد وملاك ومحمد ونور…
نور…منورنا والله ياجماعه
كلهم…بنوركم
الاذان اذن وقعدوا يفطروا…
هلال…عقبال ما نفطر في بيتنا
نجمه…يارب ياحبيبي
هبه بأبتسامه…نجومه عامله ايه بئا في الاكل
نجمه بكسوف…المكرونه بالبشاميل
منال والدة ادم…تحفه يانجمه وجوجو عامله ايه
هاجر بأبتسامه…الفراخ المشوية
علا بضحك…حماتي حبيبتي انا ساعدتك طبعا
نور بضحك…طبعا احسن واحده تعمل سلطة
روئه بضحك…انا بئا معملتش حاجه انا كنت مشغولة بذاكر انا لا مخطوبة ولا على وش جواز
كلهم ضحكوا عليها…
ادهم اخو ادم الصغير. فضل باصللها شوية..
خلصوا كلهم فطار وقاموا وقعدوا…
نادر…عمي بابا بصراحه احنا عاوزين احنا والشباب نكتب الكتاب النهاردة
كلهم بصولهم بأستغراب…
محمد بهدوء…ما دام كلكم موافقين يبئا على خيرة الله
وائل…وانا رائي من رأيك
محسن…وانا كمان
جابوا المأذون وكتب كتاب ادم وهاجر نادر وعلا…
هلال…استنى ياشيخنا انا كمان هكتب
محمد بضحك…انت كمان طب ياسيدي يلا بالمره
كتبوا الكتاب وهلال فضل باصص لنجمه بفرحه…
»بارك الله لكما وبارك عليكما وجمع بينكما في الخير«
هلال قام بسرعه وحضن نجمه ونجمه ضحكت بفرحه وكلهم زغرطوا ليهم..
༺༺༺༺༺༺༻༻༻༻༻
يوم فرح نادر وعلا وادم وهاجر…
نادر دخل اوضة الي كانت فيها علا بتعمل الميكب…ايه القمر دا
علا بكسوف…بجد حلوة
نادر باس راسها…زي القمر
عند ادم وهاجر…
ادم دخل الاوضة…ايه الجمال دا كله
هاجر بكسوف…تسلملي يارب
ادم باس ايدها وقال…يلا ياعمري.
نزلوا وكل واحد واخد عروسته في ايدو…
عند هلال ونجمه…
هلال بضيق…ما قولت بلاش ام الفستان دااا
نجمه بضحك…يابني احنا داخلين الفرح خلاص
هلال…طيب تقعدي جمبي ومتتحركيش عشان مخلكيش مشوها بوشك الي زي القمر دا
نحمه بضحك…انت مجنون حقيقي
هلال بحب…انا مجنون بيكي
دخلوا الفرح…
رقصوا اول رقصة سلوا..
وبعدين هاجر قالت…انا عاوزه اقدم الاغنيه دي لأدم زوجي
مسكت المايك وبدأت تغني بصوتها الرائع…
انا حبيتك حب فوق الحب وإديتك سنين عمري وسميتك حبيب قلبي وصدقني ما صدقت إن أنا لقيتك. وأقول من ثاني نفسي تبقى الدنيا سمعاني غرامك ليّ وداني لدنيا معاك ونفسي أعيد معاك كل اللي فات ثاني حبيب قلبي هنا روحي لقيت فرحة سنيني معاك ومأمناك وهقسم حياتي معاك بحبك وأنا وياك أحلامي هعيشها معاك ومأمناك وهقسم حياتي معاك بحبك وأنا وياك أحلامي هعيشها معاك. أنا بدعي لك في النهار والليل وهحكي ليك عشان تعرف وأوري لك وصلت لفين ولو ينفع هخذ من عمري وأدي لك حبيبي يا غالي، بيك لقيت أحلامي رجعا لي يا أكثر حد أبقالي أنا اتمنيت وشكلي دعيت في ساعة ببانها فتحة لي حبيب قلبي هنا روحي لقيت فرحة سنيني معاك ومأمناك وهقسم حياتي معاك بحبك وأنا وياك أحلامي هعيشها معاك ومأمناك وهقسم حياتي معاك. بحبك وأنا وياك أحلامي هعيشها معاك
ادم بصلها بدموع وحب…
وجري خدها في حضنه ولف بيها جامد في القاعه…
ادم بحب…بحبك اوي
هاجر حضنته…وانا كمان بحبك
عند نادر وعلا…
علا بفرحه…حلوين اوييي
نادر بصلها ومن جواه ارتاح ان فعلا هاجر حبت ادم…فعلا ياعمري
علا حضنته…حبيب قلبيييي
عند هلال ونجمه…
هلال مد ايده ليها بأبتسامه…ترقصي
نجمه بصتلوا بفرحه…طبعاااا موافقه
خدها وراحوا ناحيتهم…
حط ايدو على وسطها وهي حطت ايدها على كتفوا وبدأو يرقصو وعيونهم بتحكي عن مشاعرهم…
جت اغنيه للأخ واخته…
نادر ونجمه ونورسين بدأو يرقصوا…
نادر بحب…لولاكي الفرحه دي مكنتش هبئا فيها يااختي وحبيبتي
نجمه بحب…انا وجودي جنبك عشان اسعدك ياحبيب اختك
نادر حضن نورسين…امي واختي وكل حياتي بحبك
نورسين بحب…وانت حبيبي ياواد
عند روئه…
راحت قعدت على اول طربيزة قابلتها…
جه عليها ادهم…القمر قاعد ليه
روئه بضيق…في ايه يا ادهم
ادهم بضحك…انتي مش طيقاني ليه
روئه…ابعد عني يالا
ادهم…يالا!؟
روئه…اه انا همشي
ادهم…هنتقابل تاني اكيد
روئه بضيق…اتمنى لا
بعد ساعتين خلص الفرح وكل واحد خد عروسته ومشيوا…
༺༺༺༺༻༻༻༻༻༻
عند نادر وعلا…
وهما على باب الاوضة…
نادر شالها…استعنى بالله
علا بضحك…انا جعانه
نادر…يلا ياختي
بدلوا هدومهم وقعدوا كلوا وبعدين اتوضوا وصلوا…
نادر بحب وقرب عليها…
علا حضنته…بحبك
نادر بعشق…وانا كمان يالولي
وغاصوا في بحور العشق♥✨
༺༺༺༺༺༻༻༻༻༻
عند ادم وهاجر…
ادم قرب منها وباس راسها…انتي بجد مشاعرك حقيقيه بصي ياهاجر انا والله لو لسه مشاعرك مبقتش كلها ناحيتي صدقيني هستناكي
هاجر بمقاطعه…انت لسه فاكر اني بفكر في نادر دا واحد متجوز ومتجوز صحبتي ومـ
ادم بمقاطعه وسرعه…لا والله انا بس عاوزك تكوني متأكده من مشاعرك
هاجر حضنته…انا شوفت السعادة معاك ولا انا ماليش اني اشوف السعادة
ادم شدد على حضنه ليها…انتي السعادة نفسها ياروحي
بدلوا هدومهم وكلو وبعدين اتوضوا وصلوا..
ادم حضنها وباس راسها وخدودها وبعدييين….
༺༺༺༺༺༻༻༻༻༻༻
عند نجمه…
دخلت البيت…
نجمه قعدت على اول كنبه قابلتها…اااااه ياضهري اه يارجلاااي
نورسين قعدت جنبها…ااااه يارجلي ياني يامااا
ماجد بضحك…مش قد الكعب بتلبسوا ليه نفسي افهم
نور بضحك…هما مش زي جيلنا ابدااا انا كنت زمان بروح الجامعة واركب القطر وانا بالكعب كان يوصل ل٧سم وازيد
صفيه بضحك…ايوه فعلا انا ونور كنا كدا
محسن…هو دا جيل اصلا دا جيل بايظ
ماجد بضحك…حصل ياعمي
محمد بضحك…ايوه انا حبيتها من الكعب الي كانت بتمشي بيه زي الرهوان
نورسين بغمزه…ياسيدي ياسيدي
نجمه بضحك…ياشقي يابابا وبعدين كعب ايه ياماما انا بتزحلق بالكوتشي الفلات
كلهم ضحكوا عليها…
نور بحزن…البيت فضي علينا
نجمه…وانا روحت فين ياختي
نور بغيظ…ما انتي باقيلك كام يوم وهتتجوزي ياختي
نورسين…ما نادر بعد شهر العسل هيجي شقتوا الي فوقي
محمد…ايوه فعلا اومال هو كان بيجهز ايه دا كلو
نور…بس نجمه
نجمه بسرعه…نجمه ايه ياحبيبتي نجمه كل يوم هتكون عندك وكمان دا هي فرق نص ساعه
كلهم ضحكوا ونور قالت…يعني مش هرتاح منك
༺༺༺༺༺༻༻༻༻༻
يوم فرح نجمه وهلال…
في اوضة نجمه بعد الميكب ولبس الفستان…
لابسه فستان ابيض ضيق من عند الوسط نازل على منفووش تقيل بحبات الؤلؤ وعند الدراع من فوق في تل نازل على الدراع وواخد طول الفستان لابسه تاج شبه بتاع الاميرات على لفه طرحه حلوة اوي..
نجمه بتوتر…انا خايفة اوي
هاجر…متقلقيش ياقلبي
علا…اطمني
بعد شوية دخلت نور…ياقلب ماما زي القمر
نجمه حضنتها…يامامتي ياحبيبتي
محمد حضنها…الف مبروك ياعمري
نجمه…الله يبارك فيك ياحبيبي
نادر دخل…قلب اخوكي زي القمر
نجمه…ياحبيبي انت
نورسين…ياحبيبتي ايه الجمال دا كلو
نجمه…حبيبتي يانونو
محمد…يلا ياحبيبتي عشان ننزل
نجمه خدت نفس عميق…يلا ياحبيبي
انكجها ونزلوا تحت ماشين ببطئ سامعه صوت زغاريط الي حواليها..
ماشيه في القاعه وهي بتفتكر ذكرياتها مع هلال بأبتسامه لحد ما شافته واقف قدام الكوشه بتاعتهم لابس بدلة سودا ب قميص ابيض بارزه عضلاته ومسرح شعرو لورا وشكلوا خطف قلبها…
وقفت هي ومحمد قبل الكوشه بشوية…
بصتلوا بأستغراب انهم وقفوا فجأة سمعت هلال وهو بيغني…
ملكة جمال الناس
طول عمري بحلم يبقالي حد ابقي قلبه ويبقالي
جت احلي من رسم خيالي
ملهاش شبه هوصفها بايه
صاحبه عيون هادية بريئة
قلبي اتخطف مني دقيقة
وده صعب اوي بالنسبالي
اوعمري متعودت عليه
ملكه جمال الناس
دلوقتي ملكي خلاص
يا مثبت الاحساس جواها ثبتني
هقفل عليها بيبان مارضاش جمالها يبان
من حقي مانا كسبان ويا بختي حبتني
ملكه جمال الناس
دلوقتي ملكي خلاص
يا مثبت الاحساس جواها ثبتني
هقفل عليها بيبان مارضاش جمالها يبان
من حقي مانا كسبان ويا بختي حبتني
نجمه بصتلوا ودموعها نازلة بفرحه كبيره…
خلص وهو قرب منها ومحمد قالو…انا واثق انك هتحافظ عليها ربنا يسعدكم
محمد سلمها لي وهلال حضنها جامد ولف بيها…
نجمه بدموع…بحبك
هلال مسح دموعها…معدش في دموع ياوردتي هيبئا حب..حب وبس بحبك
بدأو رقصة السلو بتاعتهم على اغنيه صدقني خلاص…
خلصوا وفجأة اشتغلت اغنيه حبيت سنيني بيك عشان بحبك…
هلال مسكها من ايدها ولفها كتير…
ويبعدها عنه ويرجعها بسرعه ويحضنها…
حط ايدو على وسطها وهي حطت ايدها على كتفه وبئوا يرقصوا بحب كبير…
نجمه بفرحه…انت الي حاطط كل الاغاني دي
هلال وهو حاضنها…ايوه ياعمري
خلصت الاغنيه…
انضموا ليهم كلهم…
بعد شوية من رقص قعدوا يرتاحوا…
عند روئه…
قاعده جه ادهم شدها من ايدها…اتقابلنا تاني اهو
روئه ضحكت جامد…قدري اعمل ايه
ادهم طلع خاتم فضه بفص حلو اوي ولبسهولها…لحد ما اخلص كلية وانتي ثانوي الخاتم دا ميتقلعش من ايدك انا كلمت والدك
روئه بصت لمحسن بصدمه…
محسن ابتسم ليها وهز راسه…
روئه بضحك…انت مجنووون
ادهم بحب…بحبك
روئه بدلع…لما نتخطب بئا تبئا تسمعها
ومشيت بسرعه وهو وقف يضحك ومبسوط…
عند هلال قربت منهم ميرنا…الف مليون مبروك ياحبايبي
نجمه حضنتها…الله يبارك فيكي ياحبيبتي عقبالك
هلال بأبتسامه…الله يبارك فيكي ياميرو
ميرنا…خد بالك منها مش هتلاقي زيها
هلال…في عيوني
رجعوا تاني واشتغلت اغنيه للأم…
هلال قرب من امه وكل الشباب خدو امهم ورقصوا معاها…
هلال وهو حاضن امه…ياحبيبتي انتي يا اول حب في حياتي
هبه بحب…ياحبيبي عشت وشوفتك عريس زي القمر
وبعد ساعتين الفرح خلص…
على باب القاعه…
محمدد…فين يابني السواق الي هيوصلكم
هلال بضحك…لا انا هخطفها
ركبوا العربيه…
نجمه بضحك…انت مجنووون ما كنت جبت سواق
هلال بحب…عشان تبئي براحتك ياحبيبي
وصلوا البيت وهلال شالها بسرعه…
نجمه…نزلني ياولا
هلال بأبتسامه…يلا نصلي
دخلوا بدلوا هدومهم وصلوا…
هلال قرب منها…فرحت قلبي انهاردة متتخيلهاش انا بحبك
نجمه…وانا بحبك ياحبيبي
هلال قرب منها وقبلها قبله عميقة وغاصوا في بحور العشق✨♥..
تاني يوم…
هلال صحي قبلها وكانت في حضنه وفضل باصص لها…
هي صحيت وقالت بنوم…انت صحيت امتى
هلال باسها…لسه صاحي ياعمري
نجمه بأبتسامه…بتبصلي كدا ليه
هلال…مش مصدق انك في حضني ومعايا
نجمه بحب وحضنته…لا انا معاك اهو ياحبيبي
هلال باسها…صباحيه مباركه ياوردتي
༺༺༺༺༺༻༻༻༻༻༻
في العيد الكبير…
واقفين في ساحه كبيره بعد ما دب*حوا الاضحيه…
ووزعوا على الغلابه…
محمد…كل سنه وانتم طيبين ياولاد
الشباب…وحضرتك طيب وبخير
وائل…يلا بالدور كدا عشان نوزع العديات
هلال بضحك…ايوه يلا بينااا
محسن بضحك…ونبي انتو الي المفروض تدونا
وزعوا العديات عليهم…
كل شاب وبنت راحوا باسوا ايد ابوهم وامهم…
قاعدين على سفره كبيره عشان ياكلوا..
نجمه بهمس…هتبئا احلى بابا
هلال بصدمه…انتي حامل
نجمه بحب…اه ياعمري
هلال حضنها بسرعه…الف مبروك ياعمري
عرفوا كلهم وباركوا ليهم…
هاجر بحب…وانا كمان في حته جاية من ادم قريب
ادم كان عارف حضنها بحب…ان شاءلله ياقلبي
علا…وانا كمان حامل
نادر بصدمه…بجد
علا…ايوه
نادر حضنها جامد…الف مبروك يالولي
باركوا ليهم كلهم بفرحه…
نادر…بحبك يالولي
علا…وانا كمان ياحبيبي
هاجر…بحبك يادومي
ادم بحب…وانا بعشقك
هلال…بحبك ياوردتي بحبك يا سر سعادتي في الحياه
نجمه بحب…وانا كمان بحبك يانور عيني انت
༺༺༺༺༺༻༻༻༻༻༻
قاعدين في المكتب بتاع هلال…
نجمه…يابني ركز متعصبنيش انا عملتلك الكفر بتاع الاعلان اهووو
هلال بضحك…ما انا بردو مش فاهم اعمل ايه بالكفر
نجمه بغيظ…انت عصبتنااااااي هتخليني اولد قبل ميعادي ب٧شهوووور
قطع كلامهم تخبيط على الباب…
نجمه…ادخل
هلال بصدمه…دا مكتبي
نجمه…اسكت
ميرنا دخلت…هو انا كل ما اجي الاقيكم بتتخانقوا مش بتزهقوا
نجمه…ما من ان خالتك
هلال…بس يابت
ميرنا بضحك…بااااس اسكتوا خلاص المهم
هلال ونجمه…ها
ميرنا…حابه اقدملكم شخص مازن ادخل
مازن دخل…
نجمه ببلاها…مازن مين
ميرنا بضحك عليها…مازن هنتخطب وهنعمل فرحنا الاسبوع الي جاي وجيت عشان اعزمكم اول ناس
نجمه قامت حضنتها…الف مبروك ياميمو
هلال بأبتسامه…الف مبروك يا ميرنا ربنا يتمم علي خير مش تعرفنا بيك
مازن مد ايده…مازن الدسوقي
هلال بأبتسامه…هلال الخولي
مازن بأبتسامه…اتشرفت بمعرفتك
هلال…وانا كمان
نجمه…حافظ عليها يامازن ميرنا دي حته سكره
ميرنا بحب…حبيبتي
مازن…في عيوني
هلال بغيره وغيظ من نجمه مد ايده وشدها من وسطها عليه هما ابتسمو وهيا اتوترت وبعدين استأذنوا ومشيوا…
هلال بغيره…لسانك القمر دا مينطقش بأسم راجل سامعه
نجمه بدلال…عيوني ياعيوني
هلال ميل عليها وخطف قبله سريعه كلها شغف وحب…
نجمه بكسوف….هلال بس وسع
༺༺༺༺༺༻༻༻༻༻༻
يوم فرح ميرنا…
هلال بعصبيه….قولت الفستان دا لا يعني لااا
نجمه بغيظ….لا هلبسوا ومافيش كلام تاني
هلال بخبث قرب عليها وهي بترجع لورا لحد ما لزقت في الحيطه…عيدي تاني
نجمه ببلاها…ها
هلال وقرب دفن راسه في رقبتها…عيدي كلامك
نجمه…قولت هغير الفستان ب الفستان الي تحبو
هلال ضحك بأنتصار…جدعه ياوردتي
نجمه فاقت وقالت بغيظ…كل مرا تضحك عليا
ودبدبت ودخلت بدلت الفستان…
خلصت وراحت تظبطلوا البدلة بتاعتوا…
هلال لفها وحضنها من ضهرها وبصوا لبعض في المرايا…
هلال بحب…زي القمر ياوردتي
نجمه بصتلوا في عيونه…وانت كمان قمر اوي
هلال باسها بعمق وبعدين سابها وانكجها ونزلوا عشان يروحوا الفرح…
༺༺༺༺༺༺༻༻༻༻༻
في الفرح…
راحوا يسلموا على ميرنا…
نجمه حضنت ميرنا…الف الف مبروك ياقلبيي
ميرنا بأبتسامه…الله يبارك فيكي ياحبيبتي
هلال…الف مبروك يامازن الف مبروك ياميرنا
هما…الله يبارك فيك يارب
سابوهم وراحوا قعدوا على طرابيزتهم…
هلال بحب…فاكره يوم فرحنا
نجمه بحب…عمري ما اقدر انساه
هلال…انتي معاكي بعيش كل يوم فرح
نجمه بحب…بحبك اوي
هلال…وانا كمان يانجمتي
༺༺༺༺༺༻༻༻༻༻
بعد ٧ شهور يوم ولادة نجمه…
واقفه في المطبخ بتعمل اكل…
نجمه بصويت…اااااااااااه ياهلال اللحقنييييييي
هبه دخلت عليها بسرعه…مالك يانجمه
نجمه…هولدددد ياماما هبههههه
هبه طلعت بسرعه تكلم هلال وهو جه على طول…
خرجوا وركبوا في العربية…
نجمه بصراخ…بسرععهههه ياهلاللل مش قاااادرة
هلال بخوف…استحملي بس ياعمري استحمليي
نجمه…كلمولي بابا واخوااااتي ومامااا
هبه رنت عليهم وهما سبقوهم على المستشفى…
وصلوا المستشفى وهلال شالها ودخلها اوضة العمليات وهو شايلها ومش راضي يسبها…
خرجوا بالعافيه وفضل رايح جاي…
محمد…اهدى يابني ان شاء الله خير
نادر…اهدي بس ياهلال
نور…يارب يقومك بالسلامه يابنتي
نورسين…ان شاءلله هتبئا كويسه
علا رنت على نادر تطمن على نجمه عشان هي كمان على وش ولاده ومجتش…
نادر…لا لسه جوا..حاضر لما تخرج هطمنك
قاطعهم صوت طفل بيبكي…
خرجت الممرضه بطفلين وادتهم لهلال…
هلال بقلق…نجمه كويسه
الممرضة…ايوه الحمدلله وجالك بنت ووالد زي القمر الف مبروك
سابته وكلهم زغرطوا فرحه بالطفلين…
نجمه فاقت ودخلوا ليها بسرعه…
هلال مسك ايدها باسها…انتي بخير ياعمري
نجمه بأرهاق…الحمدلله ياحبيبي ابننا فين
نور بأبتسامه…جالك تؤام ياحبيبتي ولد وبنت
محمد…الف مبروك ياقلب ابوكي
نجمه بفرحه…بجد هما فين
هلال جابهم واداهم ليها…
نجمه بحب وفرحه…ياحبايب مامي حلوين اوي ياماما
نادر بأبتسامه وباس راسها…الف مبروك ياقلبي
نجمه…الله يبارك فيك ياحبيبي عقبال علا
نورسين قربت منها وباستها…الف مليون مبروك يتربوا في عزك يا نجومتي
نجمه بحب…الله يبارك فيكي ياقلبي
هبه…الف مليون مبروك ياحبيبتي
نجمه…الله يبارك فيكي ياماما هبه
محمد…يلا عشان تكبر في ودنهم ياهلال وتسميهم
هلال بأبتسامه…هنسميهم قمر وبدر
نور…حلوين اوييي ربنا يديمهم ليكم
هلال كبر في ودنهم ونجمه بصالهم بحب وفرحه..
༺༺༺༺༺༻༻༻༻༻
يوم السبوع…
يارب ياربنا تكبر وتبئا قدنا…
نجمه واقفه شايله ولادها الاتنين والكل حواليها…
هلال بهمس…بحبك يا اغلى واحده في حياتي بحبك يا ام عيالي بحبك ياحب طفولتي بحبك يانور حياتي بحبك ياوش السعد عليا بحبك يانجمتي بحبك ياوردتي
نجمه بحب…بحبك ياهلالي بحبك يا سبب سعادتي في الحياه بحبك يا سبب ضحكتي بحبك ياحب طفولتي بحبك بكل لغات العالم
هلال باسها من راسها وباس الولاد وبصوا للكاميرا وكلهم وقفوا حواليهم وخدوا اجمل صورة عائليه…
༺༺༺༺༺༻༻༻༻༻༻
تمت..انتهت القصة وانتهت الحكاية مع القاء في قصة جديدة وحكاية اجمل بحبكم♥♥
تــــــــــــــــمــــــــــــــت بحمدالله…
لقراءة الرواية كاملة اضغط على : (رواية حب الهلال)
