Uncategorized

رواية العشق لا يعرف وطن الفصل السادس والثلاثون 36 بقلم أية إنسان

 رواية العشق لا يعرف وطن الفصل السادس والثلاثون 36 بقلم أية إنسان
رواية العشق لا يعرف وطن الفصل السادس والثلاثون 36 بقلم أية إنسان

رواية العشق لا يعرف وطن الفصل السادس والثلاثون 36 بقلم أية إنسان

_ عدى الليل طويل على الجميع فكل واحد منهم يفكر في اللي جاي وقلقان جداً إلى أن آتي الصباح .
_ في مستشفي الصاوي فتحت وعد عيونها وشافت نفسها متركب ليها محاليل وإفتكرت اللي حصل وفضلت تعيط كتير وبعدين دخل عمرو مخضوض عليها وقال : أهدي اهدي محصلش حاجة انتي كويسة .
_ قامت وعد وشالت المحلول من إيديها وقالت بكل غضب :  حلو كدة عجبك اللي بتعمله فيا دة عملت ليك اي يا أخي عمال تذل فيا كده ليه شوفت اخر عمايلك فيا فضلت تذل فيا لحد ما الكل اعتبرني خدامتك وأني واحدة مش كويسة علشان سيباك تذل فيا وتعمل ما بدالك انا عمرى في حياتي ما حد عمل معايا كده خليت واحد كلب كان هيضيع مستقبلي علشان غرورك انت واحد مريض يا عمرو مريض بس خلاص يا عمرو انت مش بتعمل كده علشان امشي هغور من وشك علشان ترتاح خالص وخرجت من المستشفي وطلعت على الفيلا بتاعتهم يمكن ترتاح .
☆ —————– بقلم الكاتبة/ آية إنسان ————-☆
_ في الفندق عند هاجر اللي نزلت مكان جيجي لحد ما ترجع دخل ممدوح وقال : مدام هاجر في إجتماع نسائي مع سيدات من الطبقه العليا كانت مدام جيجي بتحضره ولما عرفوا انك مكانها طلبوا انك تنضمي ليهم .
_ وانا معنديش مانع هحضر الإجتماع .
_ وطلعت الفون ورنت على اسماء .
_اسماء  : تصدقي بالله الواحد ما عاوز يكلمك تاني .
_ ليه يا حجه .
_ انتي إزاي تسافري من غير ما اعرف .
_ مين قالك كده .
_ آسر يختي .
_ معلش كان في شغل ضروري .
_ طب انا جالي شغل في مبني الإذاعة والتليفزيون .
_ بجد إزاي إحكيلي .
_ اسمعي يختي …….. وحكت اسماء ليها كل حاجة .
_ هايل يا اسماء انا متفائلة خير ليكي .
_ بس انا خايفه .
_ بس انا معاكي متقلقيش انتي قدها .
_ متحرمش منك يا رب .
_ هقفل وهكلمك تاني .
☆ —————- بقلم الكاتبة/ آية إنسان ————–☆
_ في الفيلا عند جيسيكا دخلت ميرا عملت عصير وقدمته لجيسي وقالت :  عملت ليكي عصير .
_ ثانكس يا حبيبتي تعبتي نفسك ليه .
_ لا مفيش تعب انتي زي اختي بردو وإبتسمت بخبث وقالت في نفسها : اشربي يا جيسي ههههه دي الجرعة التالته لازم تدوقي من العذاب زي ما دقته انا بإيدك .
☆ ————– بقلم الكاتبة/ آية إنسان —————☆
_ نزلت هاجر ودخلت مطعم فخم جداً تتغدا فيه وطلبعت اغلى انواع الأكل والقهوة المخصوص بتاعتها وقامت تروح الحمام ورجعت سمعت الحوار التالي بين اتنين ستات معاها في نفس المكان : 
_ شوفتي يا غادة البنت اللي كانت قاعدة هنا دي .
_ مالها يا وفاء .
_ دي مرات دكتور أسر السمري .
_ بتهزري .
_ لا والله مش شايفه العز اللي هي فيه شوفتي لبسها عامل ازاي ولا العربيه اللي ركبها وسمعت أنها مديرة فندق كبير اوي .
_ كل دة عندها حسره علينا نفسي بس يكون معايا ربع اللي عندها دة.
_ يا ريت يختي بس هي الدنيا حظوظ احنا اللي فقر .
_ إبتسمت هاجر ورجعت تاني لمكانها وطلبت ليهم نفس الأكل والقهوة بتوعها وقام الجارسون نزل ليهم الاكل على الطربيزه بتاعتهم .
_ قالت غادة : اي دة أحنا مطلبناش الاكل دة .
_ قامت هاجر وقالت : بس انا طلبته ليكم .
_ دة بجد دة ليا احنا .
_ اه اكيد ممكن انضم ليكم على الاكل .
_ طبعا طبعا اتفضلي .
_ اتفضلوا كلوا .
_ اه طبعا هناكل شكل الاكل تحفه ولكن بمجرد ما خدوا اول لقمه رجعوها تاني وقالوا : يعععع اي القرف دة .
_هاجر  : خير يا مدام الاكل مش عاجبك .
_ لا لا دة وحش اوي .
_ بس انتي لسه قايلة شكله تحفه .
_ ايوه بس شكلة حاجه وطعمه حاجه تانيه خالص دة مر اوي اوي .
_ خلاص اشربي القهوة دي من اغلى انواع البن .
_ شربت منها بق وقامت تجري على الحمام ترجع وبعد شويه رجعت غادة وقالت : شكراً على كرمك يا مدام بس احنا مش عاوزين حاجه .
_ غريبه مع انك من شويه كنتي بتتمني ربع اللي عندي مش كده .
_ بصت غادة لصاحبتها وسكتت فقامت هاجر وقالت : لو كل واحد حمد ربنا على النعمه اللي معاه ولو كل واحد اتمني الخير للتاني لو كل واحد خلاه في حالة كان زمان العالم اتغير شوفتي انتي مقدرتيش تستحملي اكلى او حتي بق قهوة من طعم المرار اللي في الاكل على الرغم من أنه اغلي واجود انواع الأكل بس انا مقدرش اكل غيره كان نفسي اكل الاكل اللي مش عاجبك دة أما بالنسبه للعربيه فهي معايا لاني مش قادرة امشي لمسافات بعيدة واجري واروح واجي زيك كده ، بس سؤال انتي متجوزة .
_ ردت غادة وقالت : اه .
_ عندك اولاد .
_ اتنين .
_ انا مش هقدر اجيب ولاد اي رأيك نبدل تخدي الفلوس والعربيه وكل اللي نفسك فيه وتديني ولادك .
_ ردت غادة وقالت : لا طبعاً مستحيل .
_ هههههههه خديها مني نصيحه لوجه الله بلاش المظاهر تخدعك علشان ورا كل باب حكايه محدش عارف وراه اي يا مدام احمدي ربنا على اللي معاكي غيرك مش لقيه وسابتها وقامت مشيت .
☆ ————— بقلم الكاتبة/ آية إنسان —————☆
 في فيلا السمري :
_ رجع أكمل من السفر وكان أسر في البيت فقام سلم عليه وإطمن عن صحته .
_ اومال هاجر فين يا أسر .
_ هاجر في الشغل يا بابا .
_ طيب يا حبيبي لما تيجي خليها تطلعلي احسن وحشتني وعاوز اطمن عليها .
_ إتنهد آسر وقال :  حاضر اتفضل حضرتك إرتاح وانا هنزل اروح الشغل .
_ ماشي يا حبيبي .
☆ ————— بقلم الكاتبة/ آية إنسان —————☆
_ دخلت هاجر الاوتيل وكان في إجتماع نسائي من سيدات الطبقه العليا اللي منهم مرات وزير و اللي مرات رجل اعمال واللي مرات دكتور كبير كلهم طبقات عليا فإنضمت ليهم هاجر وإتعرفوا عليها وهي إتعرفت عليهم وكانت لبقه في الكلام خدت وضع سيدة الاعمال وفي الوقت دة دخلت سوزي وقالت : هاي .
_ الكل رحب بيها وقالو :  هاى سوزي .
_ اي دة امال مدام جيجي فين .
_ ردت واحدة من الموجودين وقالت : دي هاجر مرات دكتور أسر السمري .
_ اه عرفها اشهر من نار على العلم صورها في كل مكان كانت منوره .
_ عرفت هاجر إنها بتلقح عليها ولكن إبتسمت وقالت : لازم اكون منورة مش جنبي راجل كل الناس بتحسدني عليه .
_ اوووو هايل بس شكلك اتغير اوي .
_ ازاي يعني .
_ يعني العز بان عليكي اهو .
_ هاجر : مش انتي شوفتيني من قريب .
_ ودي هتفرق من قريب ولا من بعيد .
_ اكيد طبعاً لأنك واضح أن نظرك ضعيف شويه لانك مشوفتيش العز من بعيد اصل انا طول عمري بنت عز .
_ ردت سوزي بغيظ :  بجد على كده انتي بقى بنت مين من عيله اي يا بنت العز .
_ لا معلش احب اتعرف على حضرتك الاول .
_ اتكلمت سوزي بفخر وقالت : انا سوزي ابو النجا بنت اكبر رجل اعمال في مصر ومرات عامر الكاظمي من أكبر رجال الاعمال وصاحب شركات الكاظمي للطيران .
_ ردت هاجر وقالت : بس انا مش سألت انتي بنت مين أو مرات مين انا بقول انتي مين .
_ كل اللي موجود قاعد متابع في هدوء .
_سوزى :  هو انتي مش بتفهمي ولا اي يا اسمك اي انتي بقولك انا سوزي ابو النجا ….كملت هاجر الكلام وقالت : على فكره انا اقدر اجيب معلومات واعرف ان ابو النجا بيه و عامر الكاظمي من أكبر رجال الاعمال في مصر لكن انتي بقى مين هههههه شكل السؤال صعب عليكي بس اقولك بقى انا هاجر رجب خريجة سياحة وفنادق كنت المصور الفوتوغرافر لجريده الاهرام والجمهورية سافرت اكتر من ٢٠ دوله حول العالم علشان اقدر احضر المهرجانات والمنافسات واشوف اخر صيحات الموضه والجمال ودلوقتي انا المدير التنفيذي للاوتيل دة واكيد عارفه اني مرات أسر السمري .
_ قالت مرات وزير الثقافه : هايل يا هاجر مكنتش اعرف انك بتشتغلي مصور فوتوغرافر .
_ اصل انا بحب أثبت نفسي في اي مكان علشان لما حد يقولي انتي مين اعرف ارد وأعرفه انا مين وبعدين المعرفه تزيد شرف لما اذكر ابويا مين وجوزي مين لكن قبل اي حاجه أنا أي وبصت لسوزي وقالت : ولا اي .
_ سوزي قاعدة بتغلي من جواها ومش عارفه ترد على هاجر بس لازم تكسر نفسها قدامهم .
_ مسكت هاجر الفون بعتت رساله وقفلته تاني .
_ قامت سوزي وقالت : انتي ليه مقولتيش انك هاجر العامري ولا خايفه .
_ الكل بص على سوزي واللي إبتسمت بنصر والتساؤلات كترت هل هي بجد من عيله العامري .
_ إبتسمت هاجر وقالت : اقول ليه وانتي عارفة .
_ يعني مقولتيش علشان مكسوفه مثلاً .
_ اتكسف من اى!! 
_ هههههههه من فضيحة بنت العامري بنت عاصم العامري اللي الفيديو بتاعها في كل مكان .
_ بس انا من شويه عرفتك أن انا هاجر رجب .
_ هاجر رجب العامري بنت موظف حكومي مش كده .
_ الله ينور عليكي شوفتي مكالمه واحدة منك جبتي تاريخي ازاي واضح اني اهمك اوي .
_ لا أبداً وانا هسأل عنك ليه اخباركم هي اللي في كل مكان سلسلة فضائح العامري .
_ لا واضح أن اللي وصلك المعلومات نسى يوصلك أن في سلسلة واقعه من الفضائح اسمها نادي النصر السعودي .
_ اتوترت سوزي وقالت : انتي بتخرفي تقولي اي .
_ هههههه مالك اتوترتي كده ليه يا مدام انا بقول أن كل واحد يتكلم عن نفسه انا اللي يهمني انا أي وانا مين مليش دعوة بحد تاني وأعتقد لو انا وحشه مكنتش بقيت في المكانة دي دلوقتي للدرجة اللي تخليكي تدفعي ٢٠ الف دولار في الشهر علشان تدخلي تقعدي هنا جنبي ولا اي .
_ إتغاظت سوزي اوي من كلام هاجر وقالت : انا أصلاً ميشرفنيش اقعد مع واحدة زيك .
_ مش يمكن علشان معندكيش شرف يا بنت الأكابر .
_ لااااا انتي زودتيها اوي .
_ تؤ تؤ بلاش علشان انتي هتزعلي اوي يا سوزي .
_ إتغاظت سوزي جداً وقامت مشيت فقالت هاجر :  بعد اذنكم هروح التواليت يا جماعه وقامت خرجت .
_ دخلت اسماء الاوتيل وقالت : في اي يا هاجر جيباني على ملى وشي ليه .
_ عندي مفاجأه ليكي .
_ خير .
_ تعالي ورايا…. وطلعت اسماء  وراها  و كانت سوزي بتتكلم في الفون عند الجراش فشدتها هاجر لمكان بعيد شويه .
 _ سوزى : اي دة انتي مجنونه انتي ازاي تعملي كده .
_ هو انتي لسه شوفتي جنان ورفعت إيديها ونزلت بالقلم على وشها واللي من شدته نزفت من بوقها وشاورت للحرس بتاع الاوتيل علشان يدخلها اوضه بعيد في اخر الفندق وهي عماله تقاوم واول ما دخلت سوزي الاوضه شافت اسماء قاعدة فيها فقامت اسماء واقفه وقالت :  انتي .
_ بصت سوزي لهاجر وقالت :  انتي عاوزه مني اي .
_ احنا لينا حق عندك ولازم ناخده .
_ انتي اكيد مجنونه انا ….. ولكن قلم تاني من هاجر كان خرسها وقالت : انتي تخرسي خالص يا روح امك انا هعرفك بقى وش بنت موظف الحكومه ازاي وبصت لأسماء وقالت : خدي حقك منها .
_ لا يا هاجر خلاص سبيها تمشي .
_ انا قولت كلمة واحدة يا اسماء اضربيها بالقلم .
_ لا مش هقدر .
_ انتي لو مضربتهاش انا مش هعرفك تاني .
_ بس …
_ هي كلمه .
_ رفعت اسماء إيدها وضربت سوزي بالقلم ولكن مكنش جامد .
_ لا كده مش نافع يا اسماء انا هتصرف  وندهت قالت : جاك ….مايكل .
_ دخل اتنين زي الحيطه وقالت : روقوا المدام وخدت اسماء وخرجت وسابت سوزي اللي عماله تصرخ جوه من الضرب .
_ حضنت اسماء هاجر وقالت : انتي عملتي كده علشاني .
_ هههه مش بالظبط بس هي تستاهل هي اذت ناس كتير اوي انا عرفت انها كانت بتتعاطي مخدرات في نادي الهلال وكانت بتاخد البنات اللي تضايقها تشربهم الزفت دة وتخليهم يتذلوا ليها وفي بنات كتير ماتت بسببها .
_ يااا هي في ناس كدة بجد .
_ انتي بس اللي طيبه زيادة عن اللزوم .
_ طب خلاص بقى سيبيها تمشي مش عاوزين مشاكل .
_ خلاص روحي وانا هعدي على وعد .
_ ماشي سلام يا حبيبتي .
_ رجعت هاجر عند سوزي واللي اول ما شافتها اترجتها تسيبها فقربت منها وقالت : هسيبك بس لو فكرتي تأذي حد تاني او تتعرضي لحد تاني هشربك من العذاب الوان هخليكي تنامي وتقومي تحلمي بيا يا سوزي ولو عقلك صورلك تقربي مني أو من أي حد اعرفه صور الشمامه بنت ابو النجا هتكون في كل مكان ماشي ولا أقول تاني .
_ قالت سوزي بصوت متقطع :  لا لا خلاص والله انا هامشي من البلد دي خالص بس سيبيني امشي .
_ غوري .
☆ ————– بقلم الكاتبة/ آية إنسان —————☆
 في شركه العامري :
_ فضل عمرو قاعد متضايق اوي ومخنوق مش عارف ليه حس ان  وعد وحشته كلامها نظرتها تحديها ليه كل حاجه ولكن كل ما يفتكر الكلب فاروق واللي كان بيعمله الدم بيجري في عروقه وفكر كان ممكن يحصل أي لو هو منسيش الموبايل ورجع ياخده فقال : اه لو كانت الرصاصه دخلت في قلبه بدل كتفه بس انا هربي الكلب دة وطلع الفون رن على واحد من رجالته وقال : اخبار فاروق اي عاوزاكم تروقوه على الاخر وقفل وحاول يكلم وعد بس الفون مقفول فقام ركب عربيته ومشي .
☆ —————– بقلم الكاتبة/ آية إنسان ————-☆
_ نزلت هاجر وراحت عند وعد الفيلا وقالت : بكلمك مش بتردي ليه .
_ اترمت وعد في حضنها وفضلت تعيط جامد وقالت : انا تعبت اوي يا هاجر .
_ دخلت هاجر وقعدت معاها وقالت  : احكيلي .
_ مسحت وعد عيونها وقالت :  انا مش عاوزه افضل هنا انا نظرات الناس قتلاني وكأن انا المذنبه وماما اتخلت عننا ومشيت وميرا معرفش فين وبابا في غيبوبه وانا لوحدي يا هاجر .
_ خدتها هاجر في حضنها وقالت : انتي اقوي من كده مش من اول قلم هتقعي فين وعد القويه .
_ مش قادرة اتحمل عاوزه امشي من هنا .
_ خلاص يا وعد خلصي كل حاجه ليكي هنا وانا كده كده هسافر لو حابه نسافر سوى .
_ انا عاوزه ابعد عن هنا في اي مكان بس بابا .
_ متقلقيش خلصي حاجتك وانا هتصرف خلال شهر هنمشي من هنا .
_ ماشي يا هاجر .
_ انا هامشي ولما اكلمك تردي عليا .
_ ماشي .
_ خرجت هاجر ركبت عربيتها وطلعت على الفيلا بتاعه جيجي ودخلت فكان آسر قاعد جوه واول ما شافها قام وقف وسرح في إطلالتها الجميلة فكانت لابسه جيبه وبليزر دهبي وهيلز اسود وفارده شعرها ورسمه عيونها بالكحل اللي محلى عيونها اكتر ما هي حلوة فقربت وهي ضربات قلبها بتزيد مع كل خطوه وقعدت قصاده بس بتحاول متبصش ليه وبعدين قالت : فكرت يا أسر .
_ اتغيرتي في الاسبوع دة كتير يا هاجر .
_ مفيش حد بيفضل على حاله . 
_ بس مرة واحدة وقف وقال : هي الهانم بتخرج كده عادي .
_ يعني اي بخرج كده عادي .
_ بتخرجي بشكلك دة كده قدام الناس .
_ وفيها اي .
_ فيها كتير اللبس دة ضيق عليكي متلبسيهوش تاني .
_ أسر فكرت في موضوعنا .
_ انتي عاوزه تخلصي مني علشان حبيب القلب وانا بقى مش هطلق .
_ عارف المشكلة فين يا أسر في انك معندكش ثقه في حد لا فيا ولا فيك ولا اي حد هتفضل تشك فيا بسبب أو من غير انت خلاص يا أسر انتهيت بالنسبه ليا .
_ انتي شايفه كده .
_ انت علشان غلطه واحدة زمان حصلت معاك بتعاقبني انا عليها انت بتحاول تنتقم منها فيا بتطلع غضبك عليا فوق يا أسر بقى وكفايه يا اخي ارحم نفسك اقولك على حاجه أنا عارفه انه كل يوم بتكلمك وتحاول تعتذر ليك وأنها بتحبك وندمانه ارجع ليها يا أسر ادي لنفسك ولقلبك فرصه تانيه احنا بشر وبنغلط سامحها يمكن لما تسامحها ترجع أسر بتاع زمان اللي حكتلي عنه …. أسر انا لاخر مره بطلب منك بكل هدوء بلاش الحكايه تنتهي بينا بشكل وحش افتكر اي حاجه حلوة انا قدمتها ليك في يوم وخلي الحكاية تنتهي على كده .
_ للدرجة دي يا هاجر .
_ أسر هسالك سؤال واحد بس وتجاوب عليه بصراحة لو انت عندك اخت تقبل أن جوزها يعمل فيها زي ما انت عملت معايا .
_ سكت أسر شويه وقال : ماشي يا هاجر يومين وهطلقك اكون مهدت لبابا الموضوع .
_ ماشي يا آسر .
_ وخرج أسر وهو حزين جداً وهم الدنيا فوق قلبه .
☆ ————— بقلم الكاتبة/ آية إنسان —————☆
 في فيلا العامري  : 
_ الجرس بيرن فنزلت وعد تشوف مين وقالت : انت عاوز اي مش عملت اللي انت عاوزه جاي ليه يا عمرو .
_عمرو :  بكلمك مش بتردي عليا ليه .
_ انا حرة اعمل اللي انا عاوزاه .
_ دخل عمرو ومسكها من دراعها جامد وقال : لا انتي مش حرة يا وعد ولما اكلمك تردي عليا عدل .
_ عمرو سيب إيدي انت بتوجعني ، فبعد عنها عمرو وقال : شوفي انتي اللي بتعصبيني عليكي ازاي .
_ وقفت وعد بعصبية وقربت عليه وقالت : انت عاوز مني اي رد عليااااا اموت نفسي علشان ترتاح خالص عاوز مني اي هتعمل اي فيا اكتر من كده وبعدين سكتت وقالت بهدوء :  عمرو لو سمحت كفايه كده ياريت تحضر اوراق الشركه وخد النسبه الباقيه ليك وخدها كلها اعمل فيها اللي يريح وانا خلاص همشي من هنا خالص وهسافر .
_ قرب منها عمرو وقال بصوت هادئ لكن مخيف : انتي مش هتروحي في حته يا وعد ولو حصلت اني احبسك في مكان محدش يعرفه غيري هعملها .
_ زعقت وقالت : انت مجنون صح .
_ فقرب منها وقال :  مجنون بيكي يا وعد .
_ مش عارفه ليه قلبها دق بسرعة من الكلمة ورفعت وشها ليه وقالت بصوت هادئ : امشي يا عمرو كفايه فضائح مش عاوزه يبقى انا كمان .
_ هستناكي بكرة في المكتب .
_ مش هاجي .
_ قرب منها وهي تبعد لحد ما وقعت على الكرسي فنزل عند ودنها وقال :  خلاص اجي انا هنا وانتي مش هتعرفي تخرجيني من هنا يا وعد واحتمال ابات هنا كمان .
_ انت انت مش هقدر تعمل كده .
_ جربي ولا انتي خايفه تيجي الشركه .
_ انا مش خايفه من حد ولا من حاجه .
_ تؤ انتي جبانه .
_ اطلع بره بدل ما اشرب من دمك اطلع .
_ ههههه بفرح اوي لما اعصبك .
_ كتله بروده ماشيه على الأرض .
_ ماشي يا وعد هستناكي بكره سلام وخرج من الفيلا .
☆ —————- بقلم الكاتبة/ آية إنسان ————–☆
_ في كافيه على النيل كانت قاعدة اسماء مع يوسف وبيتكلموا في شغل ولكن في عين بتابع بغضب شديد وبعد شويه قال يوسف : كده بعد بكره اول حلقه جاهزه .
_ اسماء  : بأمر الله .
_ طب يلا نمشي .
_ لا اتفضل انت انا قاعدة .
_ تمام باي .
_ قامت أسماء وقعدت على الطربيزه اللي وراها وقالت : ازيك يا ليل .
_ بص ليها ليل وقال : نعم عاوزه اي .
_ متزعلش مني على الكلام اللي قولته .
_ يا سلام .
_ خلاص بقى ميبقاش قلبك اسود كده كلام قولته وقت غضب وراح لحاله .
_ اسماء مين الراجل اللي كنتي قاعدة معاه دة .
_ وانت مالك .
_ تصدقي معاكي حق انا قايم .
_ خلاص يا عم بقى اقعد دة استاذ يوسف منتج ومعد برامج وكان عاوزني في شغل .
_ وانتي هتشتغلي معاه .
_ اه شخص محترم وبصراحة دة حلمي من زمان ودي فرصه مش هتتعوض .
_ ودة تعرفيه منين بقى أن شاء الله .
_ لا دة عرفته صدفه في الحفلة بتاعه أسر كله بسبب هاجر لو مكنتش أصرت اني احضر مكنتش قابلته خالص وكنت فضلت محلك سر البت دي جدعه اوي ووقفت معايا كتير .
_ تعرفوا بعض من زمان .
_ لا انا وهي اتعرفنا من سنه واحدة بس سبقت ناس اعرفها من سنين حققت مقولة مش كل أخ ليك تلده لك امك احيانا الظروف تلد لك أخاً اخر .
_ ربنا يدمكم لبعض .
_ انت بقى تعرف آسر من زمان .
_ لا من سنه تقريباً بردو .
_ بس واضح أنه بيحبك ويثق فيك .
_ ليه بتقولي كده .
_ علشان على طول معاه في كل خطواته كل لما اشوفه تكون انت معاه وكمان هاجر بتقول أنه بيعتبرك اخوه .
_ اتضايق ليل من نفسه اوي بس قال : انا كمان بحبه زي اخويا .
_ مالك يا ليل .
_ لا أبداً مفيش .
_ حسيتك مضايق .
_ لا عادي شويه مشاغل في الشغل .
_ عاوزه اقولك على حاجه بس مش تضايق .
_ قولي .
_ سوزي .
_ مالها عملت ليكي حاجه تاني .
_ اهدي اهدي هو مفيش حاجه بس بصراحه هاجر روقتها على الاخر .
_ يعني اي .
_ بصراحه اللي حصل …….. وحكت ليه كل حاجه وهو أول ما سكتت فضل يضحك جامد وهي سرحت في ضحكته اللي بتنور وشه اول مره اكتشف أنه حلو كده .
_ اتكلم وقال : عارف ان ضحكتي تجنن .
_ احم يا عم روح بلا تجنن بلا بتاع .
_ يا اسماء .
_ نينينيني .
_ هههههههه .
_ بس انت مش مضايق .
_ لا وهضايق ليه يعني .
_ يعني علشان هي يعني ……
_ متكمليش هي كانت ومبقتش انا إكتشفت اني محبتهاش أصلاً .
_ يا شيخ .
_ شكلي وقعت على جدور رقبتي في حب واحدة تانيه .
_ اضايقت اسماء شويه بس قالت : ربنا يسعدك انا هامشي بقى علشان إتأخرت .
_ إستني اوصلك .
_ ليه إن شاء الله بعرف اروح لوحدي .
_ طب لما توصلي هكلمك اطمن عليكي يا ريت تردي .
_ تمام باي .
☆ ————— بقلم الكاتبة/ آية إنسان —————☆
 في فيلا السمري :
_ دخل إياد عند أبوه واللي سأله عن هاجر .
_آسر  : بصراحه كده يا بابا هاجر عاوزه تطلق .
_ ليه يا آسر اوعي تكون زعلتها .
_ لا أبداً بس اكتشفت اننا مش هنقدر نكمل سوى .
_ ليه بس يا آسر .
_ نصيب يا بابا .
_ ربنا يهديك يا ابني .
_ تصبح على خير يا بابا .
_ وانت من اهله .
☆ ————— بقلم الكاتبة/ آية إنسان —————☆
 عند إياد في شقته : 
_ اياد : انت عرفت هتعمل اي .
_ فهمت يا باشا  .
_ مش عاوز غلطه انا عاوزها هي و لو إتأذت هخلص عليك .
_ متقلقش يا إياد بيه .
يتبع ……
لقراءة الفصل السابع والثلاثون : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى