رواية غرام الرعد الفصل الثامن والثلاثون 38 بقلم رحمة أشرف

زهراء وريوان بيحاولو يصحو في رحمه وهي نايمه في سابع نومه 

رحمه بزعيق… بااااااس… خلاص اهدو في ايه في حد يصحي حد كده 

زهراء بعصبية. بت انتي قومي .. كل ده زفت نوم … يخربيتك ربيتي كرش ..قبل الفرح 

رحمه بتريقه…ليه هو انا بغل زيك ..المهم . سوسو فين وبابا 

زهراء .. سوسو. عند فاتن… وبابا بيزور عمو محمود في المقابر 

رحمه بحزن ..ربنا يرحمه 

ريوان وزهراء… يا رب 

زهراء وهي تشد الغطاء… يلا قومو وانا هدخل اشوف المطبخ امك سيباه يضرب يقلب .. وقال ايه زهراء الي تنضفه

رحمه ضحكت ..هههههه

زهراء بخبث.  رحمه امك قالت اقولك… تغسلي السجاد 

رحمه بصدمه ايه ما انا غسلته المره الي فاتت مليش فيه 

زهراء بخبث .. ومين الي وقع عليه البيبسي امبارك امي 

رحمه بزهق وهي اصلا نسيت أن رعد كلمها.. يوووووه ..رحمه رحمه رحمه 

ريوان بضحك.. انا هروح ارن على قرة عيني .. وحبيبي وزوجي وفارس احلامي.   

رحمه . بس يا بتاع السكرتيره 

ريوان ضحكت .. لا ما هو قال أنه بقا بتاعي وبس.  ههههه

زهراء.  ههههه يلا قومي يا بت انتي كسوله اوي يخربيتك .. 

رحمه بزهق… ايوه يعني صحيت أهو اعمل ايه انا دلوقتي…. بتصحوني ليه 

الباب خبط 

ريوان. اهوو قومي افتحي 

رحمه. ايوه ماهو انا البوابه بتعتكو… انا مش عارفه هو انتو اشترتوني ..دي امك منك ليها لو كسباني في كيس شبسي.. كنتو اتعاملتوا معايا احسن من كده….ااه ياني .. و فتحت وخدتش بالها هي لابسه ايه. نعم. ايوه مين…. في حد يجي لحد في وقت زي ده … راعو المواعيد يا عالم يا … 

رعد بعصبية …  عالم يا ايه يا حبيبتي 

رحمه بصدمه… رعد

رعد اخد نفس عميق بعصبية ..  ممكن اعرف فاتحه الباب ..كده ازاي 

رحمه بعدم فهم. ازاي يعني زي الناس .. كده مسكت المقبض كده.  وسحبت الباب كده وانفتح 

رعد بعصبية وصوت عالي ..رحمه مش ناقصه غباء علي المسا .. 

رحمه بحزن.  رعد انت بتتعصب عليا ليه .. 

رعد زقها تدخل جوه وقفل الباب وبصلها بعصبية .. خمس دقائق تدخلي تلبسي ويلا علشان نمشي .. 

رحمه بصتله بدموع وعيطت ودفنت وجهها في اديها 

رعد اخد نفس عميق بعدين قرب منها.. طيب بتعيطي ليه دلوقتي.  

رحمه بدموع .. علشان بتزعقلي وانا مش فاهمه انت متعصب عليا ليه 

رعد بهدوء مسك ايديها وسحبها تقف قدام المرايا .. شايفه ايه 

رحمه ببرأه .. انا وانت. أتصدق لايقين علي بعض.  انا بحبك اوي يا رعد اوي 

رعد ابتسم علي الغباء الي هيا فيه .. وانا بموت فيكي يا عيون رعد. بس مش شايفه حاجه غريبه 

رحمه بصت علي نفسها كانت لابسه برموده لآخر الركبه وبنص كم وكان شعرها مبعثر وغير مرتب ورعد واقف بشموخ لابس بدله سوداء جميله اوي ..

رحمه بغباء. البدله الي لبسها تحفه يا بطلي… هتاكل منك حته 

رعد مقدرش يمسك نفسه اكتر من كده وضحك علي برائتها ..هههههههه شكرا يا حبيبتي دانتي الي عيونك قمر…. بس مش شايفه مثلا انك فتحتي الباب وانتي بشعرك ولابسه برموده… مع انك متعرفيش مين علي الباب .. افرضي كان شخص تاني غيري. ولا حضرتك واخده انك تفتحي الباب كده.  

رحمه بصدمه وهي تضع يدها علي بقها.   هااااا. يعني انا واقفه قدامك ببرموده 

رعد وهو يقرب منها بخبث .. وهتفرق ازا قدامي ولا قدام غيري وبعدين انا زي جوزك برضو .. 

رحمه بهمس وغضب طفولي .. رعد عيب كده. وبعدين اخواتي جوه.. ابعد.. 

رعد مسك اديها وسحبها لتنصدم بصدره العريض .. وحشتيني اوي 

رحمه بكسوف.. رعد ابعد 

رعد بابتسامه عاشق.. شكلك قمر وانتي مكسوفه 

رحمه . قمر مين اوعا دانا حتي مسرحتش شعري .. وعامل زي سلك المواعين اقسم بالله

رعد ضحك .. مجنونه.  طيب يلا ادخلي البسي .. علشان نخرج

رحمه ..هنخرج فين 

رعد بابتسامه وهو يقرب من وجهها. ياروحي مش انا لسه مكلمك من ساعه وقلت هاجي اخدك نشوف الفساتين 

رحمه بتوتر وهمس.  طيب ابعد 

كان رعد مركز مع حركة شفيفها وبس 

رحمه مسكت وجهها رفعته يبصلها في عينيها قبل ما يوصل لشفيفها ..نظرت داخل عيناه .. رعد بطل قلت ادب.. عيب كده 

رعد ابتسم . ماشي ياجميل.  بكره هتبقي في بيتي.  وساعتها شوفي مين ينجدك من تحت ايدي 

رحمه . قليل الادب اقسم بالله. ابعد بقا 

رعد بضحك.. طيب ادخلي  البسي حاجه علشان مينفعش تقفي كده شكلنا مش لطيف خالص 

رحمه وهي تبص على نفسها. ليه ما…… افتكرت انها واقفه لسه بالبرموده دخلت تجري وهي بتقول …ادخل اقعد انا جيه اهو

رعد ضحك على جنانها ودخل قعد في الصالون 

رحمه دخلت بصت على نفسها في المرايا وكانت شعرها مفرود حولين وجهها…. ايه يا غبيه هتطلعي قدامه ازاي كده يا حيوانه

ريوان. واقفه كدا ليه ومين الي جه 

رحمه. رعد…. بره 

ريوان. وسيباه يا حيوانه… البسي وطلعيله 

رحمه. حاضر… واتجهت الدولاب مش عارفه تلبس ايه 

زهراء. مالها دي 

ريوان. رعد بره وهي مش عارفه تلبس ايه 

زهراء. ههههههه اوعي وانا اسعدك 

رحمه. يلا بسرعه

زهراء. طلعتها ترنج بالون الأصفر.. خدي ده حلوو 

رحمه. الله….. لا مش حلوو يا حيوانه وبعدين هطلع كده ازاي 

زهراء. وريوان. هههههههههه البسيه بس وبعدين ما هو جوزك ياختي يلا 

رحمه اخدته لبسته وطلعت.. لرعد وهي في قمت كسوفها 

رحمه بكسوف… انا اسفه.. على الي حصل 

رعد بابتسامه.. هو مش انا قلت البسي علشان خارجين .. لابسه ده ليه 

رحمه بابتسامه.. مش عارفه.  المهم .. تشرب حاجه الاول بعدين هقوم البس 

رعد . كان ممكن تجيبي حاجه اشربها علي ما تلبسي… 

رحمه بغضب طفولي.. بطل بقا عرفنا انك ذكي .. 

رعد. وهو يحضنها بحنان… وحشتيني..اوي  ياروحي

رحمه بحب..  وانت كمان وحشتني اوي يا رعدي

دخل عليهم زهراء وريوان ورعد بعد عن رحمه وهو بيسلم عليهم .. 

ريوان و زهراء.. رعد ازيك

رعد بابتسامه.. انا تمام الحمد لله.. انتو عاملين ايه

ريوان وزهراء بابتسامه… كويسين الحمد لله

رعد ..يلا اجهزو علشان هنخرج 

زهراء باستغراب.. هنروح فين

رعد بابتسامه.. هنشوف فساتين علشان الفرح 

ريوان. بس مش نقول لبابا الأول

رعد..انا رنيت عليه… وهو مش ممانع البسو انتو بس

رحمه بنووم. لا مش عايزه اخرج انا عايزه انام

زهراء ضربتها علي راسها… لمى لسانك يا حيوانه

رعد ضحك ههههههه سبيها براحتها. يا زهراء ….. ليه يا حبيبتي… مش عايزه نجيبلك فستان 

رحمه بنوم … كده.. عايزه انام وخلاص وبعدين انا عندي فستان الي جبتهولي إمبارح في كتب الكتاب ..البسه وخلاص

زهراء وريوان بصلها باستغراب و مشيو

رعد قرب منها وهو يهمس في اذنها بصوت رجولية اذابها … مرات رعد الجارحي تلبس احلا واجمل حاجه.. وبعدين ده فستان زفاف مش كتب كتاب 

رحمه بخفوض وهي تنظر لعيونه.. ما انا عايزه انام البت توتا سهرتنا لحد الساعه ٤ونص ..

رعد بابتسامه خفيفه و قبل خدها بحنان .. علشان بعد كده تنامي بدري…. وبعدين كل ده بتتكلمو في ايه 

رحمه وهي تقرص في خدوده وهي بتضحك .. عليك علي فكره 

رعد ضحك.. عليا انا طيب ربنا يسترها معايا بقا. قومي يلا .. 

رحمه بابتسامه… ماشي هلبس.. اوع يلا خليني اقوم 

رعد وهو يبصلها وهو يتأمل عيناها.. بحبك  ..يلا قومي 

رحمه مشيت

دخل زهراء بالعصير. اتفضل يا رعد على ما تلبس 

رعد بابتسامه… تسلم ايدك 

رحمه وزهراء دخلوو لريوان يلبسو

زهراء. لبست دريس اوف وايت واسع.. وحجاب 

ريوان. لبست دريس ابيض مع الوان خفيفه وكان واسع فضفاض و حجاب  

رحمه كانت لابسه مني دريس موڨ وكان بحزام من الخصر محدد خصرها وجسمها علي بنطلون جينز وحجاب 

رعد انصدم برحمه. انتي لابسه ايه ده

زهراء وريوان. ههههههههه البسي بقا قلتلك مش حلو احنا نازلين وسبوها و نزلوا

رحمه بابتسامه خفيفه… ماله وحش 

رعد بعصبية وصوت شبه عالي. ادخلي غيري الي لبساه ده.. 

رحمه انتفدت من مكانها من صوته  وعيطت قالت بتحدي… لا

رعد وهو يقرب منها بعصبية ويحاول يتحكم في انفعاله.. قلتي ايه

رحمه بخوف وتوتر.. قلت لا يا رعد 

رعد بنرفزه… رحمه ادخلي غيري الي انتي لبساه و ما تعصبنيش

رحمه بخوف. وانا قلتلك لا

رعد اتعصب وهو يرفع السبابه أمام وجهها… قلتلك قبل كده عصبيتي وحشه يا رحمه ادخلي غيري و ما تعصبنيش للمره التانيه 

رحمه بدموع في عنيها وبصوت مرتجف من الخوف… حاضر ودخلت غيرت هدومها

بعد شويه طلعت وكانت لابسه دريس  طويل وواسع وحجاب 

رعد بابتسامه وهدوء … كده احلا  يلا ننزل

رحمه ماتكلمتش وفتحت الباب و طلعت.. رعد طلع وراها وهي قفلت الباب

رعد مسك اديها و باسها.. متزعليش .. انا اسف اني اتعصبت عليكي .

رحمه بصتله بحزن و سابت ايده ونزلت قدامه

رعد استغرب من تصرفها.. ونزل وراها

رحمه نزلت لقت زهراء وريوان قاعدين  علي الكرسي الي ورا 

رحمه بهدوء. زهراء انزلي اقعدي قدام

زهراء وريوان. مالك… حصل ايه

رحمه وهي حبسه دموعها… مفيش انزلي اقعدي قدام

زهراء بهدوء .. حاضر

زهراء .. نزلت قعدت قدام ورعد ركب العربيه ورحمه قعدت جنب ريوان ورعد اتحرك بالعربيه

ريوان وهي تحط اديها على كتف رحمه .. مالك يا حبيبتي

رحمه بهدوء .. مفيش .. ونظرت لاتجاه الشباك

رحمه حط راسها على الشباك… وهي شارده.. بذالك الرعد 

ريوان وزهراء بيبصو لبعض باستغراب

زهراء… رحوم

رحمه….. لا رد 

ريوان.. رحمه.. روحتي فين

رحمه بانتباه.. اه . كنتي بتقولي حاجه

زهراء .. مالك يا حبيبتي 

رحمه .. مافيش انا بس .. تعبانه شويه علشان منمتش امبارح كويس

ريوان بشك.. بتكدبي ليه

طبعا كل ده بيحصل أمام رعد الي مدايق علشان زعلها بس متكلمش

رحمه دموعها نزلت في الوقت ده…خلاص  بقا انتي وهي 

زهراء لرعد… لو سمحت يا رعد وقف العربيه

رعد باستغراب.. ليه كده 

زهراء بإصرار… وقفها بس

رعد وقف العربيه … و زهراء نزلت من العربيه وفتحت الباب عند رحمه ونزلتها..  شويه ورجعين

ريوان.. ماشي

زهراء اخدت رحمه و مشو شويه بعيد عن رعد و ريوان 

زهراء. قليلي بقا في ايه

رحمه عيطت وحضنتها. هو بيتغير معايا اوي يا زهراء… شويه بحس انه بيحبني وحنين عليا وأنه فعلا هيحافظ عليا  وشويه بحس انه هيموتني أو يضربني لم يتعصب 

زهراء بابتسامه حنان… طيب اهدي

رحمه وهي تجفف دموعها… حاضر

زهراء بابتسامه… انا عندي ليكي.. حاجه تخليه يتعذب انه قالك كده

رحمه بانتباه… قولي

زهراء…..

بعد شويه رجعو العربيه

زهراء.. اقعدي قدام بقا 

رحمه بابتسامه.. ماشي

رحمه دخلت العربيه وقعدت جنب رعد وزهراء قعدت جنب ريوان

رعد اتحرك بالعربيه

ريوان.. حوم انتي كويسه

رحمه بابتسامه.. اه 

ريوان بابتسامه حنون.. انتي كويسه يا رحمه.. متأكده 

رحمه ضحكت علي استغراب ريوان.. هههههههه انا كويسه

رعد أستغرب من تغيرها فجأة

بعد شويه وصلو لمول كبير جداً وكان مروان ومراد واقفين قدام المول

ريوان وزهراء نزلوا و رحمه جت تنزل لولا ايد رعد الي منعتها عن النزول 

رعد بحنان.. انتي كويسه يا حبيبتي 

رحمه بابتسامه… ايوه.. يلا ننزل 

رعد بشك… ماشي 

رحمه نزلت ورعد نزل وراها

مروان بابتسامه حنون… وحشتيني اوي 

زهراء بكسوف . وانت كمان .. 

ريوان لمراد.. الشغل عامل ايه 

مراد بضحك. بقا مروان وزهراء بيحبو في بعض ..وانتي الشغل عامل. ايه.  ماشي يا ستي. الشغل كويس جدا بس صاحب الشغل الي مش كويس 

ريوان بخضه.. ليه مالك. فيك حاجه. 

مراد ..هههههه وحشتيني بس 

ريوان ضربته علي صدره … غلس

الكل ..هههههههه 

رعد بجديه …يلا علشان هنتأخر 

مروان بابتسامه.. ايوه يلا 

مراد بابتسامه… هنروح فين الاول 

رحمه. ممكن نروح نشرب حاجه علشان حسه نفسي دايخه 

رعد قرب منها… انتي كويسه 

رحمه بتجاهل… ايوه…. وبعدت عنه وراحت لزهراء

مروان. خلاص تعالو اتجه للكافيه 

و قعدو على ترابيزه واحده وفي الوقت ده كان فيه عيد ميلاد في الكافيه 

مروان بابتسامه.  ها تطلبوا 

ريوان. انا عصير

رحمه قطعت كلامها… مش هنشرب… انا جعانه. جعانه.. جعااااااانه

زهراء بابتسامه.. افصلي ايه الازعاج ده.

مروان. ماشي… ناكل 

رعد ومروان قامو يوصو علي طلباتهم 

بعد شويه 

زهراء وهي تنظر حولها …. في عيد ميلاد هنا 

مروان بابتسامه… ايوه بين كده ميتم 

رحمه كانت عايزه تقوم تشوف العيد ميلاد بس قعدت 

بعد شويه لقو الناس متجمعه هنا وفي حد بيقول

.. انزل يا حبيبي ها تقع

رحمه ورعد ومروان وزهراء وريوان ومروان ومراد  اتجهوا لهناك لقو ولد صغير واقف في الشباك وعايز يقفز

الطفل. انا عايز اروح عند بابا.. مش عايز طنط الوحشه دي 

رحمه وزهراء قربو منه.. انزل يا حبيبي ها تقع كده 

الطفل بحزن.. لا ..متقربوش انا عايز اطير لبابا وماما.. هم قلولي انهم طارو عند ربنا 

رحمه بابتسامه.. طيب انت اسمك ايه 

الطفل بحزن.. رعد 

رحمه باستغراب.. اسمك رعد 

رعد الصغير.. ايوه 

كل ده بيحصل امام رعد ومروان ومراد وريوان 

زهراء. طيب تعالي يا رعد هتقع يا حبيبي 

الطفل … لا

رحمه همست لزهراء.. خليكي واقفه علشان ميخفش منك 

زهراء بانتباه.. ماشي 

رحمه وهي تقرب له.. انت من الميتم

رعد بانتباه… ايوه 

جت عليهم صاحبة الميتم.. رعد.. انزل هنا حالا 

رحمه بصوت شبه عالي.. اخرسي انتي ازاي تكلميه كده 

صاحبة الميتم.. بس يا فندم رعد عيد ميلاده انهرضه و عاملينه هنا في الكافيه وهو سبني ومشا اصل الأطفال كتير 

رحمه  بعصبيه… حسابك معايا بعدين 

صاحبة الميتم سكتت

رحمه بابتسامه وهي تقرب منه… انت عيد ميلادك انهرضه 

رعد الصغير… ايوه 

رحمه وهي تشاور على رعد الي واقف بيبصلها بابتسامه … شايف الشخص ده

رعد الصغير. اهنو 

رحمه بابتسامه.. ده الي لابس بدله سوده

رعد الصغير… ايوه 

رحمه بابتسامه.. ده جوزي… اسمه رعد 

رعد الصغير… بجد 

رحمه. ايوه تعالي وانا اعرفك عليه 

رعد الصغير بعناد… لا 

رحمه بابتسامه مشاكسه… طيب تعرف تقول مره واحد بقرش قبل واحد بقرش قله معكش قرش قله مفتكرش 

الطفل باستغراب .. ايه 

رحمه والكل.. ضحكوا ..هههههه

رحمه بضحك .. ضعيف 

الطفل بزعل… انا مش ضعيف علي فكره… وجه ينزل كان هيقع لولا رعد الي لحقه علي اخر لحظه 

رحمه واقفه مكانها مش قادره تتحرك من الصدمه 

رعد كان شايل الطفل… انت كويس يا حبيبي 

الطفل هو رأسه بايوه .. 

رعد قرب من رحمه وهو شايله… 

رحمه اخدته منه .. انت كويس حصلك حاجه  

رعد وهو يحضنها. ايوه كويس.. يا ماما 

رحمه بابتسامه خفيفه… هههههه انا ماما. 

صحبت الميتم راحت علشان تاخده

رحمه بعصبيه.. ابعدي عنه .. 

رعد بيكلم صاحبة الميتم.. انتي متحوله للتحقيق .. 

صحبت الميتم مشيت 

رحمه لسه شايله رعد الصغير.. ورعد الكبير قرب منها 

رعد وهو يلعب في خد رعد الصغير وبيبص لرحمه بحب كبير  

مروان بجديه … انا ممكن احطه في ميتم بتاعي 

رحمه بابتسامه.. ياريت 

زهراء. ايه رايكو نحتفل بعيد ميلاده 

ريوان. ايوه يلا 

رحمه. اخدته واتجهت لعيد الميلاد هي لسه شيلاه 

والكل وراها 

قعدو يحتفلو مع رعد الصغير 

رحمه خلعت السلسله بتاعتها ولبستهاله ..دي هديتي يا قمر خليها في رقبتك علشان تفتكرني 

رعد الصغير. حاضر يا ماما

رحمه. مش عيزاك تطير تاني… بابا وماما هايزعلو

رعد الصغير. حاضر 

مروان. انا ها خلي فهد يوديه الميتم عند جميله 

زهراء بغيظ. جميله يا بتاع جميله 

رحمه.. ماشي 

مروان ابتسم بخبث 

رعد الصغير. انا هروح ميتم تاني… دي فيه طنط وحشه 

رحمه وهي تبوسه خده… متخفش الميتم بتاعنا فيه طنط جميله… هي عسل و هتحبك ..والي يزعلك بس قولي 

رعد الصغير بحزن… هاتجيلي يا ماما

رحمه بابتسامه. . اكيد يا قلب ماما.  … يلا روح مع عمو

رعد الصغير  بأسها في خدها. حاضر 

فهد اخده واتجه للميتم 

مروان. هيوديه لجميله و هتعمله عيد ميلاد كمان مع صحابه الجداد 

رحمه بفرح. خلاص ماشي 

رعد كان واقف بيبص عليها بحب وزعل في نفس الوقت انه زعقلها 

رحمه. ههههههه طيب يلا نخلص علشان انا حسه اني هقع من طولي 

رعد خاف عليها. ممكن نروح لدكتور لو حابه 

رحمه بتجاهل.. لا… انا كويسه…. يلا يا زهراء 

الكل اتجه ليشتري فساتين 

زهراء لبسه فستان بالون الابيض وبتلف بيه قصاد مروان بحزن… حلو

مروان بابتسامه.. مالك … جميل جدا 

زهراء. خلاص ها خده

مروان قرب منها ..بقول مالك ..

زهراء بحزن. انت مش شايف انك لحد دلوقتي مقلتليش كنت فين انت وجميله وقت ما شوفتك 

مروان بابتسامه حنون…كنا عند الدكتور .. جميله عندها حاله نفسها… فا كنا هناك ..

زهراء بدموع.  بجد 

مروان بابتسامه..ايوه .. عجبك الفستان ولا نشوف غيره 

زهراء بابتسامه.   مادما هو عاجبك فا حلو اكيد 

مروان بابتسامه ..تعالي نحاسب 

عند ريوان 

ريوان لابسه فستان بالون الابيض بس تصميم تاني. جميل 

مراد بانبهار… حلوو….. عسل عليكي 

ريوان بابتسامه حنون. بجد 

مراد.هههههه ايوه 

ريوان بابتسامه. خلاص نجيبه 

مراد. بجديه.. ايوه ليه لا 

عند رحمه 

رحمه كانت لابسه فستان بالون الابيض بس تصميم تاني غير بتاع زهراء وريوان.. حلو

رعد ببرود… لا 

رحمه بهدوء… خلاص هغيره 

رعد قرب منها و حصرها بين أيده وهو ينظر لعيناها… بتعملي كده ليه 

رحمه بتوتر.. ب. بعمل ايه 

رعد بهدوء.. بتعزبيني.. اوي 

رحمه. انا عملت ايه 

رعد بخفوض وهو قرب منها… مش عارف… شوفي انتي 

رحمه بعدت عنه. انا كويسه.. ومش بعزبك ولا حاجه… انا دخله اغير 

الكل خرج بعد ما جابو فساتين ما عدا رحمه 

واقفين بره المول

زهراء. هنروح فين تاني

رحمه. لا هنروح بقا كده كتير

ريوان باستغراب… ليه يا رحمه دا حتي اليوم جميل 

رحمه. لا انا عايزه اروح…. روحو انتو  اتفسحو انا همشي

ريوان. لا….. مينفعش من غيرك

رعد بهدوء . رحمه هتروح معايا مشوار سريع كده 

زهراء باستغراب.  علي فين .

رعد بابتسامه.. مفاجأة

مراد. طيب تمام .. ايه رايكو نروح الجنينه نشرب حاجه  هناك

ريوان. ياريت

ريوان ركبت مع مراد وزهراء ركبت مع مروان ورحمه ركبت مع رعد متجهين لمكان مجهول 

مروان وهو يكلم زهراء. هي رحمه مالها

زهراء. متخانقه مع رعد

مروان. والله… وانا بقول مشبيتكلموش ليه

*********************************************

عند رحمه

رعد سايق العربيه وفجأه وقف بيها

رحمه. ايه وقفت ليه

رعد بهدوء… ممكن اعرف انتي ليه بتعزبيني كده

رحمه حابسه دمووعها. هعزبك ليه انا عملت حاجه

رعد. وهو ده الي مزعلني…. اني زعلتك وانتي ماتكلمتش

رحمه بدموع.. علشان كل مره بحاول انسى موضوع المخزن وانت كل لم تشوفني تفكرني بيه… وكل ام تتعصب.. تقلي عصبيتي وحشه بتحسسني اني لو فمره زعلتك هتعمل فيا زي معملت الأول تحطني في المخزن و تضربني.. بتخوفني منك… و بتخليني كل ام تتعصب اخاف اكتر

رعد حس انه قسا عليها… وقرب منها وقبل يدها. انا بجد اسف مكنت اعرف انك بتخافي مني.. انا بس اتعصبت لانك كنتي عايزه تخرجي كده… وبعدين انا مستحيل اضربك .. دانتي حبيبتي

رحمه بدمووع. طيب اسكت مش عايزه اتكلم.. ويلا نمشي

رعد اتحرك بالعربيه

ورحمه و دت وجهه الاتجاه  التانيه وعيطت

بعد شويه وصلو لجنينه  كبيره اوي  ورحمه ورعد مكملين في طريقهم  ودخلو قعدو. على النجيله

زهراء وريوان. واااااو جميل

مروان ومراد قاعدو وبعدين جابو غزل البنات وايس كريم

مروان وهو يدي لزهراء. خدي يا حبيبتي

زهراء. شكرا

ريوان .. وان يا مراد عايزه

مراد بعناد. لا ..بقا اول ما تشوفيني تقولي الشغل عال ايه 

ريوان بزعل . خلاص والله .. عايزه غزل البنات 

مراد بخبث.  وايه المقابل 

ريوان قربت منه وقبلت خده .. كده حلو 

مراد بابتسامه.. عسل شبهك 

********************************************

عند رعد ورحمه 

رحمه بزهق.. انا رايحين فين.  وبعدين لسه مجبناش الفستان 

رعد بهدوء .. اسكتي 

رحمه بصت للاتجاه التاني وسكتت .. 

وصلت السياره لبيت غرام الرعد 

رعد بابتسامه.. يلا انزلي 

رحمه بعناد … لا مش هنزل يا رعد .. 

رعد مسك ايديها وباسها .. يلا يا حبيبتي . 

رحمه بعصبية ودموع .  لا يا رعد انت من الصبح بتزعقلي وبتخوفني منك …. وكمان كل أم اقيس فستان تقول وحش ..و مجبتش حاجه .. 

رعد قرب منها يمسح دموعها . هششش اهدي …. ونزل من العربيه .. بعدين فتح الباب عند رحمه .  انزلي 

رحمه بصتله بقلت حيله..ونزلت .. نزلت ..ها بقا جاين هنا ليه 

رعد مسك اديها.. تعالي 

ودخلت البيت واول ما رعد فتح الباب رحمه انصدمت .. فكان فيه فستان طويل ابيض في نص البيت .. واسع مع تحت كان فستان زي بتاع الاميرات 

رحمه بصدمه.. ده ده بتاعي 

رعد بابتسامه .. انتي شايفه ايه 

رحمه بصتله .. علشان كده كنت بتقول علي اي فستان لا لا لا 

رعد قرب منها ..وسحبها من خصرها لتنصدم بصدره العريض.. يارب زوقي يعجبك

رحمه بابتسامه كسوف .. حلو اوي ابعد بقا 

رعد وهو يتأمل وجهها .. ابعد ليه .. ما كده حلو 

رحمه بابتسامه.. علي فكره انا لسه مخصماك ابعد بقا 

رعد وهو يقرب وجهه منها .. ودي تيجي .برضو بقا حبيبت رعد الجارحي تزعل .. 

رحمه بابتسامه.. قليل الادب..وابعد بقا عايزه اشوف الفستان يا رعد ابعد 

رعد بعد وهو مبتسم .. طيب ياروحي. شوفي براحتك

عدا اليوم علي الكل.. ورعد عرف يصالح رحمه … بعد وقت وصلو للبيت 

دخلو البيت كان الكل متوتر والاب بيحاول يرن علي حد 

رحمه باستغراب… في ايه يا بابا 

سوسو.. بحزن.. عامر جوز عمتك اتوفى من  شويه .. وعمتك لوحدها بره 

رحمه وزهراء وريوان. ايه

رحمه وهو يقرب لابوها. اهدي يا بابا كل حاجه هتبقا كويسه أن شاءالله

زهراء وهي تحضن امها … اهدي يا حبيبتي .. 

رعد للاب… البقاء لله.. 

الاب .. ونعم بالله يا بني 

مروان بتفهم.. طيب اهدو بس 

الاب. انا بحاول اكلم المطار.. قالو أن آخر طياره .  طلعت من ساعتين 

مروان بجديه. اهدي يا عمي و هيكون كل حاجه بخير 

رعد بجديه .. مروان.. كلم المطار. يجهزو طيارتي الخاصه 

ريوان بتدخل… انا ها سافر معاك يا بابا 

الاب. لا يا حبيبتي… انتي ها تقعدي مع جوزك 

ريوان. يا بابا. انا كده كده كنت ها سافر علشان امتحاناتي قربت فا ها سافر معكم وخلاص 

مراد بجديه هو الآخر ….. خلاص انا ها سافر معاكم وكده كده وماما هاتقعد مع مروان 

الاب. خلاص على خيرت الله  

مروان …الطياره جاهزه 

رعد بهدوء .تمام ..

الاب. مش هوصيكم على رحمه وزهراء 

مروان. متخفش يا عمي هم في عنينا 

رعد السواق تحت بالعربيه… ها يوصلكم  للمطار 

الاب ماشي وقرب لرحمه وزهراء الي واقفين والدموع علي خدهم 

.. بس يا حبيبي متعيطوش انا مش هتاخر… وبعدين انتو هتكونو مع رعد ومروان .. بعدها بص لرحمه. خليكي مؤدبه متتشاقيش

رحمه بدموع. حاضر  اوعدك هكون مؤدبه

عد الوقت الاب والام  وريوان سافرو 

رعد بابتسامه.. يلا يا روحي 

رحمه بابتسامه هادئه ..يلا 

مروان بضحك… يلا يا مراتي يا حبيبتي 

زهراء ضحكت..ههههه يلا يا حبيبي

رعد ورحمه دخلو البيت 

رعد بصوت شبه عالي… دادا 

سميحه خرج ..ايوه يا بني انا هنا .. ايه ده رحمه 

رحمه جريت عليها . وحشتيني اوي اوي 

سميحه حضنتها .. وحشتيني اوي  …. كده متجيش علشان اشوفك 

رحمه بابتسامه.. معلش ياحبيبتي وبعدين انا معاكي علي طول أهو …بابا سافر وانا هقعد معاكم لحد ما بابا يرجع ونعمل بفرح 

سميحه حضنت رحمه… الف مبروك يا قلبي 

رحمه بابتسامه… الله يبارك فيكي …انا هنام فين 

سميحه باستغراب… في غرفة رعد طبعا 

رحمه برفض …ايه لا

رعد بتسرع… ايوه ها تنامي معايا…. يلا يا دادا طلعلها هدومها في الدولاب

سميحه مشيت لاوضة رعد 

رحمه بصت لرعد باستغراب … ايه هنام معاك دي احنا ايوه متجوزين بس على الورق 

رعد بابتسامه ..انتي دماغك شمال على فكره 

رحمه… ايوه… هنام فين يعني 

رعد قرب منها وهو يمشي أيده علي وجهها … معايا   في الأوضه وفي حضني 

رحمه بكسوف… لا…. انا مستحيل انام في الاوضه معاك 

رعد بابتسامه وهو لا يزال يمرر يده علي وجهها …. اولا انا مش عيل انا راجل و قلت كلمه لابوكي يعني مستحيل المسك غير لم نعمل الفرح .. وانا قد كلمتي 

رحمه بتفهم وكسوف … ماشي… انا طالعه انام لاني تعبانه اوي. وانت ابعد بقا 

رعد قرب منها يطبع قبله علي خدها .. ماشي انا هدخل المكتب علشان في ملف كده هشتغل عليه 

رحمه بابتسامه خفيفه.. تمام . تصبح على خير

رعد بابتسامه. وانتي من اهل الخير يا حبيبتي ..

رحمه طلعت الاوضه ورعد دخل للمكتب 

*****************&*************

عند زهراء 

زهراء. مروان وصلو لبيت مروان 

زهراء بانبهار…. واااااو ده بيتك 

مروان بابتسامه. حلو 

زهراء بضحك..قول جميل اوي. عظمه علي عظمه 

مروان. تعالي ادخلي يلا .. انتي لسه مشوفتيش حاجه 

دخلو البيت

زهراء بابتسامه … جميل اوي يا حبيبي

مروان وهو يقرب منها … قوليها تاني 

زهراء باستغارب.. هو ايه ده. 

مروان وهو يقبل يدها .. حبيبي 

زهراء بابتسامه خفيفه وكسوف .. مروان عيب كده …

مروان بصلها بابتسامه.. ده هيكون بيتك انتي كمان 

زهراء بتفهم …. وهو مفهوش حد 

مروان. لا…. انا مش بحب الخدم وبعمل كل حاجه بأيدي 

زهراء بابتسامه … خلاص انا الي هعملك كل حاجه واي حاجه 

مروان بابتسامه.. يلا تعالي ام اوريكي اوضتك 

زهراء. يلا 

مروان دخلها اوضه مش بعيده عن اوضه بتاعته كتير 

مروان.. يلا غيري هدومك ونامي 

زهراء، ماشي 

مروان  بابتسامه … تصبحي على خير يا حبيبتي 

زهراء. وانتي من اهل الخير يا حبيبي

*********************************************

عند رحمه 

رحمه غيرت هدومها واقفه قصاد المرايا بتسرح شعرها 

دخل رعد عليها. ده ايه الجمال ده 

رحمه بغرور… هههههه عارفه اني حلوه 

رعد بابتسامه .. حلوه بس… وحضنها من ورا. مش مصدق انك بقيتي ملكي وبتاعتي

رحمه بابتسامه خفيفه… متنساش اني ملكك من زمان 

رعد باس خدها بحب كبير … . بحبك يا غرام الرعد

رحمه بكسوف .. وانا كمان بحبك اوي يا رعدي 

رعد وهو يفك شعرها .. يلا علشان تنامي 

رحمه بتظمر … يوووه يا رعد بقالي ساعه بلف فيه .. 

رعد وهن يدفن وجه في عنقها .. خليه مفرود . علي طول .. اوعي تربطيه …

رحمه بابتسامه.. ايه رايك اسبغه كراميل 

رعد ضحكت … ايه الي طلعها في دماغك .  وبعدين اشمعنا كراميل 

رحمه لفت ليه وهي تنظر لعيونه .. كده حبيت اللون فقلت  اخد رأيك …

رعد بابتسامه.. في اي شكل انا بحبك فيه 

رحمه بابتسامه . طيب يلا ننام.. ومن بكره هبدأ اذاكر علشان امتحاناتي

رعد بابتسامه.. يلا يا روحي 

رحمه بحزن ..رعد 

رعد وهو ينظر لها . عيون رعد 

رحمه بحزن شديد… هو انا وحشه.   

رعد باستغراب. ليه بتقولي كده 

رحمه لفت اديها ليه .. علشان ده . 

رعد قرب منها.رحمه انتي اجمل حاجه شفاها عيوني …. 

رحمه.. طيب انا عايزه اعمل عمليه تجميل في دراعي

رعد وهو يملس علي خدها .. مش محتاجه عمليه يا عيوني .. انتي بكل حلاتك حلوه 

رحمه بصتله ..  بس علي عايزه اعمل عمليه ..  

رعد تمام الي تحبه يا حبيبتي .. يلا علشان تنامي انتي بتنامي وانتي واقفه 

رعد شالها واتجه للسرير وهو بيبصلها .. 

رحمه بنوم …  انا هنام فين 

رعد وهو يشاور على السرير.. هتنامي هنا 

رحمه بابتسامه خفيفه… انت هتنام فين. 

رعد بجديه…هنا بردو

رحمه بصدمه… ايييه لا طبعا اوعا يا رعد 

رعد بجديه وهو ينزلها تقف قصاده ولا يزال يمسك بخصرها…  ليه.. بصي انتي هتنامي معايا هنا و متخفيش على نفسك انا راجل مش عيل وبعدين بقا بزمتك بعد كل علي عملته ده ..تنامي بعيد عن حضني 

رحمه هزت راسها بخجل وكسوف..

رعد بابتسامه.. يلا نامي على مغير هدومي 

رحمه. حاضر

رعد غير هدومه وخرج لقا رحمه نايمه على السرير بس مفتحه عنيها. ايه مش هتنامي 

رحمه. مش عارفه انام ممكن علشان لسه مأخدتش علي السرير 

رعد قرب منها ونام جنبها. ممكن 

رحمه بكسوف …الاوضه حلوه اوي يا حبيبي 

رعد وضع يده اسفل خصرها وجزبها لحضنه وهو مبتسم علي كسوفها.. يلا نامي علشان هتصحي بدري 

رحمه وهي تدخل في حضنه وتدفن وجهها في صدره … لا انا بحب اصحى متأخر 

رعد بابتسامه… لا كان زمان دلوقتي هتصحي بدري 

رحمه….. 

رعد. رحتي فين… وبص عليها لقاها نامت. 

رعد ابتسم وباسها من جبينها. تصبحي على خير يا قلب رعد

*********************************

في الليل 

رعد بتعب. اااه. بابا…..اااااااه لا لا 

رحمه فاقت الي صوته لقت نايم…. رعد حبيبي فوق ده كابوس

رعد وهو يفوق برعب. ااااه 

رحمه قربت منه وحضنتها. اهدي دي كابوس يا حبيبي انتي كويس 

رعد بياخد نفسه بسرعه وضيق

رحمه جلبت كوب ماء .. اشرب .. 

رعد شرب وقعد شويه على مهدي 

رحمه. مالك… انت كويس 

رعد بابتسامه خفيفه… ايوه… انا اسف صحيتك

رحمه وهي تمسك أيده … عادي… بس قلي انت كنت بتقول بابا وهو انت شفت ابوك

رعد. لا.. انا من ساعة مماتو قدامي وانا بحلم بيهم على طول… بقا شئ عادي 

رحمه قربت منه و حضنته. اهدي…. ونام 

رعد اتستح على السرير ورحمه جنبه 

رحمه خدته في حضنها.. ورعد ابتسم ونام 

رحمه بتبص عليه لقته نايم بسته من جبينه. اول ما شوفتك قلت عليك .. مغرور وقلبك قاسي .. بس بعد ما قربت منك وحبيتك.. لو لفيت العالم كله مش هلاقي اطيب من قلبك ….. 

وفي غضون دقائق ذهبت في نوم عميق 

يتبع…..