رواية زوج مأجور الفصل العشرون 20 بقلم زهرة الربيع

رواية زوج مأجور الجزء العشرون

رواية زوج مأجور البارت العشرون

رواية زوج مأجور الحلقة العشرون

دخل رائف بفزع وقال…روفان…فيه مصيبه…عمران خطف فرح
روفان بصت لرائف بصدمه ورشيد قال بزهول…ايه
رائف اتقدم على رشيد بعضب وقال…كلم اخوك…حالا..مش كفايه هرب كمان خطف اختي اتصرف اختي لو مرجعتش هقتلك واقتلو يا رشيد
روفان بصتلو بصدمه وقربت منو وقالت….وانت…انت عرفت منين ان ده رشيد
عند عمران كان في العربيه هو فرح بعد ما اخدها من السواق بصلها وابتسم وسط دموعه وقال…وحشتيني قوي يا فرح…انا وانتي هنبعد …هنبعد عن الكل..مش عايزك تصدقي اي حد يقول اي حاجه عني…تمام…ماشي يا فرح…اوعديني
فرح كانت مستغربه كلا مو جدا وبتبص على الكلبش الي في ايده وقالت بدموع…هيه…هيه روفان قدرت تثبت عليك حاجه…يعني…يعني كلامها عنك مظبوط
عمران بلع ريقه وساق اسرع وقال…احم…ليه بتقولي كده وكلام ايه الي بتقولو عني اختك
فرح قالت بدموع..انا صحيح ممكن يكون عقلي على قده يا عمران بس بشوف كويس…الكلبشات في اديك ليه…روفان مش كده..هيه ديما تقول عنك انك شغلك مش تمام…وانك تاجر مخدرات…الكلام بتاعها صح يا عمران
عمران وقف العربيه في شاليه مفيش جمبو غير البحر ونزل من غير ما يرد عليها وقرب منها وقال…انا مش هعرف اشيلك علشان الكلبش بس متقلقيش دقايق وهحل الموضوع
فرح نزلت دموعها وقالت…مردتش عليا ليه يا عمران…لو كلام روفان صحيح روحني حالا ..انا مقبلش اعيش مع واحد عايش على حساب حياة ناس تانيين
عمران بصلها بغضب وقال..انتي مراتي…مش بمزاجك توافقي تعيشي معايا ولا لا…انتي تفضلي مكان ما انا عايز وبس
فرح بكت وقالت وسط بكاها .لا..لا .انا عايزه اروح مش عايزه افضل معاك
عمران قال بغضب وزعيق..يعني انا الي قاتل نفسي علشان اكون معاكي..لازم تفهمي يا شاطره اني جايبك هنا امن نفسي بيكي مش اكتر..فاهمه ولا لا
فرح قالت ببكا وبرائه..لا ..لامش فاهمه مش فاهمه ومش بفهم انا ابدا
عمران اتحول غضبو لابتسامه من جملتها وقال..في دي معاكي حق..مبتفهميش ابدا..ولا هتفهمي
بقلم…زهرة الربيع
فرح لسه هتتكلم وصل السواق بتاع عمران ومعاه واحد حداد وكان معاه عده وابتدى يكسر الكلبشات لعمران
بعد دقايق كان فكهم وعمران اخد السواق على جمب وقال..مش هوصيك يا دسوقي…اوعى حد يعرف مكاني…ولا حتى رشيد
دسوقي قال..عيب يا باشا..متقلقش…واخد الحداد ومشي ونزل لهم من العربيه شنط فيها ادويه واكل ولبس.عمران كان موصيه يجبهم
اول ما مشيو عمران قرب على فرح وشالها وهيه كانت بتزقو ومش راضيه بس هو ولا مهتم اصلا دخلها الشاليه وحطها على الكنبه وقال…اقعدي عاقله علشان ابقى حلو معاكي…ماشي
فرح قالت بغضب…لا مش ماشي …روحني بقى انا مش عاقله ومش بسمع الكلام
عمران بصلها بغصب وقال ..وانا بعرف ازاي اعقل المجانين…وازاي اخلي الي ميسمعش يسمع …فنهدى ونبقى حلوين سوا..احسن ما اوريكي الوش التاني
فرح بصتلو باستغراب وقالت ..هو انت عندك وشين
عمران سكت بيأس واتنهد وقال…لا…عندي سته…جعانه…اعملك ساندوتش بيف
فرح كتفت اديها بضيق وقالت…لا …اعملي تونه…وحطلها فلفل..كتير
عمران ضحك ومشي وهو بيقول..الي كان ناقصني اربي اطفال
عند روفان كانت هتتجنن لما عرفت ان رائف كمان ان جلال هو رشيد قعدت بزهول وبصتلو بدموع وقالت…حتى انت يارائف…حتى انت كنت بتلعب عليا معاه….
رائف اتجمعت الدموع في عنيه وقرب منها وقال…روفان انا
بس روفان قاطعتو وقالت بغصب..انت اخرك معايا اني الاقي اختك..ده اخر حاجه ممكن نعملها سوا يا رائف…
وبصت لرشيد وقالت….وانت كمان…انت اخر سطر في حكايتنا هيبقى لما اسجنلك اخوك المجرم الي لعبت عليا وخدعتني علشانو…ولحد الوقت ده انا وانتى بح يا رشيد…وقلعت دبلتو من ايدها ورمتها تحت رجلو وقالت…دي دبلتك الي مقدرتش اقلعها لحد انهارده …والي كانت اهم مني مبقاش لها لزمه معايا
روفان قالت كده وخرجت من المكتب ورائف جري وراها بس مردتش عليه…رجع قال بغضب..عاجبك كده انا ياما قولتلك و
بس سكت لما لقا رشيد قعد على الكنبه ماسك الدبله ودموعه بتنزل بحزن رهيب
رائف اتنهد وقرب منو وحط ايده على كتفو وقال..خليك هادي..روفان بتحبك…اكيد مش دي النهايه
رشيد بصلو بدموع وقال…انا فشلت يا رائف..فشلت قوي..لا قدرت احمي عمران…ولا اثبت برائتو…ولا حتى قدرت احافظ على روفان…انا بجد بوظت كل حاجه
رائف اتنهد وقال..ماشي انت ممكن تكون فشلت بس اكيد لسه فيه قدامك الي يتعمل…مستحيل تسبها زعلانه منك..ولا اكيد هتسيب اخوك هربان…رشيد الي اعرفو ميستسلمش بسهوله كده
رشيد وقف وقال بدموع…يلا بينا..لازم نروح وراها
وفعلا راحو ورا روفان وكانت قالبه الدنيا تحقيقات بتحاول توصل لعمران…وتلاقي فرح..قالت لواحد من العساكر…شوف هتروح تجبلي السواق بتاع عمران..ده دراعو اليمين واكيد يعرف مكانو و
رشيد قاطعها و قال…وهو لو يعرف مكانو هيقولك…مستحيل طبعا
روفان بصتلو بغضب وقالت…انت خليك بعيد عن التحقيق يا سيادة الرائد…ومتنساش ان انت كمان هيتحقق معاك…لانك كمان مقصر ازاي سجين متكلبش يقدر يزقك بره العربيه وياخدها ويهرب
رشيد ابتسم وقال…وانا موافق على التحقيق…بس انتي الي هتستجوبيني…مش هقبل بحد غيرك
روفان بصتلو شويه وحاولت تبان اقوي وبعدت عيونها عنو وقالت للظباط ..احم…اتفضلو انتو وهاتولي كل المعلومات الي طلبتها
الكل مشي وفضلت هيه مع رشيد في المكتب بصتلو بغضب وقالت..نعم..اؤمر
رشيد قال بحزن..انا عارف اني غلطت في حقك…وزعلتك اوي ..وكنت اناني لاني عملت كده في سبل ان عمران ميتحبسش…بس انا معنديش غيره في الدنيا يا روفان…حطي نفسك مكاني
روفان بصتلو بدموع وقالت…احط نفسي مكانك…مكانك فين بالظبط مكان جلال ولا رشيد…عارف… انا لما عرفت انك قدامي واقف بطولك وانك سليم زي ما كنت بتمني..حسيت اني مش عايزه اي حاجه من الدنيا تاني…حسيت اني كسبت كل حاجه…بس فجاه حسيت بخسارتي…حسيت اني وقتها بس خسرتك…معنى اني اكون قدامك بتعب وبحاول اجيب حقك…وبتمنى بس ترمش بعيونك..وانت واقف بتتفرح عليا…خلاني حسيت وقتها بس ان خسرتك يوم الحادث يا رشيد
رشيد قال بدموع..والله يا روفان انا…انا كنت بتعذب ذيك…انا بحبك اوي يا روفان…انا بس كنت عايز اثبتلك برائتو…انا كنت ناوي اختفي كام يوم او اقولك ان الفلاشه ضاعت مني بس كلها كانت حاجات عمرها ما هتعدي عليكي لحد ما حصل الحادث والله ما ليه ايد فيه..بعد ما فوقت وعرفت انك بخير فكرت في الموضوع ده…كان كل همي اني بس اثبت برائة عمران واكون جمبك في نفس الوقت …والله انا ماقصدت اجرحك كده…انا كنت هتجنن لما قولتيلي بحب جلال مع اني نفس الشخص بس كانت نار جوايا لمجرد انك فكرتي في حد تاني غير رشيد حبيبك..ارجوكي احنا معشناش الحياه الي تمنيناها..اديني فرصه
روفان قالت بغضب..انت غرصك عندي انتهت …تمام…اطلع من مكتبي يا رشيد..وسبني الاقي اختي..لان دي الحاجه الوحيده الي ممكن تهدي النار الي جوايا..والله لو حصلها حاجه..هنسي كل دقيقه بنا..واخوك الحيوا،ن..هقتلو باديا
ر شيد اتنهد وشاف ان مفيش فايده من الحوار معاها حاليا مشي وهو من جواه مقهور انو السبب في دموعها الي مكانش يشوفها الا بسببو
روفان بصت لطيفه وبقت تبكي جامد بحزن لاول مره تبكي كده
عند رشيد ابتدى هو رائف…يحققو مع الاسيوطي..واعترف على عمران انو شريك معاه وانو هو الي اقترح ان البضاعه تتعمل بالطريقه دي
رشيد كان هيتجنن وقال بغضب..انت بتقول ايه يا زبا،له انت … اتعدل واتكلم كويس احسن اعدلك
الاسيوطي قال..والله ده الي حصل..حضرتك لازم متصدقش…لانو اخوك انا عاذرك يا باشا
رشيد خرج عن شعوره ووقف واتقدم عليه وعايز يضربو بس رائف مسكو جامد وقال بزعيق..بس يا رشيد انت اتجننت امسك اعصابك ولا متحضرش التحقيق
هنا روفان دخلت وقالت…خد رشيد باشا واخرجو انتو يارائف
رشيد خرج بغضب…ورائف طلع وراه وروفان قعدت قصاد الاسيوطي وابتدت تحقق معاه ابتدت تسأل اسأله غريبه عن التخزين..مين اقترح الفكره…ايه طريقه التخزين وازاي تمت وتفاصيل كتير تشتت..وهو طبعا شيل كل حاجه لعمران وقال..انو ميعرفش حاجه عن البضاعه وانو شريكو في الاغذيه وان التحميل والمراكب بتوع عمران
عدو يومين محدش يعرف عن عمران وفرح حاجه ورشيد علاقتو مع روفان شبه اتدمرت ومكانتش بتكلمو خالص بس مرضيتش تسيب بيت عمران لحد ما تلاقي فرح وكانت عنيها طول الوقت على السواق والحارس الشخصي لعمران
عند فرح قالت بحزن..احنا بقالنا يومين هنا يا عمران..زمان روفان هتتجنن عليا حرام عليك بقى انت عارف انها بتخاف عليا خصوصا اذا كنت معاك
عمران قرب منها وبصلها وقال..طب وانتي..خايفه لانك معايا
فرح قالت بابتسامه…انا بخاف لما اكون بعيده عنك..انت الامان بالنسبالي يا عمران
عمران انبسط جدا بجملتها وابتسم وقال..بجد يا فرح
فرح قالت ..اه والله
عمران قال..طيب اذا كده ليه عايزه تسبيني وتمشي
فرح اتنهدت وقالت.. ومين قلك اني عايزه اسيبك…بس فيه حاجات بيبقى لازم نعملها…حتى لو مش عايزنها …وانا زي كده مش عايزه اسيبك بس لازم اعمل كده علشان كل كلام روفان عنك طلع حقيقي
عمران قال بسرعه…بس انا مش كده صدقيني والله انا مستحيل اشتغل الشغل ده…والله اختك ظلماني… واتنهد بحزن وقال..بس هيه. ..هيه معاها حق.انا الي مغفل
فرح كانت بتبصلو بعدم فهم وعمران بصلها وقال برجاء…بس انا مش عايز حد يصدقني غيرك…لو هتصدقيني مش هبرر لاي حد يا فرح
فرح ابتسمت وحطت تيدها على خده وقالت…تبقى مش محتاج تبرر يا قلب فرح…انت…انت حبيبي…وانا واثقه في اي حاجه تقولها…مدام انت قولت انك بريئ يبقى انا مصدقاك…وهفضل جمبك
عمران ابتسم وحضنها جامد وقال..انا كده مش محتاج حاجه تانيه
فرح قالت ..بس انا طالما معاك هنا روفان مش هتسكت وهتقلب عليك الدنيا وتلاقيك..علشان كده عيزاك تسمع كلامي المرادي لان انا عندي حل
بقلم..زهرة الربيع
عمران بصلها باستغراب وقال..هيه الجمله منظمه لاول مره وتبان عاقله كده…بس معقوله يعني يا فرح انا ناقص بلاوي..مش كفايه الي انا فيه كمان همشي ورا حلولك
فرح ضحكت وقالت..هتعمل كده ..وهتشوف افكاري اذاي هتريحك من كووووول ده
عمرام اتنهد وقال بسخريه…يبقى هتجيب اجلي…يلا هحاول اصدق انك هتقولي حاجه مفيده قولي يا ستي
عند روفان قضت اليومين دول في القصر لانها كانت بتراقب سواق عمران لحظه بلحظه علشان توصل لفرح…بس مكانتش بتكلم رشيد ابدا رغم انها معاه في اوضه واحده
رشيد كان مخنوق جدا من معاملتها دي وكان عايز بتكلم معاها خصوصا لما لقاها بتلم شنطتها عايزه تمشي
رشيد قال..احم..انتي …انتي بتوضبي شنطتك ليه..هو انتي معاكي مأموريه
روفان مبصتلوش وقالت بضيق..ماشيه..خلاص مفيش فايده من قعدتي …اصلا طالما عارف اني مرقباه مستحيل يرحلو
رشيد قال ..انتي خلاص بجد عايزه تبعدي عني…يعني لولا فرح كنتي مشيتي وسبتيني يا روفان
روقان قالت بضيق..فعلا ده الي كان هيحصل…وابعد من قدامي خليني اخلص
رشيد قال بدموع…لا..لا طبعا انا مستحيل اخليكي تمشي
روفان قفلت الشنطه وقالت…بس انا مش باخد رأيك اصلا ولسه هتمشي رشيد وقف قدامها وقال بسرعه. .طب..طب نتفاهم هعملك كل الي انتي عيزاه
روفان قالت بغضب..انا وانت مبقاش فيه بنا حاجه تتقال اوعى من قدامي انا مش ناقصه
رشيد فجأخ حضنها من غير مقدمات وقال بدموع…بس انا مش هقدر…صدقيني مش هقدر انا عملت لعبه جلال دي علشان افضل جمبك ومتبعديش عن عيني الفتره الي هختفي فيها…ارجوكي تسامحيني مكانش قصدي كل ده يحصل…لو بتحبيني
روفان غمضت عنيها بالم واتنهدت وبعدت عنو شويه وقالت..مش هقولك مش بحبك واضحك عليك وعلى نفسي..لا لسه بحبك…بس الي اقدر اقولهولك اني هعمل جهدي كلو علشان انساك وانسي الي عشتو بسببك…ومشيت شويه وبصتلو وقالت بسخريه…متحاولش تكلم رائف…لاني مش هكون عندو…وشكرا بجد يا ابن العامري …بسببك خسرت اخويا واختي…يا رب تكون مرتاح
روفان قالت كده ونزلت وسلمت على نجوى وعليا وحضنتهم وكانو زعلانين جدا على كل الي بيحصل
رشيد حاول يتماسك وقرر ينزل يراقبها ويعرف هتفضل فين بس اتفاجأ بشده لما لقاها بتوقف تكسي بس نزل منو اتنين وضربوها على دماغها واخدوها في التاكس بسرعه البرق
رشيد بقى يزعق وينادي بصوتو كلو وجري ورا التاكس لحد ما مسك بابو بس حد خبطو على دماغو جامد فقد الوعي والرؤيه بقت تختفي وعربيه روفان اختفت معاها ووووو