رواية خادمه البرق الفصل السادس 6 بقلم آلاء محمد
رواية خادمه البرق الجزء السادس
رواية خادمه البرق البارت السادس
رواية خادمه البرق الحلقة السادسة
_اممم ماشي بس بشرط
=ايه هو
_مش هتسيبي البيت
=وهقعد هنا بأماره ايه
_ولا حاجه زي ما كنتي قاعده
=انا كنت قاعده لان شغلي هنا
_خلاص كملي قاعده
=بطل برود
بغضب_ضييييييييييي
=بهزر ياجدع الله
بس بردوا انت بتقول كلام غريب ابقي سبت الشغل وقاعده مش فاهمه ليه يعني
_انا عايزه كده ثانيا افردي عوزتك ف شغل بليل هعمل ايه
=هو اي تلاكيك ما محمود بعيد اهو والشغل بيخلص بردوا
_بصي اعملي اللي انتي عايزاه واتفضلي بقي براا علشان اتخنقت من الرغي بتاعك ده
=اقول انك معرفتش ترد
_براااا يا برده
=تسلم ياغالي
نزلت وانا بفكر ما اقعد فعلا إذا كان صاحب البيت عايزني اقعد انا اقول لا ده غير اني بشوفه كل يوم طب ما انا هشوفه بردوا تناقض جوايا رهيب اهلي ولا هو طبعا مفيش مقارنه فاخترت اهلي منكرش اني مشدوداله وأنه هو كمان كده كفايه أنه مبيعاملش حد زي مبيضحكش غير معايا وانا كمان كده بس ده ميمنعش اني ماشه ورا عواطفي بزياده وده غلط لازم اعمل حدود لازم استخدم عقلي شويه
نمت بعد تفكير عميق صحيت الصبح لبست وجهزت ونزلت كان مستنيني ف العربيه ركبت واتحركنا
=صباح الخير
ببرود_صباح النور
=عامل ايه
_كويس وانتي
=بخير الحمدلله
_دايما
=تسلم
ماله ده علي الصبح بينقط الكلام كده ليه
_قررتي هتعملي ايه
=لميت حاجتي امبارح هرجع اخدها واروح
ملامحه لسه بارده مفيش رده فعل _تمام
طول الطريق ساكتين قاصدي طول اليوم مفيش اي كلام دار بنا غير الشغل ولما بحاول افتح كلام بيرد ببرود رجع زي الاول بل انيل ماله ده حصل ايه لكل ده
خلصنا اليوم ورجعنا دخلت غيرت هدوم الشغل ولبست لبسي العادي وسيبت شعري بقالي كتير معملتش كده اخيرا هرجع بيتي تاني
طلعت لقيت مريم ومي واقفين مع مدام اميره مستنيني اول أما شافوني جريوا عليا -متمشيش وتسيبينا
=بطلوا عياط بقي لحسن لو عيط محدش هيعرف يسكتني
-ليه هتمشي للدرجادي مصدقتي
=اهلي لازم تبقي معاهم
-ياريته مخلاكي تمشي ياريتك ما سبتي الشغل
=هاجي اقعد معاكم صدقوني مش هنساكم يعني يوم ف الاسبوع كده نتجمع مع بعض
-بجد
=اه والله انا أقدر استغني عنكم انتوا حبايب قلبي واخواتي واصحابي ده انا اللي هنقص من غيركم ومن غير رغينا وهزارنا
زاد عياطنا بجد مع اني مش بقالي كتير هنا بس الدفااا اللي حسيت بيه معاهم ميتوصفش حبوني بجد وانا كمان حبتهم يارب خلي لكل واحد حبايبه
_ضييي اطلعي فوق الباشا عايزه
=حاضر يا مدام اميره
*******
طلعت خبط الباب _ادخلي
=مش عايز حاجه قبل ما امشي
بصلي ف عيني _عايزك مبسوطه
ده ايه الكلام القمر ده من القمر ده علي المسا اكاد من فرط الجمال اذووووب ياجدع
=وانا كمان اتمنالك السعاده دايما
_امين
=ومالكم محسسني اني سايبه العالم كده ليه ده انا مروحه
ده غير انك هتشوفني بكره ياعم
_بعد عم دي امشي مش عايز اشوفك تاني
ضحكت جامد=شكرا جدا جدا يعني
ضحك _هتوحشني رخامتك ف البيت مش هلاقي حد كل شويه يفتح الباب عليا
=بطل الكلام الحلو ده لحسن اقعد واقولك مش رايحه ف حته انت حر
بصوت واطي_ياريت
_ربنا معاكي
بضحك =ومعاك سلام يا باشا ولا اقولك برقوق احسن
_غوري يابت
=هيهيهييييييي سلاااام
روحت الحمدلله كانوا واحشني حنيه امي واختي فعلا ميتعوضوش بحبهم من كل قلبي ربنا يحفظهم
ظبط هدومي وغيرت وجيت أنام ياتري بيعمل ايه دلوقتي اكيد ف الاوضه قاعد ف المكتب ياتري مين عمله قهوه اخر الليل اكيد حد غيري ياتري عجبته ياتري ضحك معاهم زي ما كان بيضحك معايا ياجماعه انا ندمت انا عايزه اروح اشوفه هلحين بت يا ضي فوقي قاعده امك واختك بالدنيا حقيقه فعلا يلا الصباح رباح هشوفه الصبح
**********
لبست وجهزت نزلت كان كلوا نايم طلعت ايه ده فينه همشي لوحدي انهارده ياتري قاعد بيكلم حد دلوقتي زي ما كان بيكلمني ف العربيه ده ايه الحووزن اللي علي الصبح ده يلا هشوفه كمان شويه بطلي هطل ياضييي وامشي
روحت الشركه ودخلت طبعا محدش بص عليا تعليمات بقي ولا حد يقدر يكلمني نص كلمه بروح اقعد ساكته لحد ما امشي مفيش غيره اتكلم معاه حتي محمود باشا مش طايقني معرفش ليه يلا حصل خير
ربعايه ولقيته وصل بصلي وابتسم _صباحوووو تعالي عايزك
=صباحك فل حاااضر
دخلت وراه ماله شكله مرهق ياتري تعبان فيه حاجه
_جيبيلي ورق بتاع شركه الاندلس وشوفيلي الجدول انهارده هيبقي ايه
=حاضر
_وقوللهم يجيبولي قهوه ساده بسرعه
=اعملهالك انااا
ابتسم_يكون احسن
نزلت جري عملتله القهوه مصنوعه بكل حب اه والله
طلعت ادتهاله شرب منها=عجبتك
_احلي قهوه من احلي بنوته
اتكسفت=كلام حلو علي الصبح أنا مش قده بقولك اهو
بغضب مصتنع_خلاص تمام علي شغلك يلا يا هانم
بتمثيل الخوف=حاضر حاضر
اليوم عدا بس اكتشفت حاجات مهمه خايفه اقوله خايفه يزعل أو يتدايق خايفه يتعب
خبطت
_ادخل
بهدوء ورزانه=كنت عايزه اتكلم مع حضرتك شويه
_فيه ايه
=وأنا بشوف ورق الحسابات علشان اجبهالك لقيت فيه فلوس كتير اتصرفت قعدت ادور علي المصدر اللي اتصرفت فيه بما انها فلوس كتير مكنش ليها لازمه تتصرف اصلا لقيت أنها اتنقلت لحساب حد معين ف الشركه هنا
بصلي باهتمام_مين
=بس متزعلش ولا تدايق نفسك
_مبحبش الكلام الكتير مين
=محمود باشا
_****************
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمه البرق)
2 تعليقات