Uncategorized

رواية البنات بتحب مين الحلقة الثالثة 3 كاملة

 رواية البنات بتحب مين الحلقة الثالثة 3 كاملة

رواية البنات بتحب مين الحلقة الثالثة 3 كاملة

رواية البنات بتحب مين الحلقة الثالثة 3 كاملة

بينما حاتم كان قاعد بيفكر هيتعرف عليها ازاي وهيا طلعت مرتبطه ، لاحظ من بعيد انهم شدو مع بعض جامد ف الكلام والموضوع داخل على خناقه…
راح جاب فشار من المحل الي كان جنبه ف الجامعه ولبس نضاره 3d ، وقعد من بعيد يتفرج على الخناقه وكان بيقول ف سره
(ماتسكتلوش يابت….اديله فوق دماغه ابن الوسخ* دا ، هو هيستهبل بروح امه….لا لا لا ماتمسكيش ايده….ايوه كدا اجمدي يابت…فوفا فوفا اووه اووه…فوفا مين ياحاتم…انت عارف اسمها ايه اصلا؟!…لا لا مسك ايد تاني هبلغ عنكم امن الجامعه ونترفد كلنا من هنا..)
مشي الواد الي كانت بتتخانق معاه وهيا قعدت على سور ف الجامعه لوحدها وكانت بتعيط…منظرها صعب على حاتم…لدرجه انه اتمنى انهم ما اتخنقوش….هو اه بيحبها وبيغير عليها…لكن ما يحبش يشوفها وهيا مكسوره كدا….حاتم فضل يفكر يعمل ايه….يعمل ايه عشان يقرب منها او حتى تعرف انه موجود….
*بيتكلم مع نفسه*
= طب ايه اروح اخبط كتفها والكتب تقع ونلم الكتب وتتولد قصه حبنا…قصه حب ازاي وهيا مرتبطه…وبعدين كتب ايه…بقى هذا الملاك ، الطاهر….الجميل..،،يتعب كدا زينا ويشيل كتب ويمتحن…دي فاضلها اتنين فولت وتنور مكان لمبه البروجتكور الي ف المحاضره….طب هتتعرف عليها ازاي ياحاتم؟!!!!!…
حاتم هو كمان قعد بعيد عنها شويه وكان بيفكر ف طريقه عشان يلفت انتباه البنت…وكان خايف ان اليوم يعدي من غير ما يتعرف عليها لانه خايف انه مايتعرفش عليها تاني….
وبينما هو قاعد مهموم ف التفكير…لاحظ وجود ظل ادامه وصوت ملائكي بيقوله
– كويس اني شوفتك النهارده عشان اشكرك على الي انت عملته معايا لما انقذتني…انا بجد بشكرك اوي
حاتم قبل ما يرفع عينيه ويشوف مين دا….هو سمع الصوت دا قبل كدا….سمعه ف المستشفى..لما كانت….لما كانت البنت جات تسلم عليه….معقوله تكون هيا!!!
نبضات قلب حاتم من كتر ما هيا بتدق جامد يكاد يكون اي اطرش ف محيط خمس متر حواليه يسمع صوت الدقات دا….
حاتم بص فوق ، لقها فعلا واقفه ادامه…
حاتم قام من مكانه مش مصدق نفسه ، وعقله وقلبه عمالين يدو كذا امر عكس بعض
عقل حاتم : اتقل ياض عليها ماتبقش خفيف
قلب حاتم : ميتين امك ، يتقل مين احنا ما صدقنا لاقينها انت هتزيط
عقل حاتم : لا بقولك ايه شغل عربجيه اقسم بالله انزلك
قلب حاتم : لو راجل تعال ، والميدان واسع وفارس لفارس
قطع حبل افكار حاتم صوت البنت الرقيق وهيا بتقوله
= معلش مش قصدي ف السؤال ، بس انت بتتكلم صح…زينا كدا ؟!!!
حاتم هز راسه بالإيجاب  وقال ف نفسه هقولها ازيك وخلاص
-وحشتيني
=نعم؟!!
– سوري كنت بسمع اغنيه عمرو دياب وحشتيني
= بس انت مش لابس هيد فون…بتسمعه ازاي؟!!
– بسمعه ازاي؟!!…بحب انا الاسئله الذكيه دي..ما هو انا عامل تجربه لهيدفون شفاف بس لسه تحت التجربه ف مش اي حد يقدر يشوفه
البنت فضله متنحه شويه قبل ما تنفجر ف الضحك وتقوله
= لا حلوه…حلوه وجديده كمان
-شوفتي باه ، ولسه هبهرك كمان
= انا كنت جايه اقولك اني بجد متشكره على الي انت عملته معايا….وابقى خد بالك من نفسك
-خلاص هتمشي كدا(بنبره حزن)
= اه ، انا كنت شوفتك من بعيد وكنت معرفتش اشكرك فحبيت اني اشكرك 
* حاتم ف لحظه جات ف دماغه فكره عبقريه*
-لا لو عاوزه تشكريني يبقى تسبيني اعزمك ف اي كوفي شوب تختاريه
* صمت للحظات من البنت*
= ماشي وانا موافقه (ابتسامه خلابه منها لحاتم)
* ف تلك اللحظه ، وداخل راس حاتم تحديدا….كانت فيه افراح شعبي ورقص بالحصنه وضرب نار وليله كبيره اوي سعادتك ، ولكن لم يكن يعلم ان فرحته ستدوم…بعد ما حسب الفلوس الي معاه لاقاهم يدوب 30 جنيه ودول يدوب يكونو تمن التاكسي…فقال ف سره…مش كنت سبتها تروح وخلاص*
بعد ما راحو الكافيه….قالها
– شوفي هتطلبي ايه واطلبي ليا واحد على ذوقك ، وانا معلش هدخل الحمام واجيلك
*جوه الحمام ، بيطلع موبيله بيتصل على احمد بيكنسل عليه….بيقوله رد ياعر*….بيتصل على ابراهيم بيكنسل عليه… طب رد انت ياخ**…اه يولاد ال*****….انا ضربت الودع مالاقتش صاحب جدع…صدقت ياعم الحج لما قولت لو صاحبك باعك طلعلو….احمد بيتصل بحاتم
-ايه يابني 20 ميسد كول ، انا كنت ف محاضره خير ف ايه
= الحقني يا احمد….الحقني يا احمد….انا شويه وهمسح الصحون هنا….وممكن صاحب الكافيه يعجب بيا ويكون بقرنين ويرميلي الملف على الارض ويخليني اوطي عشان اجيبه يا احمد 
-مالك يابني بتندب زي الولايا ليه ف ايه؟!
=احمد انا خرجت مع البنت الي انقذتها فاكرها
– بتهزر صح؟!
=لا بتكلم بجد
– احكيلي باه طلعت حلوه فعلا ، ولا كان فوتو شوب
= اوووف البنت طلعت….احنا ف ايه ولا ف ايه يا احمد
-طب ف ايه طيب؟!!
= انا مزنوق ف 300 جنيه
-خخخخخخخخخخ
= انت نمت ولا لسه صاحي
-اقفل ي حاتم انا هشوفلك المبلغ وهبعتلك على فودافون كاش ، وشكلي انا الي هيترميلي الملف يا حاتم….
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى