رواية أحببت مجنونة أطفال الفصل الثالث 3 بقلم مي ابراهيم

حسين:دكتورة هنا  دكتور احمد هيبقي من تيمك ومش محتاج اوصيكى 

هنا:اكيد يا دكتور بعد اذن حضرتك ارجع مكتبى 

حسين:تمام اتفضلي يا هنا ؛ وانت يا دكتور احمد الممرضة عايدة معاك هتعرفك بمكتبك

احمد:تمام يادكتور بعد اذن حضرتك

هنا رجعت مكتبها وافتكرت احمد، (احمد يبقي ابن عم يارا صاحبة هنا جدا من نفس بلدها مستواهم الاجتماعى كان اعلي منها بس يارا عمرها مازعلت هنا وهنا كانت بتحبه كانت بتشوفه كتير ولما دخل طب فرحتله جدا وكان نفسها يبقي معاها كانت بتعرف اخباره من يارا بطريقة غير مباشرة في وسط الكلام كدا من يوم ما دخلت صيدلة في القاهرة مشفتهاش حتى لما كانت بترجع البلد كانت زيارة بسيطة لانها بيشتغل من تانية جامعه في صيدلية لحد ما خلصت بقالها تلات سنين ماروحتش بلدها) 

نرجع وهنا قاعدة تفتكر في الماضى باب مكتبها خبط 

هنا:ادخل 

احمد:لاقيتك مشيتى قولت اجى اشوفك مالك ونتكلم في الشغل شويه 

هنا:انا تمام مفيش حاجة بس لاقيت ان خلاص كمان عندى كذا حالة براجعهم عشان اكتب التقرير وكدا 

احمد:اه تمام يعني انتى كويسة

هنا:ايوه يا دكتور خير حضرتك كنت عايز اى

احمد:اه كنتى جاى اتكلم معاكى؛ هنا هو انتى مش فاكرانى ولا اى 

هنا :مش فاهمة يا دكتور حضرتك قصدك اى 

احمد:قصدى انى احمد ابن عم يارا صاحبتك انتى عارفاني الاول ولا اي 

هنا :ايوه يا احمد فاكراك وعارفاك 

احمد :طب ممكن نبقي اصدقاء

هنا:اكيد يا احمد احنا بقينا زمايل اصلا 

(الحقيقة ان زى ما هنا كانت عايزه الصداقة دى احمد كمان كان عايزها لانه بيحبها برضوا بس مقالش ولا بين ده لانه مغرور بطبعه) 

احمد :هعطلك عن شغلك ولا اى 

هنا :لا انا عندى كذا حالة هبص عليهم ممكن تيجى معايا عادى 

احمد:تمام ماشي 

هنا عدت على 3حالات والرابعة كان محمود في غرفة306 هنا: الحالة بتاعتنا عامل اى دلوقتى يا حودا

محمود:الحمد لله يا دكتورة هو انا هروح امته

هنا :قريب يا قمر بس هتقعد معانا شوية ولا مش عاجبينك ولا اى

محمود:لا يا هنا انا حبيتك بس عايز العب مع صحابى

هنا:تقدر تعتبرنى صحابك يا حودا لحد ما تمشي من هنا بس اوعدني تبقي اقوى عشان تتغلب علي المرض 

محمود: حاضر يا هنا هقدر ان شاءالله

ثناء:انا مش عارفه اشكرك ازاى يا دكتورة ربنا يسعدك زى ما اسعتدى محمود

هنا:متقوليش كدا حضرتك الاطفال كلهم هنا امانة فى رقبتنا وهنتسأل عليها وانا حبيت محمود اوى

ثناء: تسلمى يابنتي 

خلصت هنا ورجعت مكتبها واحمد مبهور بيها وبمعاملتها للاطفال وحبهم وتعلقهم بيها 

هنا:تشرب حاجة معايا يا دكتور 

احمد:كابتشينو يا هنا وياريت بلاش دكتور دى احنا بقينا اصدقاء ولا رجعت في كلامك

هنا:لا طبعا حاضر يا دكتور اقصد يا احمد ضحكوا وبعدين تليفون هنا رن وهو علي المكتب واحمد شاف المتصل وكان الاسم My first love❤

احمد وشه اتغير وكان وقرر يمشي واستاذن من هنا يروح مكتبه 

احمد:طيب هروح مكتبى انا بقي وكمان اشوف دكتور حسين 

هنا:استنى بس والكابتشينو اللي بعمله ده

احمد وهو علي الباب مش لازم 

هنا :خلاص هجبهولك او ابعته مع حد ، بس هو كان مشي والفون رن تانى بنفس الاسم 

هنا:اي ياحبيبي معلش كان عندى حالة وكنت واقفة مع زميلي 

المتصل:واقفه مع زميلك ماشي اما اشوفك بس 

هنا:اي ياروحى اهدا كدا بس وقولى انت عامل اى

المتصل:ياحبيبتي انا كويس طول ما انتى بخير اهم حاجة انك تكونى بخير

هنا:كويسه وكله تمام الحمد لله 

المتصل طيب ياحبيبتي هكلمك تانى لما اروح كنت بس قلقت عليكى فحبيت اطمن عليكي بس

هنا:ماشي يا حبيبى ربنا مايحرمني من سؤالك عليا وخلي بالك من نفسك سلام

المتصل :سلام يا حبيبتي 

يتبع…