رواية معذبتي الفصل الثالث 3 بقلم منى
 |
| رواية معذبتي الفصل الثالث 3 بقلم منى |
رواية معذبتي الفصل الثالث 3 بقلم منى
هند بغضب… واخرتها معاكي ايه حرام عليكي ابني سنين حياته بتضيع جنبك انتي ايه معندكيش قلب
ياسمين ????… ا انا حضرتك بتقولي ايه
هند ????… بقول انك ست انانيه مبتحبيش الا نفسك وبس لو كنتي بتحبيه كنتي وافقي يتجوز ويجيب حتت عيل يشيل اسمه ويقولو يابابا طالما انتي ارض بور مش نافعه
ياسمين دموعها نازله ومش بترد كريم شافها جري عليها
كريم بلفهه… حبيبتي مالك ف ايه
ياسمين بتعيط ومش بترد
كريم بعصبيه بسيطه…. قولتلها ايه يا ماما؟
هند ????… ولا حاجه
كريم بغيظ… على اساس انها هتعيط لوحدها كده مجنونه مثلا
هند… معرفش قلتلك
كريم ????…. تمام بس هرد انا عليكي بدالها انا مش هسيب مراتي ومش هتجوز عليها عشان اي سبب ايا كان وياريت حضرتك تتقبلي دا عشان كده هنتعب اوي سوا عن ازنك وانا اسف اني جيت
شد ياسمين وخرجو ركبها العربيه وركب والصمت مسيطر على المكان
كريم بمرح… حبيبي هيفضل ساكت كده كتير
ياسمين ????… انا موافقه
كريم باستغراب… موافقه على ايه يا حبيبي
ياسمين بتحاول تتكلم بس دموعها سابقاها… موافقه انك تتجوز عليا
كريم داس بنزين وساق ع اقسي سررررعه لدرجه ان ياسمين خافت واترجته كتير يهدي بس هو الغضب كان مليه مسمعهاش وصلو عند البيت نزل وشدها نزلها وطلعو واول ما دخل زقها ع كرسي ال انتريه واتكلم
كريم بغضب… سمعيني بقا كده موافقه على ايه؟؟
ياسمين ????… قلتلك في العربيه
كريم ????…. سمعيني تاااااااني اصلي لسه مش فاهم معنى كلامك فهميني انتي
ياسمين… ماماتك معاها حق المشكله ف الخلفه عندي انا انت زنبك ايه تتحرم تكون اب عشان خاطري وافق انا موافقه مش زعلانه
كريم… اي دا بجد مش زعلانه وموافقه عادي اني اتجوز واحده تانيه عادي عندك المسها و
ياسمين بعصبيه… خلاص بقا انت هتحكيلي كمان كل ال هيحصل بينكم حرام عليك
كريم ????… انتي غبيه يا ياسمين قلتلك مليون مره نعمل الحقن المجهري انتي رفضتي قلت خلاص نكمل كده انا مش عااااايز عيااااال مش عايز غيرك انتي وبس ولو عايز عيال عايزهم منك انتي وبس مش من واحده تانيه افهمي بقا افهمي
ياسمين بغضب وصوت عالي…. وعملناها مرتين وصرفنا اللي ورانا واللي قدامنا ومفيش فاااااايده هتضيع كل فلوسك اللي بتتعب فيها على عمليات ملهاش فايده انت من حقك تكون اب هي من حقها تكون جده سيبني بقا سيبني واتجوز
كريم قرب منها وشدها لحضنه وهي بتعيط بانهيار فضل يطبطب عليها عشان تهدي ولما هديت شويه بعدها عن حضنه واتكلم
كريم بحب… هي فاكره انها لما تضغط عليكي انا هوافق وانتي فاكره ان بعصبيتك وصوتك العالي وموافقتك اني هوافق ( خد نفس طويل) فراولتي لآخر يوم في عمري هفضل ليكي انتي وبس مفيش ست تانيه هتدخل حياتي لأي سبب انتي بنتي وصحبتي وحبيبتي ومراتى انتي دنيتي كلها الحضن دا بتاع فراوله وبس وفراوله ايه
ياسمين بصاله ومش بترد
كريم كشر.. بت هضربك فراوله ايه
ياسمين بابتسامه وسط دموعها… فراوله بتاعت كريم وبس
كريم ????… كريم عايز يدوق من فراوله اللي وحشته
ياسمين لسه هتتكلم كان شالها ودخل بيها اوضتهم
_____________________بقلم_مني
تاني يوم الصبح صبا صحيت على رن تلفونها برقم غريب ردت
صبا????… الو
….???? مدام صبا زوجه المرحوم سامر عبد الرحمن
صبا????… ايوه انا مين معايا
…..???? انا اللواء مؤمن عماد لو ينفع حضرتك تشرفينا شويه في الجهاز اكون شاكر جدا ليكي
صبا بتوتر????… خير هو هو في حاجه
مؤمن????… لا لا متقلقيش كلمتين بس وهتمشي على طول متقلقيش
صبا????… اوكي حضرتك تحب اجي امتي
مؤمن????… لو ينفع ياريت دلوقتي
صبا ????????… حاضر هاخد اذن من شغلي واجي لحضرتك
مؤمن????.. في انتظارك مع السلامه
صبا????.. مع السلامة
صبا اتصلت بكريم وحكتله عرض عليها يروح معاها رفضت وقلتله ساعتين وهتكون في المكتب لبست ونزلت من غير ما تعرف ماماتها حاجة
_____________________بقلم_مني
صبا وصلت الجهاز وسألت ع مكتب اللواء و دخلت
صبا… السلام عليكم
مؤمن.. وعليكم السلام اهلا اتفضلي يا بنتي
صبا قعدت.. شكرا خير حضرتك قلقتني
مؤمن… خير طبعا انا عارف ان عدي حوالي تلت سنين على موت المرحوم بس في حاجات جدت في القضيه اللي المرحوم استشهد فيها وكان لازم أسألك تاني عنها
صبا بحزن حاولت تداريه… اتفضل اسأل مع ان قلت كل حاجه في كل مره سألتوني فيها
مؤمن.. معلش استحملينا شويه سامر كان عنده اسوره رجالي لونها فضي فاكراها؟
صبا.. اه طبعا كانت هديتي ليه في عيد جوازنا الاول
مؤمن بفرحه.. موجوده عندك صح؟
صبا بحزن.. كان لابساها يوم ما استشهد ومشفتهاش تاني
الباب خبط ودخل راجل في اواخر الثلاثينات ابيض شعره خفيف عينه خضرا دخل وادي التحيه العسكريه للواء
مؤمن.. تعال ياشريف
شريف.. أأمر يافندم
مؤمن… مدام صبا حرم المرحوم سامر.. شريف من اكفأ الضابط عندي
شريف بنظره تقيميه.. اهلا وسهلا تشرفنا
صبا ????.. اهلا… طيب حضرتك انا مطلوب مني حاجه تانيه
مؤمن… شريف هيسأل حضرتك كام سؤال وتقدري تتفضلي ع طول بعدها و اسف جدا على ازعاجك
صبا… لا ابدا يا فندم لا ازعاج ولا حاجه تحت امرك
مؤمن.. الأمر لله شريف انا هسيب لك مكتبي خمس دقايق بالكتير تكون عرفت ال انت محتاجه مش عايزين نعطل مدام صبا عن كده
شريف.. حاضر يا فندم
خرج مؤمن وشريف قعد قصاد صبا بس نظراته مريحتهاش
شريف بابتسامه… نورتي يا مدام صبا
صبا ????… ميرسي اتفضل اسأل
شريف… هو حضرتك مفكرتيش في الارتباط بعد سامر
صبا ????بحده… نعمممم وحضرتك دخلك ايه بحياتي الشخصيه
شريف.. اهدي بس مالك عصبيه كده ليه الكلام اخد وعطا عموما اسف مقصدش أتدخل و الاسئله ال كانت ف دماغي ملهاش لازمه تقدري تروحي
صبا… ايه هو دا جنان ولا ايه تعالي روحي هو في ايه
شريف… يعني انا غلطان ان مش عايز اتعبك ف اسئله روتينيه ملهاش لازمه
صبا… ولما هي ملهاش لازمه جبتوني ليه اساسا
شريف.. النصيب بقا
صبا بانفعال بسيط… انا همشي استغفر الله العظيم يارب بلاوي بتتحدف عليا
صبا خرجت مترفزه وشريف على وشه ابتسامه خبيثه
_________________
بقلم_مني
ميرا صحيت من النوم مخنوقه من الموقف ال حصل في عيد ميلادها خرجت كانت هند بتفطر
ميرا.. صباح الخير يا خالتو
هند.. صباح النور تعالي افطري معايا
ميرا.. مليش نفس هعمل كوفي
هند ????… انا قولت تعالي افطري معايا يبقى تيجي من غير مناقشه
ميرا بتوتر.. حاضر ح حاضر ياخالتو
ميرا قعدت وبتاكل غصب عنها
هند… اعملي حسابك هتروحي ل كريم الشغل بعد ما تفطري
ميرا بدهشه.. ا انا ليه
هند.. قلت تقربي منه قوليله كنت جمبك في مشوار قلت أصبح عليك حبه دلع لبس حلو كده بس ضحكه اتحركي شويه متبقيش خيبه كده
ميرا بدموع.. يا خالتو حرام عليكي انا مش هقدر اعمل كده
هند ????… عادي يا حبيبتي انا مش بغصبك بلاش بس هتصل بقا ب عمك عبد القادر يجي ياخدك اه انا مبقتش قادره عليكي وعلى تصرفاتك انتي من وقت ما رجعتي من لندن وانا مش قادره عليكي
ميرا ????.. حرام عليكي بطلي تهديدني بقا انتي بتكرهيني كده ليه دا مامي وصتك عليا قبل ما تموت هي دي وصيتها؟
هند.. بقولك ايه شغل المسكنه دا مش عليا وفريه ل كريم انا اقول الكلمه تتسمع ياما تستحملي عواقب الرفض يلا اسمع ردك هتروحي ولا لا
ميرا ب استسلام.. حاضر هروح
هند ????… ايوه كده حبيبه خالتو بتسمع الكلام
_________________
بقلم_مني
في فيلا زين امال كانت قاعده مع اختها ناديه
امال… انتي فيكي ايه يا ناديه مالك؟
ناديه بحزن.. هنا محضره ورق هجره ل كندا من بدري وكانت مخبيه علينا
امال بدهشه… هجره اازاي وليه
ناديه.. بتقول مستقبلها وهي عايزه كده ولازم نقبل تخيلي يا امال اربي واكبر واعلم وفي الاخر تقولي دا قراري ولازم اقبله
امال… حبيبتي حاولو تتناقشو بهدوء معاها واكيد مش هتهونو عليها لا انتي ولا صبري
ناديه ????.. مش هنهون ايه بس بنتي خلاص حجزت للسفر بعد تلت ايام يا امال
امال… هتسيبها تسافر مش هتمنعوها
ناديه بحزن.. صبري حلف طلاق ما ادخل وقالها تمشي مش هنمسك فيها ونتخايل عليها والبيت من يوم فرح زينه وهو مولع نار
امال بحزن على اختها.. ربنا يهدي الحال ويهديها وترجع عن قرارها
ناديه.. يارب
_____________________بقلم_مني
صبا رجعت على الشركه متعصبه دخل عليها يحيي
يحيى ????… صباح الجمال على عيونك الحلوين
صبا بابتسامه بسيطه.. صباح النور يا يحيي
يحيى ????… ايه الصباح الرسمي دا لا دا الجميل حد عكر مزاجه ع الصبح لازم نروقه
صبا… مودي وحش يا يحيى ابعد عني الساعه دي
يحيى.. حتى لو كنت جيبلك دي ????
صبا ضحكت… انت ملكش حل يا يحيى شكرا ياسيدي
يحيى.. و موصيلك على قهوه اول ما شفتك داخله عدي جمايل بقا
صبا… متحرمش منك يارب
يحيى.. لا كل دا مش بدعوه بس دا انا صارف وجيبلك شكولاته من ام بندق
صبا ????… اومال عايز ايه
يحيى.. طاجن عكاوي من الحجه صابرين وبعديه رز بالبن
صبا… اااه قول كده بقا حاضر عيوني لما ياسين يرجع ماما ناويه ع عزومه معتبره ليكم
يحيى لسه هيرد قطعه دخول ميرا المكتب
ميرا كانت لابسه بنطلون جينز ضيق وبلوزه بيضا بدون اكفاف وقصيره
ميرا برقه.. صباح الخير
يحيى ????… صباح الفل ياقمر اامر
ميرا اتحرجت ووجهت كلامها لصبا.. استاذ كريم موجود
صبا.. موجود نقولو مين
ميرا… قوليلو ميرا بنت خالتو
يحيى ????… انا يحيي اخو ياسين شريك كريم
ومد ايده يسلم عليها ميرا مدت ايديها بحرج و سحبتها بسرعه….. صبا بلغت كريم و قالها تدخل ودخلت ميرا تحت نظرات يحيى المعجبه
كريم… اهلا يا ميرا خير اول مره تيجي مكتبي
ميرا بتوتر وكانها بتحاول تفتكر الكلام اللي خالته قالته.. ا اصل انا كنت فين اه اه كنت ف مشوار قريب وعديت اسلم عليك ايوه هو كده
كريم ضحك على برائتها… اوكي يا ميرا نورتي ممكن اتكلم انا معاكي ف حاجه
ميرا.. اكيد
كريم… انتي بتسمعي كلام ماما بطريقه دي ليه؟ طالما مش ع هواكي ليه مش بترفضي
ميرا اتوترت اكتر… تقصد ايه م مش فاهمه
كريم بثقه.. لا فاهمه ماما عايزاكي تقربي مني وانتي مش عايزه دا ف بتسمعي كلامها ليه
ميرا بدموع… انا بحبك زي اخويا والله يا كريم و بحب ياسمين جدا انا مش وحشه صدقني
كريم لسه هيتكلم دخل يحيى معاه عصير شاف دموع ميرا
يحيى… ايه دا البونبونايه بتعيط ليه زعلتها ليه يا كريم
كريم ????.. يحيى لم نفسك واخرج دلوقتي يلا
يحيى… خارج ياعم كنت بطمن عليها بس
خرج يحيى و كريم قام وقعد قصادها
كريم… ميرا انا عارف انك مش وحشه هسالك تاني بتوافقي ماما ليه ف تصرفاتها؟
ميرا بدموع… عشان هي بتهددني
كريم بستغراب… بتهددك بأيه؟
ميرا .. يا اسمع كلامها يا هتبعتني عند عمي عبد القادر في الصعيد ويجوزوني راجل كبير اوي ويقعدوني ف زربابه باين مش فاكره اسمها حته كده فيها حيوانات كتير و البس نقاب و حاجات كتير بقا لو رفضت بتقولي أن عمي هيعتبرني جبتله حاجه اسمها عار و هيدور عليا ويقتلني
كريم فضل يضحك كتير لحد ما عيونه دمعت
ميرا بتمسح دموعها بايديها… بتضحك على ايه
كريم بيحاول يتماسك… ميرا انتي ازاي تصدقي الكلام دا طب هقولك عمك دا كان مره حاول يقرب منك وانتي ال صدتيه؟
ميرا.. خالتو ال طلبت مني كده
كريم كشر.. بت بقولك ايه ماما بتكذب عليكي عشان توافقي على ال في دماغها مفيش اى حاجه حقيقه من اللي هي قالته متخافيش
ميرا.. بس هي هتطردني لو رفضت اسمع كلامها
كريم بغضب.. هي قالت لك كده
ميرا… ايوه والله
كريم… ولو دا حصل بيت اخوكي موجود خليكي قويه شويه وقولي لا وملكيش دعوه بالباقي مفهوم
ميرا بتوتر.. حاضر حاضر مفهوم
كريم وصل ميرا لحد عربيتها ويحيى كان معاه عميل مشفهاش وهي خارجه ودا ضايقه جدا
_________________
بقلم_مني
كريم رجع البيت مخنوق من أمه وعمايلاها اللي مش بتنتهي وهو صابر عليها
كريم… سمسم ياسمين انتي فين
ياسمين من المطبخ.. انا هنا بحضر الغدا
كريم.. طيب هدخل اخد شور على ما تخلصي
كريم دخل وبيفتح الميه مفيش ميه خرج ل ياسمين
كريم… هي الميه قاطعه؟
ياسمين… اه ف تصليح في عماره ساعه كده ويشغلوها
كريم.. ومقتليش ليه وانا بقولك داخل اخد زفت
ياسمين.. ايه زفت دي مخدتش بالي انا
كريم كشر… وسخان جوه والع ازاي
ياسمين.. موالعه عشان انت بتيجي تاخد شور
كريم بضيق.. اللهم طولك ياروح هتجننيني معاكي يابنتي مش ميه قاطعه السخان بيسخن ايه كده هتموتيني في يوم والله
ياسمين ????… الله يسامحك انا مش هرد عليك انت عارف اني اكيد مركزتش
كريم بعصبيه… كل ما أسألك ع مصيبه عملتيها تقوليلي مركزتش اومال بتركزي في ايه حضرتك طول اليوم
ياسمين بدموع ف عينيها… انت بتزعقلي كده ليه الموضوع مش مستاهل كل دا
كريم نفخ بعصبيه و مشي من ادامها وهي تلفونها رن بصوت رساله فتحته
????…. جوزك هيتجوز بنت خالته وبيغفلك بالاماره كانت عنده في المكتب انهارده بيحددو معاد كتب الكتاب خليكي نايمه على ودنك كده
ياسمين قفلت الرساله وفضلت تعيط ودخلتله الاوضه
ياسمين بدموع وعصبيه… ميرا كانت عندك في المكتب انهارده ليه
كريم بغضب… انتي بتتجسسي عليا اكيد صبا اللي بتديكي تقرير يومي بقا مش كده
ياسمين بغضب وصوت عالي… لا مش صبا اتفضل ( رمت التلفون في ايديه) دي رساله من ضمن رسايل بقالها اربع شهور بتجيلي بس انت بقالك مده كل شويه تتعصب عليا عايز تمشي امشي مش مسكاك متعملش كده متكرهنيش فيك مش هكرهك امشي بقا
ياسمين جت تخرج من الاوضه كريم وقف بسرعه قدامها
كريم… مقلتليش ليه ع رسايل دي
ياسمين… عشان عارفه من مين وبعتها ليه ومحبتش اضايقك
كريم… اتفقنا منخبيش ع بعض حاجه اي كان السبب تعالي انا هحكيلك انا متعصب ليه لان خلاص كده لازم احط حد للموضوع دا
ياسمين قعدت و دموعها مش بتقف وكريم حكالها كل حاجه كلام امه ليه و تصرفات ميرا ال كان مستغربها لحد مقابله ميرا له انهارده والكلام ال قالته
ياسمين ????… ماماتك ازاي قاسيه كده ميرا تعمل ايه لو طردتها بجد
كريم… قلتلها بيت اخوكي موجود ولا دا هيضايقك
ياسمين… لا طبعا ازاي تقول كده انا بس صعبانه عليا دي يتيمه الاب والام انا حسه بيها حاجه صعبه اوي ان ال مفروض يكون سند وضهر ليك يعمل فيك كده
كريم… انا هتصرف متقلقيش
ياسمين.. هتعمل ايه
كريم بحب… اول حاجه هصالح فراولتي الي زعلتها
ياسمين.. لا مش هتصالح انا
كريم ????.. هنشوف
_____________________بقلم_مني
باقي الأسبوع عدي بدون جديد صبا بين شغلها وابنها وامها سيف و حماتها بيتصلو بيهم ديما وجميله مختفيه
ياسمين كتير بتفكر تبعد عن كريم بس كريم مش سايب ليها فرصه فسح خروج هدايا حب محاوطها ديما
كريم بطل يزور ماماته وبطل يرد على مكالمتها كان مقرر قرار وعارف انه صعب يرجع فيه
ميرا متوتره خايفه تعمل زي ما كريم قالها خالتها تطردها وخايفه تمشي ورا خالتها تخسر نفسها
امال كانت حزينه على اختها اللي دموعها مش بتنشف من الحزن على بنتها اللي سابتهم وهاجرت كندا فعلا
زينه وياسين كانو مبسوطين اخيرا ربنا جمعهم سوا بعد سنين حب كتير واخيرا خلصو اسبوع العسل ورجعو لشقتهم من تاني اول يوم ارتاحو فيه من السفر و استعدو تاني يوم يستقبلو اهل ياسين وصحابهم
____________________بقلم_مني
ياسين صحي ملقاش زينه جمبه بص في ساعته لاقاها ٨ صبح استغرب وقام يشوفها فين
ياسين.. زينه حبيبتي
زينه.. انا هنا ف المطبخ
ياسين دخل لاقاها محتاسه وقدامها حاجات كتير
ياسين.. ايه دا كله وايه مصحيكي بدري كده
زينه.. انا مش هطلب ديلفري عايز حماتي تقول اني مجوعاك ولا ايه انا هعملكم اكل بايدي
ياسين ????♂️… اللهم اني لا اسألك رد القضاء
زينه.. بتقول ايه يا ياسو
ياسين.. بدعي ربنا اليوم يعدي ع خير
زينه.. على فكره انا بعرف اطبخ كويس اوي وهتشوف
ياسين.. طيب ينفع انزل الشركه ساعتين تلاته كده واجيب كريم ويحيى وصبا وارجع ع طول
زينه.. ماشي كده كده طنط صابرين وياسمين هيطلعو يساعدوني كمان شويه روح انت عشان هما يبقو براحتهم
ياسين باسها من خدها ولبس ونزل وهي رجعت تاني للي كانت بتعمله
بعد حوالي ربع ساعه زينه سمعت صوت ميه في الحمام استغربت وراحت تقفلها فتحت باب الحمام ودخلت مقلتش اي حنفيه جايبه ميه و الغريب ان صوت الميه نفسه وقف وهي لسه مستغربه سمعت صوت الميه تاني بس جاي من المطبخ خرجت وراحت ناحيه المطبخ لاقت حنفيه الحوض مفتوحه ومغرقه الدنيا وكانها بقالها مده كبيره مفتوحه مش يادوب دقيقه واحده
جريت قفلت الحنفيه و وقفت ????خايفه للحظه الكابوس الي حلمت بيه جه في بالها دلوقتي حاولت تتماسك بس مكنتش قادره تتحرك خافت جدا
فجأه لاقيت الخلاط اشتغل لوحده صرخت ????وصرخت اكتر لما لاقيت الفيشه مش في الكهرباء ???? طلعت تجري بره وفتحت باب الشقه لسه هتخرج لاقيت ياسمين وصابرين والده صبا كانو لسه هيرنو الجرس
زينه بدموع و نفس مقطوع.. الحقوني
ياسمين بخضه… حبيبتي اهدي في إيه مالك؟
زينه وقعت من طولها مكنتش شايفه غير سواد حواليها من كل ناحيه وسمعت نفس صوت الهمس تاني المره دي مقدرتش تفهم ايه بيتقال الهمس بيزيد حواليها ويتحول تاني لصراخ صراخ ناس كتير كأنهم بيتعذبو صرخت وفتحت عيونها وقعدت مره واحده
ياسين خدها في حضنه وحواطها
ياسين بحب.. حبيبتي اهدي لنا جنبك اهدي
زينه بدموع… انا فين ايه حصلي في ايه بيحصلي يا ياسين
ياسين… حبيبتي مفيش حاجه انتي ف بيتك وعلى سريرك اهو انتي بس تلاقي أعصابك تعبانه شويه او مرهقه من سفر وكده
زينه… لا لا انا بتحصلي حاجات غريبه
ياسين… طيب ممكن نعدي اليوم الناس بره قلقانين عليكي عدي بس انهارده واوعدك بعد ما يمشو هنتكلم مع بعض اوك؟
زينه باستسلام… حاضر
زينه خرجت طمنت الكل عليها وحاولت تبان طبيعيه على قد ماتقدر وهما قدرو ان دا ممكن يكون بسبب تغير المكان او إرهاق في السفر ومحدش سالها في اي تفاصيل
اليوم عدي وخلص زينه دخلت خدت شاور خرجت لاقيت ياسين قاعد ع سرير
ياسين.. تعالي يا حبيبتي محتاجين نتكلم سوا
زينه قعدت على السرير بتوتر وخوف
ياسين… حبيبتي اتكلمي انا سامعك
زينه حكت له على كل حاجه من اول الباب اللي اتفتح واتقفل لحد الخلاط والكابوس والهمس والصرخات
كانت بتحكي وهي بتترعش و خايفه ودموعها نازله واستغرب بروده وهي بتحكي وازي مخدهاش في حضنه يطمنها ويهديها وبعد ما خلصت
ياسين بهدوء… وايه كمان
زينه بدهشه.. بس دا كل اللي حصل انت بتكلمني كده ليه ايه البرود دا
ياسين… انا لسه متكلمتش على فكره
زينه بعصبيه… طيب اتفضل قول اتكلم
ياسين… حبيبتي دي كلها تهيؤات
زينه… لا مش تهيؤات والله اللي حكيته دا حصل
ياسين.. حبيبتي استهدي بالله كده ونامي اليوم كان متعب يلا (باسها في خدها ببرود) تصبحي على خير
أداها ضهره ونام تحت دهشتها واستغربها ازاي بيتعامل بالبرود دا ازاي محاولش يسمعها ياسين كان مش معاها بقلبه كان بعيد اوي اوي عنها دموعها نزلت اكتر ونامت وكلها قهره منه
_________________بقلم_مني
ميرا كانت خارجه تشرب بعد ١٢ بالليل سمعت هند وهي بتتكلم بصوت واطي ميرا لاقيت نفسها بتسمع خالتها بتقول ايه واتصدمت ???? من اللي سمعته لدرجه ان الدنيا لفت بيها وكانت هتقع مسكت ف تربيزه جمبها و حست ان خالتها شافتها طلعت تجري
