Uncategorized

رواية عشقي الفصل الثالث 3 بقلم شيرين زكي

 رواية عشقي الفصل الثالث 3 بقلم شيرين زكي
رواية عشقي الفصل الثالث 3 بقلم شيرين زكي

رواية عشقي الفصل الثالث 3 بقلم شيرين زكي

-المستشفى كلها بتدور على عشق وأدم هيتجنن ومش عارف هى فين ولا عارف ايه اللى بيحصله وايه اللى مخليه قلقان عليها كدا هى مين يعنى ،،، هو ليه حاسس ان قلبه وجعه وان فيه حاجه ناقصه مره واحده كدا وكأن قلبه اتمزع منه هو حتى مستغرب نفسه ومش عارف ليه بيعمل كدا ولا ايه السبب دا حتى هو مش عارف اسمها بس حاسس ان روحه مش معاه قعد على الأرض بكل حزن ويأس.. بينادى ويقول:- روحتى فين ،سبتينى ليه….. بقلمي شيرين ذكى
#فلاااش_باااك
-أدم لماخرج عشان يعمل مكالمه،كان تاثير المخدر راح وعشق فاقت ولما بدأت تستوعب اللى حصل،،،،،، وانها ف المستشفى قعدت تبكى بوجع ومعرفتش تتمالك نفسها وحاولت تتماسك وقامت وقفت وبصت لبعيد وشافت ادم،،،،،،،،وأول لما لمحته حست بأمان بس افتكرت كلامه اللى قاله وإنه فاكر انها بنت مش كويسه فقلبها وجعها جامد،،،،، وهو كان بيتكلم ف الفون وف نفس الوقت اتنين من الممرضات كانوا بيتكلموا عليها وبيقولوا الدكتور والشاب اللى معاها مستنين بس انها تفوق والبوليس هيجى والتحقيق يبدأ…عشق سمعت كلامهم اللى نزل عليها زى الصاعقه وبدأت تخاف وافتكرت خالد ومنال وقالت هيوصلولى وهيموتونى حية ،،،،،، وبدأت تحس بعجز وضعف ولقت نفسها تايهة ومش عارفه تعمل ايه ولقت فيه لبس جنبها كان ادم طلب من الممرضه تجيبه لان هدوم عشق اتقطع ف الحادثه فلبست ولقت نفسها خارجها من المستشفى بدون اى وعى ومش عارفه هى رايحه فين وبالصدفه لقت مطعم كبير مكتوب عليه مطلوب انسه للعمل فقررت تدخل بس حصل اللى كانت متوقعاه….. بقلمي شيرين ذكى
#بااااك
-أدم بعد معاناة ويأس مرير وبرضو عشق ملهاش أثر قرر إنه يرجع البيت قابله جده حسن بإبتسامه خوف
-حسن:- كنت فين يا أدم من امبارح قلقتنا عليك يبنى
-أدم:- معلش ياجدى حقكك عليا غصب عني والله بس حصلت حادثه كدا
-نزلت يارا وأمها ناهد وف صوت واحد حادثه ايه؟!!!!
-يارا:- آدم يا حبيبي مالك فيك ايه
-آدم بضيق وعدم اهتمام:- مفيش حاجه،،،،دى حاجه بسيطه
-ناهد:- سلمتك ياحبيبى هتبقى بخير إن شاء الله
-آدم:- الله يسلمك يا مرات عمى ….بعد اذنكم
-طلع ادم اوضته وسرح ف عشق ولقى نفسه بيبكى وعنده اسئله كتير عايزلها اجابات هى مين دى، واسمها ايه، ومين خالد ،وليه كانت ف الشارع بالشكل دا، وليه لما سألها قالتله تعبت ، تعبت من ايه وليه وهى فين دلوقتي ،وازاى عارفه إن قلبها ضعيف وتتهاون بالشكل داا،،،،،،،أفكار كتير بتهاجم أدم ومره واحده حدف إزازة البرفان ف المراية واتكسرت وبص ف قميصه لقى حاجه غريبه……. بقلمى شيرين ذكى
-عشق دخلت المطعم بس مع الاسف كانت عارفه انهم مش هيقبلوها لانها مش معاها اى حاجه تخصها ولا بطاقه وشهاده ولا حاجه خالص دا حتى خايفه تقول اسمها كامل لخالد ومنال يوصلولها…..
-عشق بعد ما رفضوا قررت تخرج بس وهى خارجه خبطت ف شاب جنتل كدا واتخانقوا….
-هو:- ما تحاسبي انتى اي مش بتشوفى
-عشق:- حاسب انت واتعلم تتكلم بأدب
-هو:-؛انتى قصدك ايه انا قليل الادب
-عشق:-!والله كويس انك بتفهم مش غبي كمان
-هو:- لا انتى زوديتها انتى مش عارفه بتكلمى مين
-عشق:- ولا عايزه حتى اعرف وسع كدا وسبته ومشيت
-هو بغيظ ونرفزة نادى بصوت عالى:- يا عمرو عمرو؟!!!
-عمرو بتوتر:- نعم يا مدحت بيه
-مدحت:- مين دى اللى خارجه من هنا ومن امتى واحنا عندنا زباين بقله الادب دى
-عمرو:- دى كانت عايزه تشتغل يافندم بس اترفضت لان مش معاها اى إثبات شخصى
-مدحت بغرور:- احسن برضو دى قليلة الذوق اصلا
–  دا بقا مدحت شاب عنده 25 سنه مغرور جدا وشايف نفسه وعايش حياته بالطول والعرض زى ما بيقولوا والده غنى جدا وعندهم املاك كتير الشركه والمطعم وحاجات تانيه كتير وعايش هو وامه وابوه وعند اخت صغيره “
-عشق كانت ماشيه ف الشارع تايهه ومش عارفه تعمل ايه ولا عارفه الايام والقدر مخبين لها ايه ومره واحده سمعت صوت خلاها تفقد القدره عن كل حاجه وفضلت تجرى وفجأة كانت عربيه هتخطبتها بس ربنا ستر ووقف عند آخر لحظة ونزل منها شخص ف قمه الاحترام….
-حمزة:- انتى بخير يبنتى،،،،،،طمننيى عليكى تعالى اخدك مستشفى
-عشق:- انا بخير ياعمى كتر خيرك مفيش داعي انا كويسه
-اتكلموا مع بعض شويه وعرف حمزة حكايتها وقرر انها هتشتغل ف المطعم وبالفعل راحت معاه ودخل حمزه يبنادى 
-حمزة:- مدحت يا مدحت
-مدحت:- نعم يابا….ومكملش الكلمه لقى عشق قدامه،،،
-مدحت:- انتى تانى ايه اللى جابك هنا تانى يابت انتى
-حمزة…ملكش دعوه بيها دى عشق وهتشتغل معانا هنا ومش عايز كتر كلام انت فاهم وسابهم ومشى بعد ما قال لعشق عمرو هيفهمك شغلك يبنتى
-عشق بتمتم:- اموت واعرف هو دا ابنك ازاى بس…
-مدحت:- بتقولى ايه يابت انتى
-عشق:- انا كلمتك ياعم اوعى خلينى اشوف شغلى
-مدحت واقف مكانه وكان هيموت من الغيظ،،،،
عشق بطبيعتها مرحة وشويه شرسه وبتحب البساطه
-اشتغلت عشق ف المطعم وكانت بتقدم الطلبات وبتفضل نايمه ف المكان بالليل وهكذا حوالى اسبوعين….
**——-**——**—–**بقلمي شيرين ذكى
-منال طبعا لما قامت من النوم وفتحت باب عشق اللى كانت قفلته اتصدمت بغياب عشق
-منال بزعيق:- خالد يا خالد الحقنى عشق مش ف الأوضة وكمان الشباك مفتوح دى شكلها هربت
-خالد وكانت صدمته أضعاف صدمه أمه:- مشيت ازاى عشق هربت،،، انتى بتهزرى ياماما صح؟!!!
-منال:- لا يا خالد مشيت يبنى والله الأوضه فاضيه وهى كانت محبوسه اساسا 
-خالد بوجع وبيوجه الزعيق لمنال:- انتى السبب خليتها تمشى ارتحتى كدا هعيش ازاى انا من غيرها
-منال:- وايه يعنى اما تمشى ولا تغور ف ستين داهيه احسن والله انها مشيت
-خالد:- هو ايه دا اللي احسن انتى عارفه انى بحب عشق واموت من غيرها
-منال:-؛بعيد الشر عنك يا قلب امك بكرا أجوزك ست ستها،،،،
اهم حاجه دلوقتي انها مش عارفه إن البيت باسمها
-خالد بغضب:- كل اللى همك البيت والفلوس لكن لأ عشق دى بتاعتى ولازم ترجعلى تانى محدش هياخدها منى ولا حد يتمتع بيها غيرى
-نزل خالد يدور على عشق ف الشوراع زى المجنون وفضل على الحال دا يطلع من شارع يدخل غيره وف مره وهو ماشى لمح عشق ونادى بصوت عالى ياعشق عشق استنى وعشق شافته وجريت منه ووقتها خبطت ف عربيه حمزه
-أدم ف أوضته والباب خبط،،،،دخل جده وقاله:- وبعدهالك يا آدم انت مش عجبنى يا ابنى ايه اللى شغلك بس
-ادم:- ولا حاجة يا جدى انا بخير متقلقش
-حسن:- طيب يبنى انت عارف اهم حاجه عندى انك تكون بخير وبس
-ادم:- عارف يا جدى ربنا ما يحرمنى منك
-حسن:- هطلب منك طلب يبنى ومتخذلنيش
-ادم:- انت تأمر يا جدى اتفضل
-حس:- يارا يا آدم…..
-ادم:- مالها يا جدى يارا انت عارف انى وافقت عشانك اكتر من كدا مش هقبل
-حسن:- معلش يا آدم عشانى يبنى خدها واطلعوا اتعشوا بره دا طلب منى يا آدم
-ادم بقلة حيلة:- حاضر يا جدى
-وفعلا اخدها ادم وراحوا يتعشوا ويشاء القدر انهم يدخلوا المطعم اللى عشق شغاله فيه،،،،،،،دخلوا المطعم وجت عشق تشوف الطلبات وبتقدم المنيو وادم بيرفع عينه اللى جت ف عيون عشق والاتنين تاهوا وصمت غريب بينهم ونظرات طويلة قطعتها يارا وهى بتقول:- هو فيه ايه؟!!!
-أدم بلهفه وخوف:- انتى كنتى فين روحت فين سيبتنى ليه ها ازاى تمشى كدا كنت هتجنن واعرف انتى فين
-عشق ساكته ومش فاهمه حاجه وبتقول لنفسها هو دا آدم
-أدم بزعيق:-  ردى عليا روحتى فين وبتعملى ايه هنا
-يارا متنحه ومش فاهمه حاجه ومره واحدة قامت وقالت:- 
مين دى يا آدم وبتقولها كدا ليه
-أدم بزعيق:-! استنى انتى يايارا ووجه كلامه لعشق وقالها… انتى اسمك ايه؟!!!!
-عشق بهدوء ووجع قالت:- اسمى عشق
-أدم بصدمه:- عشق انتى عشق
-يارا بغضب:- عشق مين يا آدم ما تفهمنى مين دى وتعرفها منين وازاى تسيب خطيبتك وتتتكلم مع خدامه وتهتم بيها كدا….
-عشق بشهقه:- خطيبته؟!!!
-يار بغرور:- اه خطيبته يا اسمك ايه 
-أدم بصوت عالى:- اسكتى يا يارا اسكتى،،،،،وبيلتفت لقى عشق وقعت بين ايده وللمره التانيه يغمى عليها ف حضنه وبحزن قالت:- آدم وبعدها غابت عن الوعى
-أدم بوجع:- قومى يا عشقى قومى حرام عليكى وجع قلبي قومى….
ويارا هتتجنن من اللى بيحصل وكأنه فيلم قدامها هما ازاى كدا وهما لسه عارفين اسماء بعض دلوقتي….
آدم شال عشق وحطها على كرسي وحاول يفوقها…
يتبع ……
لقراءة الفصل الرابع : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى