رواية آدم وحنين الفصل الثالث 3 بقلم حنين علي
 |
| رواية آدم وحنين الفصل الثالث 3 بقلم حنين علي |
رواية آدم وحنين الفصل الثالث 3 بقلم حنين علي
وقفنا لما حنين افتكرت انه بيحب غاده وسابته ودخلت اوضتها
ادم لنفسه: حنين مالها أنا مزعلتهاش وبعدين حس انها أكيد افتكرت انهم هيطلقوا وانه قالها انه بيحب غاده
عند حنين دخلت الاوضه وفضلت تعيط وقامت تصلي وتدعي ربنا كتير عشان يريح قلبها ونامت مكانها وهي بتدعي
وصحيت ع آذان الفجر صحت ادم عشان يصلوا جماعه
حنين: ادم ادم اصحي خلينا نصلي الفجر
ادم: تمام قايم اهو
ادم قام واتوضي ف الحمام بتاع اوضته وطلع عشان يصلوا مع بعض
صلي بيها وقرأ سور كبيرة م القرآن وحنين كانت فرحانه بتغيره جدا وانه بقي حافظ القرآن وقريب م ربنا
خلصوا وقعدوا يسبحوا ويقراو الورد لحد الصبح
حنين قامت عشان تحضرله الفطار
حنين:يلا ي ادم الفطار جهز
ادم: تمام يلا
قعدوا فطروا وادم راح الشركه وحنين عملت الروتين بتاعها “انها تروق وتصلي وكده يعني”
عند ادم ف الشركه
مروان: اي ي شق شكلك رايق النهارده الدنيا احلوت ولا ايه ????????
ادم: مروااان احترم نفسك
مروان: اي يعم أنا بهزر بس بس شكلك بدأت توقع ي معلم????????
ادم سرح: بصراحة شكلها كده أنا طلعت متجوز ملاك مكنتش حاسس بقيمتها بس يارب تطلع بتفكر فيا زى م بفكر فيها
مروان: اوعااا صاحبي بقي سوما العاشق
ادم بضحك: اطلع بره يلاا أنا غلطان اني بحكيلك????????
مروان: خلاص يعم متزوقش انا طالع اهو
بعد م مروان طلع م عند ادم غاده راحت لادم
غاده بمياصه: دومي ازيك وحشتني اوى اوى
ادم وبدأ يختنق من اسلوبها: عايزه ايه ي غاده
غاده: بقولك وحشتيني ي بيبي وحضنته
ادم بعدها عنه وبصرامه: غااده انا رااجل متجوز اللى انت بتعمليه ده مينفعش
غاده بعياط مصطنع: اهئ اهئ ماشي يدومي وانا اللى جتلك عشان وحشتني وف مطعم لسه فاتح جديد كنت عايزه اخدك ونروح هناك
ادم لنفسه يعني أنت عايزه فلوسي وأنا ده كله مخدوع فيكي
ادم: لا مش رايح ف حته عندي مشاكل ف الشركه لو عايزه انت روحي
غاده بدلع: ماشي ي بيبي بس هرجعلك تاني عشان بتوحشني اوي
ادم:تمام
ادم حس انه كده بيخون ملاكه حتي لو مش متأكد من حبه ليها بس مينفعش
ادم قرر يرن ع حنين
ادم: الو
حنين: الو عامل ايه ي ادم خير ف حاجه ف الشغل
ادم: لا لا مفيش أنا بس كنت بتصل إطمن عليكي وأشوف لو عايزه حاجه
حنين: لا مش عايزه حاجة ترجع بالسلامه
ادم: تمام سلام
حنين: سلام
حنين حست انها فرحانه بعد مكالمه ادم وانه بدأ يحبها زي م هي بتحبه
ادم لسه عنده شويه مشاكل ف الشغل ومرضيش يقولها عشان ميزعلهاش
عند حنين ف البيت حضرت العشاء وصلت وقامت عملت لنفسها فنجان قهوه وطلعت البلكونه تقعد فيها شويه عشان زهقت م جو البيت وكده
حنين قاعده ف البلكونه وسرحانه
وبتشرب القهوة بتاعتها مع أغاني لفيروز
ادم دخل البيت ملقهاش بص ع البلكونه لقاها قاعدة وسرحانه راح قعد جمبها
ادم: طب اللى بيشرب لوحده بيزور
حنين ضحكت بخفه: طب ثانيه واحده هروح اعملك واحده
ادم: لا انا هشرب من دي معاكي متتعبيش نفسك
حنين ابتسمت: تمام
قعدوا مع بعض شويه ف هدوء تام
بعد كده حنين قامت عشان تحضرله العشا
ادم: لا تعالي البسي وهاخدك نتعشي برا
حنين:تمام لبست دريس بيبي بلو ع طرحه أوف وايت وشوز بنفس اللون وكان شكلها جميل اوي
ادم: تنح أول م شافها
حنين: ادم ادم يلا عشان نمشي ولا رجعت ف كلامك
ادم: اا هاه لا مرجعتش يلا نمشي
حنين: تمام يلا
ادم اخدها وراحوا المطعم اللى لسه فاتح جديد “ايوا عشان
انتقم من غاده بتغيطني”????????
حنين: الله المطعم ده حلو جدا
ادم: حلو عشان انت دخلتيه
حنين: نعم!
ادم: بقولك اطلبي عشان نلحق نتعشي
حنين بابتسامه: تمام
طلبوا العشا واتعشوا وخرجوا م المطعم يتمشوا
ادم شاف طفل صغير واقف ف الشارع عند الرصيف بيبيع ورد
ادم: حنين خليكي ثانيه هنا هجيب حاجه واجي
حنين: تمام هستناك
ادم: تمام
راح ادم عشان يتشري الورد لملاكه ولما مشي كان في شابين جايين ف اتجاه حنين
الشاب1: اي ي بطل واقف لواحدك ليه
الشاب2: تعالى معانا وهنروق عليكي”انا طريقتي ف المعاكسه يدوبك????????”
الشاب1: يلا معانا ي قمر وهنديكي اللى انت عايزاه ولسه هيمد ايده عشان يمسك ايد حنين
يتبع..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية خطفتي قلبي للكاتبة دنيا حسن
