رواية بطوطة عمر الفصل الثالث 3 بقلم فاطمة محمد
 |
| رواية بطوطة عمر الفصل الثالث 3 بقلم فاطمة محمد |
رواية بطوطة عمر الفصل الثالث 3 بقلم فاطمة محمد
فاطمه بصريخ وجري : باباااااا.
الناس حاولوا يخدوا فاطمه بعيد علشان شكله وهي مش راضيه وعايزه تبقي جمبه .
وحسن كان فايق .
فاطمه بعياط : انا اسفه علشان خليتك تروح تجيب تورته بس خلاص انا اسفه وهسمع كلامك ومش هعمل اي حاجه تاني تزعلك بس متسبنيش ونبي قوم.
حسن بتعب : خ..خلي بالك من امك واخوكي واسمعي كلامهم .
بعد نص ساعه عاملين يهدوا في فاطمه والناس الي مشيت وحسن كان ماسك ايد فاطمه وبيتالم.
فاطمه بزعيق : انتوا اي هاتوا دكتور اي حاجه.
راجل : هو موبيله فين .
راجل تاني : اهو متكسر خالص اكيد باظ .
راجل تالت : وأنتي مش عارفه رقم اي حد من البيت .
فاطمه بصتله وقامت وقفت وقالت : عارفه رقم عمر .
راجل : طب رني عليه .
فاطمه خدت الموبيل ورنت عليه .
*# في البيت #*
عمر و عبد الرحمن ووفاء وحنان ومريم بيعملوا الزينه وهشام قاعد بياكل.
حنان : قوم ياخويا كده اعمل معانا زمان البت وأبوها علي وصول .
هشام : ادخلي اعمليلي شاي علي ما اخلص اكل.
حنان : شاء اي قوم اعمل ب لقمتك.
عمر : خلاص يا ماما خليه يأكل واحنا نعمل علشان لو بطه جت ولقت أن احنا مش خلصنا هتعمل مصيبه.
وفاء : معاه حق والله الواد ده بيفهم .
موبيل عمر رن .
عمر : بودي روح هات الموبيل ده .
عبد الرحمن راح وكان رقم .
عبد الرحمن: اي يسطا مين دي الي مش مسجل اسمها شكلها مزه جديده.
عمر : اي ده ! انت طفل انت !.
عمر مشي وراح البلكونه ورد .
عمر : الو .
فاطمه بعياط : عمر تعال بسرعه ونبي.
عمر بقلق : طب اهدي في اي مالوا صوتك .
فاطمه بعياط : بابا بابا يا عمر.
عمر بقلق وعدم فهم : مالو عمي اهدي وكلميني براحه.
فاطمه : عربيه خبطته انا خايفه اووي .
واحد خد الموبيل وقال : سلام عليكم.
عمر : وعليكم السلام ممكن اعرف اي الي حصل علشان مش فاهم منها حاجه .
الراجل : حضرتك الراجل الي كان مع الطفله دي في عرببه خبطته وعايزين حد يجي في العنوان ده ****.
عمر : طيب عشر دقايق وهكون عندك .
عمر قفل معاه وخرج وقال : انا نازل .
وفاء : لي في اي .
عمر : اه لا .
حنان بقلق : يابني في حاجه اه ولا لا .
عمر : واحد صحبي وقع في مشكله هنزل احلها .
عمر نزل بسرعه .
*# عند فاطمه #*
الراجل : اهدي بقا اخوكي جاي اهو.
فاطمه وهي ماسكه ايد ابوها : بابا تعبان اوي شايف شكله .
الراجل : هيكون كويس أن شاء الله .
حسن بتعب : ا.اشهد ان ل.لا الله الا ا.الله و. وان محمد رسول الله.
حسن ساب ايد فاطمه .
فاطمه بصدمه وعياط : بابا قوم متسبنيش ونبي .
راجل : اهدي يا حبيبتي ابوكي هيروح مكان احسن .
فاطمه ساكته مش بترد وشافت عمر وكان معاه الإسعاف جريت عليه .
فاطمه بعياط : ب.بابا بيقولوا أن بابا مات ونبي قولهم لا .
عمر حضنها وشالها وقال : اهدي أن شاء الله خير.
عمر راح وكان حسن ملفوف بملايه ووشه كان باين
الإسعاف شالته وفاطمه طول الطريق ساكته و الدموع نازل من عينها وهي سرحانه .
وصلوا المستشفى وعمر بص في موبيله لقي مكالمات كتير من أمه و وفاء .
*# في البيت #*
وفاء بتلف في الشقه .
حنان : أن شاء الله خير هشام نزل اهو يشوفهم.
وفاء : ده اتاخروا اوي .
حنان موبيلها رن وكان عمر وردت.
حنان : اي يا عمر .
عمر بحزن : ماما.
حنان : مالك يا حبيبي.
عمر : هاتي طنط وبابا وتعالوا علي المستشفى دي ****.
حنان : مستشفي لي .
عمر : تعالوا بس .
وفاء : في اي يا حنان .
حنان : معرفش بيقول نروح المستشفي .
لبسوا وراحوا .
وعند عمر كان قلقان علي فاطمه بسبب سوكتها بس ليها حق ده لو شخص كبير شاف الي شفته مكنش هيستحمل .
وصلوا المستشفى و وفاء لما عرفت تعبت واغم عليها
وفاطمه متحركتش من مكانها ولا كأنها شايفه أمها ولا كأن امها اغم عليها .
وفاء فاقت واستلمت الجثه وحسن ادفن واول ٣ايام خلصوا والعزاء خلص .
وفاطمه مش بتعمل اي حاجه ولا حركه ولا اي حاجه تعيط وبس وعمر قرر يتكلم معاها .
عمر : فاطمه .
فاطمه مش ردت .
عمر : دلوقتي ابوكي مات خلاص انتي لازم تبقي قويه وتقفي جمب امك صح ولا لا .
فاطمه : مات وسبني لي ماما معاها حق انا كنت السبب.
عمر : لا ده نصيبه .
فاطمه حضنت عمر ونامت .
في الصالون وفاء قاعده بتعيط ومعاها اخوتها ( محمد وطارق ).
طارق : انتي هتقدي هنا تعملي اي قومي نرچع البلد يلا.
وفاء : والبت مش هتوافق تقعد هناك وعبد الرحمن كمان .
طارق : غصب عن عين امهم هيوافقوا .
محمد : يلا يا وفاء نرجع البلد ملوش لزوم نقعد اكتر من كده هنا.
طارق : انا هطلع اقول للعيال انتي تكوني جبتي الهدوم .
طارق طلع وشاف فاطمه نايمه في حضن عمر اتعصب.
طارق بصوت عالي : قومى ياختي انتي وهو .
قاموا مفزوعين .
و وفاء طلعت علي صوته هي و محمد .
وفاء : في اي .
طارق : البت نايمه شوفي ازاي هي دي تربيه بلادنا .
محمد : البت صغيره يا طارق وكمان ابوها ميت من تلات ايام.
طارق : طب اتفضلوا اخرجوا برا عايز البت في كلمتين .
كله خرج .
طارق : انتي هتيجي معايا البلد ومحمد بيقنع اخوكي دلوقتي قومي يلا علشان تلبسي .
فاطمه : بس .
طارق : مفيش بس قومى يلااا.
وخرج .
عمر دخل وسألها هو كان عايز اي .
فاطمه : هروح البلد بتاعه امي اعيش هناك .
عمر : طب ازاي وانا ومريم .
فاطمه : اتفضل اخرج علشان هلبس علشان اسافر.
عمر : بس .
فاطمه : مفيش بس اتفضل اخرج .
فاطمه لبست وخرجت وركبت العربية وبصت هو كان واقف بصت بصه طويله اوي في عينه كأنها عارفه انها هتكون اخر مره يشوفها فيها بس ها القدر هيخلي صدفه وبشوفوا بعض ولا كده خلاص قصتهم خلصت ..
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت طفلتي للكاتبة مروة جلال
