Uncategorized

رواية التوأمان الفصل الثالث 3 بقلم شهد عصام

 رواية التوأمان الفصل الثالث 3 بقلم شهد عصام
رواية التوأمان الفصل الثالث 3 بقلم شهد عصام

رواية التوأمان الفصل الثالث 3 بقلم شهد عصام

ليل: انا الدكتور ليل ي استاذه جميله ابن اللي بيعالج والداك من الكانسر
نور”جميله بقلق: بابا حصلوا حاجه
ليل: لا والد حضرتك بخير 
نور”جميله: امال انت بتعمل اي هنا و دخلت هنا ازاي أصلا و…..
بيقطع كلامها ليل: ممكن تهدي شويه افهمك 
نور”جميله: اتفضل
ليل: انا مأجر الشقه اللي ف وش حضرتك من شهر و بعملها عياده ل شغلي يعني ف كنت طالع لقيت واحده كدا معرفش هي مين بتوصلك وانتي مغمي عليكي ف اطريت انا اطلعك لانها مكنتش هتعرف و فضلت قاعد معاكي لحد ما فوقتي 
نور”جميله: اها فهمت معلش كلمت حضرتك بطريقه وحشه 
ليل: ولا يهمك ع العموم انا قدامك لو احتاجتي اي حاجه انا موجود
نور” جميله: شكرا لحضرتك ومشي ليل دخل شقته اللي قدام شقة نور”جميله 
‘نور قامت وقفت قدام المرايا شافت جميله بتعيط و اول ما شافت كدا رجعت ل وراء من الخوف و قعدت ع الارض و فضلت تعيط لحد ما نامت 
“تاني يوم”
الباب بيخبط جامد 
نور”جميله: اي في اي مبراحه بتخبط ع ناس طرش
ليل: الحق عليا اني جاي اسال عليكي و جايبلك فطار نفطر سوا
نور”جميله: لا ي راجل كتر خيرك والله 
ليل: طب عن اذنك بقا مش هفضل واقف ع الباب كتير و سابها و دخل من غير حتي ما توافق انو يدخل و حط الأجل ع السفره
نور”جميله: اي ي اخ انت هي وكاله من غير بواب ولا اي 
ليل: تعالي بس اقعدي نفطر و متبقيش قفوشه كدا دا انا عملك شوية فطار هتاكلي صوابعك وراهم
نور”جميله: خد اكلك دا واطلع برا
ليل بصوت واطي: كنت عارف والله انك مش هتسكتي بسهوله 
نور”جميله: اي بتقول اي
ليل: ولا حاجه اقعدي بس وحيات باباكي 
قعدت نور”جميله
نور”جميله: اديني قعدت اهو
ليل: يلا افطري علشان يبقا عيش و ملح بينا
نور”جميله: ي حول الله ي رب انا هفطر و اول ما نخلص فطار تتفضل تطلع برا
ليل: بعد الفطار نشوف الموضوع دا كلي بس
قعدت نور و ليل فطروا مع بعض و فضلوا يتكلموا و الكلام أخدهم
ليل: ممكن نبقا صحاب
نور”جميله: …….
ليل: السكوت علامة الرضا حقيقي فرحان بالصداقه دي اوي
نور”جميله بابتسامه: اي ي عم انت هو انا وافقت نكون صحاب
ليل: ايوا ي بنتي انتي مش يكتب و السكوت علامه الرضا 
و فضلوا يضحكوا و يتكلموا مع بعض وعدت الايام و نور”جميله و ليل بقوا صحاب جدا و جه اليوم الخامس 
نور”جميله:اي رايك ننزل تمشي شويه
ليل: طب قولي صباح الخير الاول
نور”جميله: يعم يلا بقا الله 
ليل: اللي يشوفك دلوقتي ما يشوفك من خمس ايام و انتي مكنتش عايزه تدخليني بيتك ولا تتكلمي معايا
نور”جميله: يعني انا غلطانه اني كلمتك
ليل: و مين قال انك غلطانه انا بهزر معاكي مش اكتر 
نور”جميله: هزر ي اخويا هزر
ليل: يلا طيب نانسي شويه 
و نزلوا يتمشوا و عدا اليوم و كانوا مبسوطين جدا و جه و هم مرواحين
ليل: جميله مالك فيكي حاجه
نور”جميله: دماغي دماغي وجعاني جدا 
ليل ف سره: النهارده اخر اليوم الخامس و المفروض ترجعي نور 
ليل: طب ريحي ضهرك لوراء كدا و هتبقي كويسه 
نور”جميله: حاضر و ريحة ضهرها لورا و عدا حوالي خمس دقائق و نور”جميله راحت ف النوم و ليل اتصل بنانسي جابها و ركب نور جمبها علشان انا توفق تلاقي نفسها مع نانسي زي ما كانت معاها قبل ما تتقمص دور جميله اختها
ليل: خلي بالك منها كويس وانا هكون متابعتكم من بعيد 
نانسي: حاضر 
و معداش خمس دقائق و نور فاقت
نانسي: اي ي حبيبتي انتي كويسه
نور: اه كويسه لي ف اي
نانسي: انتي مش فاكره ولا اي انتي دماغك كانت وجعاكي اوي ف علشان كدا بسال انتي كويسه
نور و هي بتمسك دماغها: اه كويسه الحمدلله 
نانسي: طب كويس ي حبيبتي 
نور: هو فاصل كتير لحد ما نوصل
نانسي: لا ي حبيبتي احنا وصلنا اهو 
نور: معلش ي نانسي تعبتك معايا 
نانسي: ولا يهمك ي حبيبتي 
و نزلت نور و دخلت الفيله و نانسي مشيت و ليل كانت متابع كل اللي بيحصل من بعيد و اول ما اطمن ع نور مشي
القدري: اي ي حبيبتي طمنيني عليكي
نور: انا بخير ي حج طمني اخد العلاج 
القدري: الشغاله هتجبهولي فوق ي حبيبتي لان هطلع انام علشان بكره عندي مشوار مهم جدا
نور: مشاويرك كترت ي حج وانا مبقتش مستريحه هاا
القدري و هو بيحضنها: لا ترتاحي ي قرده دا مشوار شغل 
نور: طب طمنتني
القدري: عارفه ي نور انا متعلق بيكي جدا من وانتي صغيره مع انك انتي و جميله كانوا توام ب انتي المفضله عندي 
نور بزعل: ولي مكنتش متعلق بجميله مع انها كانت بتحبك اوي
القدري: اعمل اي بقا ي ستي اخدي كل الاهتمام و الحب انتي المفروض تكوني فرحانه
نور: اه اه ما انا فرحانه و بتحضنه و بتمسك دموعها بالعافيه
القدري: يلا تصبحي ع خير
نور: وانت من اهل الخير ي حبيبي
و بيطلع القدري ينام و نور بتدخل اوضتها و بتحضن مخددها و بتفضل تعيط و فجاه تلاقي حد بيحط ايدو ع كتفها
نور بخوف: مين 
ليل: انا ليل
نور: انت دخلت هنا ازاي 
ليل: اصل لقيت الشباك دا مش مقفول عدل قولت اجي اقولك
نور: اها يعني انت دخلت من الشباك طب مش عيب معيد شبه حضرتك يدخل من الشباك كدا لا و كمان ل الطالبه بتاعته
ليل: اي دا هو انا مقولتلكيش
نور: لا مقولتليش
ليل: طلما مقولتلكيش يبقا مش عايزك تعرفي و فضل يضحك
نور لسه هتتكلم وقفها صوت الخدامه و هي بتنادي عليها بصوت عالي جدا
نور: اكيد اكيد في حاجه و بتطلع تشوف في اي لتلاقي الصوت جاي من اوضتة القدري باشا و بتطلع تجري ع فوق هي و ليل 
نور بعياط: باااباا بابا مالك رد عليا
الخدامه: انا كنت بجبلوا العصير و الدواء زي كل يوم و لقيته مرمي زي ما انتي شايفه كدا
نور بعياط: حد يتصل بالاسعاف
ليل: اوعي ي نور كدا عن اذنك
و بيبداء يشوف نبضه و ليلاقي لسه عايش
ليل: متقلقيش هو كويس وانا هتصل بالاسعاف
ليل اتصل بالاسعاف و الإسعاف جت و اخدت القدري و راح المستشفي و الدكاتره شافوا و عملوا التحاليل الازمه
نور: طمني ي دكتور
الدكتور: ادعيلوا احنا عملنا الازم
نور اول ما سمعت كدا دخلت ل القدري علطول
نور بعياط هستيري: قوم قوم ي بابا انت لازم تكون كويس مش بعد كل اللي عملتوا علشان تروح وتسبني لوحدي كدا انا علشان ارضيك عشت بشخصيه مش شخصيتي انا علشانك قبلت اكون نور وانا مش هيا انا علشانك قولت أن جميله هي اللي ماتت مع ان نور هي اللي ماتت مش انا ي بابا مش انا انا قبلت اكون اختي نور علشانك علشان متتعبش و تروح مني مع انك كنت دايما بتفضل نور عني وبتحبها و تهتم بيها اكتر مني وعلشان ضحيت بكل حاجه وضحيت بحياتي و شخصيتي انا كل يوم يتعذب ومبتكلمش وساكته علشانك مش هينفع بعد كل دا تسبني ارجوك قوم
و قامت نور اللي هي ف الاساس جميله علشان تطلع برا تغسل وشها
نور: ليل
ليل:…….
يتبع ……
لقراءة الفصل الرابع : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى