رواية عشق بنت الصعيد الفصل الثالث 3 بقلم آية هاني
 |
| رواية عشق بنت الصعيد الفصل الثالث 3 بقلم آية هاني |
رواية عشق بنت الصعيد الفصل الثالث 3 بقلم آية هاني
_ انا عايزة اتطلق يا صقر..
هنا ظهر الوحش اللي جوا صقر ..
= عيدي الكلمه اللي جولتيها من شوية اكده..
_ بقولك عايزة اتطلق يا صقر ولا انت مسمع.. ااااه سيب شعري يا حيواان..
صقر مردش عليها ومسكهاا من شعرها وطلعها لحد الأوضة وقفل بالمفتاح..
_ عايز اسمع الكلمه اللي جولتيها تحت تاني..
سيلين بصريخ وزهق “قولتلك عايزة اتطلق ايه مبتسعمش عايزة اتطلق مستحيل أقبل اعيش مع إنسان قذر زيك معندهوش إحساس وكل اللي بيعمله يقتل اللي علي كيفه وبس”..
= هعتبر نفسي مسمعتش ولا كلمه م اللي قولتيهم يا سيلين بس لو اتكرر الكلام دا تاني هتشوفي وش غير الوش اللي قدامك داا.
_ انت بتتكلم مصري!!.
= وكل اللغات اللي تخطر ف بالك..
_ ازاي داا!؟ انت كنت بتتعلم من وراناا..
= من وراكوا! انا كنت بتعلم والكل عارف إلا انتي اقولك ليه!..
_ ليه.
= علشان انتي أفعي كان كل همك ازاي تقتلي مراد أخويا تخليه يحبك وبعدين تقتليه بكل بشاعه يا سيلين عرفتي ليه مكنتيش تعرفي..
سيلين بدموع” اظن انا اتكلمت ف الموضوع دا قبل كدا يا صقر وقولتلك إني مقتلتهوش مقتلتهووش “..
صقر مسكها من شعرهاا هي صرخت بألم” ومين مسكك السكينه يومهاا انطقيي كان حد مسكهالك انطقيي”..
_ معرفش يا صقر معرفش .. وبدأت تفتكر وتحكيله.
فلاااااااش باااااااااك..
_ ماااماا مين عمل فيكي كداا..
سعاد ساكته ومصدومة مش قادره ترد عليها..
= اهدي يا سيلين..
_ اهدي اي يا مراد عايزني اشوف ماما بالمنظر دا واهدي..
ردي علياا يا ماما مين عمل فيكي كدااا..
مراد بحزن وإحراج” انا هقولك مين عمل ف مرات عمي كدا”..
= انت عارف وساكت يا مراد قول مين بسرعه..
وفجأة حد جه من ورا وخبط سيلين علي راسها وفقدت وعيهاا..
مراد نزل ع الأرض جمب سيلين وفضل يفوق فيهاا بس الدم نازل من راسها ومش بتفوق ..
_ انا هقول لصقر ع اللي انت عملته..انت هتعمل اي..لاااا متقتلنيش لكن لا حياة لمن تنادي وقتله بالسكينه وحط السكينه ف ايد سيلين..
سعاد لما شافت المنظر دا قدامها ومن حزنها الشديد علي نفسها مقدرتش تستحمل وماتت..
سيلين فاقت ومسكت راسهاا..
_ مرااااد لاااا..
كله جه ع الصوت وأولهم صقر..
_ مرااااد فوق يا حبيبي مراااد رد عليااا حد يطلب الاسعاف بسرررعه..وبص ل سيلين اللي كانت بتبص للسكينه اللي ف ايدها وضربها بالقلم “ليه يا **ليه قتلتيه كان بيحبك للأسف اختار انسانه مجرمه”..
سيلين مصدومه ومش قادره ترد من صدمتهاا وبتعيط بس..
وياتري مين قتل مراد ومين المسؤل عن حالة التهجم اللي اتعرضت لها سعاد!؟
بااااااااااك..
سيلين قعدت ف الأرض وعيطت لما افتكرت اليوم دا اليوم اللي ماتت فيه أمها وابن عمهااا..
صقر لانت ملامحه شوية لما شاف دموعها..
_ اهدي يا سيلين انا آسف إني فكرتك باليوم داا..
سيلين عيطت بصوت أعلي وصقر راح حضنها وطبطب عليهاا” ششش انا معاكي يا سيلين انا آسف “..
فضلت تعيط لحد ما هديت ونامت وهو شالها نيمها ع السرير وخرج براا الأوضة..
_ متنخدعش فيها يا صقر اكيد دي دموع كدب علشان تخليك متشكش فيها..
قلبه: مسألتش نفسك ليه هي تقتل مراد اصلا..
عقله: مش عارف أكيد كان فيه حاجه ف دماغها..
قلبه: طب انت شوفت منها حاجه وحشه..
عقله: لاا.
قلبه: يبقا مش هي اللي قتلته..
عقله بعنف: دي بتمثل عليك بشوية الدموع اللي ف عيونها علشان تخليك تحبها زي ما عملت مع مراد..
و ف النهاية انتصر العقل علي القلب..
