رواية أحببته رغم البعد الفصل الثالث 3 بقلم سارة علام
 |
| رواية أحببته رغم البعد الفصل الثالث 3 بقلم سارة علام |
رواية أحببته رغم البعد الفصل الثالث 3 بقلم سارة علام
=مسافر بكره بليل.
-مسافر؟ تاني ي زين هتمشي وتسيبني تاني؟
=اتكلم بزعيق:انتي هبله ي بنتي مش انتي اللي قولتي مش عايزاك ف حياتي ومش محتاجاك؟ مش دا كلامك!
-كلامي، كلامي ي زين اقولك امشي امشي ي زين مش عايزه اشوفك تاني متظهرش قدامي تاني..كملت بصوت عالي:اممشييي
ركب العربيه ومشي هه م هو ع طول بيمشي متمسكش بيا مره واحده كان نفسي يفضل ويقولي مش همشي، كنت عايزاه يطمني بوجوده بس مشي كالعاده وهيسيبني تاني.
فضلت ماشيه معرفش راحه فين بس مش عايزه اروح واشوفه، مش عايزه اضعف قدامه يمكن هو مش شايفني حاجه مهمه زي م هو مهم عندي! كان ع طول يقولي انتي اختي اكيد مش هيحبني..طب انا اتعلقت بيه ليه؟حبيته ليه؟ هو انا مكتوب عليا اتعذب ع طول وافضل لوحدي! يااارب.
-فضلت ماشيه مش حاسه بالوقت ومخدتش بالي ان الساعه بقت 12 مسحت دموعي وروحت بس قابلته قاعد ع السلم قاعد ليه ده يعني انا بهرب منك تطلعلي كده! اول م شافني قام وقف وجه قدامي واتكلم بصوت شبه عالي: انتي متخلفه عارفه الساعه كام دلوقت كنتي فين دا كله انطقي؟
-بتسأل ليه؟ عاايز تعرف ليه انشالله اموت حتي انت مالك بيا
=زعق فيا:ساارهه اتكلمي عدل للدرجادي شايفه انك مش مهمه عندي ولا بفكر فيكي؟ انتي زي م كنتي لوحدك ومكنش عندك غيري انا كمان مكنش ليا غيرك مكنتش بصاحب ع شان افضل معاكي طول الوقت، كنت ببعد عن الناس ع شان متحسيش انك لوحدك واني معاكي، احنا كنا بنبني حياه لينا سوا ي ساره، مفيهاش غيرنا انا وانتي، كنتي بتقوليلي مش عايزه غيرك واما تزعلي تقوليلي م تيجي نهرب وانا اضحك واقولك اما تكبري كنتي بتزعلي وتقوليلي ليه مش دلوقت اقولك هقولك اما تكبري بس مكنتش اعرف انك هتكبري بعيد عني ومش هنحتفل ب عيد ميلادك سوا، بس كل ده غصب عني انا مكنتش عايز ابعد عنك والله كان نفسي تفضلي معايا قولت اما ارجع هلاقيكي مستنياني بس اتغيرتي ومعنتيش محتاجاني، بس انا هبعد ع شان راحتك.
-خلص كلامه وطلع مستناش رد مني، معقوله اكون قسيت عليه اوي كده وظلمته؟ معقول هو بيحبني زي م بحبه؟ اسأله كتير مش عارفه مين هيجاوب عليها، طلعت انا كمان ودخلت البيت بس كنت خايفه انام..خايفه اصحي الاقيه مشي لو مشي المره دي مش هشوفه تاني انا عارفه مش هيرجع تاني، نمت بعد م ظبط المنبه ع شان اصحي اكلمه قبل م يسافر..مش هخليه يسيبني تاني مش بمزاجه المره دي، صحيت ع صوت المنبه قومت لبست وروحت بيته بس والده قالي انه خرج وقال هيمشي علي بليل، طب راح فين ادور عليه فين انا دلوقت؟
فضلت ادور ف كل الاماكن اللي كنا بنقعد فيها بس مش موجود قعدت ع كرسي جمب البحر وفضلت اعيط، سمعت صوت جمبي
-زين…انت ممشيتش؟
=لو عايزاني امشي هقوم امشي
-لا لا متمشيش خليك معايا
=خلاص خلاص متعيطيش مش همشي، مكنتش اعرف انك بتحبيني اوي كده وبتدوري عليا كمان.
-حبك برص مين قالك اني بحبك انا بس كنت عايزه اخد السلسله اللي سرقتها مني قبل م تسافر قال اي ع شان افتكرك
=اهلك كسّلوا يربوكي والله، بس مش مشكله انا هربيكي
-تربيني؟ ي شيخ روح ربّي نفسك الاول
=يعني انا مش محترم؟
-لا مش محترم ي زين مش محترم ع شان سيبتني لوحدي ومشيت مش محترم ع شان عايز تسيبني تاني لوحدي
=مين قال اني همشي؟
-ايي! يعني انت مش مسافر؟
=حد يبقي معاه القمر ده ويساافر بردو؟
-زييين
=خلاص، مش هسافر ع شان مينفعش اسيبك انتي روحي
-هه! تقصد ايي
=اعملي هبله اوي بقولك اي انا عارف انك واقعه وبتموتي فيا كمان ف قررت اكسب فيكي ثواب واتجوزك
-تصدق انا غلطانه اني واقفه معاك اصلاا انا ماشيه
=خدي هنا م هو مش بمزاجك انا بقولك مش باخد رأيك
-هتتجوزني عافيه يعني؟
=لاا ع شان بحبك، واسف اني بعدت عنك وصدقيني عمري م هبعد عنك تاني طول م انا عايش
-ههه وبتقول انا اللي واقعه
=خليها عليك ي عم الجَميل، هاا موافقه؟
-اممم، اوعدني الاول انك مش هتسيبني تاني ابدًا ابدًا
=ابدًا واحده مش كفايه؟
-تؤ
=ماشي، اوعدك اني عُمري م هسيبك طول م انا عايش
-قولي بحبك ي روحي
=ي بنت المجنونه… بحبك ي روحي هااا موافقه ولا اسافر؟
-هتنازل واتجوزك اصلك واقع اويي
=لاا والله!
-قولتلي الفرح امتي؟.
“وأصبحت نوري الذي أضاء عتمة حياتي”.❤
تمت.
لقراءة باقي فصول الرواية : اضغط هنا
نرشح لك أيضاً رواية توأمان وقلب واحد للكاتبة إيمان المهدي
