رواية حمل ملعون الفصل الثالث 3 بقلم علاء جمال
 |
| رواية حمل ملعون الفصل الثالث 3 بقلم علاء جمال |
رواية حمل ملعون الفصل الثالث 3 والأخير بقلم علاء جمال
فكرت شوية بس مغطس يعني مياه يعني البنت هتقلع هدومها.. والله أعلم الراجل ده ممكن يعمل فيها إيه..
خرجني من سرحاني لما سألني .
ها هتعملي إيه؟
اضطريت اوافق واتفقنا إن هجيبله البنت بكرا.
أقنعت البنت بالعافية بأنها تنفذ الفكرة دي.
البنت مكنتش موافقة وكانت خايفة ومرعوبة من الفكرة وعندها حق إذا كنت أنا هموت من الخوف والقلق بس مقداميش غير الحل ده وانا عامله زى الغريق اللى بيتشعلق بقشاية .
تاني يوم اخدتها ورحت عن الشيخ حسان .
أول ما دخلنا مكنش في ناس زي أول يوم .
البنت اللي كانت شغالة معاه اخدت بنتي عشان تجهزها . بعد حوالي ربع ساعة خرجت وبنتي معاها وكانت لابسة حاجات غريبة كده غير اللبس اللي كنا جايين بيه.
دخلنا عند الشيخ وهو اخدنا ودخلنا غرفة تانية كانت متقفلة كلها وفي مغطس كبير موجود في وسطها.
مسك البنت من دماغها وقعد يقول كلام كده مفهمتش منه حاجة . وبعدين أداها كوباية في حاجة غريبة وأما سألته إيه ده قالي متخافيش دي مادة بيخاف منها الجن عشان واحنا بنعمل الطقوس مفيش حاجة تقرب ولا تاذي بنتك..
بعد شوية طلب إني أخرج برا. وفضل هو والبنت بس والست اللي بتساعده خرجت معايا.
جابتلي عصير بس أنا مقدرتش اشربه ألحت عليا كتير بس مكنش ليا نفس ولا كنت أقدر أشرب ولا أكل وانا في القلق ده. مستحملتش خمس دقايق والشك كان هيموتني .
قلت لا أنا لازم ادخل عشان أشوف بنتي أنا قلبي مش مطمن وانا سيباها لوحدها كده.
البنت اللي بتساعده حاولت تمنعني. دفعتها بعيد عني ودخلت بسرعة .
لقيت الحيوان اللي عامل فيها شيخ. بيحاول يقلع البنت هدومها عشان يعتدي عليها. البنت كانت متخدرة ومش واعية للي بيحصل حواليها. وأكيد ده من أثر المادة اللي شريتها من شوية.
جريت عليه وفضلت اضرب فيها بالاقلام على وشه. حاولت البنت اللي بتساعده تمسكني عشان يربطوني. بس قاومت وفضلت اصرخ بصوت عالي.
لحد ما الجيران سمعتني و دخلوا شافوا المشهد ده وفهمتهم اللي حصل كلهم مسكوه وضربوه هو والمساعدة بتاعته.
وأنا خدت بنتي بسرعة ومشيت من هناك قبل ما الشرطة تيجي والموضوع يكبر.
قعدت على رصيف محطة الاتوبيس وكنت بحاول افوق البنت من الغيبوبة اللي هي فيها.
وكان في شاب وشه بشوش وشكله متعلم و متدين وعرفت ده من لحيته . ندهتله عشان يساعدني افوقها
وسألني إذا كنت محتاجة حاجة.
وأما شاف حالة البنت بالشكل ده قلع الجاكت اللي كان لابسه وحطه على كتفها. وبدأ يفوقها لحد ما فاقت الحمدلله.
البنت كانت صاحبة مخضوضة وخائفة. لكن قدر الشاب ده يهديها وبدأ يقرأ قرآن بصوت عذب وجميل.
اطمنتله وحكتله اللي حصل معانا من البداية.
سمع القصة. وقالي بصي يا أمي مفيش حاجه اسمها إنسانة تحمل من جني الكلام ده تخاريف.
ثم انا قرأت قرآن علي بنتك ولو في اي علامة للجن العاشق زي ما بتقولوا كانت ظهرت أنا شايف إن بنتك سليمة ومفيهاش أي حاجة.
سألته آمال إيه يابني إللي بيحصل معاها ده.
بص للبنت كده وقالها.
-هسألك سؤال وجاوبيني بصراحة. انتي بتحبي حد صح .
البنت بصتله باستغراب وسكتت.
قلها متخافيش من حاجة إحنا عايزين نساعدك وأنتي لازم تقوليلنا الحقيقة..
طمنتها إن مفيش حاجه ان انا عمرى ما هزعلها لو كان في حاجة بالشكل ده.
اتكلمت البنت وطلع كلام الشيخ صح.
بصلي كده وقال .
-بنتك مفيهاش أي حاجة الحمدلله خدي بالك منها وبلاش الدجل والخرافات والحاجات اللي تودي في داهية دي. وسابنا ومشي.
بعد ما مشي. سألت البنت عن موضوع الحمل ده والعلامات الزرقة اللي كانت بتظهر في جسمها.
قالت إن مفيش حمل ودي كدبة اخترعتها عشان تتهرب من موضوع الجواز ده. والعلامات الزرقة دي هي اللي كانت بتعملها في جسمها عشان اصدقها.
كل ده عملته بنت الكلب عشان متتجوزش غير الحيوان اللي بتحبه…
تمت…
لقراءة باقي فصول الرواية : اضغط هنا
نرشح لك أيضاً رواية براءة للكاتبة آية عامر
جميلة
الباقي
عايزة اعرف النهايه
النهايه
عايزة اعرف النهايه