رواية ولاد العم الفصل الثالث 3 بقلم أسيل حسام
 |
| رواية ولاد العم الفصل الثالث 3 بقلم أسيل حسام |
رواية ولاد العم الفصل الثالث 3 بقلم أسيل حسام
صباحيه مباركه يا عريس الف مبروك على التدبيسه
زياد قام قعد بسرعه.. احمد؟
التليفون فصل فضل يقول الو مفيش رد قام حادف التليفون على ألارض اسيل خافت منه اول مره تشوفه كده
اسيل .. في ايه
زياد قام لبس تيشرت بتاعه .. ابن ال*** هو السبب في كل ده وربى م هرحمه
اسيل .. أنا مش فاهمه حاجه
زياد .. احمد هو السبب كان سهران معايا في اليوم اللى دخلت فيه اوضتك وخلانى اشرب كتير يومها وجدي فكر فينا تفكير وحش إحنا الاتنين بسببه وادينا متجوزين غصب بسببه طب والله م هرحمه
اسيل .. ممكن تهدي بس عشان نعرف نقول لجدو وهو اكيد ها يخلينا نتطلق
زياد.. جدى مش هيصدقنى أنا عارف
اسيل.. طب هنعمل ايه
زياد.. هتصرف أنا بس مش دلوقتي اتصرفي عادي تمام
اسيل .. ماشي
زياد .. أنا نازل تحت وجاى تاني
اسيل.. طب وانا عايزة انزل
زياد.. هو انا نازل البحر يابنتى بقولك نازل تحت وجاى
اسيل .. يووه طيب انزل وانت رخم كده
ـــــــــــــــــــــــــــــــــــــــــــــــــــــــــــــــ
زياد .. صباح الخير
العربى .. صباح النور يا عريس اى اللى منزلك
زياد .. ههه اى يجدو انا هتحبس فوق ولا ايه
العربى .. ايوه يلا اطلع لمراتك أنت نازل يوم فرحك
زياد .. طيب يا جدى احمد مكلمكوش
العربى .. لأ
زياد .. ماشي أنا طالع
ـــــــــــــــــــــــــــــــــــــــــــــــــــــــــــــــ
زين دخل اوضته وعفاريت الدنيا بتتنطط ف وشه وكان متضايق على اخره لانه سمع زياد واسيل وهما بيتكلموا سلمى كانت معديه من جمب اوضته وسمعته عمال يكسر في كل حاجه
سلمي .. زين .. زين افتح أنت كويس
زين مش سامع حاجه حواليه
سلمي فتحت الباب لقت الاوضه كلها مقلوبه وهو واقف ساند على التسريحه وعينه بتطق شرار
سلمي .. زين أنت كويس حصل ايه
زين .. اطلعى برا
سلمي .. يا زين بس..
زين قام خابط ايده في المرايه كسرها .. قولتلك اطلعى برا
سلمي اول م شافت الدم خافت وفضلت تعيط خرجت بسرعه جابت علبة الاسعاف وجت
سلمي .. تعال اقعد بس واهدي بالله عليك
زين قعد على السرير
وهى قعدت جمبه وفضلت تنضف في ايده .. مالك يا زين أنت كسرت الاوضه كلها وايدك عامله ازاى
زين .. سلمي أنا مش عايز اتعصب عليكي اخرجي يا سلمي
سلمي .. تمام براحتك هخرج بس هعمل ايدك الاول .. عملت ايده وربطتها بشاش وخرجت وهو فضل مكانه
ـــــــــــــــــــــــــــــــــــــــــــــــــــــــــــــــ
اسيل .. ها جدو قالك حاجه
زياد.. هيقول ايه يعني قالى اطلع اوضتك انت لسه عريس
اسيل.. عريس رخم وبارد
زياد.. بتقولي حاجه!
اسيل.. لا لا هقول ايه يعني
زياد.. طب وانا هفضل محبوس هنا يووه على اىجواز والفرف
اسيل .. انا معدتش هنام جمبك تاني كل واحد ينام في اوضته اشطا
زياد .. اسكتي تعرفي تسكتى مش متجوز سواق توكتوك أنا
اسيل .. زياد عايزة اقولك حاجه
زياد بهدوء .. قولى
اسيل .. أنت ابرد خلق الله ومشفتش في غرورك
زياد .. مش هرد عليكي دلوقتي لان كله بيتحوش ماشي ف اتلمى احسن لك
اسيل.. بارد بارد يعني مش هزار وقامت دخلت الحمام تغير هدومها
ـــــــــــــــــــــــــــــــــــــــــــــــــــــــــــــــ
عند زين كان لسه قاعد متضايق وايدها وجعاها خرج الجنينه لقي سلمى قاعده بترسم
قعد على كرسى جمبها وهى بصت عليه ومتكلمتش
زين.. بترسمي ايه
سلمي.. مش برسم قاعده اشخبط بالالوان وخلاص اطلع الضيقة اللى فيا
زين.. امم والضيقه دى منى
سلمي قامت وقفت وخدت حاجتها عشان تمشي .. لأ مش منك
زين .. متزعليش يا سلمي
سلمي مردتش عليه ومشيت
فضل هو قاعد ولسه متضايق من اللى احمد عمله ومتضايق من اسيل انها خبت عليه
ـــــــــــــــــــــــــــــــــــــــــــــــــــــــــــــــ
عند اسيل وزياد
اسيل .. انا معرفتش انام جمبك امبارح مخدتش راحتى عشان كده هروح انام في اوضتي وابقي اجي هنا بدري قبل م حد يصحي
زياد قام ع السرير .. يااه وأخيراً هنام على سريري براحتى
اسيل.. جتك القرف انت وسريرك اللى شبه وشك ده
زياد قام راح عندها كانت واقفه عند الباب .. بتقولي اى مسمعتش
اسيل بتفتح الاوكره وبتقوله .. مقولتش حاجه قام حاطط ايده على الاوكره هو كمان وقرب منها مخلاهاش عارفها تتنفس
زياد .. بحب اشوفك متوتره كده ???? وبعدين انا قرف دا انا قمر
اسيل .. معلش يا عم القمر وسع بقي عشان اخفي
زياد.. طب والشتيمه مش هاخد حقي
اسيل بعدته عشان كان بيقرب منها جامد.. حق ايه كسر حقك اوعى كده عيل ملزق
زياد قام بايسها من خدها وبعد عنها وهو بيضحك .. دى عشان قولتى جتك القرف لكن غبى وحيوان ليها حساب تاني تصبحي علي خير ???? وراح نام ع السرير تاني
هى كانت مصدومه من حركته بس خرجت بسرعه
زين .. راحه فين؟
اسيل اتخضت.. زين .. أنت لسه صاحي ليه؟
زين .. كنت داخل انام بس انتى رايحه فين
اسيل .. مفيش هروح اوضتي بس اجيب حاجه
زين .. اسيل متكدبيش عليا
اسيل سكتت وقالت له أنا راحه انام في اوضتي
زين .. لي
اسيل .. عشان انا مش بعرف انام جمب زياد لسه مش متعوده عليه وبتكسف من وجوده
زين .. تعالى كده وخدها اوضته .. يلا اتفضلي احكيلي كل حاجه
اسيل استسلمت وحكت كل حاجه ليه على موضوع احمد وازاى هما اتجوزا
زين .. أنا عارف كل حاجه سمعتكم بالغلط وانتو بتكلموا وكمان زعلت سلمي منى
اسيل .. سلمي؟! ليه هى عملت حاجه
زين .. كنت متضايق وكسرت كل حاجه وهى جت تشوف في ايه وانا زعقتلها
اسيل .. ايدك مالها؟!!
زين متقلقيش تعويره بسيطه اقولك حتى سلمي هى اللى مطهراهالى بالرغم من معاملتى ليها
اسيل ابتسمت .. سلمي ملهاش دعوه باحمد يا زين روح صالحها هى طيبة والله وهتسامحك
زين .. ماشي هحاول يلا قومي نامى
اسيل ماشي تصبح على خير
ـــــــــــــــــــــــــــــــــــــــــــــــــــــــــــــــ
اسيل دخلت اوضتها غيرت ولبست بلوزه كت وبرمودا قصيره وفضلت نايمه علي الكنبه شويه بتلعب ف الفون ونعست وهى نايمه
الصبح طلع زياد صحى ملقهاش جمبه هى قالت هتيجي من بدري فحب يعاندها وراح عندها الاوضه ملقهاش ع السرير راح ناحية الكنبه
لقاها نايمه وشعرها جاى على وشها وشكلها جميل فضل باصص لها شويه .. ياانى جمل يابا الحج امال مش بتلبس كده عندي لى ????
قعد قدامها وهو بيشيل شعرها من على وشها .. دي ملاك اومال لما بتصحى بتبقي عامله زى سواقين التكاتك ليه
اسيل بتتقلب وبفتح عينها لقت زياد قريب منها قامت واقعه من الخضه فوقه
لحظه سلوموشن هنا يجماعه ????… فضل باصص لها وهى كذلك
اسيل .. أنت بتعمل ايه هنا
زياد بصوت فيه بحه رجوليه.. مش قادر
اسيل .. مش قادر اي
زياد.. قمر اوى .. اا قصدي تقيله اوى انتى تقيله
اسيل قامت اتعدلت وقعدت جمبه على الأرض .. تقيله فين دا اناا 55كيلو
زياد .. بس تقيله عليا تقيله اوووى ????
اسيل بتعدل في شعرها.. أنت الى جابك هنا
زياد.. لقيتك مجتيش قلت اجي انا ويارتني م جيت عشان اشوف شكلك كده انتي ازاى كده يخربيتك
اسيل مالى
حب يعاندها .. شكلك وحش اوى يعنى
اسيل .. طب اخرج برا يلا انت عيل رخم جتك القرف
زياد قرب منها تاني .. جتك القرف برضو انتى مبتحرميش
اسيل بعدت .. قوم يا زياد امشي
زياد .. يعني انا م صدقت هديت شويه تيجي تقولي يا زياد وانتى صوتك قمر كده ومحليه الاسم يخربيت جمدانك ياشيخه
اسيل سكتت
زياد أنا ماشي بس هاتى بوسهه الاول
اسيل قامت وقفت .. انت بتعمل كده احنا مش متجوزين بجد ولا حتى بنحب بعض فبطل بقا كل شويه تعمل كده وبعدين احنا هنطلق مينفعش اللى بيحصل ده تمام ومعدتش تطلب منى كده تاني اتفضل امشي عشان اغير
زياد بجدية .. مهو طالما كده كده هسيبك فقلت اتسلى عادي يعني متفكريش في حاجه وقلت لك مره انا مش ممكن احبك او ابصلك حتى ولو كان على البوسهه عادي بوست بنات كتير ومش هموت عليكي يعني تمام يلا باى يااا ي مراتى ????
اسيل زعلت من كلمة عمرى م هحبك او ابصلك هى فيها اى وحش يعني دخلت غيرت ونزلت
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
زين قابل سلمي على السلم .. صباح الخير
سلمي .. صباح النور
زين .. لسه زعلانه
سلمي .. هزعل من ايه مفيش حاجه ونزلت وهو نزل اى البت اللى هتتعبني معاها دى
فطروا وزياد راح الشركه واسيل طلعت اوضتها تاني قعدت ع التليفون
زين جدى هو انا ممكن اخد سلمي معايا مشوار صغير كده مش هنتاخر
العربى .. عادي يا بنى مش اختك خدها عادي بس متتأخروش وخلى بالك منها
زين في سره.. اختى مين يا جدى بصوت عالى .. آه ماشي يا جدى متخفش يلا انا طالع اقولها تجهز
زين بيخبط
سلمي فتحت الباب .. اتفضل
زين هتفضل وانتى حاطه ايدك على الباب كده وقام شايل ايدها ودخل وهى لسه واقفه مش مستوعبه الحركه
زين قعد على السرير .. يلا البسي
سلمي .. أنت دخلت عادي كده ازاى يعنى مش اوضة بنت دى؟ وبعدين البس ايه
زين.. اوضة اختى ودخلت عادي يعني وبعدين البسي عشان خارجين أنا وانتى يا اختى
سلمي .. بطل تقول اختى دى
زين وقف وراح عندها .. أنا بقول كده برضو نبطل اختى دى ها عيزاني اقولك اى
سلمي .. متقولش حاجه وانا مش خارجه انت تعرفني منين ولا انا اعرفك عشان تقولي نخرج وبعدين جدو مش هيرضي
زين .. الله مش بقولك اختى وجدو يا ستى قالى ماشي خدها عادى
سلمي .. زين لو سمحت اتفضل انا مش عايزة اخرج مع حد
زين زعل منها ومن دماغها الناشفه .. خلاص براحتك أنا آسف لو ضايقتك بس كنت عايز اصالحك على اللى حصل امبارح وكان خارج
سلمي.. بس أنت مش حد
زين لف وشه .. مش فاهم؟
سلمي بضحك.. أنت اخويا
زين ضحك هو كمان .. ماشي هنشوف حوار اخويا ده بعدين يلا البسي مستنيكي تحت
سلمي .. ماشي
ـــــــــــــــــــــــــــــــــــــــــــــــــــــــــــــــ
عند احمد كان قاعد يتفرج على صور زياد واسيل في الفرح وبيقول ههه حلو الهزار ده يا زياد عشان تفكر تتظارف معايا تاني يا ترى زياد عمل اي لاحمد
هنعرف بعدين…..
عند سلمى وزين كانو قاعدين فى كافيه وصالحها وفضلوا يتكلمو وبعدين راحو البيت
زياد خلص شغل وراح البيت طلع اوضته لقي اسيل نايمه على السرير وحاطه رجل على رجل
زياد.. اى التناكه دى
اسيل اتعدلت بسرعه .. انت بتدخل من غير ما تخبط ليه
زياد وهو رافع حاجبه.. نعم! هو عشان ادخل اوضتي لازم اخبط
اسيل .. افرض أنا بعمل حاجه
زياد .. مش ذنبى والله ????
اسيل .. وسع انا نازله أكل عشان متعشتش هتصد نفسي ????
زياد .. ماشي انا هغير وجاى اكل أنا كمان عشان جعان
اسيل نزلت وسابته وياريتها ما نزلت …..
يتبع….
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية غيث ومرام للكاتبة منار رضا
