رواية العشق والقدر الفصل الحادي والعشرون 21 بقلم ليلى هشام
رواية العشق والقدر الجزء الحادي والعشرون
رواية العشق والقدر البارت الحادي والعشرون
رواية العشق والقدر الحلقة الحادية والعشرون
في غرفة الارشيف كانت حياة واقفه في اخر صف بين بين الارفف وبتتكلم في التليفون.
حياة:يابنتي افهمي انا المفروض هخرج معاه علشان عندنا اجتماع بره الشركه بس انا متوتره اوي وخايفه.
يارا:يا بنتي خايفه من اي انتي هتروحي وتفضلي معاه تطلعي ورق تقعدي معاه انتي عارفه رجال الأعمال حتي لو مش هيحتاجوا السكيرتيرات في حاجه لازم يخدوهم منظره علي الاقل.
حياة:يا بنتي ما انا عارفه كل ده المشكله بس أنه انا اول مره احضر اجتماع وبره الشركه اصلا وانا وهو بس فا انا هيبقي متوتره وحاسه أن الناس كلها هاتبصلي من اقل حركه.
يارا:لا ولا تخافي خالص ولا حاجه انتي هتروحي تتعاملي انك السكيرتيره الخاصه لمستر رعد وبس طلب منك حاجه اعمليها طلب منك ورق طلعيهولوا بس كده وخلاص يلا روحي زمانه مستنيكي.
حياة:يا نهار ابيض ده قالي هاستناكي قدام الشركه طب سلام بقي انا هروح ماشي.
يارا:ماشي سلام.
نزلت حياة وشافت رعد مستنيها عند العربيه راحتله.
رعد:اي يا حياة اتأخرتي كده ليه؟
حياة:اصلي كنت في الحمام يا مستر رعد.
رعد:طب يلا.
ركبت مع رعد العربيه وتوجهوا الي وجهتهم.
بعد 20 دقيقه بالظبط وصل رعد لفندق أقل ما يقال عليه أنه فخم نزل رعد من عربيته ونزلت حياة وراه وهي مبرقه من شكل الاوتيل وروعة تصميمه.
رعد:ياريت متفضليش في الانبهار ده كتير لأننا كده هنتأخر علي الاجتماع.
فاقت حياة لنفسها ومشيت وراه وراحت معاه عند الاستقبال.
رعد: صباح الخير.
الموظف: صباح الخير يا فندم.
رعد:انا رعد السيوفي وكان عندي معاد مع الوفد الألماني.
الموظف:تمام يا فندم هما دلوقتي مستنيين حضرتك في المطعم الي علي البول.
رعد:شكرا.
مشي رعد ناحية المطعم وحياة ورا وحياة تقريبا كانت بتجري علشان تلحقه لانه خطواته سريعه وواثقه رعد وقف مره واحده وحياة كانت هتلبس فيه.
رعد:حياة انتي بتعرفي تتكلمي لغات؟
حياة:ايوه يا مستر رعد انا بتكلم انجليزي وتركي وألماني وايطالي.
رعد باعجاب:جميل برافو.
راح رعد عند المطعم كان في مكان مفتوح وقدامه البسين بتاع الاطفال رعد اول ما دخل المدير الألماني استقبله كويس جدا وكان اسمه مارك رعد سلم عليه بس بالانجليزي
الحوار مترجم.
مارك:اهلا وسهلا بك سيد رعد.
رعد:اهلا بك سيد مارك.
مارك لحياة:اهلا بكي سيدتي.
حياة سلمت عليه:اهلا بك سيد مارك.
مارك:تفضلو بالجلوس.
قعد رعد وحياة جنب بعض وقدامهم مارك والسكيرتيره بتاعته واتنين كمان معاه.
مارك لحياة:ما اسمك؟
حياة:حياة.
مارك:امم يا لهو من اسم جميل.
حياة:شكرا.
رعد:احم نبدأ الاجتماع سيد مارك؟
مارك:فالنبدأ سيد رعد.
إبتدوا الاجتماع ورعد كان بيتكلم مع مارك في فكرة مشروع اوتيل أو منتجع سياحي كبير في العين السخنة والانتين الي كانو مع مارك كانو محاسبين وكانو بتكلموا الماني بس ورعد كان بيخلي حياة هي الي ترد عليهم علشان يشوف هي بتعرف الماني لحد فين بس حياة كانت بتتكلم بثقه وكانت لبقه جدا في الكلام ورعد كان مبسوط بيها
بعد ساعه ونص كلهم فصلوا شويه وكانو جاعوا وكانو محتجين بريك علشان يقدروا يكملوا الاجتماع.
مارك:ما رايك سيد رعد نطلب الطعام لنستطيع أن نكمل؟
رعد:اوافقك الرأي.
الجرسون جه وكلهم طلبوا ولسه حياة مش عارفه تطلب اي قام رعد طلبلها زيه.
رعد للجرسون:لو سمحت خليهم اتنين بيرياني واتنين عصير برتقان.
الجرسون:تمام يا فندم.
رعد لحياة بهمس:انا طلبتلك بيرياني زيي هتحبيه.
حياة ماردتش بس أكتفت بابتسامه ورعد بصلها شويه وبعد كده ابتدا يتكلم مع مارك في حجات عامه غير الشغل.
حياة:لو سمحت يا مستر رعد هروح الحمام علي طول مش هاتاخر.
رعد:تمام.
راحت حياة الحمام غسلت وشها وفوقت وكلمت مامتها عرفتها هي فين وخلصت وطلعت حياة وهي راجعه شافت في طفل صغير بيعوم في البسين بتاع الاطفال وكان صغنن جدا حياة وقفت تشوفه وهي مبتسمه الولد كان علي طرف البسين بس أيده خانته وغطس في المايه ومش عارف يطلع حياة شافت الولد الصغير بيجاهد ومش عارف يطلع وطوله مش مساعده لان البسين ده بينزل فيه الاطفال الي طولهم كويس شويه حياة ما عرفتش تعمل اي جريت علشان تلحق الولد رجلها التوت ووقعد كلها في البسين وعلشان هو مكانش غويط حياة وقفت ومستوي المايه عند أقل من وسطها جريت علي الولد ولحقته والناس اتجمعت وهي طلعت بالولد ام الولد جت اخدته منها وشكرتها كتير جدا وطبعا كان متابع الموقف كله رعد والوفد الألماني كمان رعد ومارك والي معاه راحوا عند حياة.
الحوار مترجم.
مارك:هل انتي بخير سيده حياة.
حياة اكتفت بهز دماغها رعد حط أيده علي دراعها بخوف وقلق:حياة انتي كويسه حصلك حاجه؟
حياة ابتسمت:اكيد مش هغرق في بسين الاطفال يعني متقلقش عليا يا مستر رعد انا كويسه.
سكيرتيرة مارك:تعالوا نقعد جوه علشان مش تبردي.
مارك والي معاه دخلو جدا حياة المياة كانت متقلاها جت تتحرك كانت هتزحلق وتقع وبس رعد لحقها كانت أيده ورا وسطها وأيده التانيه ماسك بيها أيدها حياة بمجرد أنه حط أيده علي وسطها خلي قلبها يدق جامد وانفاسها وقفت واتقابلت عينيهم في نظره حب وشوق رعد كان ماسكها زي ما تكون جوهره غاليه اوي وخايف كان ماسكها بتملك
شديد.
رعد بهمس:واثقه فيا؟
حياة بصتله ثواني وهزت دماغها بأه وهي لسه بصاله وكانت مش عارفه تبعد عينها عنه رعد شدها من المايه بهدوء وطلعها وفضلوا باصين لبعض شويه وكانو بيتكلموا بس كانو بيتكلموا بلغة العيون.
رعد:احم احم يلا نخش جوه علشان ما تبرديش.
حياة هزت دماغها ودخلت معاه حياة قعد ورعد قبل ما يقعد قلع جاكت البدله وحطه علي أكتافها هي بصتله وابتسمت ابتسامه خفيفه وهو قعد جنبها.
حياة:انا اسفه جدا يا جماعه علي الي حصل بس لو ماكنتش لحقت الطفل ده كان زمانه غرق.
مارك:مش تتاسفي انسه حياة اهم حاجه انك بخير.
حياة كان بتشد الجاكيت عليها اوي لأنها كانت بردانه.
جاكلين سكيرتيرة مارك:حياة احنا بقالنا كذا يوم في الاوتيل هنا وانا معايا هدوم كتير ممكن تيجي تلبسي حاجه من عندي علشان انتي كده هتبردي جامد.
حياة:ميرسي جاكلين بس مالهوش لزوم.
جاكلين:لا ازاي أنتي مش شايفه انتي بردانه ازاي يلا حياة.
حياة بصت لرعد:روحي معاها يا حياة.
حياة هزت دماغها:اوكي جاكلين.
حياة وجاكلين قاموا وطلعوا في اوضة جاكلين وقعدت جاكلين تديها لبس بس مكانش ينفع لحياة لأن جاكلين اجنبيه و لبسها كله مفتوح بس حياة محجبه.
حياة بيأس:خلاص جاكلين مفيش حاجه ينفع ألبسها يلا ننزل.
حياة لسه هتفتح الباب.
جاكلين:استني حياة بصي الفستان ده واحده صاحبتي في المانيا هي مسلمه زيك جابتهولي هديه وبصي كمان جابتهولي بالاسكارڤ بتاعته(قصدها علي الطرحه)
حياة عجبها اوي وكان دريس ابيض وعليه ورد ازرق والطرحه لونها ازرق.
حياة:اوكي هلبسه.
حياة دخلت الحمام ولبسته ولبست الطرحه وكان شكلها حلو اوي بيه.
جاكلين باعجاب:واو حلو اوي عليكي حياة.
حياة:ميرسي جاكلين.
حياة وجاكلين خرجوا وهما في الاسنسير.
جاكلين:حياة هو انتو ازاي بتلبسوا البس الواسع ده يعني ليه اصلا بتلبسوه.
حياة:لأننا دينا أمرنا بكده جاكلين الست في دينا لازم تبقي محجبه ولبسها محتشم علشان ربنا أمرنا بكده عارفه ليه جاكلين؟
جاكلين باصالها باهتمام.
حياة:علشان ربنا عزز المرأة خلاها متظهرش الا لي راجل وحد هو الي يلمسها يشوف شعرها جسمها زي الجوهره كده انتي لما بتروحي متحف مجوهرات مش بيوبقوا حاطين الالماس والمجوهرات في صندوق قزار؟
جاكلين هزت دماغها بتركيز.
حياة:اهي الست لازم تكون كده جوهره الناس تشوفها بس من بعيد ومن ورا الازاز إنما ممنوع الاقتراب أو التصوير علشان مش تنجرح أو تتوسخ فهيمتيني جاكلين؟
جاكلين بسرحان: فهمت.
حياة بصتلها كده وابتسمت واتمنت أن جاكلين تفكر وتسلم في يوم من الايام.
خرجوا من الاسانسير وراحوا عندهم رعد اول ما شاف حياة.
رعد:………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
2 تعليقات