رواية سيدرا الفصل الثاني 2 بقلم أحمد سعد
رواية سيدرا الجزء الثاني
رواية سيدرا البارت الثاني
رواية سيدرا الحلقة الثانية
احمد : وجايه هنا ف شغلانة ايه . ؟
سيدرا : حضرتك مش شايف انك زودتها يعنى . ؟ انا لو كنت اعرف انك بقلة الذوق دى مكنتش ركبت معاك الاساسنير من اساسه
( المصعد وصل )
سيدرا : عن اذنك
احمد : ( خارج من الاسانسير بيبصلها وهى ماشيه ف ذهول وابتسامه )
……….
سيدرا : صباح الخير
ليلى : صباح النور اتفضلى
سيدرا : مش هنا الاتش ار انا جايه لمستر محمد بخصوص شغل الاستقبال
ليلى : سيدرا ؟ مش كده ؟
سيدرا : اه انا .
ليلى : طيب اتفضلى اقعدى خمس دقايق بس مستر محمد هيخلص مكالمة تليفون وهدخلك عليه
سيدرا : تسلمى ربنا يخيك
ليلى : تشربي حاجه . ؟
سيدرا : لا متشكره جدا ربنا يخليك
ليلى : هههههههه بطلى حساسيه بقي احنا هنبقي زمايل .تشربي ايه ؟ انا هطلبلى نسكافيه اطلبلك معايا
سيدرا : طيب تمام اكون متشكره جدا
ليلى : تمام
……………
عزيز : اهلا يا صايع
احمد : ياقلب الصايع من جوه ههههههههه
عزيز : مش هتبطل فرك بقي ف الشوارع وتفكك وتيجى تشتغل هنا مع اخوك
سليم : ماتحاولش يابابا ده عيل رمه مش هيرضى
احمد : ( بتفكير وسرحان ) هه !! طب ايه رايك بقي انى مستعد اشتغل من النهارده
سليم : ايه ده ؟ اشتغاله دى ولا ايه
احمد : لا والله بتكلم جد .. انا شايف ان الحمل عليك كبير اهو اساعدك ههههههه
سليم : ولا .. انا مش مرتاحلك يالا
عزيز : يا اخى سيبه مش مرتاحله ايه بس دنا ما صدقت .. تحب تشتغل فين ياحمد يا حبيب قلبى
احمد : هههههههههههههه خلينى بس الفلف ف الفندق شويه واقول لحضرتك اشتغل فين
عزيز : ياسلام . لف ياخويا براحتك اتفضل
………………..
محمد ( مدير ال HR ) : ماشاء الله . الملف بتاعك حلو ومميز
سيدرا : متشكره لحضرتك
محمد : طيب يا …. يا انسه سيدرا . هو شغلك هيبقي ف الاستقبال بالليل من 10 بالليل ل 8 الصبح … وخلى بالك الفتره دى بتكون مُريحه بس فيه بعض الايام بييجى افواج سياحيه ف الشيفت بتاعك
سيدرا : تمام يا فندم مافيش مشكله .. ف اى مكان حضرتك تشوفه
محمد : يلا مبروك ربنا يوفقك … الو ليلى تعالى من فضلك
ليلى : حاضر يا مستر
…..
محمد : ليلى خدى سيدرا خلصيلها امورها كلها واليونيفورم وسكنيها سكن حلو
ليلى : انا الشقه اللى انا فيها مافيهاش غيرى انا وفيروز .. ينفع
محمد : هتبقي مُريحه ليها يعنى
ليلى : اه ليها اوضه لوحدها . وانا كده كده قاعده مع فيروز ف الاوضه التانيه
محمد : ايه رايك يا سيدرا ؟
سيدرا : تمام يا فندم انا ماعنديش مشكله .. والانسه ليلى شخصيه سكر اوى
ليلى : متشكره يا حبيبتى .. يلا اتفضلى معايا عن اذنك يا مستر محمد
سيدرا : عن اذنك يا مستر محمد
محمد : اتفضلوا يا بنات … وماتنسيش يا ليلى تنزلها تدريب 3 ايام مع هدى وفيروز الاول وبعد كده تمسك شيفتها مع عمرو
ليلى : تمام .
…………..
( بعد نص ساعه )
احمد : ايه الاخبار يا لولا
ليلى : مستر احمد بنفسه ايه النور ده ههههههههههه
احمد : هو فيه ايه .. كل اللى ف الفندق ماسكينى تريقه من ساعة ما جيت ليه
ليلى : هههههههههه معلش مش متعودين بقي
احمد : بقولك ايه مستر محمد جوه
ليلى : لا هو لسا طالع لمستر سليم من شويه هيكلم معاه شويه وبالمره قال انه هيوقع منه شويه ورق
احمد : ورق ايه
ليلى : اى ورق .. مشتريات وتعيينات
احمد : احححم . هو فيه ناس جديده اتعينت ؟
ليلى : اه فيه تلاته .. بنت وولدين
احمد : واتعينو فين بقي
ليلى : البنت ف الاستقبال والولدين ف المغسله
احمد : اممم ! طيب تمام .. يعنى مستر محمد عند سليم قولتلى
ليلى : اه
احمد : تمام . هبقي اجيله تانى
………………
سليم : وانت رأيك ايه ف المتعينين جديد دول
محمد : لا هما كويسين . وخصوصا البنت ماشاءا لله هتبقي واجهه كويسه للفندق وكمان ملفها حلو وتقديراتها كانت كويسه
سليم : طيب تمام .. فيه توقيعات تانيه . ؟
محمد : ( بارتباك ) اه فيه شوية ورق كده حضرتك هتوقعهم وهروح بيهم ع البنك
سليم : هاتهم اوقعهملك .. بس سيبلى ملف البنت دى ابص عليه تانى
…………..
سليم : الو ! ازيك يا ليلى
ليلى : اهلا يا مستر سليم مع حضرتك
سليم : الموظفه الجديده استلمت حاجتها ولا لسا
ليلى : اه يا فندم وبكره هتبدا تدريب مع فيروز وهدى
سليم : وال .. والولدين التانيين ؟
ليلى : اه من بكره بردو ف المغسله
سليم : تمام .شوفيهالى فين وابعتيهالى
ليلى : هى مين يا مستر . ؟
سليم : الموظفه الجديده .. سيدرا تقريبا
ليلى : تمام
…………..
( ف الكافيه تحت )
احمد : اححم مساء الخير
سيدرا : مساء الن …. هو انت تانى حضرتك . ؟
احمد : استنى بس رايحه فين . ؟انا جاى اعتذرلك بس … وحاسس انى زعلتك او كنت قليل الذوق معاك بس والله ماكان قصدى ارخم عليك
سيدرا : حصل خير
احمد : طيب على الاقل اعرف انتى شغاله هنا ولا مجرد نزيله ف الفندق ؟
سيدرا : تانى .؟ ماهى ده أدعى انى اعرف انك جاى ترخم عليا . لانى قولتلك ان ده اول يوم ليا هنا وجايه استلم شغلى ..انت بقي بتشتغل هنا ولا مجرد نزيل وجاى يستظرف . ؟
احمد : لا انا شغال هنا ف ال
سيدرا : مش عاوزه اعرف .. ومايهمنيش اعرف اصلا .. ع العموم فرصه سعيده . عن اذنك
……………
( ف مكتب سليم )
سليم : اهلا .. اتفضلى
سيدرا : اهلا بحضرتك
سليم : يارب يكون الفندق عجبك
سيدرا : ده قريه سياحيه يا فندم وانا من حظى الحلو انى اشتغلت هنا ويارب اكون عند حسن ظن حضراتكو
سليم : احنا اللى حظنا حلو ان بنوته جميله ورقيقه هنا تبقي معانا
سيدرا : ( بصمت وسكوت ) متشكره لذوق حضرتك
سليم : استلمتى حاجتك وعرفتى سكنك . ؟
سيدرا : اه كله تمام
سليم : طيب ! اتمنى تتبسطى معانا
سيدرا : ربنا يخليك يا فندم ومتشكره مره تانيه
….
( احمد بيدخل عليهم المكتب )
احمد : مساء الخير
سيدرا : كده كتير الصراحه . !
…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
تعليق واحد