رواية الوقوع في الحب الحلقة الثالثة 3 بقلم هبوش
 |
| رواية الوقوع في الحب الحلقة الثالثة 3 بقلم هبوش |
رواية الوقوع في الحب الحلقة الثالثة 3 بقلم هبوش
خ محمود/يشبح للمكتب… ياااوردة ياااوردة
انا/ طلعت راسي من تحت المكتب… روووحوااا ????
يامن/عيونه طلعوا????… هده شن ادير هنا
خ محمود/ جاء لعندي… ايه يابنتي مشيوا وانتي علاش قاعدة تحت اطلعي… ومدلي يده
انا/ شديت بيده وطلعت… شن بندير خفت ايشدوني حتى ني ????…
وقعدت انفض في حوايجي
يامن/ هذه من يا عمي محمود وشن ادير هنا
في المزرعة
واني انصدمت انتبهتله واقف ع الباب ????
انحرجت
خ محمود/ التفت له… هذه الدكتورة وردة بنت اختي… وشبحلي… سلمي يا وردة على يامن ولد الحاج سليمان
يامن/ خش مد يده… اهلا????
انا/ نشبحله ونشبح ليده بارتباك… اااهلين…
ومديت يدي سلمت وحسيت بالكهرباء ⚡
يامن/ يشبح لخالي… قصدك تشتغل هناااا!؟
خ محمود/ ايه وردة طبيبة بيطرية و اليوم اول دوام ليها في المزرعة
انا/بفرحة ☺️
يامن/بنضرة استهزاء… اهاااا ااااول يوووم ممممم ولعتي المزرعة ببركاتك ااااا قصدي نورتي المزرعة????… و طلع لمكتب بوه
انا/ بستفهام… شششن يقصد ياخالي؟????????
خ محمود/ مادوريش يابنتي يامن ايحب ايبصر وايلقح بالدوة
انا/ بغضب… يعني اني وجهي شؤوم عليهم هو هك يقصد صح ولالا ????????نهاره الاحرف…
وجيت بنمشي شدني خالي
خ محمود/ تعالي اهني وين ماشية فوتيه ديري روحك ماسمعتش
انا/ لا والله مانفوتها بعد نهار احرف ورعايش ايجي يلقح عليا…
ونحيت يد خالي ومشيتله بعد شبحني اشرلي بيده
يامن/ هييي انتي ديريلي قهوة نقعد بيها رأسي يبي ينفجر و ياريت تصكري معك الباب بنرتاح اشوي …
و حط رجليه ع كرسي مقابله
انا/ خشيت وقفت قدامه… اني هنا طبيبة مش قهوجي انديرلك قهوة ????
يامن/ من غير مايشبحلي… كله واحد اسمك تشتغلي عندي اي حاجة نطلبها قولي حاااضر و تم ????
انا/ عصبني… اااالله لا ياشاطر اني نشتغل عند عمي سليمان مش عندك…
ومشيت طلعت وكان الباب مش هلبا مفتوح جيت فتحته ع الاخر بمكر وطلعت ????
و يامن عيونه بيطلعوا بغضب نزل رجليه
ومشى صكر الباب ورجع قعمز يلعب بتلفون
انا / ماشية لمكتبي ونتمتم… التافه علاش شايف روحه ومتكبر … وقلدت صوته… ااسمك تشتغلي عندي ااي حاجه نطلبهااا قولي حاااضر و تممم… ????
انا/ بغضب… خزي ثقيل وبااارد…
وخشيت للمكتب صكرته وقعدت ع الباب
انا/ بتنهيدة… اااه ياحليلي جماله خارق الحق يخرب بيته ????????…
قعدت في مكتبي مكسدة ع تلفون ونهدرز مع حنين وحكيتلها عاللي صار وفات ساعة ومعها صبيت لبست بالطوا والبوت وجيت طالعة نكمل شغل بعد الاستراحة
وشبحت ح سليمان جاي واقف مع العمال هو و خ محمود
يامن/ جاي من خلفي… ااانت ياطبيبة
انا/ التفتت … نعممممم
جاء وقف جنبي وشبحلي من تحت لفوق …
يامن/ شن كان اسمك
انا/ بتكبر قلبت عيوني… ااسمي الدكتورررة وررردة… ????
يامن/ اهاااا باهي يااااا شوكة شكرا ع القهوة…
وشبحلي بستهزاء ومشى قدامي
انا/ بغضب????… شوكة في عيينك ااان شاءالله…????????
ومشيت وهو ماشي قدامي لين وصلنا لعمي سليمان و خالي
ح سليمان/ شبحله استغرب… يااامن مزلت قااعد
يامن/ حك راسه… ااي كنت نستنى انت اتجي … وشبحلي… غريبة ياحاج مداهمة الشرطة ماصارتش من قبل معك
ح سليمان/ اي والله ليا خمسطاش سنة فاتحها المزرعة ولا يوم صار الموقف هذا
يامن/???? بقصف… بالكي منحوس جاي جديد ولا حاجة
انا/ بغضب????… هااااايي اااحترم نفسك مش كاان سكتلك بالاول اتمادااا…
خ محمود/ قاطعني شدني… يااوردة اسكتي من كلمك توا
ح سليمان/ ????
يامن/ بحقد… اانتي اللي شكلك نسيتي روحك…
قاطعته فنصت عيوني فيه
انا/ بثقة… اني نعرف رووحي كووويس وعااارفة علاااش اتلقح مش غبية راااهو ويكوون في معلومك مش منحوسة يامتعجرف ياحقوود ياااا…
قاطعني خالي حط يده ع فمي
خ محمود/ بارتباك… سااامحني ياااحاج ماتخذش بكلامها وردة ماتقصدش… قاطعه الحاج
ح سليمان/ضحك ????… خليهاااا يااامحمود الدكتورة ماغلطتش ههههههه صحة ليها والله ههههههه
يامن/ بغضب????… عاااجبك يااحاج مالا تمااام اانا الغلطااان اللي جيت…
ومشى جهة السيارة????
خ محمود/ شبحلي بغضب…الله يهديك ليش هكي يابنتي
ح سليمان/ هههههههه ???? سلم فمك هههههه
انا/ نشبحله بضحكة … راهو هو اللي بدا الاول اسفة ياعمي…
ح سليمان/ يستاهل بيش معش يتمادااا…
وعيط ليامن كان بيركب السيارة
ح سليمان/ يااامن اااستنى هااات مفتاح سيارتي
يامن/ بدهشة… وااانااا بيش نمشي
ح سليمان/ مادخلنيش دبر راسك…
ومد يده بيش يعطيه المفتاح ????
يامن/جاء لعنده بتمتمة… يوم **** من اوله… وقرب اعطه المفتاح… اهو ياحاج الله غالب عليا انتبهدل في هالنو
ح سليمان/ بستهزاء… بيش معش تاخذ حاجة مش لك…
ومشى وخالي شبحلي بعتاب وخش وراه
واني شبحت ليامن بشماتة رقصتله حاجبي ???? وشبحلي بنضرة حقد ودار حركة الذبح بيده معناها نقتلك ???? ومشى يبي ينفجر
لما وصل للحوش سمعاته صفية طلعت عليه من المطبخ
صفية/ شن صار معكم
يامن/ تمام مافيش مشكلة
صفية/ بااهي الحمدلله وبوك كيف حاله
يامن/ بتمتمة… ان شاءالله حالي قاعد طاير من الضحك وجوه مليح …
وجاء بيطلع فوق
صفية/ بفرحة… ان شاءالله دوم يضحك وفرحان طمنتني الله يطمنك
يامن/ رجعلها… ااي خليك راقدة ع اوذانك والمية تجري من تحتك يالغافلة ????
صفية/ بعقدت حاجب… خيرررك هك شن الكلام هذا
يامن/ قرص عيونه… تعرفي شيبانيك جايب بنت تشتغل معه في المزرعة
صفية/ بتعجب… بنت! بنت من؟ من امتى الحاج ايجيب نسوان يشتغلوا عنده
يامن/ ها شفتي هذا ومن اول يوم لحست عقله وقريب ايطير طير وانتي مش حاسة بحاجة مالا بعد شهر شن ادير فيه
صفية/ بخوف… لالا بوك مش من نوع هذا عيب تحكي عليه هكي
يامن/ضحك ع جنب… والله انك طيبة وع نياتك تي البنت صغيرة وتدلع عليه ماشبحتش كيف يشبحلها ويضحك تقول ساحرته
صفية/ حسك خوفتني معقولة الحاج ايديرها ????
يامن/ ليش لا الراجل يبي من ايدلعه وخاصا بعد يكبر يرجع مراهق ويشبح برا وانتي ما شاء الله امكملته لا لبس ولا دلع اللي يشوفك ايقول امه مش مرته
صفية/بزعلة… عيب عليك تحشم ????
خيرني شن ناقصني
يامن/ شد يدها… ياصفصف ماتشبحش لروحك فالمرايا شبحتش شعرك قاعد شيب وجهك مجعد تي طلعوا العز عليكم راهو بوي افلووووس علاش مستخسرة في روحك تلبسي ماركات و شد و نفخ ومنيكير و ….
صفية/ بشهقة…يييي هذا اللي ناقص بعد العمر انديرهم هبلة ني
يامن/ عقد حاجبه… باهي خليك هك لعند تلعب بعقله وتلحسه منك????انا اللي عليا حذرتك…
ومشى طلع لفوق
صفية/ بقلق… لالا الحاج مايديرها مستحيل اني وياه عشرة عمر كيف عااد …
وقعمزت ع صالون عقلها وسوس لها وكلام يامن لعب فاها
صبت ع مرايا في مدخل الحوش وقعدت تشوف لوجها وشعرها
صفية/ بتنهيدة… كبرتي ياصفية وين اعيونك اللي كيف الغزال ولا شعر السالف اااخ ياحسرة معش قعدوا منهم حاجة
????????
فات الوقت
روحت مع خالي نزلني ومشى
فتحت باب السور لقيت سيدرا وخوتها يلعبوا مع اصغار خالاتها
انا/ اوووباااا كملت مانقص عليا الا خواتك ياسوسة…
سيدرا/ شبحتني … امتى جيتي
انا/ من امس…وشبحتلها باستفهام… خالاتك كلهم داخل؟
سيدرا/ اييه
انا/ ياحبيبي ومن امتى
سيدرا/ ماليهمش هلبا
انا/ تاففت… معناتها بيقعدوا لليل…
و خشيت داخل الحوش ونسمع في ضحك نجوى و خواتها فتت من الصالة
انا/ بضحكة متصنعة… مسااااء الخيرررر
نجوى/ بملل… مساء الخير ????
خواتها/ مساء النور
بتول/ توا كنا في سيرتك و نحكوا عليك
انا/ بالضحكة… بالخير ولا بالشر ااااههههه????…
بتول/ بالخير اكيد ????ههههه…
وجيت بنسلم عليهن
نجوى/ااف افف شن هالريحة خشي دوشي قبل ماتوصل مريم صاحبتي راهو تحشمي بيا …
وحطت يدها ع خشمها
انا/ تراجعت خطوة وقعدت انشم في حوايجي… حوايجي نظيفة ماافيش ريحة…
و خواتها صكروا خشومهن قعدن ايتاففن ..
نجوى/ بعياط… نكذذذذب عليك اااني خشي دوشي وبعدين سلمي …
وقعدت تهوي بيدها
نجوى/ اااف كيف اللي طالعة من الكناسة ريحتك تقررررف ااااععععع…
انا/ بغضب… بطلت ااانسلم ???? اقعدوا فاها انتي وخواتك ????… وخشيت داري
انا/ حقيررررة … ????
وقعدت انشم اخرى مافيش ريحة هلبا دوب ريحة بسيطة ماتحتاج كل هالفيلم اللي داراته و قصدها
بس تحرجني قدام خواتها وتقلل قيمتي وتتهزا عليا بس اني نعرف دواها كويس ومش ح نفوتها لها هي وخواتها المزيتات ???? خذيت توتا شريتها جديدة حاجة حلوة ومنشفي وطلعت للحمام فتت من الصالة انغني مش مدورتهم ودخلت للحمام
نجوى/ بحقد… يرزيني فاها
خدوج/ مش عارفة كيف متحملتها المستفزة
نجوى/ اااخ خليني ساااكتة ياوخيتي
بتول/ خليهالي بنقهرها في عمرها التافها
نجوى/ تسمعوا فاها شن تغني ????
في الحمام
قاعدة تحت الدوش????ونغني بعلوا صوتي
ع مرت الاخ وباديا فاها قصف
.
.
بعد طلعت نسمع فيهم ايسلموا على مريم و هذه صاحبة نجوى مطلقة وعايشة بين خواتها معندهاش مسكن خاص بيها وديما اتجي لنجوى شخصيتها مزيته وخشمها في السماء تحب تتجكتر ع الفاضي وسوسة كيف صحبتها????????
المهم طلعت عليهن لافة الفوطة على شعري وجيت سلمت عليها
انا/ عاش من شافك????…
وهي مالهاش اسبوع كانت عندنا ????
مريم/ بدلع… عاش راسك سمعت حصلتي شغل جديد
انا/ ابتسمتلها… اييي صح
مريم/ في عيادة جديدة ولا مستشفى
نجوى/ بهزوة… لا تشتغل مع الحيوانات في المزرعة
خواتها/ ????????…
مريم/ بتكبر… معقولة و تاقلمتي معهم
نجوى/ تخصصها عاد????
انا/رفعت حاجبي بخبث… اها ماهو متعودة اني على الحيوانات وعايشة في وسطهم … ????
نجوى/????
…
وخشيت داري وصكرته الباب وانا شادة ضحكتي
مريم/ بخبث… واااااك عينها قوية حماتك يانجوى
نجوى/ بحرقة… والله انعاني منها معانة مايعلم بيها غير ربي
خدوج/ حقودة كيف امها حتى هي ياما دارت فيك زمان قبل ماتموت
نجوى/ ماتذكريني بيها عجوزي الحرفة الحمدلله ماتت قبل ماتجلطني عقبال ماتلحقها بنتها…
وقعدوا يضاحكوا خواتها و مريم
وانا كنت حاطة سمعات ونهدرز مع حنين
ساعة تسعة
سيدرا/ فتحت الباب…هيا اعميمة للعشى
انا/ كنت مسترخية في سريري… باهي توا انجي…
???? وستغربت دازة عليا انتعشى مش عادتها
قلت يمكن ربي هدئها و لا نزل عليها الذوق فجأة
مشيت خشيت عليها المطبخ
و سيدرا وخوتها وبنات خالتها مقعمزين في جلسة ملحق للمطبخ دايرينها نقعدوا فاها وقت الاكل
انا/ نشبح للمطبخ… وين العشى مزال ماسقيتي
نجوى/ اهو حطيتلك مع سيدرا والصغار تعشي معهم خير ما نضايقوا في سفرة وحدة
انا/ شبحتلها بستهزاء… اني اللي بنضايقكم
????…
نجوى/ بملل … مانبوش نتعشوا توا وانتي اكيدة نعسانة تبي ترقدي…
وحطت الصونية في سفرة وكان العشاء رشدة بالبصلة و بوريك وبطاطا و سلطة خذيت منها السفرة ونزلتها للصغار يتعشوا
نجوى/ بعد اتعشوا بيش تغسلي المواعين وانتي ياسيدرا اغسلي لخوتك وخشوا لغرفتكم ماتطلعوش منها بااهي
سيدرا/ باهي ياماما
انا/ في عقلي????… صار هكي ياست نجوى بااااهي بااااه????…
طلعت نجوى وصكرت باب المطبخ وراها
انا/ كولوا حبايبي …وقعدت انوكل في مهند صغير مايعرفش ياكل بروحه
سيدرا/ خيرك ماتعشيتي ياعميمة
انا/ قاعدة ناكل كولي انتي بس…
صح نقعد مع الصغار عندي احسن بمليون مرة من نقعمز معهن في نفس السفرة
بس حركة انها تبي اطلعني بلا قيمة وقدر وتهيني قدام خواتها وصحبتها وحسيت ان اني منبوذة ???? عصبتني
بعد كملوا الصغار صبيت نغسل لمهند ايديه
انا/رفعت السفرة… هيا امشوا اغسلوا ايديكم والعبوا في داركم هيا يا سيدرا خوذيهم
سيدرا/ انساعدك ع الموعين
انا/ لالالا توا نغسلهم بروحي
سيدرا/ باهي …
خذت الصغار و طلعوا جيت لحقتهم للباب وصكرته
انا/ ???? باهي يانجوى مستخسرة فيا نقعد مع ضيوفك توا ايبانلك ????????…
ومشيت طلعت فازو الفلفل الاكحل حطيت كشيك كبير في طنجرة العشى ???? و زدت كشيكين شطة حارة???? حركتهم كويس فاحت ريحة حارة قعدت انكح
انا/ اكحح اكحح…صكرت الطنجرة
انا/ بخبث????… توا كولوا بالصحة عليكم ????…
وخليت الموعين في مكانهم قال نغسلهم قال هه????
وطلعت فتت من جنبهم قعدوا يشبحولي ويتهمزوا واني خشيت داري قفلتها وعزقت جسمي على سريري
انا/ ااااوه توا الواحد يرقد وهو مرتاح…
وتغطيت رقدت فرحانة كاني دايرة انجاز كبير????
بعد ربع ساعة
عزيز/ دق ع باب الصالة… ياانجوى
نجوى/ هيااا جاية… وصبت تشوفه
عزيز/ تي وين العشى
نجوى/ باهي توا نحطلك
عزيز/ بسرعة نبي نطلع يستنوا فيا الجماعة
نجوى/ هيا هي…
ونادت على اختها بتول تساعدها
حطت لعزيز وجهزوا سفرتهم مشيت نجوى رفعتله العشى في المربوعة ورجعت قعمزت تتعشى مع خواتها وصحبتها
عزيز ياكل ويهوي معش قدر ياكل من كثر ماهو حار ويحرق في المعدة عزق الكشيك معصب
وحتى عندهن قعدن ياكلن غصب بعد كم كشيك معش قدرن ايكملن
خدوج/ هذا شنووو يانجوى حااار هلبا
نجوى/ زادت كلت منه مش مستوعبة… والله ماكثرت الفلفل حتى عشان عزيز والصغار مايحبوش الحار ????♀️????????
مريم/ حتى ني والله مانقدر ناكل سامحيني… و مسحت فمها
وصوت عزيز اينادي
نجوى/ يانهاري الاحرف توا ايعارك ع الحار اوووف … وصبت طلعتله
عزيز/ بغضب… الرشدة خيرهااا حااارة هلبااا عارررفتني اني ماانحبش الحااار
نجوى/ بقلق… مانعرفش كيف طلعت حارة والله نفس مقاديري مازدت عليهم حاجة…
عزيز/ بعصبية… ابقي كوليه بروحك انا طالع انتسمم برااا…
ومشى لباب طلع ايتمتم ????
نجوى/ عليك حشمة مع مريم ????????…
خشت تتاسفلهم ع العشى ومشيت جابت الفاكهه
انا/ نهدرز لحنين ونضحك…
حنين/ بالضحكة… حرام عزيز شن ذنبه هههه توا يقعد بدون عشى
انا/ يستاهل كان دايرلها حد مش امخليها مطلوقة على طول عصاها ونازلة فيا ولا كاني اخته
حنين/ المشكلة لو يعرف انتي وراها يقتلك
انا/لالا مش مخليا دليل وراي ???? ودرت احسابي قفلت الباب مش طالعة الا في الصبح بعد ايجيني خالي????
حنين/ هههههه ????????
انا/ اي خطرها كملتي باقي ابتاتك اليوم
حنين/بحزن… اهااا خلاص معش في حاجة ناقصة
انا/ باهي الحمد لله ربي ايكملك على خير
حنين/???? ان شاءالله حبيبتي وعقبال عندك نفرحوا بيك
انا/ اااااميييييين ????
……….. ????????????????????????????????????????
في حوش ح سليمان
بعد روح يامن دوش وطلع يرفع سيارته للورشة
و ادم بعد روح من الجامعة خش رقد
وصفية تهدرز مع اختها غالية ع تلفون
اما معاذ وعبود وخذينها سهر في بارات تونس وحفلات راب
ح سليمان/ خش للحوش… مساء الخير
صفية/ شادة تلفون… مساء النور ياحاج الحمدلله ع سلامة…
ح سليمان/ الله يسلمك… ومشى لداره
غالية/ منو الحاج؟
صفية/ اييه و باهي امتى نمشوا
غالية/ بعد المغرب
صفية/ باهي ان شاءالله
غالية/ هيا سلمي ع الحاج والشباب
صفية/ يوصل
غالية/ بالسلامه
خشت صفية اتكمل في العشى وبعد سقاته وجهزت السفرة طلعت لفوق
صفية/ خشت ع الحاج… هيا للعشى ياحاج…
وقعدت تشبحله كويس ????????
ح سليمان/ امدوش ومستند ع سرير… باهي توا انجي
صفية/ تقدمت منه… شششن جو المزرعة
ح سليمان/ ماشية الحمدلله
صفية/ بربكة… مافيش جديد فاها
ح سليمان/ لا وضع كيف ماهو
صفية/ زمطت… وكيف حاله الحاج محمود
ح سليمان/ بخير الحمدلله .وين الشباب مايبوش يتعشوا…
قعمز ونزل من سرير
صفية/ ????… ادم قاعد راقد ويامن قال بيصلح سيارته…
ح سليمان/ باهي مالا وعي ادم ايتعشى ساده نوم
و مشى للصالة و صفية خشت تنوض في ادم وكانت منرفزة حست ان الحاج يتهرب وماعطهاش الزبدة ????
قربت من ادم راقد و نحت من عليه الغطاء بنتش
صفية/ بنرفزة … هياااا نووووض تعشى.????
ادم/ تقعد ع مرافقه… باهي بشويش رعشتيني الززززح قااعد راقد…
صفية/ بنرفزة… ساادك نوم هيا شوف بووك…وطلعت
قعمز شاف الساعة ونزل من سرير وطلعلهم عاد مايصليش نزل طول لتحت
قعمزوا يتعشوا و صفية كل شوية تشبح للحاج والشيطان امصورلها حاجات من اللي وصلهولها يامن????
ح سليمان/ انتبهلها… خيرررك في حاجة
صفية/ كيف شنو ????
ح سليمان/ وين نعرف انتي اللي سارحة ومش على بعضك
خير في مصيبة جديدة ومش عارفها
صفية/ بخبث… في الحوش مافي شي بلكي عندك في المزرعة صاير حاجة مانعرفهاش…
و ادم ياكل ويشبحلهم الزوز ????????
ح سليمان/ شن يبي يكون فيه الحمدلله مشكلة العمال وحليناها
صفية/ اهااا و الحاج محمود كان قاعد
ح سليمان/ عقد حاجبه… قاعد …
وكمل يتعشى
صفية/ بروحه ولا معه حد ????
ح سليمان/ نزل الكشيك… خيرررك شدتها تحقيق شن خطرها تسالي ع المزرعة
صفية/ نسأل عااادي ولا ماتبينش نعرف
ح سليمان/ شبحله بتعجب… تعرررفي شنووو…
صفية/بنرفزة… مااقلتليش ع الدكتورررة الجديدة اللي جاايبهاااا من اامتى اتشغل نساوين في المزززرررعة…
ادم/????????اااحيييي????
ح سليمان/ وااانتي خيرك ااا…
انفتح باب الحوش وخش يامن ????
يامن/ سلااام …
ح سليمان/ وعليكم السلام… وشبحلها…
و علاش انقولك من امتى مهتمة تعرفي عللي يشتغلوا عندي …
يامن ????و ادم???? شبحوا فبعض
صفية/ بارتباك… صح ماندخلش في شغلك بس مستغررربة دكتورة مراة تشتغل في وسط اتريس ماتجيش عاد????
يامن/ بصوت همس… قصف جبهه ياحاج ????
ح سليمان/ البنت معها خالها وبعدين اطمني هذه بي مية راجل من اللي نعرفهم????…
وشبح لايامن لين غص وقعد ايكح طيرله الجبهة ????
ح سليمان/ مسح فمه…الحمدلله سفرة دايما…
صفية/ بنضرة زعل…زيد كول
ح سليمان/ الحمدلله كليت بزيادة…
وصبى مشى يغسل ايديه
يامن/ بغضب… سمعتي كيف دافع عليها
صفية/ بقلق… يامراري شن بندير
يامن/ شبح لادم…كيف بنفهمها…وشبحلها
… غيري من لبسك ديري نيولوك و الصقي فيه ماتخليش لحظة بروحه
ادم/ يشبحلهم باستغراب… على شن تحكوا شن في؟
صفية/ بتنهيدة… يستر الله
يامن/ بوك جايب دكتورة للمزرعة ومن اول يوم لحست عقله
ادم/ بتعجب… حي حي هذا ليش غايرة ياصفصف… وقعد يضحك ????????
صفية/ لا مش غايرة ولاشي بس مانبيش حد ايجيب سيرته بالعاطل
يامن/ خيركم مش واخذينه بجدية راهو امر خطير مايستهان بيه
ادم/ بستهزاء… عادي شن فاها لو اشتغلت دكتورة في المزرعة ????
يامن/ بغضب… انت اااحماار ماتفهمش
ادم/ شن نبي نفهم ياثور
يامن/ البنت افعى ح تلعب بعقل بوك ومش بعيد يتزوجها
صفية/قاطعتهم… فوته الجو اهوا بوك مش صغير ينضحك عليه
ادم/ بالضحك… ههههه دكتورة وصغيرة علاش تتزوج بي شيباني ????
صفية/ بزعل… وخيرك تهزا عليه الحاج مزال صغير ????
يامن/ ????♂️ والله احمار وتيس… وبرفعت حاجب…
ياااغبي بوووك معبى اافلوووس فهمت توا
ادم/ ااااء يعني عشان افلوسه وتلحس اللي عنده و تقوله تشاو
يامن/ ااايوه هذا هو
صفية/تشبحلهم كيف ايحللوا… نهاركم الاحرف حسكم خوفتوني
ادم/ وباهي شن انديروا
يامن/ مانخلوهاش تنفرد بيه و يفضالها الجو
ادم/ كيف يعني
يامن/ بما انك فاضي تمشي تقعمزلها في المزرعة
ادم/ بتهزي… قووول والله لالا???? شوفلك غيري
يامن/ مافيش الا انت
ادم/ صبى… لا انا مش فاضي عندي ماندير…
صفية/ شبحت في يامن… شن شكلها البنت سمحة؟
يامن/ بتكبر… كيف القردة ومستفزة للنم
…سرح وقرص عيونه بخبث… بااهي يا شوكة يا اني يا انتي ???? قاعدلك فاها…
………… ????????????????????????????????????
الصبح
طلعت بكل عزيمة ونصر????????
انا/ صباح الخير ????????
عزيز/ صباح الخير… وقعد يفطر قالب وجه
انا/ قعمزت نفطر… وين الحليب
نجوى/ ماعندناش
انا/ من يومين جبت وينهم؟
نجوى/ بنرفزة… كملوااا راهو كم حكة شن بيسدوا
انا/ بعقدت حاجب… خمسة مش شوية
عزيز/ بغضب… خلاص انتي وياها نفختوا امه ع صبح توا بعدين انجيبلكم حليب
نجوى/ معاشها توا كويس خليها تساعد بالمصروف
انا/ شبحتلها بطرف عيني… واني ماعمريش قصرت
عزيز/ شبحلي… اول مايعطوك معاش نبي منه ناخذ مكيف للمربوعة
انا/ ????… بسم الله شن بتخلي من المعاش
عزيز/ ايسدوا وزيادة راهو مبلغ كويس بيعطهولك
انا/ باااهي مش مشكلة انطلعهم صدقة لروح امي…
ودرت نص بالدحي وصبيت من ع السفرة
نجوى/ شفت من توا بتمن علينا بالقرشين
تحساب روحها دايرة حاجة كبيرة ????
عزيز/ على كيفها المهم توا نمشي انجيبلك اللي طلبتيهم ونوضي سيدرا جهزيها للمدرسة…
مشى يلبس و نجوى لفت السفرة مشيت للمطبخ
واني كنت في سور برا ناكل في نص الدحي ونستنى في خالي
و نجوى فتحت الروشن شبحتني واقفة بدت تغسل في الموعين وتكلم من عند الروشن
نجوى/ شن جوها المزرعة امس نسيت نسالك عليها…
انا/ نقزت من صوتها… الله يرعشك بتجيبيلي السكر
نجوى/بتمتمة… انتي اللي راعشة روحك بروحك
انا/ نفخت… اوووف هيا سلام خالي ايرن عليا…
ومشيت لباب السور فتحته وطلعت خبطته بالقوة بيش نرد الرعشة لنجوى????
نجوى/نقزت و بغضب… بلا رجعة ان شاءالله يا حيوااانة ????
في طريق
انا/ زعما نلقى الحاج قاعد توا
خ محمود/ ايه هو ايجي للمزرعة قبل مايمشي للمصنع . تبي تكلميه ع اقتراحك
انا/ اها اني البارح خشيت ع نت وشفت كيف مزارع برا ايطوروا فيهن ويجيبوا في معدات جديدة اتساعد هلبا ومتاكدة لو يتوفروا هنا ح يكون في مردود كويس ع المزرعة والمصنع
خ محمود/ ماشاءالله
انا/ بسوال… ان شاءالله بس يسمع مني و ايوافق
خ محمود/ لا اكيد ح ايوافق وحتى انا خشت راسي… وشبحلي بفرحة… ماشاءالله عليك فالحة
انا/ ابتسمت… عقل روبورت ياباني بس مالقيت من يدعمني ????
خ محمود/ ????…
وصلنا للمزرعة وكان ح سليمان واقف ع موظف من المصنع ويتكلموا ع الشغل
صبحنا عليه خالي قعد معه واني خشيت لمكتبي…
بعد لبست حوايج العمل طلعت انشوف البقرة اللي تبي تولد وكان عندها مشكلة مستعصية في الولادة
ضربتلها ابرة اتساعدها وتسهل عليها
وقعدت كل اشوي انجي انشوفها
تلاقيت مع ح سليمان سالني عليها وقلتله مزالت و حكينا ع كم حاجة تخص القطيع
انا/ في موضوع بنقولك عليه بخصوص المزرعة
ح سليمان/ تعالي للمكتب نحكوا فيه…
انا/ تمام… ومشينا لمكتبه
ح سليمان/ قعمزي
انا/ قعمزت ع كرسي قدامه… بصراحة ياعمي امس شفت ان المزرعة تبي هلبا حاجات و مش بالمواصفات العالمية اللي ايخليها بالمستواة المطلوب كا اي مزرعة انتاج …
ح سليمان/ بعدم فكرة… والله يابنتي من اول مادرت المزرعة و افتحت المصنع ماغيرت فاها ماعنديش اطلاع ع العالم الخارجي كل اللي نعرفه ان ايكون منتوجنا صحي وماعليش اي اشكال
انا/ ايه لحضت هالشي و عارفة منتجات المصنع بالجودة ممتازة بس ك شغل في المزرعة والادوات والمعدات اللي فاها مش مناسبة صارت قديمة…
ح سليمان/ باستفهام… باهي شن تقترحي
انا/ حكيت لخالي و اعجب براي وان شاءالله حتى انت يقنعك وتوافق عليه
ح سليمان/ انا تحت امرك واي شي ايساعد المزرعة ماعنديش مانع…
انا/ جيت جنبه وفتحت ع يوتيوب… نبيك اتشوف هذول…
وقعدت نشرحله شن انديروا ووووو…
وانا نهدرزوا خش علينا يامن ????♀️
يامن/ ???? بنضرة خبث… صباح الخير يا حاااج…وشبحلي من تحت لفوق
ح سليمان/ بصدمة… يااامن!! ان شاءالله خير؟
يامن/ يشبحلي… لا خير ماهو خفت اتصير شي كارثة اخرى للمزرعة قلت انجي نقعد فاها هاليومين احسن… وجاء قعمز ????
ح سليمان/ بحركة تعجب… فيك الخير…ورجع شبحلي… ونلقوا في ليبيا كيفهم؟
انا/ شغلت البرنامج… ان شاءالله ولو مالقينا هنا نبعثوا عليهم من المانيا
ح سليمان/ امممم خلاص من غدوة نكلف حد يشوفلنا …
يامن/قاطعه… شن هو يا حاج اللي بدور عليه
ح سليمان/ معدات واجهزة للمزرعة بنحتاجوهن و وردة بارك الله فيها نبهتني
انا/ ☺️
يامن/ تعقد وقرن حاجبه… بالكي ايكلفوا هلبا
ح سليمان/ عادي بما ان ح يساعدنا في شغل مايهمش المبلغ اللي بنصرفه عليهم
…
واني شبحت ليامن بغرور ???? ورجعت نحكي مع ح سليمان على مواد طبية والحاج كل شوي يشكر ويحط ???? زاد من شك يامن وخلاته يغلي غلي وهو ايراقب فينا بغضب
يامن/ عيونه شرارة … ماتبيش تمشي للمصنع…
ح سليمان/ رجع شبحله بدون اهتمام… شوي اخرى… وشبحلي… ها كملي شن تقترحي ناخذوا من اما شركة…
ويامن يهز في رجله ومنزلش عيونه من علينا ????
انا/ اني انفضل نعقدوا مع نفس الشركة اللي ناخذوا منها شن رايك …
ح سليمان/ تم خلاص كل اللي تقولي عليه حاضر المزرعة واللي فاها تحت امرك… وابتسملي برضى
اما من يامن كلام بوه ليا فتحله فمه ???? ونار شعلت فيه ???? وبحركة سريعة صبى يبي يتكلم خش عامل للمكتب
العامل/ يااادكتورة البقرة قاعدة تولد ومعش قدرنا نطلعوا العجل…
انا/ هيااا جاااية… وطفيت تلفوني خليته ع مكتب وطلعت نسرع وراء العامل
يامن/ يااحاج هذه شن عرفها في السوق والشراء خااا… قاطعه
ح سليمان/ بعدم مبلاة… خليك في شغلك انت اللي شن عرفك… وخذا مفتاح سيارته وجاء طالع
يامن/????????
ح سليمان/ التفت شبحله… مزلت قاعد ولا مروح
يامن/ قاااااعد
ح سليمان/ بتعجب… يهدي من يشاء…
وطلع الحاج ماشي للمصنع
اما يامن خبط برجله الطاولة بعصبية
يامن/ بحمقة… والله مانخليك اتهني فاها وتمشي مخططك…????
واني كنت نساعد في البقرة تولد وشادة في العجل نسحب فيه منها وعامل قاعد شادها من لقدام والبقرة ياناري تصيح وماحوتك طلعاته ????…
انا/ الحمدلله… وقعدت نمسح ع بطنها…
و العامل قعد اينظف في المكان
انا/ ماطلعهاش برا خليها يومين بروحها
العامل/ تمام…
جيت نطلع بيش نبدل البالطوا اللي كله ملبز وصلت للباب انحي في القلافز
ويوقفني يامن بصوت مستفز
يامن/ لوين تبي توصلي ياااا ???? بيطرية
انا/ شبحتله بملل… للنجاح بشغلي والمزرعة اللي اني فاها…
وفتت من جنبه بنرمي القلافز في سلة قمامة جنب الحوض ونغسل ايديا
قعد يامن متقرف وجه تغير فجأة
دفني ونزل ع الحوض قعد يستفرغ ????
ويكح
انا/جيت جنبه… خيرررك انت مرريض
يامن/ بعياط … تي بررري غااادي الله يلعنك… وزاد يستفرغ????
انا/ بعقدت حاجب… الحق عليا انطمن عليك …
قعد يغسل في وجه وبعدين التفت لجهة الثانية بيش مايشوفني
يامن/ بتعجرف… اامشي لعيتي كبدي من ع الصبح????
انا/ ضحكت بستفزاز… تستاهل ماقالش تلحقني… ????????… ومشيت
يامن/ ايتبع بعيونه… يااربي اعطيني صبر نتحمل قعادي اهني … ????????
وقعد يتافف ويشبح للمزرعة ويشبح لحوايجه موسوس اتسخوا عاد مش برستيجه يقعد اهني ومتحمل فوق من النفس ????????
اما اني بعد خشيت للحمام نحيت البالطوا رميته في السلة و نظفت كويس طلعت من الحمام و وقفت ع روشن فتحته وقعدت انشوف ليامن وهو طالع من المزرعة ضحكت ومش عارفة ليش ضحكت عليه
☺️????
……….????????????????????????????????????????
يامن خش للحوش و صفية كانت ع تلفون بعد شبحاته صكرت ومشيتله
يامن/ كان طالع لفوق…مساء الخييير
صفية/خير وين كنت نحسابك راقد فوق
يامن/ في المزرعة
صفية/ بقلق… علاش صايرة حاجة!؟
يامن/ بغضب…صااير الزززفت ومزال الخير لقدااام ????
صفية/ بخوف خبطت ع صدرها… ياااحليلي شن فيه الحاااج كووويس…
يامن/ شبحلها بنزعاج… اطمني كووويس بكل خافي على روحك…
صفية/بزعلة…فاال الله ولا فالك خيرني الحمدلله
يامن/ ضحك بخيبة وهز راسه… ماحد اينوضني نبي انوض ابروحي…
وحط رجله على اول درجة
صفية/ بعدين نبيك توصلني اني وخالتك عندنا عرس
يامن/ وقف… شن تبي في اااام الاعررراس خليك في حوشك وانتبهي لشيبانيك راه ايطير منك ومعش ايولي
صفية/ بتعجب… بعيد الشر عليه معش اتكلم على بوك هك اعوذ بالله منك ????
يامن/ اني نصحتك وانتي حرة… وكمل مشي…
صفية/ هااا شنو توصلنااا
يامن/ لا ماااادخلنيش سيارتي مزالت تبي تصليح…
وخش لحمام داره ايتمتم نحى حوايجه رمهم في سلة وفتح ع دوش وخش يفرك في جسمه بالشاور ويتوعدلي يوقف في طريقي ويخرب مخططي ????????
مع ان اني مش حاطة اي مخطط ولا في دماغي حاجة من اللي في راسه بس شن بتقولوا متهور ومغرور ????????
وصفية قعدت تخمم بينها وبين نفسها شن كان يقصد يامن وهل صح الحاج في راسه موال وهي تخمم خش ادم وقعد ايدخل في معدات واجهزة الكاميرا اللي يشتغل عليهم
ادم/ مساء الخير… وصكر الباب
صفية/ مساء النور شنو كملت
ادم / ايه… وجاء طالع
صفية/ شن جو الحفلة
ادم/ مية مية توا بعدين نعطيك اتفرجي عليها… وطلع ع دروج
صفية/عيطتله… اسمع استنى نبيك شوي
ادم/ التفتلها… اااااء ماتبيني الا وفيه حاجة من توا نقولك راهو مش فاااضي وتاعب هلبا … وجاء بيمشي لفوق
صفية/ بعراك… خيررركم عااد اللي نكلمه ايقولي مش فاضي من بيرفعني مالا ????
ادم/ بتذمر … يامن قاعد ماعنده مايدير خليه يرفعك…
صفية/ لحقاته… يااامن سيارته عاطلة وبوك مش ح يروح الا بعد المغرب مافيش الا انت
ادم/ بنرفزة … مش فاااضي ممممش فااااضي…
صفية/بصوت عالي… وعدت خالتك والبنات عاد مايصيرش اتفشلني…
ادم/ وقف ورجع خطوتين للخلف… وين بتمشوا
صفية/ بنت عمي عبدالله عرس بنتها وصاحبة البنات. ترفعنا ولا لا
ادم/ بستفسار… ووو من ماشي غير انتي وخالتي
صفية/ وبناتها ساجدة و جوري
ادم/ حك لحيته… همممم بااهي ساعة كم تمشوا
صفية/ ساعة ثمانية
ادم/ تمام ذكريني بس وتوا نرفعكم
صفية/ بفرحة… سلمهولي ياااربي ان شاءالله مانفقدك
ادم/ ابتسم… مافيش دعوة اخرى مثلا عقبالك وان شاءالله نفرحوا بيك
صفية/ ياودي يوم المنى نفرح بيك وبخوتك شن نبي غير نشوفكم متهنيين مع بنات الحلال
ادم/ بالضحكة… ان شاءالله ان شاءالله…
وطلع لغرفته خش يضحك مبسوط انه ح ايشوف جوري نزل اجهزته ع طاولة و نحى تيشرته وشاف لحرف j ع صدره جهة القلب قعد يلمس فيه بيده ويشوف للمرايا
.
. ????????
نحكوا على ادم و جوري شوي
هذا من سنتين بعد روح ادم من برا وكان طالع يقرا في ايطاليا بس كان فاشل في قرايته لين إدارة الجامعة طرداته بعد ماتجاوز الحد ويسقط كل سنة ومن الاول كان ادم هاوي التصوير ولما وصل لايطاليا كملها رحلات و استكشافات وتعلم مهارة التصوير…
المهم قعد في ايطاليا اربع اسنين ولما روح كانت جوري الطفلة المشاغبة شابة حلوة وناعمة موصفات جوري شعر طويل وناعم وجسم متناسق و انوثي عيونها سواد الليل ورموش اطوال ومن اول ما شبحها ادم خشت خاطره???????? ولانه متعود ع البنات برا قعد يبي يوصلها وكذا مرة طلب ايشوفها
بس جوري بنت واعية وعقلها اكبر من عمرها عرفت بنيته الشينة وماعطاتاش وجه مع انها اعجبت بيه بس بعدين صار معه موقف كسر الاعجاب
وكان وقتها صفية مريضة بالمرارة ودارولها عملية وكا اي عوايل اتجي الناس تحمدلها بالسلامة وبما ان صفية ماعندهاش بنات و مافيش غير اختها غالية وبناتها قعدوا معها ايام الاولى
المهم في يوم كانت جوري بايتة هي وامها عندهم و راقدين في الدار المعيشة تحت مع صفية اخر الليل ناضت جوري من بطنها توجع فاها صبت تتوجع للمطبخ خذت براد وحطت فيه مية و يانسون خلاته يغلي
وكان ادم خاش من برا وشبح لضي المطبخ والع مشى خش شبح جوري معطيته بضهرها واقفة ع غاز ولابسة بجامة رسمتها وبارزة بياضها وانوثتها وشعرها الطويل جاي لتحت خصرها
وادم بعد شاف كل هالجمال قدامه وعاد جاي شارب مع انه واعي مش سكران وعارف شن قاعد ايدير خش وصكر الباب وراه
جوري/ التفتت بفزع… اادم شن قاااعد اادير اافتح الباب…
ادم/ جاي جهتها… نبي نحكي معك ومانبيش حد يسمعنا… وزاد قرب منها
جوري/ زمطت بخوف وماتبيش اتبين انها خايفة … بس مش وقت الواحد يحكي فيه خليها غدوة وقول اللي تبيه هيا زيح قبل مايشبحونا ويفهموا غلط…
وجت بتمشي شدها من يدها
ادم/ عيونه عليها ايفصل في جسمها… جوووري خليك اشوي بس
جوري/ نتشت يدها منه… باالله عليك يااادم بري وخليني في حالي…
ومشيت للباب و ادم لحقها بسرعة شدها من خصرها ولصقها فيه لين جوري قلبها طاح وقعدت محاصرة بين ايديه اللي ضاغط بيهم جسمها
جوري/ تبعد فيه من صدره… وووخر عني والله انعيط ونفضح بيك…
وقعدت تضرب فيه بيديها المحاصرة ع صدره
و ادم زاد شد عليها ولصقها ع الحيط بحركة سريعة وقعد ايبوس فاها بشهوة و جوري اتبعد فيه ومن الخوف حتى صوتها راح قعد ادم ايبوس ويلمس في جسمها و للحظات كان يتهور وايدير الاسؤا لولا يامن كان خاش من برا وسمع حركة في المطبخ وجاء فتحه خش عليهم ???? ومع انها كانت صدمة واحراج لجوري بس نقضها من الموقف ودفت ادم من عليها
يامن/???? شن اااديروا … ????
ادم/ تبعد منها… يااامن… ????
وجوري المسكينة في حالة تبكي وتساوي في حوايجها باحراج
يامن/ ضحك… مالقيتوا الا المطبخ يا اغبياء والله حالة…
جوري/ تبكي… مش صح اانت فاااهم غلط … وشبحت في ادم بغضب…
ياااا حقيرررر حسبي اللةونعم الوكيل فيك
…
وطلعت تبكي فاتت من جنب يامن اللي واقف ع الباب
يامن/ يشبحلها ورجع شبح في ادم… من امتي انت وياها على علاقة
ادم/ اووووص نقص صوتك ماافيش حاجة من اللي في راسك… وجاء بيطلع
يامن/ بهزوة… كل هذا ومافيش حاجه مالا كان تاخرت اشوي شن كنتوا اديروا ????
ادم/ قرب منه بتفنيصة… وصحلك اتجي توا وتحرجها…????
ومشى لفوق بس اول ماخش داره تذكر كيف كانت جوري تبكي واتبعد فيه و على خشت يامن عليهم وكيف زاد من رعشتها والموقف المحرج اللي حطها فيه حس بغلطته وقعد ضميره ايانب فيه
بس بعد شنو
جوري كانت في صدمة ورعشة كبيرة وكسر قلبها مرتين لما تهجم عليها والتحرش اللي تعرضتله و لما حطها في موقف محرج مع يامن و نضرته ليها ????
وقت خشت لدار كمدت غصتها وخشت لفراشها قبل مايحسوا بيها وغطت وجها بالورغان وحاطة يدها على فمها تبكي بدون صوت ????
اما ادم قعد يتقلب للصبح مش لاقي وجه يعتذر من اللي صار و كيف ح يعترف لها بمشاعره بعد اللي داره
استنى الصبح بفارغ الصبر بيش ايشوفها ويتاسفلها اول ما سمع حركة في الحوش ناض دوش ونزل تحت وكانت خالته غالية اتجهز في الفطور سلم عليها
ادم / بربكة… امي واعية
غالية/ ايه قاعدة انجهزلها فطور وانت عندك شغل واعي بكري
ادم/ ارتبك… اااا ايه نبي نطلع بس قلت انصبح على امي ونشوف شن دايرة صحتها اليوم
غالية/ خشلها قاعدة واعية وبالمرة افطر معها
ادم/ بنفس طويل… ااايي باهي… ومشى متردد دق ع باب الدار
صفية/ خش
ادم/ صباااح الخير… خش ويدور بعيونه
صفية/صباح النور تعال قعمز خيرك واقف
ادم/ زمط… كييف قااعدة بروحك
صفية/ خالتك في المطبخ و الحاج طلع من بكري
ادم/ بربكة… ماافيش حد من البنات قاعدة
صفية/ لا كانت جوري بايتة هنا
ادم/ اهااا ماهو ماشبحتهاش
صفية/ روحت مع سامي
ادم/ بخيبة… اهااا ???????? تبي شي قبل مانطلع
صفية/ وين ماشي افطر قبل
ادم/ توا نفطر لقدام مستعجل…
وطلع من الحوش مش عارف وين يمشي ازرط انه قال عنده شغل و زعلان ان جوري مشيت قبل مايشبحها ويعتذر منها…
ومن هذا الموقف وجوري قصت عليه وحتى بعد اعتذر منها ماقدرش ايحسن صورته وينسيها اللي داره
وكل مايتلقوا اتجاهل فيه..
وادم كل يوم في صراع مع نفسه ومايبيش يعترف بالحب اللي في قلبه اتجاهها خاصة ان جوري مش معبرته وهذا ضد غروره ولانه متعود البنات هما اللي يجروا وراه ويتمنوا نضرة منه
………????????????????????????????????????????
نرجعوا للحاضر
غالية/ خشت ع البنات… الطف ياااربي مزلتوا ماكملتوا هيااا بسرعة انتي وياااها
ساجدة/ تلبس في الحلق… هيااا اشوية بس
غالية/ شبحت لجوري… وانتي شن مزالك
جوري/ اهو كملت ناخذ عبايتي نلبسها ونلحقك…
غالية/ باهي اني نازلة ماتعطلوش… ومشيت
جوري/فتحت الدولاب خذت عبايتها لبستها… اووف نسيت نسال ماما من اللي يرفعنا
ساجدة/ خذت شنطتها… شن يفرق يعني…
وطلعت للصالة
جوري/ ماشية وراها… ان شاءالله مش ادم
ساجدة/ علاش
جوري/ دمه بااارد مانحباش
ساجدة/ضحكت… حرام عليك ادم طيب احسن من خوته…
جوري/ ????… طلعوا للسيارة وجت عينها في عين ادم اللي يشبحلها لعند ماركبت
ساجدة/ السلام عليكم كيف حالك ياخالتي
صفية/ الحمدلله
و جوري ركبت و سلمت على خالتها بس
ساجدة/ كيف حالك ياادم عاش من شافك
ادم/ يشبحلها من المرايا… عاش راسك
شنجو
ساجدة/ تمااام
ولع السيارة وعينه في جوري اللي عيونها في تلفون
طول الطريق ايهدرزوا الا جوري ساكتة مرة ع تلفون ومرة تشبح لطريق
وادم ايراقب فاها من المرايا بعد وصلوا
ادم/ امتى تبوا تروحوا
غالية/ توا نتصلوا عليك
…
ونزلوا وجوري كانت ناسية تلفونها في حجرها لما نزلت طاح منها في السيارة مانتبهتلاش
و قعد ادم امدرس لعند مادخلوا للصالة وبعدين مشى
فات ساعة
جوري/قربت لساجدة… نبي نمشي للحمام تمشي معايا اتساوي روحك ع المرايا….
ساجدة اتصفق وتفرج عاللي يرقصوا شبحتلها
ساجدة/ لا مافيش داعي…
ورحعت اتفرج
و جوري خذت شنطتها ومشيت للحمام حطت شنطتها ع رخامة وطلعت روج داراته ورجعاته لشنطة وخذت مشط ساوت شعرها وقعدت تشبح لشكلها ع المرايا ورجعت المشط وتبي تصكر شنطة بيش تطلع انتبهت للتلفون
قعدت ادور عليه مالقتش ومشيت بسرعة رجعت لطاولة طبست على ساجدة بيش تسمعها
جوري/ شفتي تلفوني
ساجدة/ عيونها عليها… لالا شوفيه في شنطتك
جوري/ دووورت عليه مش قااعد عندي كذا شوفيه عندك…
وقعمزت تشبح لساجدة خذت شنطتها فتحتها ودورت بين اغراضها
ساجدة/ مش قاعد
جوري/ حي علياااا زعما طايح مني بعد نزلت من السيارة
ساجدة/ فنصت فاها… نهااارك الاحرف صورك معبى التلفون ????
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
