Uncategorized

رواية ليلتي الفصل الثالث 3 بقلم نعمة أحمد

 رواية ليلتي الفصل الثالث 3 بقلم نعمة أحمد

رواية ليلتي الفصل الثالث 3 بقلم نعمة أحمد

رواية ليلتي الفصل الثالث 3 بقلم نعمة أحمد

-طيب ايه مش هنتجوز
لفيتله بصدمه: نتجوز ايه يابنى انت مجنون
– وايه اللى فيها
-انت بالنسبالى شخص معرفهوش 
-ازاى يعنى ! ده احنا صحاب من زمان 
-انت متخيل عدى وقت قد ايه ، عشر سنين يا آدم ، يعنى كفيله تنسينى انت مين اصلا
-بس انتى منستنيش 
-وايه اللى عرفك 
-شاور على رقبتى : دى ، لسه شايله السلسه اللى ادتهالك من عشر سنين 
-اولا انا مش لابساها عادى ثانيا لو ده محسسك انى بحبك ع لابسها ف هقلعها
 -متقلعهاش 
-لا هقلعها 
“لسه بحط ايدى عشان افكها “
بنبره غاضبه : قولت لا ياليل
بخوف:خلاص يا عم مش هقلعها الاه بس متقعدش تقول بحبك وبتاع
-ما دى الحقيقه 
-يارب نص الثقه اللى عندك 
بثقه:ها مقولتليش هنعمل الفرح امتى
– لما السماء تنزل عالارض ولما الطول يصبح بالعرض هاااها
-ليللل 
-طيب انا هتكلم جد
-ياريت
 – مش هقولك بقا انا انديبندتد ومان وهركز ع شغلى ومستقبلى لانى فاشله وكده بس انا مش عاوزه اتجوز
-اصلا ولا انا تحديدا 
-لا انت ولا غيرك بكره صنف الرجاله كله معادا ابويا وعمى محمد وخالى ابراهيم وعم حسن بتاع الدكان عشان بحبه و…
-اكتمى بقا يا شيخه
-شوفت انت من اولها ومش مستحملنى اوماال لما نتجوز بقا
-ماهو الصراحه انتى صدعتينى
– فدى معاك حق 
-يعنى دى نهايتنا خلاص
-مش شرط كل النهايات تكون سعيده وعلى هوانا  ومش شرط بردو كل علاقه نتحط فيها وتنجح ، احنا ممكن نختار البدايه اه بس النهايه دى بتبقى خلاصه التجربه اللى مرينا بيها ، يعنى بردو مش لازم علاقتنا يكون محكوم عليها بالجواز فالاخر ، فاهمنى 
-فاهم بس مش مقتنع لأن احنا زى مابنختار البدايه بنختار النهايه حتى لو متعارضه مع هوانا زى ماقولتى ، وانا اخترت النهايه خلاص
-وايه هيا بقا
-معاكى 
-طالما مصمم خليك مع نفسك بقا ، انا ماشيه سلام
-سلام بس افتكرى اننا هنتقابل تانى وكتير كمان 
آدم لنفسه :انا عمرى ما نسيتك ياليل وعمرى ما هنساكى وهتكونى ليا برضاكى او غصب عنك 
….
ليل بعدما بعدت عنه بخطوات:فاكر نفسه مين ده ، ازاى متأكد كده انى بحبه وانا كنت قربت انساه 
“لقيت متوسيكل وعليه اتنين بيقربو عليا”
~اومال القمر رايح على فين كده
 – طيب وسع من قدامى أحسنلك 
~تؤتؤ ليه كده طيب
لقيته بيقرب وبيحط ايده عليا: ابعد عنى بقولك
“لقيت آدم جاى من ورايا وكان بيتخانق معاهم وانا مستخبيه وراه “
~ ماشى حسابنا لسه مخلصش 
“ركب هوا وصاحبه عالمتوسيكل وراح عمل حركه مفاجأه وداس على رجلى بالمتوسيكل وجرى”
وقعت على الأرض:آااااااه 
-اه يولاد ال.. 
“لقيته قعد جمبي عالارض”.
– حركيها كده
بعياط :مش قادره 
“مسك رجليا وحاول يحركها والوجع بيزيد”
– دى شكلها اتكسرت ،لازم نروح المستشفى
-انا هتصل على ماما
“جيت امسك الفون لقيته فاصل “
– يوووه وده وقته 
-طيب حافظه الرقم
-لا
-فيه واحده فسنك متحفظش رقم حد من أهلها
-ماهو صعب طيب اعمل ايه
-لا متعمليش اشربي بقا
-اااه وجعانى اوى مش قادره 
-مفيش غير حل واحد 
-ايه 
-اشيلك
-انت اتجننت لا انا اموت م الوجع اهونلى
-الضرورات تبيح المحظورات
-متلمسنيش بقول
بحركه مفاجأه راح شالنى
-يابنى آدم سيبنى بقا
-والله انا مش هتأمل فجمالك احنا مضطرين 
وبعدين محدش قالك تيجى الحته المقطوعه دى 
-ط طيب خلاص نزلنى بقا طلعنا عالشارع اهو 
بصلى بصه مفهمتهاش : طيب 
“وقفنا تاكس وروحنا عالمستشفى ، وجبست رجلى”
-شكرا على مساعدتك ليا 
-ده واجبي يا ليل ، صراحه انا مش فاهم تعاملك معايا رسمى اوى كده ليه
-عشان احنا مش اطفال وفيه حاجات كتير اتغيرت 
– ماشى يا ليل 
-الفون بتاعى شحن عشان اتصل عالبيت 
-اه خودى اهو 
“خدت منه الفون واتصلت على ماما”
– الو يا ماما …….
يتبع…..
لقراءة الفصل الرابع والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى