رواية ولما لا نعيش البارت الثالث 3 بقلم تسنيم خالد
 |
| رواية ولما لا نعيش البارت الثالث 3 بقلم تسنيم خالد |
رواية ولما لا نعيش البارت الثالث 3 بقلم تسنيم خالد
تقبل تتجوزني يا عمر…
انتي بتقولى اي يا فريده، عاوزاني اتجوزك!؟
انا عارفه اني فجأتك وعارفه اني يدوب عرفتك من شهر بس واني كمان اكبر منك بحوالي خمس او ست سنين…… بس صدقني يا عمر انا الشهر دا عرفتك انك شخص جميل وصادق وجدع وهتعرف تحافظ على مالى وابني اللي هيتولد مش هيلاقي لا ام ولا اب هيبقي يتيم يا عمر…
فريده بس انتي عارفه اني لسه بحب نور
وانا لسه بحب جوزي على فكره……. احنا فعلا هنتجوز بس انا كام شهر واحتمال اموت ومش عايزة ابني يتولد ميبقاش ليه حد………
عمر ساكت
اسمعني يا عمر انا عمري ماهخليك تعمل حاجه مش عايزها، ولا حتى هخصبك انك تكمل معايا لو قومت سليمه من الولاده…….
فريده بدموع….. عمر انا مليش غيرك اديك شايف اهلى مشغولين باعمالهم وبس تفتكر هيعرفو يربو ابني…. لوسمحت اقبل
فريده كفايه دموع لوسمحتي انا موافق طبعا…. بس انا اتفاجأت بس مش اكتر واوعدك ان ابنك هيبقى ابني وهحاول ديما اكون اب مثالي وزوج مثالي…
وفعلا اتجوزت فريده ومرت شهور وانا خايف من يوم ولاده فريده، عارف اني مبحبهاش ولسه بفكر في فريده بس كمان فريده هي اكتر وحده وقفت جنبي ودعمتني ومنغيرها انا ولا حاجه، انا فعلا مرتاح معاها ونفسي نكمل سوا وبس وحقيقي الراحه والامان اهم من الحب نفسه…
وقت العمليه…
عمر انا داخله ومش عارفه هطلع تاني ولا لا بس وصيتي انك تفضل محافظ على ابني وانك تحاول تعيش حياتك من تاني…… انت خليتني اسعد انسانه في اخر كام شهر، كل اللي طلباه منك بس هو انك تخلي بالك من ابني وبس
اوعدك انه هيكون ابني انا كمان وهربي احسن تربيه تفتخرب بيه وان شاء الله تقومي بالسلامه…
ودخلت فعلا العمليات وعمر على اعصابه…. مش حاسس بخير خالص قلقان وبدعي وبس…..
شويه وصوت طفل صغير بيطلع ولقيت الدكتور طالع
ها يا دكتور طمني
والولد زي القمر بس المدام للاسف مقدرناش ننقذها اسف
ولتاني مره احس بشعور العجز والضعف…. ولتاني مره اعيط بحرقه ووجع….. مش عارف ليه كل ماحب حاجه تروح مني……. ربنا يرحمك يا فريده ويغفلك ????
وبعديها اكتشفت ان فريده كتبالي المشاغل باسمي وكمان المصنع وكاتبه الشركه باسم ابنها…… فعلا هي اجمل انسانه ممكن اعرفها
عدى خمس سنين وحمزة كبر وهو بقا كل حياتي….. كان كل همي في الدنيا اسعده وملخلوش يحس بشعور انه يتيم زي اللي طول عمري كنت بحسه، كتير قلي اتجوز عشان حمزة يلاقي ام بس عمري ما اقتنعت ان في ايوم اتجوز فقط عشان بس وحده تربي ابني يعني زيها زي داده طب واش شعورها واني اكيد بظلمها وانا مش قادر اديها حق انها زوجه وليها عندى حقوق كازوج….
حياتي كلها كانت حمزة والشغل وبس…
وفي يوم كنت ماشي بالليل ماروح البيت وشوفت حاجه غريبه…
كانت بنت قاعده على الطريق بتعيط جامد وبتصرخ…. وكأن المشهد اللي حصل معايا من خمس سنين بيتكرر معقوله
..
نزلت من العربيه وسألتها
انتي كويسه؟، محتاجه مساعده
سابني بس ماحبيته اوى اوى سابني عشان اهله….. سابني عشان فقيره ويتيمه…… معقوله الزمن دة بقا بشع للدرجادي ان حد يرفض حد عشان يتيم او معوش فلوس بس
هههه واكتر من كدا كمان انتي بس متعرفيش حاجه
طب ليه خلاني احبه من الاول وهو عارف كدا….. ليه خلاني احلم معاه باحلام هو عارف انه وهم ومش هيحصل…… ليه خدعني بس
كل حاجه نصيب وهو اكيد ميستهلكيش واكيد ربنا شيلك الاحسن….. انتي متعرفيش مش يمكن بعد خمس سنين تكوني اغني من الواد ده ووقتها تفعصيه ياست
مستحيل انا فقريه وهفضل فقر…. الفقير هيفضل فقير…
مفيش حاجه اسمها الفقير هيفضل فقير…. الفقير لو حاول هيبقى انجح واحد هو بس يحاول ويعافر ويجرب مره واتنين وتلاته لحد مايوصل
لقيتها بتبص وعيونها كلها دموع مش عارف ليه حسيت بشعور غريب اول مابصيت في عيونها السودا الواسعه دى ودموعها فيها كانها حبات لؤلؤ…….
وردت..
معاك حق لازم احاول واحاول لحد ما اوصل وهخلى كل واحد جرحني يدفع التمن.
صح كدا……. ممكن تقومي معايا اوصلك بيتك
لا شكرا انا بيتي غريب من هنا هما خمس دقايق بس واوصل
متاكده!؟
اه
تمام عن اذنك وقومي روحي عشان الوقت متاخر وممكن حد يدايقك
حاضر…. وقامت مشيت فعلا
مش عارف ليه حاسس اني هشوفها تاني…. اكيد هشوفها تاني
وعدى كذا يوم وكنت مخنوق ونزلت اقعد في كافيه قريب من الشغل..
واحد قهوة من فضلك
حاضر
اي دا الصوت دا سمعته قبل كدا…. برفع عيني لقيتها هي نفس البنت
اي دا هو حضرتك….. انا متشكره جدا والله على اللي عملته معايا في اليوم دا انا كنت محتاجه حد يشجعني كدا
اهم حاجه بقيتي كويسه؟
اه الحمدلله…. عن اذنك هجبلك القهوه
احساسي كان في محله وفعلا شوفتها تاني…… مش عارف ليه جالى الاحساس دة اصلا
وشويه ولقيت في مشكله حصلت مع زبون والبنت معاه…
وبعديها لقيت المدير بيكلمها
بقولك اي يا غفران انا استحملتك كتير اوى…… وكل شويه اقول دى يتيمه ولازم اساعدها وبتاع بس انتي زودتيها اوى وغلطاتك دى مش بتخلص وانا صبري نفذ يبنتي…… بقولك اي متعيطيش وياريت تسلمي حجاتك وتمشي ودة حساب اللي اشتغلتيه اتفضلي بقا
شوفتها عيطت وخرجت من الكافيه على طول.. وكان لازم اطلع وراها
استنى يا….. يبنتي استنى
شوفت انا فاشله وهفضل فاشله وعمري ماهنجح ????
في حد عزيز عليا قلي قبل كدا ان النجاح بدايته فشل..
انا خلاص زهقت يارب اموت وارتاح بقا
طيب بصي تعالى نقعد بس هناك كدا واقولك حاجه
ها؟
طيب
بصي يا….. انتي اسمك غفران صح؟
ايوه
بصي يا غفران انا عندى شغل ليكي
بجد؟ شغل اي
انتي معاكي اي او بتعرفي تعملى اي
انا خريجه كليه تجاره ….. وكمان انا معايا كورسات في كذا لغه
وبتقولي فاشله كل دا وفاشله
ابتسمت وقالت…… مليش حظ انا عندى 25 سنه ومن وقت ما اتخرجت وانا بدور على شغل وملقتش غير كافيهات او محلات زيي زي اي حد مخدش شهادة
طيب سيبك من كلامك دا وقوليلي
انا السكرتيره بتعتي حامل وجوزها منعها من الشغل عشان التعب ومحتاج سكرتيره….. اي رايك تشتغلي سكرتيرتي؟
اي دا بجد اه طبعا موافقه اوى كمان
طيب تمام دة الكارت وفيه عنوان الشركه واشوفك بكرا ان شاء الله الساعه 7 هناك… تمام؟
تمام اوى…… متشكره لحضرتك اوى اوى
العفو
****************
وفعلا اشتغلت غفران عندى وكانت شاطره اوى ومجتهده في شغلها….. مش عارف ليه كل ماشوف البنت دى برتاح يمكن لانها بتفكرني بنفسي واللي حصلي زمان…. ابتدت كمان تيجي بيتي سعات عشان الشغل واستغربت ان حمزة اتعلق بيها وهي اتعلقت بيه…….. ومين ميتعلقش بيها كفايه ضحكتها اللي تقدر تشفي الجروح…… ولا حنانها اللي قادر يطمن اي محتاج…. وصوتها وقت الحزن اللي بتخلى النجوم بتبكي
…… اي دا هو انا مالى بوصفها ليه كدا؟ هو انا……
لا لا مستحيل انا لسه بحب نور طب وهي نور لسه فكراني اصلا…
لا يا عمر ركز في شغلك ومتفكرش كتير
وفي يوم كنت في حفله تبع مدرسه عمر
اي دا اي دا معقوله….. نور؟؟؟؟؟ ????????
دى شافتني وجايه عاليه كمان. ????????????
عمر ازيك انا……
يتبع…
لقراءة البارت الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية طلب صداقة للكاتبة مي علي
