رواية قابل التوب الفصل الثالث 3 والأخير بقلم رقية محمود

ببكاء وحشرجة كعادتها لما تقرأ الأية دي: 

“قَدْ جَعَلَهَا رَبِّي حَقًّا” 

والباب خبط..مسحت دموعها وفتحت لقت حمزة ف وشها..

اخدها بالحضن وقعد يبوس ايديها ويطبطب عليها..

_سامحيني ي أمي انا اسف، انا توبت والله دعوتك اتحققت????

“نزلت سجدت شكر وهي بتعيط.. بقالها سنين ميأستش من الدعاء ليه” 

خدته بااحضن تاني: مسمحاك يبني.. مسمحاك

=بابا فين 

_نايم جوا.. ادخل صحيه انت

“دخلت صحيته لما شافني قام وقعد يعيط وخدني ف حضنه وقعدت ابوس راسه وايده واقوله يسامحني.. وهو سامحني”

ـــــــــــــــــــــــــــــــــــــــــ

_انا لازم امشي

=انت لحقت تيجي

_في ناس كتير ليهم عندي حقوق ي امي..حقوقهم لازم تترد

بدموع=خد بالك من نفسك

“وخد مبلغ كويس من والده وفهمه ان دي حقوق الناس وفلوس لازم تخرج لوجه الله وحضن امه وابوه ومشي، ولأنه كان بيراقب البنات قبل ما يخطفهم ف كان عارفهم، وكان صعب جدا انه يرضي اهاليهم ي عدد قليل من الناس خدوا فلوس تعويض.. لكن اغلبهم كان كل اللي يرضيهم كتب كتاب لمدة 24 ساعة عشان بنته يبقى معاها عقد رسمي،وفي اللي حسبن عليه واللي كان عايز يسجنه،،وقضينا اصعب ايام حياتنا نرضي ف الناس ويكتب الكتاب ويطلق بعدها بكام ساعة وهكذا لمدة شهر  من المجهود الخرافي..ومع ذلك الناس بردو مش بتسامح.. بس هو عمل اللي عليه، خرج المبلغ اللي معاه لمستشفى كتبرع منه،وكان انتظم ع الصلاة ف المسجد والسنن وبدأ يتعلم القرآن ويحفظه ويقرأ كتب السيرة وكتب تعليمية وخلافه.. 

وبعد كدا بدأ يدور على شغل.. اشتغل ف كذا مكان شوية، بس منفعش، لحد ما اشتغل ويتر ف مطعم وربنا وفقه..

وكمل دراسته باجتهاد جامد وبعد سنتين اتخرج واشتغل ف كاشير ف محل كويس بمرتب كويس..”

“بعد مرور شهرين على تخرجه وحصوله على الوظيفة”

_حمزةةةةةةة

=اي ايييي 

_اختي راجعة م السفر النهاردة بإذن الله

=ربنا يرجعهالك بالسلامة يحبيبي

ـــــــــــــــــــــــــــــــــــ

_سلمى، اعرفك دا حمزة صاحبي.. ودي اختي سلمى يحمزة

حمزة بغض بصر: اهلا وسهلا

سلمى: اهلا بيك

واتجه عشان يمشي ولمحها ولمح قد اي هي جميلة.. لثواني سمح لعينه تشوفها وبعدها غض بصره واستغفر ربه ومشي

ـــــــــــــــــــــــــــــــ

“بعد عدة أشهر من المرات القليلة والكلمات البسيطة اللي بينه وبين سلمى،، بدأ يحس ناحيتها بالإعجاب وبدأ يدعي بيها وسلمى كمان.. وكلم شيخ وحكاله.. الشيخ نصحه يفاتح اخوها ف الحوار ولو ليه نصيب فيها هتبقا ليه لا مفر” 

_ح ح حم حمزة

=اي يبني في اي

_اصللل.. اصلللللل اصل يعني

=يبني انجز في اي؟! 

_بصراحة كدا كنت طالب ايد اختك سلمى.. انتَ عارف عني كل حاجة وليك كامل الحق متوافقش، بس بطلب منك فرصة وربنا يقدرني واسعدها

=واي اللي يخليني موافقش.. انا هلاقي احسن منك لاختي فين؟!.. والتائب عن الذنب كمن لا ذنب له،، وانا بحكيلها عنك كتير على فكرة

_يعني انت موافق!! 

=اسألها الأول

ــــــــــــــــــــــــــــــــــــــــــــ

“بارك الله لكما وبارك عليكما وجمع بينكما في خير” 

وبكدا تم عقد قران حمزة على سلمى رسميا وحضنها وباس راسها ووعدها انه هيخليها اسعد بنت ف الدنيا. ♡

“فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا(12)”  [ نوح]

#تمت_بحمد_الله