Uncategorized

رواية حلمي أنت الحلقة الثالثة 3 بقلم أميرة

 رواية حلمي أنت الحلقة الثالثة 3 بقلم أميرة 

رواية حلمي أنت الحلقة الثالثة 3 بقلم أميرة 

رواية حلمي أنت الحلقة الثالثة 3 بقلم أميرة 

…وقامت كنست البيت ومسحته ..

اميره:خلصت ينفع اطلب طلب صغير خالص 

سليم:عايزه ايه

اميره:عايزه اي هدوم البسها بدل البيجامه دي علشان من ساعه ما جيت المكان دا وانا لابسها ونمت بيها وعملت فطار بيها وروقت بيها 

سليم مردش عليها وقام دخل اوضته يشوفلها هدوم من عنده بس مقاس صغير

اميره:طب ايه هتجيب ولا لا

سليم طلع من اوضته وماسك بنطلون اسود وبلوفر ابيض ساده تقيل ورماهم عليها:امسكي 

اميره:شكرا 

سليم:الحمام هناك اهوه 

اميره:تمام

وقامت جريت راحت الحمام تاخد دش وتغير هدومها 

وخلصت بس البلوفر كان واسع وطويل فدخلت حرفه من تحت ف البنطلون وشافت استشوار ف الحمام خدته واستشورت بيه شعرها وفردته وطلعت 

اميره:سليم

سليم اتلفت ليها 

اميره:البنطلون حلو لكن البلوفر دا طويل بس حلو يعني مش مشكله انا اتصرفت 

سليم:نضفتي 

اميره:معاك حق 

اميره:طب يلا نطلع بقي 

سليم:نروح فين 

اميره:نشوف بيتي 

سليم:يلا 

اميره:بس 

سليم: بس ايه 

اميره:اطلع حافيه 

سليم: قومي البسي الشبشب اللي هناك دا هدخل اجهز

اميره:البس شبشب والارض كلها تلج برا 

سليم:مش عاجبك متلبسهوش

اميره:لا عاجبني خلاص كتر خيرك

…سليم قام دخل اوضته وغير هدومه ولبس بنطلون اسود وسويت شيرت اسود ورفع شعره وكوتشي ابيض وطلع معاها 

اميره:انا كنت واقفه فين لما شوفتني

سليم:هناك كدا 

اميره:برضه مفيش اي حاجه 

سليم:طب يلا نرجع 

اميره:هنروح فين 

سليم:تعالي وانتي ساكته 

ورجعوا عند البيت وسليم طلع عربيته 

سليم:اركبي 

اميره:الله دي عربيتك

سليم:اركبي اخلصي

اميره: حاضر ركبت اهوه هنروح فين بقي 

سليم مردش عليها وساق العربيه واميره باصه من الشباك وعماله تتفرج علي اماكن اول مره تشوفها كانت شايفه عمارات كبيره اوي مصنوعه من الزجاج اكنها في امريكا وناس آليه ماشيه وسط الناس عادي وحاجات غريبه متتوصفش اول مره تشوفها وهي باصه بإندهاش 

اميره:سليم

سليم:اممم

اميره:احنا في سنة كام

سليم:2050

اميره بصدمه:نعاااااام إزاي دا انا كنت في 2021

سليم:انزلي 

اميره:مين 

سليم قام نازل وراح فاتحلها الباب :اخلصي 

اميره:طيب هشيل الحزام ..مش عارفه اشيله مش راضي 

سليم اتنهد وقام مقرب منها وشالها الحزام ونزلت 

اميره:رايحين فين ،هاا ،سليم ، رايحين فين…آآآآآآه يا دماغي يابني مش قولتلك مره قول انك هتقف قبل ما تقف 

سليم بصلها جامد:بطلي كلام  

..ودخلوا محل فيه جزم وكوتشيات وهافات بوت…

سليم:اختاري اللي انتي عايزاه بسرعه

اميره وهي مصدومه من الفرحه ومن جمال المحل:انا اختار من هنا انا دا بجد 

سليم:الكوتشي الابيض دا حلو قيسيه 

اميره:مقاسي 

سليم: خليكي لابساه 

…ودفعوا حقه وطلعوا ركبوا العربيه 

اميره:سليم

سليم:ايه

اميره:شكرا 

سليم:العفو 

اميره:رايحين فين دلوقتي 

سليم:شغلي 

اميره:طب وانا جايه معاك ليه 

سليم:ارجعك البيت تقعدي لوحدك 

اميره:لا لا خلاص 

…سليم ركن العربيه قدام شركه كبيره 

سليم:انزلي 

اميره:حاضر ، انت شغال هنا ،هاا ،انت ماشي بسرعه كدا ليه ،سليم

اول ما دخلوا الشركه كل اللي موجود وقفوا بانتباه ومن غير اي حركه وقابلتهم واحده اسمها ايتن تبقي سكرتيرة سليم وكانو كل اللي ف الشركه باصيين لأميره اكمنهم اول مره يشوفوا بنت مع مديرهم

أيتن:اهلا وسهلا يا سليم بيه الملف اللي حضرتك طلبته موجود علي مكتبك 

..كانو بيتكلموا وهما ماشيين واميره ماشيه وراهم ودخلوا مكتب سليم 

ايتن:تأمر بحاجه تانيه 

سليم:هاتيلي قهوه 

أيتن:حاضر عن إذنك 

اميره:سليم سليم 

سليم:اقعدي 

اميره:تمام قعدت ، هي دي شركتك ولا ايه 

سليم:ايوه

اميره:طب ودي شركه ايه

سليم:Production of Songs 

اميره: إنتاج أغاني

سليم:بالظبط كدا 

أيتن دخلت بالقهوه 

أيتن :اتفضل 

سليم:تمام 

اميره:هو انت بتشرب قهوه كتير ليه 

سليم:علشان مصدعش من أسألتك

اميره:اهااا ، طب هتخلص شغل امتي 

سليم:ربع ساعه بس هشوف الملف ونمشي  

اميره:تمام 

…برا مكتب سليم ..

عند مكتب أيتن 

واحده بتشتغل ف الشركه:مين دي يا أيتن 

أيتن:مش عارفه هموت واعرف 

البنت:لتكون حبيبته 

أيتن بصتلها بغضب:مستحيل وروحي علي مكتبك 

البنت:مالك يا أيتن ما قولتلك طالما بتحبيه قوليله بدل ما هتيجي ف يوم والحلوه دي تاخده منك 

أيتن: دانا اقتلها 

البنت:طب اهدي كدا انا هروح علي مكتبي سلام

أيتن لنفسها:انا لازم اعرف مين البت دي 

…ف مكتب سليم…

اميره:سليم 

سليم:ايه

اميره:ينفع اطلع اتفرج ع الشركه 

سليم:اطلعي بس متأخريش وإياكي تقولي لحد انك عايشه في بيتي او انك جايه من الدولاب والهبل دا

اميره:تمام ،، اه يا سليم صحيح انا تليفوني مش راضي يفتح من اول ما جيت هنا يمكن فصل فيه هنا شحن 

سليم:اه فيه تعالي حطيه هنا 

اميره:تمام هطلع بقي سلام 

…وطلعت برا مكتبه بعد ما حطت تليفونها ع الشاحن جنبه وماشيه تبص حواليها وكل اللي ف الشركه باصين ليها ويسألوا بعض مين دي مره واحده ييجي صوت من وراها بينادي عليها 

أيتن:لو سمحتي 

اميره:انا 

أيتن:ايوه انتي 

اميره:نعم عايزه حاجه 

أيتن بتمد إيديها تسلم:انا أيتن سكرتيرة سليم بيه وانتي مين 

أميره سلمت عليها: اهلا انا أميره 

أيتن:انا رايحه الكافيه تيجي معايا تشربي حاجه 

أميره:هو بعيد 

أيتن:لا مش بعيد دا جوا الشركه برضه 

أميره:اها طب يلا انا كنت طالعه اتفرج ع الشركه اصلا 

أيتن:تمام من هنا 

…وراحوا قعدوا في الكافيه ..

أيتن:تشربي حاجه 

أميره:ع حسابي ولا حسابك 

أيتن :لا ع حساب الشركه 

أميره:اها طب اشرب نسكافيه سكر زياده 

أيتن:تمام، ،،لو سمحت واحده نسكافيه سكر زياده وواحد قهوه ساده 

أميره:تشربي قهوه ساده شكل سليم 

أيتن لنفسها :سليم كدا بس دانا عمري ما قولتله كدا “وبعدين ردت عليها”، اهااا بحبها ساده انتي عرفتي إزاي انه بيشربها ساده

أميره لنفسها :مانا لسه مطفحاه الصبح قهوه ساده برضه ،، اصل جبتيها له ساده  ف المكتب 

الجرسون:اتفضلوا قهوه ساده ونسكافيه 

أيتن:شكرا،، قوليلي يا أميره انتي قريبة سليم بيه

أميره لنفسها :وانتي مالك ،، اها قريبته 

أيتن:قريبته ازاي 

أميره:بنت عمه 

أيتن:بس سليم بيه باباه كان وحيد ملوش اخوات 

أميره لنفسها:احيه ما كنت اقول بنت خالته لازم بنت عمه اقولها ايه دي اه عرفت “وردت عليها” ابو سليم وبابا ولاد عم 

أيتن:اها فهمت وانتي عايشه هنا 

أميره:لا 

أيتن:امال فين 

أميره لنفسها ماسورة تحقيق انفجرت ف وشي ياريتني ما قعدت معاها 

أيتن:اميره

أميره:ايوه نعم 

أيتن:مش عارفه انتي عايشه فين ولا ايه 

أميره:ف تركيا روحتيها

أيتن:لا

أميره لنفسها :احسن برضه 

أيتن:وانتي جايه هنا زياره وهتسافري ولا هتقعدي علي طول 

أميره:هسافر

أيتن:تنوري بجد 

أميره:دا نورك 

أيتن:انتي قاعده فين دلوقتي

أميره لنفسها :ياستي سبيني اشرب النسكافيه حتي يخرب بيت اسألتك قاعده ف جهنم ياستي عندك مانع

أيتن:بتروحي فين 

أميره:موجوده اهوه 

أيتن:كنت بقولك قاعده فين هنا 

أميره:ف فندق انا لازم امشي حالا بقي اصل سليم قالي متأخرش سلام “وقامت جريت”الحمد لله هربت قبل ما تسأل علي اسم الفندق كمان

ماشيه تكلم نفسها ومره واحده خبطت ف واحد..

يتبع..

لقراءة الحلقة الرابعة : اضغط هنا 

لقراءة باقي حلقات الرواية : اضغط هنا 

نرشح لك أيضاً رواية الخادمة والأمير للكاتب محمود حماد.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى