Uncategorized

رواية الاتفـاق الحلقة الثالثة 3 بقلم ميشو محمد

 رواية الاتفـاق الحلقة الثالثة 3 بقلم ميشو محمد 

رواية الاتفـاق الحلقة الثالثة 3 بقلم ميشو محمد 

رواية الاتفـاق الحلقة الثالثة 3 بقلم ميشو محمد 

ف المستشفى

رهف بعد مااطمنت ع فهد رقدت من كتر الالم لحاسه فيه 

#ميشوو_محمد

بنات سؤال لو درتي روحك ف مكان رهف وعرفتو انهم رح يدمرو حياة شخص وانتي تقدري تمنعيهم وشخص هدا بريئ اني متاكده انكم طيوبات وعسل كلكم ورح تساعده اي شخص بريئ❤❤

..

نصيب ع الهاتف:لالا حمدلله كويسه هي 

بسام خطيبها:الحمدلله ع سلامتها ❤

نصيب:الله يسلمك ❤

بسام:قعدين ف المشفى كلكم معها؟

نصيب:لالا اني ماما وبابا بس 

وكملو هدرزتهم …

منصور:كل شي صار بسبب المنحوسه ياريتها نعمت 

عثمان: لدرجه هادي علاش تكره هي بااخص علاش تحب نصيب وتحب بناتي منى واماني وتحب بنت محمود اسماء علاش هادي البنت الوحيده لمتحبهاش 

منصور:منحوسه منى واماني واسماء ونصيب يعزو عليا لكن رهف غيرهم البنت هادي من يومها مش هاضمها

محمود:لانها غاليا ع جلال وديما تمشي مع جلال وهي الحفيده للصغيرة ليحبها جلال صح؟

منصور خش وصكر الباب 

عثمان: الفرخ كيف بنتصرفو معاه 

محمود: لم يرجع جابر نتفاهمو كلنا مع بعض 

عثمان: تصبح ملا.. وطلع لدور التالت 

حوشهم الارضي يسكن فيه محمود ومرته سهام ولده بهاء وايهاب وبنتهم اسماء والدور التاني فيه جابر ومرته عايدة وبناته نصيب ورهف والدور التالت عثمان وولده فايز وبناته منى واماني

.. 

فهد يتقلب والنوم طاير من عيونه ومتعصب: اوووف عقلي بيطير بنجننن مني يعرف حركاتي ويعرف جدي تي كيف عرف العصير 

#تسريع_الاحداث

بعد مرور تلاته ايام 

رهف فكولها الشاش وحالتها كويسه عطوها قطرة تعقم وطلبو منها ماتوجهش الشمس وماتستعملش الهاتف وماتقبلش النسمه القوية لفترة 

رهف رجعت وحوشهم معبي نساوين عمامها وعمتها وخالتها ونساوين خوالها واختها وهكي المهم 

رهف ف غرفتها: نصيببب اخر مرة نقول الهاتف وين 

نصيب: ياسر مهزله لو يعرفو بابا وعمامي وجدي قسما بلله يقتلوك 

رهف: نعرف اني مانتكلمش بصوتي هو مايعرفنيش نهائي افهميني 

نصيب: مش رح نفهم شي

رهف بصوت عالي: حطي روحك مكانييي شخص رح يدمر واني نقدر نساعده ونقدر نحميه صدقيني حاولت نتجاهل الموضوع لكن حراام اني عندي ضمير جدك متوحش ممكن حتى يقتله وبعدين يورتوه 

نصيب: انتي صغيرة مراهقة وماتعرفيش تتصرفي

رهف بصوت عالي: انييي ضحيت بعيونيي 

نصيب: اوعديني انك تنتبهي ومايصير شي 

رهف ابتسمت: وعد وعد مش رح يصير شي عطيني الهاتف 

نصيب فتحت الدرج وعطتها الهاتف 

.. 

منصور: نفدو خلاص لعند هني وبس الناس دارتني مضحكه فرخ زي هدا ينصب عليا ويقولو انه هارب من جده وقصتنا ع كل لسان اليله تتنفد 

.. 

رهف خش الحمام لانه الحوش معبي وخافت يسمعها حد وفتحت المية واتصلت مرة وتنين والتالته رد 

فهد ساكت 

رهف تنهدت وشغلت صوت الفضائي: اهلا 

فهد: هادي اخر مكالمه بين وبينك فاهم ولا  قولي انت منيييي 

رهف بصوت الفضائي: شن صاير؟

فهد: انت مني تربح ال???????? كيف عرفت العصير وكيف عرفت فايز فهمني النمم انت مني؟

رهف بصوت الفضائي: البنت تعيط قدامك والعصير والمنوم وفايز وعمك جابر لرفض انه ياخد ولا قرش منك عمك جابر من الحادثه لصارت مع بنته خاف ورفض انه يعاون بوه ورفض ياخد منك شي 

فهد: كمل…

رهف بصوت الفضائي: هدا كل شي صار والقصة ماوقفتش هني اني طلبت منك انك ترجع 

فهد قعمز ع الكنبه:انت قتلي بطيح ف حفرة لكن ماصار شي 

رهف بصوت الفضائي:ركز ولو شوية بس شوية بس رح تعرف مني لانقدك من الحفرة الحفرة كانت قدامك لو شربت العصير لكنت توا مدممر لكن شخص تاني نقدك ركز ورح تعر..قاطعه

فهد وقف:البنت لو ما صار عياط كنت شربت تي وتقت فيهم ????‍♂️ البنت هي صح؟

رهف بصوت الفضائي: مانعرفش واني من الاول قتلك معادش توتق ف حد معادش توتق ف ولا شخص…قاطعه

فهد:حتى انت؟

رهف ايدها ع فمها وبصوت الفضائي:اي حتى اني ماتوتقش فيا اوتق ف قوتك ونفسك بس لانه صدقني مهما صار ومهما رح يصير مش رح تلقى حد جنبك غير الاشخاص لبجدد يحبوك ومهتمين بيك 

فهد: ولو قتلك من اليوم صوتك الفضائي معادش تبي نسمعه؟ رقمك معادش نبي نشوفه تفههههم 

رهف بصوت الفضائي ساكته 

فهد صكر الخط ودار الرقم ف الحظر 

فهد:تقه وشخص وحفرة مافي شي مفهوم لكن صح ف حاجه فهمتها انه لولا بنت جابر كنت توا  اووووف لولا الصدفه لصارت مانعرفش شن صاير فيا توا لولا البنت ????‍♂️ 

رهف طلعت الشفرة من الهاتف وهي متعصبه كسرتها وحدفتها ف المرحاض (حشاكم) وطلعت متعصبه

ونزلت قعمزت ف الصاله:انتستونا 

عمتها خيريه:الله يئنسك تعالي قعمزي جنبي رهوفه

رهف قعمزت جنب عمتها 

خيريه: موجوعه ولا كويسه

رهف:لالا الحمدلله كويسه عطوني قطرة نديرها قبل النوم وبعد الغدي مرتين ف اليوم لانه معقم قوي ونشالله يكون كويس 

خيريه:نشالله امتى بتجعي لتانوية انتي شهادة مفروض ماتغيبش هلباا الشي هدا ياثر ع درجاتك 

رهف:صح لكن بابا خدالي اذن ولانه حاله طبيه وافقو ع الاذن والدروس بعد مايسمحلي الدكتور رح نبدا فيهم 

خيريه:نشالله خير باهي تقدري تحضري عرس  نصيب

رهف????????: اي اكييد 

خيريه:????????

..

ف اليل 

عثمان: تم يابوي 

منصور:ربطوه الكلب وصكروله فمه ودخله داخل وردو بالكم ع فمه صكروه كويس 

ودخلو فهد وهو دايخ وتيشرت متعه فيه دم وضاربينه ع راسه 

ودخلوه لغرفة ف القراج غرفة فيها مواد متع سيارات وفيها مفاتيح ????????????⚒️???? مواد تصليح وغبره وبدون شباك وصغيرة فيها مصباح واحد داروله كرسي وربطوه كويس واهم شي فمه 

رهف خش المطبخ: نصيب خيررك خايفه

نصيب:قالي غضوا بيجي وبيجيب امه يشوفني وامه تطمن عليك 

رهف:باهي لتفكروني نسيبتهم اني ????????

نصيب:مجنونه ???????? طلعت 

بدو يتعشو ف الصاله 

عايدة: نصيب اطلعي شوفي بوك بالك قاعد بلا عشي 

رهف:نطلع اني..بتطلع 

عايدة:مزااال انتي نصيب تطلع

رهف:الدنيا ليل مافيش لا شمس لا ريح خليني نطلع اني خمسه دقايق نكلم بابا ونرجع بلييز ماميي

عايدة:لااا نصيب اطلعي شوفي بوك 

رهف مشت لغرفتها متعفلقه فتحت الشباك وطفت ضي الغرفة شافت جدها وعمامها التنين طالعين من القراج وعمها عثمان كان ف ايده جاكيت متع فهد 

رهف: الجاكيت جينز شبابي وفيه دم يعني ????????

رهف صكرت الشباك وايدها ع فمها:اني بديت نخرف اكيد اكيد..نزلت خدت هاتف امها ورجعت لغرفتها 

رهف:كيف بنتصل بيه ماما ماعندهاش البرنامج ليغير ف الصوت واني شفرتي كسرتها ياربببببي????‍♀️

رهف:نتصل بيه عادي ع اساس غالطه اي نقوله نبي رقم تاني المهم انه يرد 

اتصل يرن لكن مافي حد يرد مرة وتاني وتلاته واربعه وخمسه 

فهد فاق ع صوت الهاتف ويلوي ف رقبته من الوجع  :اااه..بدي يتحرك وحس انه مربوط وعيونه وفمها ويسمع ف صوت الهاتف 

نصيب ادور ع بوها وتسمع ف هاتف يرن وماعرفتش وين:بابااا 

فهد سمعها 

نصيب:باابااا

فهد يسمع فها 

نصيب شافت جدها اتجتله:جدي قتلك امي خشو مربوعه تعشوو 

منصور:يلا جايين خشي انتي صقع 

نصيب ابتسمت وخشت 

رهف نزلت لصالة عيلة عمها كلهم عندهم تاكدت انه بوها وعمامها وجدها ف المربوعه يتعشو لبسة كبوسها وطلعت وف ايدها هاتف امها واتصلت وسمعت صوت رنه متع هاتف بعيده رهف خايفه ترجففف قربت من القراج وسمعت صوت حركه وف كرسي يتحرك رهف رنت ع رقم فهد وفعلا رن الهاتف 

رهف سمعت صوت دعسات تقرب اتجه لسيارة جدها وقعدت وراى السيارة عثمان فتح الباب وخش 

عثمان:توقعتك تكون صحصحت

رهف شافت الكرسي وكان فهد عطيها بضهره 

رهف هربت تجري 

عثمان سمع الصوت طلع من القراج : منيي ف هنيي منيي فايز؟ 

عثمان يشوف ف جنان من جها لـ جها وخش 

رهف صكرت الباب من الصدمه قعمزت وايدها ع فمها وترجففف كلها: فهد هدا ???????? 

عايدة: خيرك؟ 

رهف وقفت:لالا شي غير ف ورقه طاحت مني تحت المدخل .. وبدت تشوف تحت المدخل ع اساس تشوف ف ورقه

عايدة مشت 

رهف طلعت لغرفتها تجري قعمزت ع السرير وترجف: هادم شنو رح يصير ياربي مش فاهمه شي

يتبع… 

 لقراءة الحلقة الرابعة: اضغط هنا

لقراءة باقي حلقات الرواية : اضغط هنا

 نرشح لك أيضاً رواية أدوار وهمية للكاتبة أروى طاهر المسلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى