رواية غرام الصعيدي الفصل الثالث 3 بقلم شروق خليل

سيبت امى وطلعت الاوضه فتحت الباب لقيتها نايمه على الأرض ولسه على حالتها اللى سيبتها عليها دراعها باين عليه علامات نتيجه ضغطى عليه وشعرها كان فوضوى روحت قعدت جنبها 

زين في نفسه : انا حبي لزهره عامينى وانت ضحية كل اللى حصل فيا يمكن مكنش ينفع اتعامل معاكى كده بس انتى طولتى لسانك 

زين وهو بيهزها : غرام قومى غرام 

غرام فاقت : ااااه حاسب دراعي 

زين : جهزى نفسك علشان هننزل على الغدا تحت 

غرام : بس أنا مش هنزل 

زين جز على سنانه : هو انتى بتعاندينى وخلاص انا هرتاح نص ساعه ولو صحيت مش لقيتك جاهزه هيحصلك اسوء من اللى حصل الصبح 

غرام انتفضت من مكانها اول ما سمعت كلامه ، دخلت بوجع خدت دوش وبعدين خرجت فتحت الدولاب لقيته كله فساتين وعبايات وانا مش متعوده البس اللبس دا بس طلعت دريس هادى لونه بينك ولبسته وسرحت شعرى وحاولت اخفي تعبي بالميكب علشان عيونى كانت وارمه 

زين صحي لقاها واقفه قدام المرايا : انت لسه مجهزتيش لدلوقتى 

غرام : جهزت ونازله 

زين بصوت عالى : نعم نعم نعم نازله فين كده 

غرام بإستغراب : نازله تحت في ايه 

زين قام من مكانه بسرعه وراح مسكها : هو دا لبس تنزلى بيه 

غرام بوجع : دراعي دراعي 

زين حس على نفسه وسابها وراح للدولاب وجاب منه عبايه واسعه  

زين : ادخلى البسى دى 

غرام : انا مش بلبس عبايات 

زين بحده : اتعودى تلبسيهم من النهارده 

غرام : حتى لبسي كمان هتحكمو عليا فيه ايه ده 

زين : ادخلى البسيها من غير كلام كتير علشان ليه عواقب 

غرام شدت منه العبايه ودخلت تلبسها وخرجت وهى عماله تتأفف ومش عارفه تظبطها عليها 

زين ضحك ضحكه تكاد العيله كلها تكون سمعتها اول ما شاف غرام : ايه البهدله دى 

غرام اتحرجت : قلتلك انا مش بلبس الحاجات دى 

زين قرب منها وحاول يظبط العبايه عليها 

غرام بتوتر : مفيش داعي انا هعدلها لنفسي 

زين : خلاص انا عدلتها اصلا 

غرام : تمام تمام بعد اذنك 

زين : استنى مش هينفع تنزلى كده 

غرام : اوووف ايه تانى ! 

زين : امسكى الطرحه دى لفيها مفيش هنا حريم بتقعد طول ما رجاله البيت هنا من غير حجاب 

غرام : انا مش محجبه علشان البس حجاب

زين : بقولك ايه يا بنت الحلال علشان متتعبنيش وياكى انسي مصر خالص و اللى كنت بتعمليه فيها هنا لينا قواعد تانيه خالص و انتى اتجوزتى و دا  اللى هتمشي عليه في بيتنا هنا 

غرام : امشي على ايه هو انا من ضمن العبيد علشان تمشينى على مزاجك 

زين قرب منها و عيونه مش مبشره خالص و هى بدأت تخاف و ترجع لحد ما خبطت في الجدار و مبقاش ليها مهرب 

غرام : أوعى تفكر انى هخاف بنظراتك دى دا مش جواز اصلا ومش من حقك تتحكم فيا 

زين خبط بايده على الجدار جنبها ودا خلاها تخاف اكتر : بصي يا حلوه علشان مش عاوز اتصرف معاكى تصرف مش هيعجبك تانى هنا انت بقيتى مراتى سواء الجواز حقيقي أو مزيف انت قدام الكل مراتى وهتمشي على مزاجى 

بعد خطوتين : انا نازل تنزلى ورايا وانت لابسه اللى قلت عليه والا هتندمى والله 

.. … … … …. …. …. …. …. …. ….

نزل وانا حطيت الطرحه عليا ونزلت وراه علشان مكنش عندى استعداد اتناقش أو اتخانق النهارده خالص لحقته على السلم و نزلنا لقيت السفره عليها أشخاص كتير معرفش فيهم غير مامته و اخته و أبوه و بس 

غرام بهمس : هم دول كلهم مين 

زين : دول العيله 

غرام : الله اكبر انا هحفظ دا كله ازاى 

زين مسكها من ايديها  : اسكتى و يلا 

….. ….. ….. ….. ……  …..

في مكان تانى على السفره كانت زهره قاعده لما شافته مسك ايد غرام حسيت أن الدم جرى في عروقها ايوا هى بتحبه ومستعده تعمل اي حاجه علشان تقرب منه بس حبها حب امتلاك مش حب حقيقي 

زين : مساء الخير 

هدى بحب : مساء الخير والهنا والجمال يا ولاد 

زين راح يقعد على كرسيه 

هدى : تعالى يا مرات ولدى يا جميله اقعدى جنب زين 

غرام بإحراج علشان سابها وقعد : هو انا ممكن اقعد جنبك يا طنط عادى حابه اقعد علشان تعرفينى على كل الموجودين 

هدى قامت وحضنتها : كلى بس وهعرفك على الكل بس اول حاجه انا امك هنا فتقوليلي يا امى مش طنط انت زى ساره ومريم  يا حبيبتى 

غرام بحب وهى بتبادلها الحضن : حاضر يا ماما ربنا يخليكى ليا 

زهره بحقد : و الله يا مرات عمى كده مش هناكل هههه 

غرام بصيت للصوت تلقائي و افتكرت أن دى نفس البنت اللى اديتها الع
صير امبارح اللى شربته و من بعدها بدأت تسكر 

فلاش باك 

زهره : اتفضلي يا عروسه العصير 

غرام بابتسامه : شكرا يا حبيبتى 

باك 

الغدا خلص و الكل قعد في الصالون ي

متجمعين و ماما هدى  و ساره خدونى معاهم المطبخ نجيب العصير 

هدى بقلق : انت كويسه يا بنتى 

غرام بتوتر : اه ايوا انا تمام يا ماما كنت عاوزه أسألك على حاجه 

هدى : اتفضلي يا حبيبتى 

غرام : هى مين زهره دى وليه بتكلمنى كده 

هدى حاولت تخبى : لا هى كده يا بنتى وحشه فسيبك منها 

غرام : أصلها حطتلى حاجه في العصير امبارح 

هدى بخوف : يلهوى جرالك ايه يا روح قلبي 

غرام : متقلقيش انا تمام بس هى ليه عملت معايا كده 

هدى : بصي يا بنتى زهره بتحب زين من صغرهم بس هى حبها دا زى ما يكون زين ابنى حاجه بتاعتها ومش راضيه تبيعها دايما كنت بحسها بنت مش كويسه و بتبص لأن زين هيورث من أبوه حاجات كتير لانه الولد الوحيد عندى انا والحاج صالح 

غرام حسيت بحزن جواها حاولت متبينوش : ايوا فهمت هو قال إن بيحب بنت عمه 

هدى مسكت ايديها بحب : انا امه يا بنتى وصدقينى ابنى بس مفكر أنه علشان هى اللى كانت قدامه دايما يبقي دا كافي أنه يحبها زين شاف منها الحلو بس واتخدع فيها هى عاوزه تاخده من أهله وتعصيه علينا و علشان كده أبوه جوزها لابن عمها سالم علشان تبعد عن زين ، ابنى مش عاوز غير واحده طيبه وبنت حلال زيك انا حبيتك و قلب الام صادق 

امال : ايه يا هدى دا كله بتجيبو العصير يلا علشان أهل غرام بره 

هدى : جايين جايين يلا يابنتى 

( أمال ام زهره و ادم قلبها طيب عكس بنتها بس ساعات بتقلب على هدى علشان هى الكل في الكل في البيت ) 

….. …… …… ….. …… …….

غرام حضنت انتصار : ماما وحشتينى اوى 

انتصار : اول يوم انام من غيرك امبارح يا روح ماما انت كويسه 

هدى : ولو غرام بنتنا وفي عينينا يا اختى 

غرام بحب : ايوا ماما هدى بتحبنى اوى و بدأت تعلمنى اعمل اكل كمان 

انتصار : يا حبيبتى ربنا يفرحك ويعوضك عن اللى انا مقدرتش اعوضك بيه انا عارفه انك زعلانه منى بس صدقينى بعمل كل حاجه علشان بحبك 

خال غرام : وانت يا بنى عامل ايه 

زين : بخير يا عمى 

خال غرام : يا رب دايما بخير 

ماما فضلت قاعده معايا شويه لوحدنا و بعدين خالى نادى عليها علشان يمشوا و فعلا مشيوا واليوم خلص و طلعت اوضتى بس كنت مخنوقه نزلت الجنينه اشم شويه هوا وكان الكل دخل علشان ينام بس سمعت همس في الجنينه فروحت اشوف مين ………..