Uncategorized

رواية خطة رنا الفصل الثالث 3 بقلم روني محمد

 رواية خطة رنا الفصل الثالث 3 بقلم روني محمد

رواية خطة رنا الفصل الثالث 3 بقلم روني محمد

رواية خطة رنا الفصل الثالث 3 بقلم روني محمد

_: يعني انت عجبك الي بنتك عملته ده يا عمي ، ده ولا حتى عملالي اعتبار خالص… 
خالد : احم…  انت بس كبرت الموضوع يا أمجد 
امجد بغضب : انت تخرس خالص.. 
خالد : بقولك ايه الي انت كنت هتضربها دي تبقى اختي وبعدين هي عملت ايه يعني.. 
الاب : فعلا يا امجد انت مكبر الموضوع 
امجد : انتم بردو بتقولولي مكبر الموضوع ، لما شوف مراتي ، داخلة على واحد بتحضنه وتقوله يا لودي ، وانا قاعد ولا كأني خروف العيد عاوزني اعمل ايه اسقف لها… 
خالد : أمجد اهدى كده انا لولا انك صاحبي انا كنت نفختك على الي انت كنت عاوز تعمله ، وبعدين يعني لما انت بتغير اوي كده الكلام ده يكون بينك وبينها مش قدمنا ، يعني تشدها وكمان عاوز تضربها ولله انت فعلا لو كنت ضربتها انا كنت كسرتلك ايدك دي… 
أمجد : خااااااالد قوم روح كفايه عليك كده ..
خالد ببرود : لأ انا بايت هنا ، عندك غطا زيادة هنا يا خالتي.. 
أمجد : قوم من هنا احسنلك انت يا دوب تلحق طيارتك الي بعد اسبوع  …
،،،،،،،،،،،،، خطة رنا بقلمي روني محمد 
في غرفة رنا 
رنا : عجبك كده الي حصل اهو كان هيضربني… 
ريم : وانا كنت قولتلك روحي دلعيه وقوليله يا لودي…. ههههههههه انا اول ما شوفت امجد وقف ومسكك من شعرك قلت بس دي هتبقى مجزرة… 
رنا :ده انا قلبي وقع في رجليا وقلت الشهادة… 
ريم : الحمد لله ان خالد عرف يتصرف وسلكك من ايده… 
رنا : طب اتفضلي تقوليلي انا هعمل ايه دلوقتي ، ده  انا هترعب حتى اطلع بره باب اوضتي 
ريم : مش هيقدر يعملك حاجه ، خليه يشرب شويه من الي كان بيعمله فيكي ، وخلي التقل ينفعه اهو كله بيطلع عليه.. 
رنا : انا بقول كفاية كده وانا هطلع اتأسفله وأحلفله اني مش هعمل كده تاني 
ريم : ولله انتي هبلة ، وتستهلي الضرب علي دماغك كمان 
رنا بحزن : طب ليه كده بس ..
ريم : يا بنتي هو عارف انك بتحبيه من وانتم صغيرين وواخد موضوع حبك ده أمر مسلم بيه ، وأهو كده كده هتتجوزوا وتوته توته خلصت الحدوته ، متعبش في حاجه … طب قوليلي كده قالك في مره بحبك ؟
-: لأ
-: طب جابلك ورد ؟ 
-: لأ
-: طب بعتلك رسالة حلوة ؟
-: بردو لأ…  انتي بتشيليني منه ليه بس 
-: مش بشيلك يا رنا ، انا خايفة عليكي ، خالد متعبش في حاجه انتي اتقدمتيله على طبق من فضة .. فعشان كده اعتبر وجودك أمر مسلم بيه ، وكده كده انتي موجوده ، عمتا الخيار ليكي فكري وأحسمي الموضوع فكري لو فضلتم بالنظام ده واتجوزتم ، شوفي حياتك هتبقى عامله ازاي بعد الجواز ، هتقدري تستحملي قلة الاهتمام الي لو موجود منها واحد فالميه دلوقتي هتنعدم بعد الجواز تمام استحملي و عيشي ، افضلي انتي الي تديله ديما من غير مقابل عشان بتحبيه ، طب وهو….  للأسف هيكون اتعود على كده…. 
       ريم خرجت وسابتني في حيرة ، انا فعلت كنت زي الغرقانة مش لاقيه طوق نجاه ، ريم فوقتني من الي كنت بحاول اتجاهله او مش عاوزه اشوفه ، وهو ان امجد مش بيحبني ، ايوه الكلمة صعبه وممكن تكون بتقتل بس فعلا انا عمري ما حسيت بحبه ، انا الي ديما ببدأ بالكلام انا الي بفتح معاه مواضيع عشان بس اشوفه واشوف نظرة عنيه ، اوقات كتير كان بيبقي مشغول بالموبيل كنت بحب اقعد جنبه اتفرج عليه حتى لو مش حاسس بوجودي ……
       لقيت نفسي بعيط بعيط كتير قوي ، ليه امجد مش بيحبني زي ما بحبه ، ليه مش حاسس بيه ، ليه بيتجاهل مشاعري اوي كده ، ليه اعتبرني لعبه او حاجه بيملكها كل الي يهمه وجودها في ايده وخلاص ، بعد وقت من الدموع والوجع الي كان بيقطع في قلبي ، مسحت دموعي وقررت اني خلاص انا هاخد حقي مش هكون فازه او انتيكة مرمية فالبيت ومش هسمح ان يكون الموبيل  او صحابه اهم مني ، هو لازم يسمعني وغصب عنه لازم هو الي يجري ورايا مش انا الي أجري وراه…….
،،،،،،،،،،،،،،،،،
       عدى يومين وانا طول الوقت ملازمة أوضتي ، مبخرجش تقريبا غير عشان اكل معاهم وارجع تاني ، ولما بابا ولا ماما كنت بتحجج بالمذاكرة والامتحانات ، اليومين الي فاتوا محولتش اشوف أمجد او حتى أسأل عليه وهو كمان محاولش ????
   اول مرة من سنين يفوت عليه يوم من غير ما شوفه وأطمن عليه ، هو محسش بده ، اكيد منتظر اني كالعاده هروح اعتزر وكأن شيئا لم يكن ونفضل زي ما احنا… 
    تاني يوم كان عندي امتحان ولبست  وجهزت حاجتي وفتحت باب الشقة ولسه هنزل لقيته في وشي ، تجاهلته وكنت همشي 
أمجد : استني هوصلك… 
-: لأ نور صاحبتي مستنياني… 
-: قوللها تمشي هيا 
-: لأ مش هينفع 
-: خلاص يبقى لو هتوافق تيجي معانا يبقى مفيش مشكلة… 
-: بردو لأ مش هتوافق ، وعن اذنك عشان اتأخرت 
-: رنااااا اسمعي الكلام انا عاوز اتكلم معاكي 
-: بص بقى اولا انت متعليش صوتك عليا ، ثانيا ده ولا وقته ولا مكانه نتكلم في حاجه ، لما ابقى ارجع من الكلية ، أبقى شوف لو عندي وقت هبقى اتكلم معاك…  سلام 
       مشيت وسبته من غير حتى ما استناه يرد ، بس من جوايا حاسه بانتصار رهيب ، يستنا عليه بس ده لسه مشفش حاجه ده انا هوريه النجوم في عز الضهر…… 
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى