Uncategorized

رواية أحببت قدري بعد أن التقيتك الفصل الثالث 3 بقلم رنا طارق

 رواية أحببت قدري بعد أن التقيتك الفصل الثالث 3 بقلم رنا طارق

رواية أحببت قدري بعد أن التقيتك الفصل الثالث 3 بقلم رنا طارق

رواية أحببت قدري بعد أن التقيتك الفصل الثالث 3 بقلم رنا طارق

حمزة: انتي بتعملي اي والمطبخ عامل كده لي 
(مني قررت تعمله اكل عما ييجي ع الاقل تشكره بيه دخلت المطبخ قعدت تفتح ف الادراج عشان تلاقي حاجه تعمل بيها اي اكل لقت مكونات للكيكه ولقت شوكولاته كمان لكن بهدلت المكان بالدقيق المطبخ بقي عامل زي ساحه الحرب) 
(حمزه شخص منظم مبيحبش يشوف حاجه مش ف مكانها يعيني الصدمه كانت كبيره 
دخل لقي المطبخ كله مليان دقيق والبيض ع الارض لك ان تتخيل شكل المطبخ عامل ازاي عزيزي القارئ) 
مني: اي يا حمزه انا كنت بعمل كيكه عشان اشكرك بيها 
حمزه: انتي كنتي بتحاربي مش بتطبخي 
مني: تصدق انا غلطانه 
حمزه: ايوه صح وبعدين انتي مش بتعرفي تطبخي بتخشي المطبخ لي ها 
مني: ملكش فيه 
حمزه:  مش واخده بالك ان ده مش بيتك يعني لا يحق ليكي الكلام فيه 
مني: خلاص يعم انت هتتنك من اولها 
حمزه: لا…. اطلعي برا عما انضف القرف اللي انتي عملتيه ده 
مني: متشكرين يسيدي 
حمزه: عارفه يمني لو كان حد تاني عمل ف المطبخ كده انا كنت عملت ف اي وبدء يقرب منها 
مني: اي يعم كنت هتاكله ولا اي وسع كده 
طلعت تجري ع الاوضه ودقات قلبها بتزيد 
مني لنفسها: انا فرحانه لي ولي اتكسفت لما قرب مني يكونش حبيته…… لا لا مش ممكن انا مش هدي لحد قلبي هو بالسهوله دي 
حمزه خلص تنضيف ف المطبخ هو جاي تعبان وعايز ياكل وهو كان كل يوم بيروح عند اخوه وياكل معاه بس هو قاعد ف شقته وميعرفش حاجه وربنا رزقه بمني اللي متعرفش حاجة ف المطبخ 
طلع لقاها قاعده بتتفرج ع كرتون 
مني:  خلصت تنضيف يعم الحاج 
حمزه: اومااال 
مني: طب انا جعانه وعايزه اكل كريب وانت يعيني مش بتعرف تطبخ هنعمل اي 
حمزه: يعيني انتي اللي شاطره اوي ف المطبخ 
مني: معلش 
حمزه: مني متستفزنيش احسنلك 
مني: اني اسف 
حمزه: بتتفرجي ع اي 
مني: بتفرج ع حاجه مهمه اوي 
حمزه راح يبص لقاها بتتفرج ع كارتون بتاع دببه 
حمزه: ده مهم 
مني: اومال ده الدببه التلاته (شهاب -باندا -قطبي)  بحبهم اوي اكتر منك حتي 
حمزه: ده من زوئك 
مني: تيجي تتفرج 
حمزه: لا. انا مش طفل 
مني: احسن يعم والله 
حمزه: انا هطلب اكل اجبلك معايا 
مني: انت شايف اي 
حمزه: لا مش بشوف 
مني: الحقوني يولاد هموت من الضحك وبصتله بقرف 
حمزه: بتتريقي طب مش هجبلك اكل يالا بقي 
مني بسرعه: لا يعم اسفين والله مش هقول حاجه تاني 
حمزه: ايوه كده ناس متجيش الا بالعين الحمره 
حمزه: امال مين اللي كان بيعملك اكل ف البيت مامتك 
مني: لا 
حمزه: باباكي طيب 
مني: لا ابن عمي هو اللي علطول كان بيعملي. الاكل كان كل يوم ييجي يصحيني ويجبلي الفطار لحد عندي 
حمزه حس بغيره بس مبينش: اه تمام 
طلبو اكل وقعدو ياكلو وكل واحد دخل الاوضه ينام 
الصبح مني فاقت اخدت هدومها وخشت اخدت شاور وطلعت لقت حمزه قاعد حزين راحت عشان تساله 
مني: مالك يحمزه انت كويس 
حمزه: ………… 
مني: في اي مش بترد لي 
حمزه قام من مكانه بعصبيه: وانتي مالك انتي بتدخلي ف حياتي لي انا جبتك هنا عشان اشفقت عليكي مش اكتر  ابعدي عني بقي وسابها وخرج ورزع الباب وراه 
مني عيطت جامد حست ان قلبها اتكسر من شخص قريب منها بس هو مش كده هي لسه عرفاه من يومين لكن القلب وما يريد 
مني دخلت لمت هدومها واتصلت ع امينه وخدت منها العنوان ومشت راحت ليها وكتبتله رساله وحطيتها ليه عنده ف الاوضه عشان يشوفها لما ييجي 
حمزه راح المقابر يشوف ابوه قرائله الفاتحة 
حمزه: وحشتني اوي يبابا الحياه بعدك بقت وحشه اوي روحت وراحت ضحكتي وامالي كلها معاك بس من يومين بقت الضحكه مرسومه ع وشي بقي قلبي فرحان اول ما قابلتها ضحكتها بتطمني اوي وعيونها بتديلي امل… بس انا جرحتها زعقت فيها عيونها اللي كان باين فيهم الفرح اتقلب لحزن انا غلطت ف حقها وهي معملتش حاجه غير انها اهتمت بيا وخلتني لاول مره اضحك من قلبي تفتكر ممكن تسامحني 
فضل حمزه يدعي لابوه ويتكلم معاه ووعده انه هيلاقي مين اللي قتله وانه هينتقم منه لحد اما الليل جيه رجع البيت وهو حاطط ف دماغه ان هو يصالحها دخل لقي البيت هادي جدا دخل ع اوضتها ملقهاش.. فضل ينادي لكن مفيش رد عرف ان هي مشت راحت عند نينتها بس هو ميعرفش عنوان نينتها عشان يروح ليها 
دخل يغير هدومه لقي ورقه ع السرير خدها وقراءها: ( انا اسفه اني سالتك مالك بس لما شوفتك زعلان متحملتش اشوفك كده جيت اسالك يمكن كنت اخفف عنك بس للاسف انتي مسبتليش حاجه اقولها حتي… شكرا ع المعاملة دي… وشكرا ع انك استضفتني ف بيتك عشان اشفقت عليا بس انا مكنتش محتاجه منك شفقه… في رعاية الله)  حمزه حس بالذنب هي ملهاش ذنب ف كده من كتر التفكير نام 
راحت مني بيت نينتها ورتبت حاجتها وصلت وراحت لامينه 
امينه: مالك يمني شكلك تعبانه وزعلانه 
مني: ها….لا انا بس تعبانه من الطريق وكده 
امينه: طيب هتروحي شغلك امتي 
مني: هبدء من بكره ادعيلي ربنا يوفقها معايا ينينه 
امينه: ربنا معاكي يبنتي ويصلح حالك ومتحتجيش عمك ولا اي حد من العيله الوسخه بتاعتك دي لمؤاخذه يبنتي 
مني: لا عادي ينينه انتي مش بتقولي حاجه غلط… هخش انام بقي عشان هقوم بدري للشغل 
امينه ؛ ماش يحببتي تصبحي على خير 
مني: ونتي من اهله 
دخلت مني قعدت ع السرير وفضلت تفكر ف كل لحظاتها مع حمزه ولما فضل معاها لما تعبت وحلمت باحلام وحشه 
Flash Back 
مني نايمه بتهلوس وبتحلم بحلم مش حلو قعدت تصرخ 
حمزه كان نايم قام ع صوت صويتها وراحلها 
مني بصريخ : لا… لا متعملش فيه حاجه… لا انا بحبه.. سيبه 
حمزه فضل يطبطب عليها عشان تصحي لكن مش عايزه تصحي  حط ايده ع راسها لقاها سخنه اوي وبترتعش 
شالها من ع السرير ووداها ف البانيو وفتح عليها المياه السقعه عشان تفوق 
مني بدءت تفوق الميه كانت سقعه اوي 
مني بصوت بيرتعش: اقف…..ف…. اقفلها 
نشف وشها وشعرها وخدها ع اوضه 
حمزه: مني هتقدري تغيري هدومك
مني: ااااه اطلع بس ثانيه 
طلع حمزه وفضل مستنيها وفجاه سمع صوت رزع ع الارض فتح الباب دخل لقي مني وقعاه ع الارض كانت لبست البجامه بس نست تقفل الجاكت دخل حمزه وشالها حطها ع السرير وهو بيتجنب يبصلها قفل ليها الجاكت وغطاها كويس وفضل نايم جمبها خايف عليها 
Back 
مني فضلت تفتكر ف ذكرياتهم لحد اما نامت 
الصبح…….. 
قامت مني دخلت اخدت شاور وصلت ولبست ونزلت عشان تروح الشركه 
امينه: تعالي يمني افطري قبل ما تنزلي 
مني: معلش متاخره هبقي افطر هناك وباستها ومشت 
قام حمزه لبس بدلته ونزل ركب عربيته وراح الشركه ورجع حمزه ادهم… المغرور القاسي اللي مكشر علطول 
دخل حمزه الشركه وباين ان هو متعصب دخل اوضته ونادي ع السكرتيره 
ليلي: ايوه يا حمزه بيه 
حمزه بعصبيه: فين المصممه الجديده 
ليلي: ايوه…. هي 
حمزه: هي.. اي 
ليلي: هي زمانها جايه اصل لسه اول يوم ليها ممكن تكون لسه مش عارفه القواعد 
حمزه: طيب اخرجي ولما تيجي ابعتيها 
ليلي: حاضر 
طلعت ليلي لقت المصممه جت 
ليلي: خشي بسرعه المدير عايزك 
دخلت لقت حمزه قاعد ع الكرسي وضهره ليها 
ليلي:  المصممه جت 
حمزه: اتفضلي انتي يا ليلي 
ليلي: حاضر 
حمزه: اول حاجه لازم تتعلميها هنا ان مبحبش التاخير يعني تبقي هنا قبل ما انا اجي يعني مش انا اللي اجي واستناكي وبيلف عشان يشوفها 
حمزه بصدمه: انتي…. 
يتبع..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت مريض منفصم للكاتبة مريم سمير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى