Uncategorized

رواية أقتحمت قلبي حورية الفصل الثالث 3 بقلم هاجر أحمد

                                            رواية أقتحمت قلبي حورية  الفصل الثالث 3 بقلم هاجر أحمد 

رواية أقتحمت قلبي حورية  الفصل الثالث 3 بقلم هاجر أحمد

 رواية أقتحمت قلبي حورية  الفصل الثالث 3 بقلم هاجر أحمد 

رعد راح على قصر السيوفي واول مدخل داده عائشه رحبت بيه ترحيب حافل
عائشه: حمدلله على السلامه يا رعد بيه
رعد: وبعدين معاكي يا داده انا مش قولتلك مليون مره بلاش بيه دي
????
الفصل الثالث
ده حتي انتي اللى مربيني، عمرك شوفتي ام بتقول لابنها يا بيه
عائشه: ربنا يراضيك ويفرح قلبك يا ابني
رعد: ايوه كده،طمنيني عنك بتبعي مع الدكتور زي مقولتلك ولا مروحتيش من اخر مره روحت معاكي
عائشه: لا والله يا ابني متابعه وجاسر ونور متبعين معايا كل حاجه بنظام
رعد: عال اوي لو كانو عملو غير كده كنت علقتهملك علي باب الفيلا
عائشه: ربنا يخليكو ليا وميحرمنيش منكو ابدا
رعد: ويخليكي لينا يا داده،هي ماما فين
عائشه: بترتاح فى اوضتها
رعد بقلق: هي تعبانه او فيها حاجه
عائشه: لا يا ابني هي كويسه بس هي بتحب ترتاح في نص اليوم كده
رعد: طمنتيني،طب انا هطلع اشوفها وبعدين ارتاح شويه
عائشه: هحضرلك الاكل تاكل وتنام
رعد: ياريت يا داده ده انا هموت من الجوع
عائشه: دقايق وكل حاجه تبقا جاهزه يحبيبي
رعد: عن اذنك هطلع ل ماما اشوفها
عائشه: اتفضل يا ابني
طلع رعد عند باب اوضته مامته وخبط طق طق
ميرفت: ادخلي يا داده
رعد: بس انا مش الداده
ميرفت بفرحه: رعد يحبيبي حمدلله على سلامتك وحشتني اوي اوي يحبيبي
رعد حضنها: وانتي وحشتيني اوي يا امي
ميرفت بدموع: وحشتك ايه انا لووحشتك صح كنت كلمتني على الاقل فى التلفون طمنتني عليك
رعد: يا ماما يا حبيبتي منتي عارفه ظروف شغلى مكنش ينفع يا ماما
ميرفت: مش مهم كل ده دلوقت المهم انك رجعتلي بالسلامه وشوفتك
رعد: الله يسلمك يا حبيبتي طمنيني عنك وعن صحتك
ميرفت: الحمدلله يحبيبي بقيت احسن كتير
رعد: اخبار الضغط والسكر ايه
ميرفت: متقلقش والله يحبيبي انا كويسه وماشيه على تعليمات الدكتور بالحرف
رعد: ايوه كده طمنتيني،يلا كملي نوم
ميرفت: لا نوم ايه انا عوزه اقعود معاك
رعد:
لا نامي وارتاحي وانا كمان هغير هدوم علي بال ما داده عائشه تحضرلى اكل
وهاكل وانام ارتاحي ومتقلقيش انا قاعد معاكي تلات شهور بحالهم
ميرفت بفرحه: بجد يعني مش هتسافر
رعد: مش هسافر متقلقيش
ميرفت: ماشي يا حبيبي
رعد: يلا نامي اشوفك بليل، عن اذنك
ميرفت: اتفضل يا حبيبي
فى بيت عم محمود الجرس بيرن ترن ترن
سندس بصوت عالى: الهي يجيلك تسلخات فى صباعك يلي معلق صبعك على الجرس جااايه اهوو
معاذ: مش هتبطلى طوله لسانك دي يا بت
سندس بفرحه: عااااا ميزو حبيبي وحشتني اوي
معاذ حضنها: انتي اكتر يا قلب ميزو
سندس بصوت عالى: يا ماما يا ماما معاذ رجع يا ماما
سميه بفرحه: معاذ يحبيبي حمدلله على سلامتك يا قلب امك
معاذ: وحشتيني اوي يا ماما
سميه: انت اكتر يا قلب امك
سندس بمرح: طب نكمل مسلسل سنوات الضايع ده جوه بدل محنا وقفين على الباب كده
معاذ: ادخلي يا لمضه
سندس: انا ده انا بريه
سميه: اووووي
معاذ ضحك: هههههه شهد شاهد من اهلها
سندس: اه يا مظلومه ياني
معاذ: بس يابت،اومال بابا وحور فين
سميه: فى شغلهم
معاذ: يوووه لسه فى شغلهم دول وحشوني اوي
سندس: كلها كام ساعه ويجو المهم جبتلي ايه معاك
معاذ بمرح: سندس يحبيبتي انا كنت فى الصعيد مش فى دبي يعني يوم مجبلك حاجه معايا اجبلك ملوحه،ملوخيه،جبنه قديمه كده يعني
سندس: ملوحه وملوخيه،الهي كنت انشليت في لساني قبل مسالك كتك القرف
معاذ ضحك: هههههه هتفضلي فقريه كده مش ناويه تعقلي
سميه: سيبك منها دي مجنونه
سندس بصوت عالى: هي مين دي اللى مجنونه ده انا ست العقالين
معاذ: حصل وعلي ياااادي
سميه: ادخل خد دش وارتاح شويه يا حبيبي
معاذ: اه والله يا ماما ده انا هلكان وهموت وانام
سميه: بعد الشر عليك متقولش كده
سندس: اه مهو ده الحيله
معاذ: اعطيلو خمسه
سميه: بس بقا يا بت سيبي اخوكي يرتاح
سندس: ادخل ارتاح يبتاع الملوحه والملوخيه انت
معاذ: ماشي يا سندس الكلب افوقلك بس،هنام شويه و لما بابا و حور يجو صحوني
سميه: حاضر يا حبيبي
نرجع قصر السيوفي عند رعد
عائشه: هحوطلك الاكل فى الجنينه عشان نفسك تفتح على الاكل
رعد: تسلم ايدك يا ست الكل هستناكي فى الجنينه
عائشه: ماشي يا حبيبي
خرج
رعد الجنينه وقاعد على كرسي قدام حمام السباحه وسند راسه وغمض عينه واول
حاجه جت فى خياله كانت صوره حور،رعد فتح عينه بسرعه واستغرب
رعد فى
نفسه: ايه ده في ايه،هي جت فى بالي ليه،حاجه غريبه اوي،بس البنت دي مميزه
جدا بجمالها الطبيعي وحجبها اللي مزودها جمال،مفيش منها دلوقتي،اووووف انا
مش ناقص وجع دماغ وتفكير
فاق رعد على صوت داده عائشه
عائشه: اكلك جاهز يا ابني
رعد: تسلم ايدك يا داده
عائشه: الله يسلمك يا حبيبي
رعد:داده انا هاكل واطلع انام متخليش حد يصحيني
عائشه: حاضر
اكل رعد وطلع نام واليوم كان طبيعي جدا بلنسبه ل حور بس هيحصل اللى هيغير يومها بالكامل..

يتبع ….

لقراءة الفصل الرابع : اضغط هنا

                                                           لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى