رواية ملجئي الفصل الثالث 3 بقلم نانسي محمد
 |
| رواية ملجئي الفصل الثالث 3 بقلم نانسي محمد |
رواية ملجئي الفصل الثالث 3 بقلم نانسي محمد
-في ايييه في ايه يابحر مالك ياسليم
=عايز يضربني هو مفيش قانون في البلد دي ولا ايييه انا ليا حقوق
-ااااه بطني حقوووق دا انا هكسرك انتي وحقوقك حطتلي سم يانانا في القهوه الحقوني
ميلت علي ست امينه وانا كاتمه الضحكه
=والله ما سم دا دوا بيجيب مغص
ضحكت وبعدها سكتت عالطول افتكرنا انه واقف
-سم ايه بس ياسليم يعني هتودي نفسها في داهيه
=وعلشان مين علشانك!
-ااااه…قصدك اي يامتخلفه انتي
=لو سمحت بدون تعدي لحدودك معايا انا رايحه اكمل الغدا بعد اذنكم
روحت اكمل الغدا وانا ميته ضحك علي منظره وهو ماسك بطنه وبيتنطط مش هتيجي غير بالعين الحمرا
-لا بس حلوه
=هاااا بسم الله الرحمن الرحيم انت بتطلع منين
-اممم انت!
=هي ايه اللي حلوه
-حركه المغص لا عجبتني بس حركتي بقا هتعجبك اكتر
غمزلي وبعدها اداني ضهره وخرج! احيه! دا حركاته غبيه والله شبه وهيقتل عالطول مش لسه هيعمل حركات
-خلصتي الاكل يابحر
=اه ياست امينه عشر دقايق ويكون علي السفره
-هتنادي سليم؟
=هناديه بس لو جرالي حاجه اعرفوا اني كنت بحبكم وعايزه اكمل دراستي اهئ اععععع
-يابت بطلي لماضه واطلعي
=ايده تقيله اوي ياباشا
ضحكنا انا وهي وبعدها قولت علقه تفوت ولا حد يموت بقاااا وقفت قدام اوضته خدت نفس طويل لسه هخبط فتح الباب ابتسمت ابتسامه عبيطه تحس ان عندي تخلف كددي =الغدا
-حاضر
=ماشي ب…ايه! حاضر! بس كدا!
-ايوا طبعا حاضر من عيوني
=هتقتلني الساعه كام؟؟؟
-ليه بس يابحر؟
=بحر؟
هو الدوا اثر علي مخه ولا ايه دا مش هيموتني موته طبيعيه ابدا
=ست امينه
-اي
=قالي يابحر!
-ما انتي بحر ؟
=لا انا هنا اسمي زفته ازاي يقول بحر عادي؟
-ههههههههه يابنتي مش هتبطلي بقا يمكن ابتدا يتغير
=طب والله ماحصل حساه بيظبطلي موته وحشه سيكا….يلا انا هروح اجيب الاكل
وقفت في المطبخ جبت الاكل وخرجته علي السفره وطلعت الاوضه بتاعتي لقيت سليم بيزعق وينادي عليا
=ايوا نعم
-كل دا ملح في الاكل ؟
-ايوا يابنتي الاكل مالح اوي فعلا
=ازاي يعني انا مظبطاه
دوقت الاكل كأن محطوط عليه برميل ملح بس انا دوقته قبل ما احطه……ااااه ياسليم ال*
=انت اللي عملت كدا؟
-حضرتك ودا اولا ثانيا انا ههزر معاكي انتي؟
ايوا كدا سليم قليل الزوق رجع الحمدلله
-وبعدين هحط ملح في الاكل اللي انا هاكله ليه يعني مجنون مثلا
=مثلا
-افندم
-طيب يابحر حاولي تعملي حاجه تانيه بسرعه
-لا استني هتاكلي الطبق دا
=نعم
-بتقول ايه يابني
-زي ماسمعتوا هتاكله علشان تتعلم ماتبوظش الاكل ياتاكله ياتمشي
مسكت الطبق واتاكدت انه بسببه وابتديت اكل الي في الطبق وانا خلاص بموت جريت علي الحمام غسلت وشي وطلعت لقيته واقف
-خير مالك لاتكوني تعبانه؟
=حلوه
-عجبتك؟
=جدا
-ماهو باين علي وشك يلا تصبحي علي خير
سابني واقفه بدبدب في الارض والله ياسليم ماهعديها بس ماشي يا انا يا انت في الفيلا دي
=صباح الخير ياست امينه
-بقولك يابحر بلاش ست امينه دي خليها نانا زي سليم
=ازاي بس مايصحش
-انا اللي بطلب منك دا يابنتي
=عنيا يانانا
-حبيبه نانا والله..ها بقا عايزه ايه
=استأذنك بس انزل الكورس ساعتين وهرجع
-انا ماشي يانانا عايزه حاجه
-وصل بحر في طريقك انا بعت حسين يجيب طلبات للبيت
-نعم؟
=ملوش لزوم يانانا
-نعم ياختي؟ نانا؟ ودا من امتي؟
=من دلوقتي هل دا مضايق حضرتك؟
-ويضايقني ليه ما تولعي
-سليم عيب…وانا اللي بطلب منك انك توصلها فاهم
-اتفضلي ياختي قدامي اتفضلي
=لو احتاجتي اي حاجه رني عليا اتفقنا
-اتفقنا
مشيت وراه وهو عمال ينفخ كل شويه عصبي بس مسمسم اي اللي بقوله دا
-اتفضلي اتهببي اركبي ولا محتاجه عزومه
=هو انت بتعاملني كدا ليه
-بقولك اي اركبي مش ناقص وش
ركبت في الكرسي اللي جمبه وهو ساق العربيه وفضلنا ساكتين طول الطريق لحد ماوصلت
-اتفضلي انزلي وماتاخديش علي كدا انا مش السواق بتاعك
فتحت الباب ونزلت وهبدته جامد
=انت تطول تبقا السواق بتاعي ياعم انت
-اييييه؟ عم انت
فتح باب العربيه ونزل منه وجه قرب نحيتي كنت انا خدت تلت خطوات للطريق وفي عربيه جايه بسرعه فاقده السيطره هتخبطه
=حاااسب ياسلييييم حاااسب
زقيته وقع علي الارض والعربيه خبطت فيا انا ووقعت علي الارض مش داريه ب اي حاجه حواليا……
يتبع..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية عشق أولاد القناوي للكاتبة شهد رفعت.
