اسكريبت حتى النهاية الفصل الثالث 3 بقلم بسملة محمد
 |
| اسكريبت حتى النهاية الفصل الثالث 3 بقلم بسملة محمد |
اسكريبت حتى النهاية الفصل الثالث 3 بقلم بسملة محمد
دخل ياخد شاور وانا قومت اروق البيت سمعت صوت تليفون بيرن والصوت كان جاي من أوضة مالك قولت اكيد مالك سمع الصوت بس الموبايل فضل يرن لحد ما قفل وبعدين رن تاني دخلت الاوضة عشان اشوف الموبايل بس ملحقتوش وقفل وبعدها بثواني جاتله رسالة ع الواتس اتصدمت لما شوفتها….كانت رسالة من واحدة اسمها سيلينا وبعتاله وحشتني يا بيبي!! الحمار المتهور ده بقى بيبي!!”
مالك:بتعملي ايه.. ايه ده مش دا تليفوني
ملك:خد تليفونك يا بتاع سيلينا
مالك:هي وصلت لسيلينا كمان وبعدين انتي مين قالك تفتحي موبايلي هاتي كدة
ملك:طب ما توريني صورتها طب
مالك:بقولك ايه ابعدي عني كدة بقي
ملك:دي بتقولك يا بيبي ده منظر بيبي؟
مالك:ليه هو انا مش حلو
ملك:عايز الصراحة؟لو ماكنتش اخويا كنت اتجوزتك يا اخي
مالك:طب وسعي بقى عشان ارد عليها
ملك وهي بتشد الموبايل منه:هشوف صورتها الاول
مالك:بت هاتي الموبايل ده
ملك:استنى بقى يارخم
“بتفتح ملك صورة سيلينا ع الواتس بتلاقي بنت شعرها اصفر قصير لابسة فستان احمر طويل”
ملك:كل دي كوباية كركادية
مالك:كركادية!!
ملك:عرفت القمر دي منين يالا
مالك:يالا!! انتي عبيطة يابت
ملك:طب انت بتحبها طب ولا ايه
مالك:يابنتي احنا صحاب عادي
ملك:اوماااال.. يعني فيه صحاب يقولوا لبعض يا بيبي ويا عيوني والقرف ده
مالك:بقولك ايه اطلعي برا عايز انام
ملك:طب تصبح على خير يا بتاع سيلينا
مالك بيحدف عليها المخدة:غوري بقي
___________________تاني يوم_______________
مالك:صباح الخير
ملك:صباح النور… انا جهزتلك الفطار همشي انا بقي
مالك:خدي هنا راحة فين وانتي قمر كدة
ملك:راحة الكلية
مالك:طب استني اوصلك
ملك:انت عندك عربية ولا هتوصلني على عجلة
مالك:تصدقي فكرة حلوة نبقى نشوف حوار العجلة لما نرجع
ملك:شكلنا هنروح مشي والله
دي عربيتك ولا سارقها
مالك:انتي هتجيبيلي مصيبة
ملك:يبقى اكيد بتتاجر في السلاح عشان يبقى عندك عربية زي دي ياسطا
مالك بتوتر:ها سلاح ايه بس يخربيتك امشي قدامي هتفضحينا
“ركبنا العربية وطول الطريق واحنا ساكتين ومالك كان كل شوية يبص في مرايا العربية لحد ما وصلنا”
مالك:لما تخلصي اتصلي بيا هاجي اخدك ومتقفيش مع حد ولا تكلمي حد تنزلي من العربية ع المحاضرة على طول وتخرجي من المحاضرة ترني عليا فاهمة
ملك:حاضر حاضر
“دخلت الكلية لقيت امنية في وشي”
امنية:بت هو ده اخوكي
ملك:اه ياختي هو بتاع سيلينا
امنية:سيلينا مين يابت
ملك:لا ده موضوع في غاية الخطورة وعايزله اتنين شاورما وبيبسي يا رايق
امنية:طب تعالي ياختي
“قعدنا في الكافية وحكتلها كل حاجة من ساعة ما مالك جه لحد دلوقتي”
امنية:يعني طلع مرتبط
ملك:هو ده اللي فارق معاكي يا امنية يعني بقولك انا مش مطمنة وحاسة ان فيه حاجة غلط وانتي بتقولي ايه
امنية:ملك انتي بومة ليه بجد
ملك:طب ياختي نلحق المحاضرة بدل ما نتطرد زي كل مرة
______________في مكان اخر______________
مالك:انت مخوني ياباشا باعت رجالتك ورايا انا واختي
ادهم:بصي يا مالك احنا مش بنبيع بصل عشان اثق فيك احنا مافيا يا مالك وشغلنا ده مفيهوش ثقة
مالك:ماشي يا باشا بس محدش ليه دعوة ب اختي
أدهم بأبتسامة:وانا موافق
_________________عند ملك_________________
امنية:مش هتروحي ولا ايه
ملك:لا انا مستنية مالك هييجي ياخدني
امنية:طب تمام انا همشي بقى سلام
ملك:سلام
“فضلت واقفة شوية مستنية مالك لحد ما تليفوني رن وكان رقم غريب”
ملك:الو
مجهول:الو
ملك:مين معايا
مجهول:مش عارفني يا بنتي
ملك:بنتك!
سليم:انا ابوكي يا ملك
ملك:يااه لسة فاكر ان عندك بنت
سليم:متبقيش قاسية يابنتي انا محتاجلك
ملك:محتاجلي!!ويا ترى عايز مني ايه بقي
سليم:ملك تعالي أمريكا وعيشي معايا يا بنتي انا مش عارف اعيش لوحدي من ساعة ما اخوكي مالك مات
ملك:انت بتقول ايه اخويا مين اللي مات
سليم:دي الحقيقة يا بنتي اخوكي مالك مات في حادثة من ٣ سنين…
ملك:…..
يتبع…..
لقراءة الفصل الرابع : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية حين التقينا للكاتبة شيماء جمعة
