رواية مهمة أنثى الفصل الثالث 3 بقلم آية محمد
 |
| رواية مهمة أنثى الفصل الثالث 3 بقلم آية محمد |
رواية مهمة أنثى الفصل الثالث 3 بقلم آية محمد
“لقيته بيقرب مني اكتر من الاول ويقول..”
_وانا كمان.
“فضلت ببعد عنه كل ما يقرب مني..”
=انتَ
انتَ اي؟
و بتقرب كدا ليه يا محمد!
_عايز حق تعب السنين اللي فاتت يا حورية.
=يعني عايز اي؟
_مش كتير عليا اني أشيل اسم مرات أبن عمي ، انا الحمد لله مبحبش الطمع و بكره زي عيوني.
=مفهمتش عايز اي من الاخر؟
_عايزاكِ انتِ
انا مستعد أتكلف بخروج جوزكِ و أخرجه زي شَعره من العجين من القضية.
=المقابل هيكون اي؟
_ تطلقي منه و انا هحطكِ جوا عيوني الاتنين ، محدش هيقدركِ غيري يا حورية ولا هيعرف قيمتكِ غيري.
=انتَ حيوان حقيقي عمري ما شوفت حد يعمل مع ابنه زي ما انتَ بتعمل كدا دا الحيوان عنده شفقة عليكَ يا اخي حرام عليكَ.
ليه تعمل كدا!!
“لقيته ضحك ضحكة صفرا و مسك دراعي فجاة و كمل بِزعيق..”
_الحب الحب يا حورية يعمل اكتر من كدا ، انا كنت رايح أخطبكِ قبل ما نادر يفكر فيكِ حتي..
لكن نادر فجائني و لقيته قرأ الفاتحة ، لا و كمان يوم الخطوبة انا كنت بَغلي من جوا ، كانت جوايا نار محدش قادر يطفيها..
و يوم فرحكِ انتوا و بترقصوا مع بعض و هو ماسكَ ايدكِ قدامي ، حسيته أكنه بيغيظ فيا ، أكنه بيقولي اهي حورية أهي يا محمد خطفتها منكَ و بقيت ملكي انا..
و انتِ المفروض تبقي بتاعتي انا ، فاهمة يعني اي بتاعتي ي حورية ، بتاعتي انا و بس.
“قدرت أفلت دراعي منه بقوة و قولت..”
=ياخي سبني بقا سبني ، اي الحقد اللي متملكك دا كله
دا حتي نادر ابن عمك ، لحمكَ و دمكَ ازاي تعمل فيه كدا ازاي.
_علشان يستاهل هو اللي أخدكِ مني.
=وانا مبحبكش و لا عمري هفكر فيكَ اصلاً ، انتَ مجنون يا محمد مجنون.
_هتشوفي المجنون هيعمل اي علشانكِ، هتشوفي.
“قال جملته الاخيرة و سبني و مِشي ،
طلعت جري علي شقتي بدأت أعيط الدموع أتملكتني خلاص..
مسحتش دموعي و بدات أفكر ازاي هخرج نادر من المصيبة دي و محمد هيسبني ولا هيصعب الدنيا عليا اكتر ما هي صعبة كدا!!
ملقيتش حل غير اني البس هدومي و اروح لنادر يمكن يلاقي حل معايا..”
=لو سمحت ممكن أشوف نادر شريف عندكم هنا؟
_اسف بس مش مسموح بِزيارات انهاردة يا مدام.
=لا لا ارجوكَ اشوفه مرة واحدة بس هطمن عليه و أمشي صدقني.
5 دقايق هم 5 دقايق مش هطول صدقني مش هطول بس خليني اشوفه ارجوكَ.
_ماشي بس هم 5 دقايق ي بنتي متودنيش في داهية.
“قولت بِفرحة..” =حاضر حاضر والله.
_اتفضلي أقعدي هنا و انا هجبهولكِ.
=شكراً يا شويش.
“فضلت مستنية الباب يتفتح أكنه حبل نجاتي من الغرقان لغاية ما باب الاوضة اتفتح و جاي..”
“قولت بصوت مليان عياط..” =نادر
_حورية
“الموقف مكنش محتاج كلام ، كان محتاج حضن و بس..جريت علي حضنه ماانا مليش غيره يساعني ، هو ابويا و اخويا و كل ماليا حقيقي..”
=وحشتيني وحشتيني اوي اوي يا نادر .
_وانتِ كمان يا حورية وحشتيني اوي
المهم طمنيني عنكِ
=مش كويسة علشان انتَ مش في البيت معايا ، البيت ملهوش طعم و لا حَس من غيركَ.
_ نصيبي كدا الحمد لله.
اوعي تصدقي اني انا أسرق يا حورية اوعي.
=لا طبعاً يا نادر عمري ما هصدق ولا هفكر فيكَ كدا.
“ضَمني في حضنه اكتر و اتكلم قال..”
_بنت أصول من يومكِ يا حورية.
=انا جيالكَ علشان تقولي أتصرف ازاي
انا مش عارفة اعمل اي يا نادر مش عارفة اتصرف ازاي.
أقولكَ ع حاجة و متزعلش يا نادر.
“لقيته مسك أيديا و اتكلم..”
_طبعاً عمري ما هزعل منكِ ، في اي!
=ابن عمكَ طلع حقير حقير اوي يا نادر.
_عارف عارف يا حورية نص العيلة كدا.
=طيب اعمل اي انا مش عارفة اتصرف ازاي.
_بصي يا حورية انتِ مش هتعملي اي حاجة غير انكِ هتفتحي الصندوق.
=صندوق!
صندوق اي؟
_الصندوق اللي في شقة ابويا و امي هتروحي تجبيه من هناك و………..
يتبع……
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية امرأة بطعم الوجع للكاتبة أماني عنان
