نوفيلا أميرتي الفصل الثالث 3 بقلم ناهد جمال
 |
| نوفيلا أميرتي الفصل الثالث 3 بقلم ناهد جمال |
نوفيلا أميرتي الفصل الثالث 3 بقلم ناهد جمال
( غيره) ❤️????
أميرة *جه وقت الغدا وجرس الباب رن سمعته وانا في أوضتي.. كنت خلصت لبست وخرجت.. حقيقي حرصت اني اكون جميله بشكل مميز شويه.. وقد كان
خرجت وسلمت على عمتي وجوزها وساره.. انا بحب ساره فعلا وكونها اتخطبت ل أسر مقللش ابدا حبي لها… هي ملهاش علاقه…. ولا هو حقيقي… المشكله عندى انا…. دقيقه ودخل شاب أصغر من أسر ب سنتين…هو عُمر… ابن عمتو… شاب جميل وخلوق وبيحب الضحك وأنه يعيش مبسوط.. اتخرج من كليه حاسبات ومعلومات وبيشتغل حاليا… سلم عليهم وجه دوري سلمت عليه وهو قال :بصراحه انا مكنتش اعرف ان اسكندريه بتحلي كده
ابتسمت ورديت بمشاكسه لاني حقيقي بحب كلامه وهزارة :تؤ…احنا اللي حلوين من يومنا…. ضحك بصوت عالي شويه ومازال ماسك ايدي
أسر *
مكنتش منتبه لاي حاجه ولا لخروجها كنت بتكلم مع ساره بس لفت انتباهي صوت عُمر وهو بيضحك أتلفت ولقيته ماسك ايدها والاتنين بيضحكوا…. بصيت لها شكلها متغير عن امبارح كتير…. كانت لابسه فستان اسود واصل لأول ركبتها و فيه نقوش بسيطه حمراء وبكم…. و سايبه شعرها مفرود علي ظهرها واصل لوسطها تقريبا وميك اب بسيط لكن… روج احمر فاقع…. مغريه… مغريه بكل تفصيله فيها.. مخدتش بالي من ساره اللي بتكلمني عيني وحواسي كلها كانت مثبتة عليها هي وبس.. أتلفت لطريقة كلامها وضحكها مع عُمر… حسيت وكان في نار جوايا ونفسي سريع من كتر غضبي.. واللي زاد الطين بله زي ما بيقولوا.. عمتي لما قالت وهي بتضحك : انتي عارفه يا أميره انتي كنت واحشه عُمر اوي كان مبيبطلش سؤال عليكي ومصدقش لما قولتله الصبح انك رجعتي
ضغط علي أيدي بعصبيه وانا بردد في سري *واحشاه *.. اممم اما نشوف اخرتها…… سمعت صوت ساره اللي واضحة انها بتكلمني من مده
ساره : اي يا أسر… روحت فين بقالي كتير بكلمك
_ها… لا معاكي اهو يلا عشان الغدا.. واتجهنا للسفره قعدت أميره وقعد عُمر جنبها علي الكرسي بتاعي اللي كان دايما جنبها.. اتغاظت اكتر ولاقيتني بكل قله ذوق مش معهوده مني بقوله…”معلش يا عُمر بس ده الكرسي بتاعي وانا مش بعرف اقعد غير عليه”… كلهم بصولي باستغراب واحراج من الموقف.. وانا مهتمتش… لاقيت اميره بترد وكأنها بتحاول تشيل الحرج اللي وقع عليه وده ضايقني اكتر : خليك ياعُمر.. قامت من مكانها وبصيتلي “تعالي يا أسر اقعد مكاني”…. انا اه اتضايقت لاني كنت عاوز اكون جنبها بس اهو عالاقل مش هتكون جنبه.. قامت ولسوء حظي قعدت على الكرسي المقابل لعُمر من الجهة التانيه نظرا لأنه اللي فاضي… خدت نفس عميق وكأني بشجع نفسي اعدي الموضوع دة بقي….. مانتبهتش الا دلوقتي اني قاعد جنب ساره… وهنا فهمت أميره انها كمان عاوزاني اقعد جنبها مش عشان عُمر بس وبدأت ماما كل شويه تقولي حط لساره.. خلي ساره تاكل.. وده خلاني انشغلت معاها عن أميره وعُمر…. خلصنا الغدا وقعدنا في الريسبشن وبرضو قعدت اميره وجنبها عمر وانا وساره قدامهم والباقي قاعدين بيتكلموا وبدأت ساره تكلمني في مواضيع مختلفة ونجحت برضو انها تشغلني عنهم
*أميره
وقت الغدا كانت واخده مكاني… زمان كنت انا اللي ببقى مكانها… كان بيهتم ب أكلي انا.. اوقات حتي كان بيأكلني بأيده.. النهارده هي اللي خدت كل ده.. وده حقها… لدرجة اني يعتبر مأكلتش انا بس كنت يدوب بحرك الاكل ومعلقتين كلتهم بالعافيه.. وملاحظش… ودلوقتي قاعدين مع بعض وجنب بعض… وهي مكاني برضو…. ياااه علي الوجع اللي بيحس بيه الشخص واللي بيعشه قلبك… لما يكون متعلق ب حد وكان بيبني آحلآم ورديه معاه وفجأه تلاقي حد تانى مكانك. و لا ده قدام عينك كمان… نغز في قلبي بتوجع بطريقه بشعه يمكن لو كنت لوحدي كنت صرخت يمكن اهدي.. بس للأسف حتى ده مش قادره… دلوقتي.. فهمت ان مبقاش ينفع اكون هنا… هعذب نفسي عالفاضي….
“أميره”
كان صوته عالي شويه عشان يلفت انتباهي بس ملفتش انتباهي لوحدي لفت انتباه اسر كمان لما ساره قامت تساعد ام اسر في المطبخ كمساعده منها…
_ايوه يا عُمر
_ياه هو اسمي حلو كده!؟
ابتسمت ورديت:لا مش بس اسمك روحك احلي علي فكره وبتمني تفضل كده ومتغيركش الدنيا
_لالالا.. واحده واحده عليا اومال اصل اطب منك دلوقتى.. قالها بابتسامه ساحرة ومرح
_لا والله بتكلم جد… متخليش الايام تأثر عليك يا عُمر وتغيرك
_زي ما غيرتك… رد عليا وكانت نبرته بعيده تماما عن المرح
_انا!!!!! انا متغيرتش
_لا اتغيرتي يا أميره… اتغيرتي مبقتيش زي الاول ومش فاهم اي السبب
_مش قولتلك متخليش الايام تغيرك…
_والايام عملت اي معاكي غيرك كده.. بقيتي جد اوي… بتبتسمي بالعافيه… فين شقاوه اميره بتاعت زمان
_ابتسمت بمرارة ورديت : راحت.. زي حاجات كتير بتروح كنا متخيلين انها باقيه.. بقيت فاهمه وناضجه اكتر.. بقيت اللي المفروض اكونه
أسر*
من اول كلامهم قد اي حسيت اني عاوز اقوم انزل ضرب في عُمر لحد ما روحه تطلع في أيدي… أي السماجة اللي هو فيها دي.. وهي كمان قال روحك حلوه.. طلعت روحك يا شيخة.. لالا بعد الشر عليها.. طلعت روحه هو اه… بس لما كملوا كلام وسالها عن تغيرها وردت عليه سرحت فيها قد اي هي حزينه.. قد اي اتغيرت وبقت وكأنها واحده عجوز أو شايله هموم أكبر منها…. ألمني شكلها اووي.. تمنيت أن يكون متاح ليا زي زمان اني اقوم أخدها في حضني وتحكيلي اللي حصل معاها.. بس للأسف قالوا إن مبقاش ينفع
عُمر بيحاول يغير الموضوع :بس علي فكره انتي مكلتيش خالص هو انا سديت نفسك ولا اي
_لي بتقول كده
_عشان كنت قاعد قدامك… قالها بباسمه جميله
_لا ابدا بس مبقتش باكل كتير
_علي فكره واضح جدا.. انتي جسمك رفع عن الاول كتير
أسر *
هو انا لو قمت ضربته دلوقتي هيحصل حاجه لا والله ما هيحصل… هو مال أهله كلت ولا لا… بس هي فعلا مأكلتش؟ طب ازاي مخدتش بالي… بيقولها جسمك رفع… وهو يبص علي جسمها لي اصلا… غمض عينه وعصبيه الدنيا فيه.. بيحاول يضبط إنفعالاته… فتح عينه على كلام عمته :اي يا أميره يا حبيبتي مش ناويه بقي تفرحينا بيكي
*يادي النيله العيله دي جايه تموتني.. أي يفرحوا بيها دي.. تتجوز؟.. عند النقطة دي حسيت بجسمي كله بيتنفض واني تكه كمان وهنفجر.. تمتمت في سري ينعل***** دي قاعده
أميره :لسه يا عمتو النصيب مجاش
عمتو:طب اي رايك لو في عريس متقدملك
*هنا ومقدرتش امسك اعصابي لاقيت نفسي برد بعصبيه مبالغه وصوت عالي نوع ما ناتج عن انفجاري
_ما خلاص يا عمتو قالتلك لسه النصيب مجاش…. محسيتش بنفسي غير لما لاقيتهم بيبصوا لي باستغراب… تنحنحت وهديت شويه ورديت وانا مش لاقي حاجه اقولها :ق.. قصدي يعني.. ان..انقذي تليفوني لما رن كان طوق نجاتي اخدته وقمت واستاذنت ارد…. طلعت البلكونه وقفلت الموبايل واتنفست بعد ما حسيت اني هتخنق.. دخلت بعدها بعشر دقايق وسمعت أميره بتقول :لا ياعُمر انا اسفه مش هينفع
ساره :لي بس يا أميره ده الفيلم يجنن خلينا نروح نقضي وقت
فهمت انهم بيتكلموا علي خروجه سينما قعدت بهدوء
أميره :ايوه بس انتوا بتقولوا انه هيتعرض بكره من ٦ ل ٩
عُمر: ايوه
أميره :مهو للاسف مش هبقي هنا عشان مسافره
عمتو :مسافره؟ فين
أميرة بهدوء بعد ما خدت قرارها :راجعه اسكندريه.. هستقر هناك انا وماما وهشتغل مع جوز خالتي
أسر اتنفض بعصبيه ورد بصوت عالي فزع الكل حتى أميره :ده عند أمك
يتبع…..
لقراءة الفصل الرابع : اضغط هنا
لقراءة باقي فصول النوفيلا : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم
