رواية اشواك العشق الفصل الخامس 5 بقلم سندس محمد
رواية اشواك العشق الجزء الخامس
رواية اشواك العشق البارت الخامس
رواية اشواك العشق الحلقة الخامسة
روان بزعيق: لا يا ياسين بابا ميعملش كده انت ممكن تكون فهمت غلط
ياسين بعصبيه: اه فهمت غلط روان انتي مش فاهمه حاجه
روان وقفت قدامه بتحدي: لا يا ياسين انا بقولك بابا ميعملش كده
ياسين بحزم: تمام خليكي كده لحد الاخر تمام
روان بدموع: انا مش عايزه اصدق يا ياسين انا خايفه اصدق انت مش متخيل انا حاسه بأيه انا قلبي وجعني اوي ياسين
ياسين بصلها بدموع: وانا شوفت كل حاجه بعيني ياروان انا ادمرت فاهمه يعني ايه اشوف ابويا واختي بيموتوا قدام عيني وانا مش قادر اعمل حاجه
روان غمضت عنيها وهي مش قادره تتخيل حتى
قالها بهدوء: جهزي نفسك عشان هنسافر عند اهلي
عند عائلة ياسين
دخلت اعتماد اوضة فاطمه اختها ولقتها زي ماهي ولا بتتحرك ولا بتعمل اي حركه قالتها بدموع: حرام عليكي يافاطمه انت متعبتيش من رقدتك دي طب قوليلي يافاطمه ايه اللي عمل فيكي كده ياحبيبتي يافاطمه طب مش انا اعتماد اختك حبيبتك ردي عليا ياحبيبتي بقى وانا هعملك كل اللي انتي عايزهه بس متعمليش فيا كده انا خايفه اموت قبل مسمعك بتتكلمي تاني يافاطمه
وبردو مفيش رد…بصتلها بحزن وخرجت من الاوضه
عند ياسين
ياسين بهدوء: يلا ياروان روان بصتله بخوف ومشيت معاه هي خايفه من مقابلة اهله اتنهدت بتوتر وسكتت… ركبوا العربيه وطول الطريق ساكتين…. وبعد مده وصلوا قدام القصر
هما دخلوا والسواق شال الشنط ودخلها وراهم
ياسين اول مادخل القصر ابتسم بفرحه وقال: السلام عليكم يا اهل البيت
اعتماد بصتله وهي مش مصدقه عنيها: ياسين اه
ياسين خدها في حضنه وباس رأسها بحب وقال: عامله ايه ياست الكل
اعتماد بدموع: الحمدلله ياحبيبي انت عامل ايه
ياسين بحب: الحمدلله ياقلبي
اعتماد خدت بالها من روان وقبل ماتتكلم لقت تمارا وتميم جريوا على ياسين بفرحه
تمارا بفرحه: باباااا
روان بصتله بصدمه شديده: انت متجوز يا ياسين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اشواك العشق)
